十二味功夫 (已結業)

有時想食辣野都會諗起呢間十二味，坐得舒服，食物都唔錯！因為好肚餓、叫左姐姐多飯，真係好多⭐️酸梅湯⭐️午市$68一大碗酸菜魚好吸引，可以同台share食。魚既肉質嫩滑，而且份量合理。成碟食到有兩至三條細魚骨，可以接受。就算叫左辣既酸菜魚都唔會好辣，但偷聽到旁邊既外籍人士食到流曬鼻水。味道比剛開張既時候啖，鍾意重口味既人士可能會有少少失望。酸菜充足，個湯底都好香，值得一試。⭐️泡椒嫩牛肉⭐️午市$62擺碟好靚，牛肉份量多，萵筍好入味。望落好多辣椒，其實食落唔辣。好有鑊氣，上碟時仲出緊煙，張相都影到啲煙。餸既份量好多，都係可以share食，餸飯一流。牛肉煮到好林好滑，而且入味又冇筋。萵筍同木耳夠爽口，同牛肉既口味做成對比。⭐️酸梅湯及前菜⭐️跟餐第一啖飲落酸梅湯有少少中藥味（？）可能係我平時都唔係好鍾意飲。不過佢跟餐仲可以揀菊花蜜，應該會安全啲，或者加錢配其他野飲。前菜係醃土豆絲，酸酸甜甜好開胃。少少凍，好適合夏天食。⭐️紅糖糍粑⭐️$48每次黎都會食。超脆既外皮包住煙韌既糯米糍，內層口感飲年糕。味道主要係外層沾滿既黃豆粉同紅糖醬。食完會再想食多一碟

在香港吃酸菜魚，呢間十二味很ok! 因為我喜愛佢湯底落了我至愛萵苣菜，每次吃都很好味，湯底夠味，魚塊又多，成盤魚足足有33cm 大！今次點了夫妻肺片及川椒雞！很入味，有麻辣味，又未至於去到渝味曉宇之麻辣個種勁，川椒雞好配飯，㕑司有心機細緻將靑椒及蓮藕及雞切到細細粒然後爆炒，所以很入味，其他已吃過的也推介炒萵苣絲，麻婆豆腐，回鍋肉及甜品一定要吃紅糖糍粑！呢間值得推介，因為我去過其他的酸菜魚真是不太好吃....不是湯底不濃就是舖很多菊花瓣扮作老壇酸菜魚！在國內吃差不多任何一間也能吃到好味酸菜魚又平$$，差在你點是什麼魚類，不過在香港，好吃的也要二百幾起才能吃到！

今晚大約七點左右叫了外賣自取。一共四個餸其中一味魚香茄子。返到屋企食，一入口已經又酸又醙，係未試過個種酸味。已經即刻打電話去。個接聽電話阿姐一接聽已經唔好聲氣，不斷重複咁話魚香茄子係酸既。一聽已經即刻o曬嘴，佢真係當我未食過魚香茄子。其實如果唔係咁唔好食我先會打電話，你估我真係冇嘢做好得閒？不斷以為我揾著數。最後佢叫我返去退，不過之後立刻收線。係即刻收線。今次真係一肚氣，以後咪洗旨意再幫襯。野食有幾好食都冇用。。。

Enjoyed a satisfying weekday lunch set here.Service was quick and efficient which are both important for a lunch break with limited time.Sat down as soon as they opened and picked Set A: Dried Hot pot with vegetable and Set D: Boiled fish with pickled cabbage.Each set includes a side dish and a drink.

又係被餐廳傳出嚟嘅麻香味吸引左黎呢到。 曾經住過喺四川一年， 都算知道咩係真正嘅川菜。 果日終於決定黎呢到試下佢地個lunch set.....呢到最令我回味嘅係佢碗飯，果個味道係回憶呀。我同老公叫左個麻辣香鍋，同回鍋肉，應該係即叫即整。兩個都有好多唔同嘅材料，個香鍋最起碼有5-6種材料，味道好唔錯，一個人食好夠。個回鍋肉都ok, 都係好多材料。$58 包飲品同前菜。 以呢間餐廳嘅裝修同座位嘅舒適度來講， 呢個價錢係好抵。 推薦👍🏻👍🏻👍🏻👍🏻

本人一向同黃埔都唔係好拉得到關係, 無他嘅, 唔係響果邊工作, 都唔係果邊居住, 而且果邊都唔係購物區, 所以去果邊嘅次數少之有少, 不過咁岩今日去黃埔影相, 咁影相之前就去左搵餐廳食野, 原來附近都有唔少餐廳喎, 咁我就睇門面見到最吸引又算寬敞嘅試下啦, 就去左呢間十二味功夫啦, 咁佢地規模唔細嫁, 都有1x 間分店, 我就食過尖沙咀同旺角, 黃埔呢間第一次食呢個午市餐牌, 價錢比一般茶記貴dd, 但出品嘅食物又的確精彩, 有神氣一點每個午餐都會送嘅前菜(!?), 其實就係蠶豆黎, 炸到非常香脆, 外衣脆卜卜, 芯有咸香, 如果配酒食效果應該幾好, 但食飯就有少少古怪, 可能係隨機吧呢個係唔辣嘅酸菜魚, 份量十足, 睇見個湯同碗飯嘅比例都知道抵食啦裏面有魚片, 酸菜, 萵筍, 蒜頭等等, 蒜頭已爆香嘅情況下淋上酸菜魚, 所以不論湯還是魚都滿滿蒜頭嘅香味, 酸菜比平時坊間嘅酸得多, 魚片非常嫩滑有甜味, 湯底又酸又香蒜味, 不過就咁飲可能太重味, 建議泡飯食中和一下呢個係麻辣牛肉香鍋, 一見到第一時間就留意到紅棗咁大粒嘅辣椒, 數數埋埋有成1x 粒, 所以呢個鍋係非常辣嘅份量都好多咁配

