十三少 (已結業)

天氣好熱, 又成日OT, 收工當然唔想買餸煮飯。今日就同屋企人去左十三少酸菜魚食個dinner。我地一家幾口都食得幾辣, 先嗌左椒麻皮蛋、十三少酸菜魚同粒粒蛋黃蝦仁炒飯, 食到差不多, 再睇下洗唔洗加餸。椒麻皮蛋椒麻皮蛋麻麻辣辣, 皮蛋係溏心嘅, 食落好惹味。十三少酸菜魚十三少酸菜魚上檯時熱辣辣, 味道偏酸, 辣度適中。而且落左好多白芝麻, 聞落好香。魚肉鮮嫩爽口, 份量可以接受。粒粒蛋黃蝦仁炒飯蛋黃蝦仁炒飯米飯炒到粒粉分明, 因為加左蛋黃, 食落更加香口, 裏面仲有蔥、粟米同蝦仁, 味道唔錯。

天氣陰陰，又係一個好時候去食辣野。放工後拉左老公去十三少，滿足下自己既慾望先。食辣野開動之前，整返個蒜泥青瓜，涼一涼個胃。青瓜清甜爽脆，唔會有過多調味料，簡簡單單用上蒜蓉，用來做前菜就最適合不過。食完過蒜泥青瓜之後，我地開始進入主題，叫左個乾煸四季豆(辣)。餐廳將四季豆炒得非常乾身，並唔會有油膩膩既感覺。四季豆份量都幾多下，經過辣炒之後好有味道，係屋企係完全唔會煮到依個水準。最後，老公就叫左個辣子雞軟骨，話要挑戰一下。真係唔係講笑，完來老公鐘意食辣既程度仲比我更高，佢既評語係雞軟骨既鹹同辣味非常match，食完腰果唔夠喉，仲可以單食辣椒，話個辣度對於佢黎講係岩岩好。睇黎我都要訓練下自己食辣既level，下次再黎挑戰一下老公。

天氣有啲熱, 胃口唔係咁好, 但又到左食飯時間, 冇理由唔食㗎嘛。所以就去咗附近嘅十三少酸菜魚食返啲開胃小菜。蒜泥青瓜蒜泥青瓜口感脆卜卜, 配上蒜泥味道辣辣地, 但冰涼清新, 好啱夏天食。干扁四季豆干扁四季豆裏面有多款香料, 食落微辣。辣子雞軟骨辣子雞軟骨香脆有咬頭, 裏面仲有啲腰果, 配埋杯啤酒就更加好啦。

因為疫情嘅關係，已經好耐冇同朋友一齊出街食飯。見近排情況好轉，終於可以同三五知己gathering。我哋約咗喺附近嘅十三少酸菜魚食個午餐。因為先前食過酸菜魚，知道佢嘅份量唔少，考慮到得三個女仔食，我哋嗌左一份干扁四季豆同招牌嘅十三少酸菜魚，再配多兩碗飯。干扁四季豆乾扁四季豆份量幾多, 裏面混合左肉碎同辣椒, 味道鹹辣鹹辣, 配飯食一流！十三少酸菜魚十三少酸菜魚份量好大, 而且好足料。先前食過好多間嘅酸菜魚，都覺得魚嘅份量偏少，但十三少嘅酸菜魚絕對係物超所值。無論係酸菜定魚，都落得一啲都唔手軟。整體味道偏酸小麻小辣，魚肉好嫩滑而且無骨，方便食用。

幫襯13少之前，我對四川菜真係麻麻地，兩個月之前同男朋友試咗一次之後，而家一個月起碼都要食一兩次，加上keep到水準，不得不讚他一下本人最鍾意食辣子雞加酸菜魚，一個口感幼滑，食得出用新鮮魚，辣子雞10分惹味，又唔會超級辣，真係諗起都再想去食

又一間主打「酸菜魚」的餐廳.....剛巧當日到香港仔附近遊玩喜歡酸辣/麻辣的我倆便順道一試「十三少」可能疫情關係店內人流不多...可直接入座。我倆點選了::**十三少酸菜魚~正常份量~加寛粉**麻辣乾扁肥腸**乾扁四季豆** 蒜泥青瓜其實有個「 滋味二人套餐」更優惠只是當日我倆都不太想吃白飯，改為單點就算!!無奈一嘗酸菜魚湯底後發現配白飯更美味呢一口湯一口魚，絕配!!!!不單單是魚滑，重點是魚肉是沒有骨的，可以放心大啖肉進食我...愛上了...十三少餐廳在香港仔天后廟後街再前行...正門位於後巷有點隱蔽要細心找尋喜歡酸辣/麻辣的朋友仔，不能錯過啊！十三少酸菜魚~正常份量~加寛粉麻辣乾扁肥腸…脆卜卜口感正...堂食一流!!!!!!蒜泥青瓜....作開胃菜✌🏻

