十二味功夫 (已結業)

女友嘈o左好耐想試呢間十二味功夫，一於滿足下佢試一下啦。星期五晚放工去，排隊排了大約15-30分鐘，裡面全場爆滿都幾旺場。一坐底即刻叫了經典香辣鍋，跟指示點了五款菜，包括肥牛，牛肚，涼麵，雞軟骨，腐皮等。另外又叫了川式口水雞及飲品蜜瓜奶和桂花冰釀。先說食物: 川式口水雞，味道不夠入味，而且肉質粗糙，價錢亦不平，感覺譚仔的口水雞性價比要高好多。經典香辣鍋就係好好食，好值得推薦，香和辣味不停湧出來，而且份量不少，愛辣之人必叫，配上一碗飯已經好夠食。至於飲品方面，蜜瓜奶雖然食得出有蜜瓜蓉，可以味道和紙包飲品不差太遠，而且份量少，賣$28/杯不值。桂花冰釀就味道甜甜，頗特別，$28/杯尚算可以。這晚共消費了$400+，感覺性價比稍低。