十三姨 (通菜街)

营业中

休息中

#中意嘅請分享請點讚🍻----------😋十三么 $66入面有叉燒、手撕雞、溏心蛋，叉燒同手撕雞有用火搶燒過，所以有小小煙燻味。麵底係粉絲拼米線，可以一次試哂2款口味。仲有3-4條腸粉，好似好粗身嘅河粉咁，口感幾滑唔會太淋。不過個湯底太清，冇乜味，如果濃味d就更好。-😋金牌牛腩湯銀針粉 $63宜家唔係好多地方有銀針粉食，所以一見到有就即刻叫黎試下，銀針粉夠爽口唔會煮到過左火。牛腩同牛根腩大約有4-5舊，全部都夠淋夠入味。湯底係牛腩湯，有哂牛腩嘅精華，配銀針粉又幾好食。-😋花鵰啫喱蕃茄 $28因為將花鵰酒整成啫喱，啫喱好快就會溶，令到花鵰味勁重，重到會有小小苦，如果好中意酒嘅可以一試，唔係就可以試其他小食。----------所有客人一坐低都會送一杯蝦片，蝦片係即炸，所以好脆又好香，好快就食哂。----------🚩十三姨🔎旺角通菜街1M-1T號華發大廈地下C號舖

十三姨，最鍾意佢嘅地方就係佢煮出嚟就係成個煲放喺你面前，即係話佢出黎嘅嘢食係非常之夠熱，味覺都可以試真啲個味道。十三姨主打佢地嘅雞肉湯粉，而我地揀左粉絲。另外有手撕雞拌雞油飯、 老闆娘鵝肝煎蛋撈飯、串燒同埋黑牛。佢哋嘅雞湯非常之濃味，濃得嚟唔鹹， 旁邊仲送埋龍蝦片比你食。 湯粉絲配上佢嘅十三姨辣椒醬， 比指天椒更辣既剝椒，味道即時提升，刺激咗好多! 食得好爽出曬汗。 十三姨嘅裝修比較中式化，以木枱、木櫈為主既客棧格局，食物味道唔錯而且價錢合理。●綜合評分: 1. 湯底: ★★★★☆ 2.食材: ★★★★☆ 3. 環境: ★★★★☆ 4. 價錢: ★★★★☆

左加右落之多麼的複雜一碗石鍋粉🤣🤣呢間店裝修行中國風情🏮🏮幾靚一坐低，侍應就送上一杯茶同埋一個高腳杯裝住嘅蝦片小食，每枱都有😋😋之後就到主角出場啦🍲💁🏻‍♀️灸燒手撕雞湯粉絲粉分別有：粉絲，米粉，腸粉溝埋一齊🙈🙈💁🏻‍♀️上等牛肉湯面真係每碗都好特別

最近十三姨都幾火紅，咁岩去開旺角就試下。佢既環境怖置好中式不過係新潮type。麵類唔算貴，叫左個陽春麵試。當然都要試最出名既鵝肝飯啦，雖然係特別貴。杯呀，夾單既夾等等既細節都好靚。坐低會有免費蝦片，不過偏油，食左兩塊。個麵既湯我略嫌偏濃，不過牛肉同麵既份量都對得住價錢，麵質都 q彈，算ok！重唔既鵝肝飯！講真唔算好大碗，不過佢既鵝肝送飯係正既，加上撈埋流既蛋黃！我覺得最驚艷係佢側邊辣辣地既蝦乾，同其他野好襯，令成件事好食左好多。不過呢個價錢，間中豪下就夠了。

成日見到呢間餐廳嘅廣告 今日就同呀媽黎試下 內部裝潢幾有古代特色 又有少少似bar 入到去仲即時比左杯蝦片我地 幾得意~我叫左個手撕雞拌雞油飯+燒雞叉燒 手撕雞做得唔錯 好夠味 撈埋送飯一流 但係有一個都幾嚴重嘅問題 就係佢個叉燒燒完之後有好大陣雞除 聞落好難頂 呢個位好需要改善一下至於另外呀媽叫左個黯然雞叉燒飯 大致上都唔錯 咁都仲有一樣野係抵讚嘅 就係個小食 木耳豆角咸蛋啦~ 喺木耳同豆角上面淋左用咸蛋黃製成嘅汁 成個組合好match 仲要好冰凍 正正子~~

🍽朋友介紹呢度既鵝肝飯好好味 今日突登過黎試下 😽點餐後店員會送上茶同埋蝦片 係等食物既時間可以食住蝦片傾計 ［老闆娘鵝肝煎蛋飯］賣相吸引，有三塊鵝肝同隻煎得好靚既蛋🌞蛋汁用黎撈飯食加埋入口軟綿既鵝肝 真係一大享受 鵝肝食得多會濟 所以呢度既份量係岩岩好 ［灸燒雞叉燒湯米粉］呢個比較岩鐘意清淡口味既人食 雞肉捲成日式叉燒樣咁切片上 感覺冇乜調味料 要另外點豉油先夠味 對於重口味既我覺得一般 湯底亦比較清［串燒&魷魚酥］我地叫左豬頸肉、雞軟骨、雞腎不過不失 雞腎比較細粒 魷魚鬚都係一般姐

之前係見有人去食，睇落幾吸引，所以去試，可能算早（７點前到，等左１５分鐘就有位），裝修走中國古典風，桌椅餐具都是主要用木質，睇得出裝修有落心機。一坐底就有蝦片，後來至知原來老闆娘婆婆係印尼華僑。十三幺，個名好得意，其實是以雞肉為主的雞湯麵，但雞湯味不夠明顯。由於我係重口味既人，個人略嫌湯底淡而無味。雞叉燒亦無太大驚喜。手撕雞伴雞油飯，但唔覺有好濃既香油味。總括黎講，環境舒適，待應有禮，食物賣相亦相當討好同ark like，但味道普普通通，沒有太大感覺，回頭率不高。