酸菜魚用餐日期：2020/07/15上次嚟到香港仔，有個朋友同我提過「十三少酸菜魚」，不過果次有啲晏，最終食唔到。今次有機會同屋企人再嚟香港仔，第一個目標就係佢。據說名字源於老闆太醉心研究產品而糊塗忘記開門，被顧客笑說：「十三少」。十三少在香港兩分店, 大角咀都有，我們這次來的是香港仔分店，可能嚟得早，沒有傳說中要排隊那麼久。比開門提早了10分鐘到門口，準時5點鐘可以入座。店內裝潢帶漫畫風，位置闊落，枱面夠大，一坐低就先叫咗個 「十三少」酸菜魚（普通版）試下 湯底少不免有油份，所以我一般不喝，但輕輕嚐了一口，已經覺得很對味，係新鮮嘅魚湯味! 酸菜魚用上鱸魚，份量夠二人用，呢度同我之前香港試過好多間係有好大分別，「十三少酸菜魚」鱸魚肉手工片到薄身，彈性高，很滑溜，而且沒有一絲魚骨，我們都食得很放心。同我之前香港試過好多間都中伏，呢度係有大分別對于酸菜魚個總結係「食晒」，新鮮爐魚，起片魚肉，加上鮮魚湯，肉質超級嫩滑。湯底滲著啖啖酸菜清鮮，口感既爽帶甜，辛辣開胃。酸菜魚魚肉滑嫰，味道酸辣開胃辣子雞軟骨嘅特點係麻辣中透著鮮香, 雞塊外焦里嫩，麻辣可口。蒜泥青瓜， 夠凍夠爽， 小編不管冬天還是夏

呢日又出開去香港仔，諗起好似開左間食酸菜魚既，早幾年d人好興上大陸食不過小弟就無食過喇，所以一直心思思想試下佢地唔用筷子托而係用花生，幾搞笑見到有個二人餐而且仲有得揀酸菜魚，所以我地就揀左個二人餐，唔使咁頭痛諗食d咩皮蛋好香，除左辣油之後仲加左d醋，唔會只係得個辣，唔錯呢個送飯真係一流！而且份量仲好多～豆腐好滑，d汁有濃濃既胡椒粉味雞肉好滑，雖然唔係去骨但都唔算太多骨，個汁都調教得好好，唔會太過咸，仲辣得好過癮飲左啖好湯底，辣度可以接受，酸味又唔會太過突出，兩隻味都配合得好好魚塊都好大舊仲好厚肉，肉質好嫩滑魚既份量都好多，食極都仲有咁

以前都會回大陸吃酸菜魚😄現在都晤知要等幾耐先開關😫好彩有呢一間十三少酸菜魚🤤抱著新鮮感的心情去試試🤤呢間店鋪位置有點難找因為在後巷里面, 但仍然見到有好多客人去幫襯咁肯定呢間店晤會差得去邊喇😄搵左一輪終於搵到 但就勁肚餓一坐低即刻點食物🤤🤤🤤望一望餐牌 選擇不多 點左酸菜魚 麻辣豬手 椒麻皮蛋 干扁肥腸每道餸都好吸精 … 引死我既味覺了起筷起筷4款菜 味道來說 整體不錯的酸菜魚 魚肉夠滑 魚湯泡飯 超正的🤤干扁肥腸 好野味 吃完很大愛❤️麻辣豬手 豬手好淋 服務方面 年青夠活力 貼心 勤力 ❤️最後 還會再來光顧的👍👍👍

最近係網上傳開，香港仔有間專食酸菜魚既店我就試下啦！叫佐4個送！ 酸菜魚辣子雞軟骨麻辣小龍蝦十三少香窩啦！整體來講，辣嘢夠味初次食感覺良好！ 員工服務態度好，好細心去幫客人落每一道菜但酸菜魚個湯太過於油了，正常來講，係一口湯一塊魚片咁用食的，魚湯用來撈飯食的佢呢間店雖然比不上太二啲酸菜魚！但係佢有佢既特色，係香港我唸好難搵到食到好似太二咁好食既店我下次想食，我都會繼續去