和家人試了這一間川式風味的菜館味道不錯，辣得很滋味餐廳鄰近有好多交通工具，位置優越酸菜魚＄228 ＋寬粉＄26這一味酸咪咪的，十分開胃點了小辣，辣度剛好魚肉很入味，而且沒有魚骨酸菜魚還搭配了萵筍，和酸菜味道很夾寬粉吸收了酸菜魚的酸味，好味!經典香辣鍋 ＄38 加配5餸＄152餸方面，我們點了雞軟骨、金針菇、土豆、萵筍還有豆皮點了小辣，不過可能因為點了比較吸味的金針菇還有豆皮，味道是頗辣的這一味十分惹味不論嗅覺還是味蕾也很享受當中最欣賞金針菇和萵筍沒想到萵筍的爽和這道香辣鍋出乎意料的夾

點了麻辣鍋味道可從辣與不辣中選擇，主食可以選3款肉類及2款素類，點了魚腐、蝦、豬軟骨、豆皮、腐竹，有很多辣椒，大大粒好似紅棗咁，我哋怕辣當然冇食到啦，小辣已經是我們最可接受的辣度了，因為用優惠價錢買，所以店員都無招呼水比我哋，我哋都無所謂。豬軟骨切得太細粒，最喜歡魚腐，蝦就好似唔入味咁。順帶一提，洗手間是與另一間子店舖分享用的。

1) fish fragrant eggplantI normally like egg plant, but I couldn't finish the dish as it was too spicy and oily...2) non spicy boiled fish with pickled cabbages Ordered non spicy one , but the pickled cabbages were sour and spicy...couldn't stand it. There were only 4 pieces of fish, different to the big portion shown in other's post. The fish scales also remained 🥺🤢

成功$20買到優惠當然再試吓...估唔到雖然$20， 但員工都好好服務！讚👍仲教我哋點劃張點餐紙...最後，除鍋外，追加食品另外開張單...我哋都加左白飯，飲品同甜品...味道，環境，服務...都值得推介....就算無優惠下次都會再幫襯👍

今日嚟到呢間位於黃埔嘅十二味功夫食酸菜魚呢度嘅酸菜魚好出名有唔少嘅雜誌報道我哋兩個人叫咗一盤酸菜魚再另加寬條粉聽聞寬條粉係佢最好嘅朋友點可以唔食啊等咗大概10分鐘酸菜魚就上枱呢度嘅魚係用鱸魚原條起骨 所以啖啖肉酸菜同魚一樣咁好食湯底入面有大量嘅酸菜萵筍加埋寬條粉兩個人食都夠甜品我哋叫咗紅糖糍粑一碟有八條上面放上大量黃豆粉炸得香脆點埋紅糖食十分一流係我最鍾意食嘅甜品之一食完兩樣嘢都已經十分之飽相信下次都可以再encore

好耐無食過酸菜魚 水煮魚條癮又上黎偏偏呢間就係公司附近 食個lunch set鼓起勇氣嘗試酸菜魚已經加辣至中辣 仲有魚腥味但魚係魚  無酸菜味酸菜係酸菜 淡淡的又唔香唔會再試 失望

屋企附近一直都諗住想試今日走去試下， 原來 星期六都有特價午餐至到五點 叫咗個酸菜魚套餐 60幾蚊都唔細 都有一窩， 仲有飯同 飲品嗰個梳化得飲都只係加十蚊但係超級大啲都夠兩個人份量， 魚已起骨嘅 ， 入面有啲萵筍 亦都有很多酸菜 ， 味道不過不失 叫得過 ，食評啲人話咕嚕肉好食 ，叫咗咕嚕肉真係好食，味道比酒樓好又脆脆地必點！！！！！！個甜品 調味料 係用咗同日本蕨餅 黃豆粉同埋黑糖 呢個口感 比較煙韌 日本嗰啲比較軟熟 但整體都好，下次一定再來！！！ 呢度係冇咩服務 茶餐廳咁囉

辣係一種味道亦都係一種嗜好，久唔久都會想去做，一年四季不分春夏秋冬，現時30幾度唔着衫都熱嘅情況之下，好想食辣野再為炎炎夏日加添一啲汗水，之前喺荃灣， 銅鑼灣同尖沙咀食過十二味，今日行過紅磡見到呢一間分店，又令到我辣癮發作，自己喺電話度落完order, 前菜蓮藕就即時送上，切到細細粒好爽脆，紅色但唔辣，主角酸菜魚一定冇走雞，魚肉一條骨都冇，完全啖啖肉，最鍾意係有萵筍做配菜，如果鍾意食飯咁啲汁撈飯一流，越食越開胃

3點半去到想食個飯，一入嚟見到冇乜人，想坐張四人枱，職員就話呢度唔坐得，間舖頭得兩張枱有人，無mud人食，落單嗌左杯凍嘅菊花蜜，嚟咗杯熱嘅，叫佢轉返杯凍嘅就話：「你哋自己嗌錯。」好唔情願幫我哋換。一嗌完嘢食，就叫我哋買埋張單先，因為佢要食飯。後尾見到有兩個人入嚟食飯，佢叫人哋等埋佢哋食埋飯先再幫佢地落單。最後我諗果張枱應該坐咗20分鐘都未有人去落單。d嘢食黎到，擺明hea煮，衰過係屋企自己煮。啲嘢食冇乜味，泡椒牛肉又唔辣又唔咸，完全唔知點樣泡椒，以後都唔會再黎。