十下火鍋

幾年前嚟過一次，已經覺得好唔錯😍隔咗咁耐之後再食，依然保持到好好嘅水準👍🏻疫情底下，佢哋亦好注重衛生，比咗一盤調味料我哋去混醬嘅時候，提醒我哋唔可以除口罩住，因為大家都會用呢個盤嚟混～食物質素好唔在講，服務態度都一流，職員會過嚟幫手撈起啲蜆分比我哋，又會潷走鍋面啲泡泡🧼🔥卜卜蜆煲 💰$208如果鐘意食蜆嘅朋友，一定要點呢個‼️因為佢真係非常抵食，超級超級多蜆，仲要隻隻都非常大隻又多汁！好正💖🔥花雕醉雞 💰$88未落鍋已經聞到好香花雕味，估唔到煮熟完之後依然好入味😍🔥安格斯牛肉 (大) 💰$228🔥五花腩片 💰$108🔥鮮打鹹蛋黃墨魚滑 💰$78🔥蜂巢凍豆腐 💰$32🔥金針菇 💰$32🔥娃娃菜 💰$32全部配料都非常新鮮，又好睇又食😋如果費事諗都有唔同套餐揀！

尋晚同一個朋友book咗夜晚六點至到八點嗰個時段。星期六晚都算坐滿人，所以記得一定要book位。第一次嚟呢一間餐廳覺得好靚環境好懷舊，餐牌有自選同埋套餐，我就揀咗套餐最平嗰個大概二百幾蚊。起初見到餐牌以為嘢食唔算好多，點知嚟到成枱都係嘢食。我哋揀咗一個鴛鴦鍋，一邊係十下麻辣，另一邊係菇菌湯。非常之好食。嘢食嘅質素非常之好，牛肉蝦滑等等都非常新鮮。食咗兩個鐘食到好飽下次會再嚟試吓另一個套餐。期待下一次再嚟食！

四人行，一早訂定餐黎食佢個四人套餐我地準時8點上到去，入面清緊場，大家都在出面等等。好彩都好快入得去，關事長廊又熱又焗入面都算闊落好坐，播住懷舊歌。一坐低，職員就介紹餐牌，之後拎個調味盤過嚟。朋友好快手就除低口罩😷，職員再三提醒佢戴返🤣直至食物黎到，佢先除得口罩，衛生意識好強咁啱撞正隔離桌有人生日，大家唱生日歌，全場拍掌，場面有點尷尬又好笑🙈食物一次過上哂，可以黎返張大合照落蝦滑時，朋友自己落，職員好快手咁過黎幫手落，之後每次落都搵佢地幫手。佢哋會主動過嚟撈泡。好勤快咁加湯底我地之後口渴無叫到飲品，佢哋最後俾左成大樽水我地真係好好人

因為朋友想吃火鍋，所以在網上搜尋，看見訂座平台 有30% off（不包括飲料、海鮮等)，便過來一試，或許因為是午餐，全場連我們在內，只有三枱客。服務很好，員工秒速回應湯底，我們叫了鴛鴦鍋（清燉山藥菌菇湯 + 養生豆乳白鍋），可能我們的口味問題，兩個湯底我們也不太滿意。飲品方面，我們點了一瓶洛神花茶，開水比例太高，喝不出洛神花味道。安格斯牛小排，有牛味，脂肪比例合格。懷舊果皮魚蛋，頗有特色，其他餐廳少見。其實食材，則普通貨色，沒有失望，也沒有驚喜整體來說，普通的火鍋店，價格合理

朋友之前食過呢間打邊爐 話好好食 所以今次同朋友黎食叫左一個2人餐 我地2個女仔食唔哂 份量都幾多其中最好食嘅係粟米丸 用筷子一篤落去以為芝士丸黎 因為流左少少黃色嘅餡出黎 但點知一食落就好重粟米味 牛肉亦都相當唔錯 其他食物質素正常但湯底真係唔得 今次係食麻辣湯底小辣 辣就真係小辣 但大咸 朋友甚至講笑話下次應該叫小咸而唔係小辣 咸到甚至有啲苦 最後係飲哂成jar冬瓜茶仲要叫店員比多2杯水黎 希望係失手先會有咁嘅情況啦 因為朋友話佢上次食白玉菊花湯係超好食服務態度幾好 last order都會講明 唔會比人催人趕人走嘅感覺 而且仲會主動幫手落蝦滑地方坐得闊落舒服嘅 但環境比較嘈 同朋友傾計要講得大聲啲會再去仲一定唔會再叫麻辣湯底

同朋友去咗打邊爐，一坐低侍應嘅態度非常好，有推介唔同主打嘅嘢食俾我哋。當中嘅三式魚滑非常出色。室內嘅裝修絕對係懷舊風，而且播嘅音樂全部都係廣東歌。買單兩個人一共$1000。