聽到身邊朋友… 香港仔最近有間叫十三少酸菜魚… 十分出位… 就打算一嘗新品到店後 我地點左二人套餐… 十分抵食包括有冷菜 土豆絲 主菜 酸菜魚 小菜四季豆 仲有兩碗飯… 我同朋友二人人食 … 食到好飽 好滿足… 酸菜魚我仲加左寬粉… 呢間酸菜魚用的是盧魚… 魚肉滑而不散… 魚湯仲好野味… 用來泡飯一流呀食到我都晤捨得要打包埋個湯走 提提服務… 侍應生都很勤奮… 做事快手快腳… 我未舉手佢地已經知道我地既需要… 真係值得一讚👍👍👍侍應生不論幾忙仍頻密咁同我地換檸檬水 好窩心呀

近排西餐食得多，又想食返啲中式嘢。前排喺OpenRice見到公司附近開咗間十三少，因為一直忙都冇機會去試。尋日一於約埋朋友一齊去食晚飯。十三少嘅嘢食種類唔算多，但相當經典。🐠十三少酸菜魚(唔辣)我哋嗌左一份招牌嘅十三少酸菜魚，因為諗住食麻辣小龍蝦，所以酸菜魚就嗌唔辣嘅。酸菜份量好多，湯底味道都唔錯。🐠麻辣小龍蝦麻辣小龍蝦果道鹹鹹辣辣，幾惹味。🐠粒粒蛋黃蝦仁炒飯見OpenRice好多人都食粒粒蛋黃蝦仁炒飯，我地一於嗌返份試吓，果然好有鑊氣。

之前好鍾意食麻辣小龍蝦, 已經好多年冇食過啦。今次經朋友推介去咗香港仔嘅十三少酸菜魚食晏, 食返個隻回憶中嘅味道。麻辣小龍蝦麻麻辣辣嘅小龍蝦分量幾多, 中間混合左啲青瓜, 令整體唔會過分重口味。粒粒蛋黃蝦仁炒飯因為兩個人食晏, 而且又想食甜品, 所以就唔當嗌多一個餸啦。嗌返份粒粒蛋黃蝦仁炒飯。炒飯炒得金黃, 份量都唔少, 而且好有鑊氣。紅糖糍粑食完飯當然要食返份正宗嘅紅糖糍粑。輕微炸過嘅糍粑上高灑上黃豆粉, 食落熱辣辣, 外脆內軟, 唔使配紅糖已經好好食。

唔知點解食嚟食去都覺得中菜最好食, 可能係因為由細食到大。今日同屋企人去咗香港仔嘅十三少酸菜魚食晚飯。干煸肥腸見到餐牌好難得有豬大腸, 就即刻嗌左份。好多中菜館都唔做豬大腸, 因為清理麻煩, 所以見到有嘅時候就一定要嗌返份啦。豬大腸唔係好肥, 外皮輕微油炸過, 混合辣椒快炒, 食落幾有鑊氣。十三少酸菜魚(唔辣)因為小朋友唔食辣, 我地就嗌咗份唔辣嘅酸菜魚。酸菜魚份量好多, 魚肉爽口彈牙, 味道都唔錯。椒麻皮蛋老婆突然想食麻麻辣辣嘅小菜, 我哋揀咗份椒麻皮蛋, 辣得好爽。粒粒蛋黃蝦仁炒飯因為唔想食白飯咁普通, 所以我哋再嗌多份粒粒蛋黃蝦仁炒飯, 炒飯粒粒分明, 有水準。

前幾日有朋友推介呢間十三少酸菜魚，話味道正宗而且少有地有麻辣小龍蝦🦞，襯住假日一於去試下先！🥰🥰🔸麻辣小龍蝦🦞香噴噴流哂口水🤤🤤🤤麻辣小龍蝦雖然份量唔係話好多，但隻隻都夠哂肥美肥滿，唔會有空心蝦。味道香辣又唔會重味精。👍🏻👍🏻🔸十三少酸菜魚(唔辣)🐟因為麻辣小龍蝦味道上已經比較重，酸菜魚方面就嗌唔辣啦，因為味道太相似怕食落會比較膩。而酸酸嘅酸菜魚就係食落口夠哂開胃😋😋