Book左4位6點鐘去食，8點前交枱有8折感覺老闆係裝修上花左唔少心思，營造一個6、70年代香港大排檔既感覺，最令人意外既係連個雪櫃都係舊式個款究竟今時今日仲可以係邊搵個型號咁舊，但又function到既雪櫃呢？！湯底：麻辣拼雜菌湯。 8/10朋友們唔太食得辣，但都覺得湯底好正，但人人接受到既辣度！但唔知食得辣既客人可唔可以額外加辣🤣雜菌湯就幾鮮甜，菇菌種類多，充滿蛋白質嘅感覺。手切牛肉/花雕牛肉。 8/10有牛味，厚薄適中，份量都適中，四個女仔食ok! 花雕牛肉淥熟左之後仲保留到花雕既香味黃喉。 7/10爽口！要配麻辣湯底！紫菜響鈴。 7/10好少見響鈴有紫菜😍但唔夠脆三寶滑。 8/10爽口彈牙！仲有職員幫手落鍋，加晒分！蔬菜籃。 7/10蔬菜種類有5款左右，份量ok夠4人食。 椰子水/ 洛神花茶。 8/10椰子水清清地，麻辣湯必備。洛神花清甜👍🏻

定左台6-8點，7點9都唔夠，被人催執枱，唔夠八點，被人催左起碼10次。7:50又俾人催話八點啦，可以起身了。下次再都唔會來。last order7點松d就開始。

呢度既裝修，用具全部都好有心思，70？定再舊d，加埋播住舊歌，完全令人掛住以往既美好香港😭嗌左椰子雞湯底，另外都嗌左d餸(無影到相)，完全估唔到個湯底咁香而且咁多雞！湯底滾左職員幫手夾哂d雞(怕再滾會老),一隻大碗先裝得哂d雞，結果2個人真係食唔哂🤣特別推介個辣椒牛同瀨尿牛丸！前者撈埋隻蛋夠香夠滑，不過就少少辣，後者真。彈牙而且爆汁，食個陣小心辣親🤪最中意既係佢地服務，定期行過見到個湯油會幫你整，一餐飯超過十次，勁安心😆

打邊爐🍲朋友推介左呢間位於銅鑼灣燈籠街既樓上火鍋～一入到去就好似返左80年代咁😍好懷舊😘仲要播埋80年代既音樂（好多都未聽過🤪）小編私心推介佢個安格斯肥牛同埋炸魚皮👍👍肥牛新鮮唔在講～個炸魚皮脆到不得了！唔會有油益味架😇

〈簡介〉懷舊嘅裝修風格配上復古冰室陶瓷牆身 好似時光倒流去七八十年代 餐廳亦好有心思用上萬壽無疆、公雞碗碟配合主題打卡一流 間隔寬敞坐得舒服 1/ 鴛鴦湯底 - 十下麻辣鍋 & 芫茜皮蛋豆腐湯 $128評分 : 🌕🌕🌕🌗🌑待應一放低湯底 已經聞到好攻鼻嘅麻辣味 但食落唔算太辣 入面除咗有基本嘅辣椒花椒等香料外 仲有鴨血同蜂巢凍豆腐而另一邊廂嘅芫茜皮蛋豆腐湯亦好足料 好多皮蛋 正哈哈 2/ 日本黑豚五花腩片 $108評分 : 🌕🌕🌕🌑🌑略嫌細塊 但厚度適中 唔會太薄 建議可以沾上辣椒蒜茸豉油自調醬汁 更為香口 另外值得一提嘅係圓卷狀擺盤令人感覺高檔次 同時增加食慾 加分加分 3/ 蝦籽蝦乾墨魚滑 $78評分 : 🌕🌕🌕🌑🌑口感頗彈牙 特別留意落鍋前記得要先將蟹籽同墨魚滑撈混 咁食個陣每啖墨魚滑先會有蟹籽係入面㗎嘻 題外話 待應好好人 唔知係咪見我地雞手鴨腳 問咗幾次需唔需要幫手 服務態度加分 4/ 三星蔥醬爆貢丸 $58評分 : 🌕🌕🌑🌑🌑見個名咁特別所以叫咗碟黎試下 一咬落去 係有蔥作餡料嘅貢丸啊 相當香口 另外餐牌上驚現食神醬爆瀨尿牛丸 不過今次就無叫黎試 唔知打唔打到乒乓波嘅呢

裝修主打懷舊風,每張大圓檯加地下青色格仔瓷磚,好有大排檔feel, 餐碟都用上萬壽無疆個啲碗碟, 仲有懷舊金曲聽🤣唔想煩佢哋有set叫, 不過我地4個人就散叫😌✨鴛鴦鍋底 (養生豆腐乳白鍋 & 烤花生沙爹鍋) 💰128💫評分: 7.8/10📝養生嗰個鍋湯底材料都算足料🥳, 沙爹鍋可以濃啲同辣啲🥺✨十下三寶滑💰128 💫評分: 8/10📝有鹹蛋黃蝦滑, 臘腸魚滑＆馬蹄牛根滑, 出面比較少食到, 食落都彈牙😋仲有粒粒蟹籽😍✨大刀手切本地牛肉🐄💰248 (大)💫評分: 8.1/10📝牛味濃而肉嫩, 手切嘅牛肉厚薄度不一, 有口感同新鮮🥰✨紫菜響鈴 💰62💫評分: 7.3/10📝紫菜味唔算好重, 食落同普通味差唔多✨蜂巢凍豆腐💰68💫評分: 7.4/10📝吸曬啲湯底🤣, 打邊爐必叫🤣✨西洋菜💰48💫評分: 8/10📝好爽口🥰十下 𝕊𝕌ℙℙ𝔸📍銅鑼灣登龍街28號永光中心2樓(銅鑼灣🚇B出口行3分鐘就到)💫評分: 7.4/10💬少貴如果以食物質素因為野食份量唔算好多, 環境係高質同食物新鮮🥰不過可能期望野食再好味啲😋

《 比 車 仔 麵 更 花 心 ？ 》如果話車仔麵係比花心嘅人食，咁打邊爐一定係比更加花心嘅人食，因為你可以再揀多啲嘅餸，連湯底都有得揀添啊，你可以鍾意唔同嘅火鍋料亦可以愛上唔同嘅湯底。喂！講經咩，徐志摩打個邊爐都無你咁多內心戲啦～🙂唔好意思，入返正題先！其實前幾日去左十下到烚吓烚吓，想分享返個經歷你地聽啫～打邊爐除左爐最緊要之外，湯底都不可以求其，今次揀左鴛鴦鍋。無辣不歡嘅我，叫左以麻辣湯底同白湯湯底去就返唔食辣嘅朋友。可惜麻辣湯底略嫌遜色，麻辣味唔夠而且偏咸，如果可以多返啲麻就好好多。反而白湯比較出色，湯底調味白而不濁。火鍋料方面，令我比較難忘嘅係貢丸，鳳城水餃，蓮藕同蘿蔔。貢丸好彈牙仲要爆汁，雖然辣親嘴但都好過癮，真係想問吓老闆喺邊度入貨。蓮藕蘿蔔好爽脆鮮甜，配搭埋麻辣湯底係絕配。仲有佢個鳳城水餃更加口感扎實，好足料！😋調味料亦都令我好有驚喜，因為佢哋竟然有炸洋蔥啊～雖然我都係第一次落炸洋蔥做調味料，但係食落又幾過癮幾脆口，以洋蔥嘅甜味同辣味配搭上豉油，可以減輕豉油鹹味，提升火鍋料嘅味道。有啲火鍋料好似午餐肉，肥牛同蔬菜就比較普通，好似肥牛食落多筋，牛味唔出。但其實整體打邊爐個體

打邊爐有好多間,但好少可搵到間幾有心思嘅💛店打邊爐,係銅鑼灣鵝頸橋附近,裝修主打懷舊風,每張大圓檯加上地青色格仔瓷磚,好有大排檔feel,餐碟都用上懷疑萬壽無疆個啲碗碟(阿爺嫲年代)😯再巧妙地加入了7/80 年代屋企會見到嘅大暖壺,高身雪櫃等幾有感覺(利申雖然小編唔係出身於個個年代🤣).野食方面好貼心有二人/四人套餐,每人只需$288,就可以享有肥牛,海鮮(生蠔同蜆),餃,鴨血,魚滑等等再加$30可以有兩壺野飲,抵玩!基本上都唔使諗,湯底揀了麻辣同(呢個推薦),用料好豐富,建議未落料時可以先飲一飲菌菇湯,蟲草花夾起上黎都有一大抽🤪,養生👍🏻至於火鍋料方面就正正常常喇始終套餐方面牛個啲都唔會俾好令嘅你,但魚滑同鴨血都唔錯🤗.十到咁上下當然要叫返一兩枝啤酒🍻左起:、、每枝設計都幾特別最啱打卡,飲落以熱情果味最佳,其餘伯爵茶啤雖然有茶味,但啤酒味欠奉,至於日月潭紅玉就茶味唔夠突出🤔.Any肥,以整體餐廳環境佈置嚟講都幾特別有心思,套餐性價比唔錯,餐廳會一路播住7/80年代啲經典k歌:陳百強嘅戀愛預告呀,王傑嘅誰明浪子心呀,首首都經典,聽到人好想打完邊爐直落唱k呀😫

有人請食飯係開心既，隨便叫😆·4個人叫到成枱野食好開心，職員弟弟見我哋係咁影相話要一樣一樣咁慢慢上，等我哋影極都影唔完🤣·個卜卜蜆煲湯底好正，d蜆好新鮮，啖啖肉，個湯都好正🤤🤤D野食都ok，不過無諗過4個人得6粒芝心丸，我1條友要食4粒🙄·個涼粉好過引，果然係再食多次火鍋😂打完邊爐食都幾舒服👍🏼·不過嗰2支啤酒就一般，唔係好飲到玫瑰普洱同伯爵茶味🙈建議大家叫普通啤酒都ok平日去應該無咁多人book位/等位，所以都可以坐耐d，傾下計😊