今日比平時早收工，就同朋友出咗旺角行一陣街先食飯。朋友A提議食十三姨，話上次食過想再試多次。沿住女人街行到差唔多最尾就見到鋪頭出面有人等緊，不過好快就到我地。我見大家都推薦就嗌咗個手撕雞伴雞油飯。賣相還可以，飯上面有一層手撕雞同蔥花，手撕雞絲絲分明，份量岩岩好。個人感覺雞油味都算突出，整個飯略嫌乾身，平時鍾意食飯拌汁嘅朋友可能會比較喜歡呢度嘅麵食。朋友A就嗌咗招牌十三么，入面有手撕雞、雞肉叉燒、腸粉、溏心蛋、米粉，好足料！雞湯湯底濃郁，味道十足，炙燒雞肉叉燒有驚喜，成個搭配好出色！整體幾滿意，合理價錢，食物足料，招牌麵食必食。**********提番大家呢度會收加一

今天放工和朋友去了旺角見面，朋友一直想試這間店所以就直接上去，意外地很快就有位！一坐下就急不及待點餐，餐牌好吸引餐名很有趣，好多都想試，但估計份量不少，所以還是收歛地點了3樣，“大三元“ “十三飛“ “串燒各一“。滿心期待地上菜了，“大三元“ 包括了炙燒手撕雞油飯+炙燒雞叉燒+溏心蛋, 好滿足的份量，手撕雞口感嫩滑。“十三飛“包括了安格斯牛肉+牛腩+溏心蛋+粉絲拚米粉, 牛肉口感十足，難得的粉絲及米粉都很入味。“串燒各一“ 包括了雞翼，雞軟骨，雞腎，雞腿肉，豬頸肉5款，個人覺得平均都很不錯，特別是雞軟骨！

出kwh嘅好處就係唔晒愁無好西食🤤好似呢間港式小店一開始都係因為不斷彈廣告而認識佢嘅鎮店之寶- 老闆娘鵝肝煎蛋撈飯碗入面鋪滿晒各色各樣嘅嘢🤩有👉🏻大量蔥花 炸蒜 辣菜脯仲有隻飽滿嘅煎荷包蛋🍳當然仲有主角鵝肝喇!齋睇已經令人流晒口水將配菜煎蛋撈埋白飯食看似係家常🚪嘅味道但係又有煎鵝肝將個飯提升到第二個lv...不過同時膽固醇可能都提升咗lol--------------好食指數: 7.5/10老闆娘鵝肝煎蛋撈飯 $108

我地星期六收工去旺角行街，十三姨不嬲都好評如潮，所以我地一於去會會佢。竟然，唔使排隊！ 我地一坐低就叫左2個皇牌。十三幺同十三飛😍坦白講，湯底喺正既！十三幺就清甜入味，十三飛就好濃郁。麵底用米粉加粉絲都喺十分出色既！ 之不過，配菜就令人十分失望😞十三幺個雞肉好柴。十三飛，啲粒粒安格斯牛韌到有兩舊咬唔到。片裝牛就好啲，好食。餐廳環境復古。有茶，有小食。都叫有誠意。有別一般食麵檔。價錢適中。我覺得可以一試。

女人街兩旁有很多各式各樣的餐廳，晚上想找一間輕食，看到這間餐牌上的名字特別便進去了。這裏有部份菜名是以麻雀術語命名，例如十三么、大三元等等。見最多人推介湯麵，便叫了一個以雞湯作為湯底的麵，十三么，餐牌上寫着這個湯底是200年的家傳秘方，以鮮雞、秘製香料及其他食材燉製。在等待這個麵時，一直吃着五顏六色的蝦片，蝦片較為油膩，但也很香脆。十三么（$66）：十三么是以雞為主，湯底是雞湯，配菜有手撕雞、雞叉燒、糖心蛋及粉絲拼米粉。以一個鍋上湯麵，熱辣辣，先嘗一嘗湯底，湯底清甜，不會太油膩，可以按個人口味加檸檬汁或豉油。挺特別的是裏面還有腸粉，雞叉燒有灸燒過所以幾香，雖然手撕雞及雞叉燒的肉質也不算特別嫩滑，但也不過不失。下一次會想試一試它的飯或十三飛！

一直想試十三姨既鵝肝煎蛋飯好耐，今日終於試到好開心，果然名不虛傳，好好食！-十三姨走中國風，入面既裝修都好古色古香，不過因為太爆場啦，唔係咁方便周圍影。入座之後會送上茶包茶同蒜蓉味七彩蝦片，幾特別，茶包茶好香濃，唔錯；不過蝦片應該唔係新鮮炸，放耐左有啲淋。-老闆娘煎鵝肝蛋飯 $108鵝肝有三大塊，好足料，鵝肝煎到外脆內軟，油香滿溢，配埋配料食完全唔會覺得油膩；配料有蔥花、炸蒜仲有辣XO醬，仲食到有少少乾瑤柱。不過我就略嫌配料濃烈得黎，太惹味，有少少搶過左鵝肝味。枱面有支老闆娘秘制醬油可以倒埋落去一齊撈，不過我就覺得有啲普通。-十三么 $66十三么即係手撕雞、雞叉燒、溏心蛋同粉絲拼米線，入面仲有腸粉添。雞湯湯底都唔錯，仲可以加檸檬汁，加完個感覺都幾清新，無咁易膩。不過比起鵝肝飯，十三么味道比較清淡。-忌廉溝鮮奶 $24雖然都知係韓國罐裝個隻味，價錢都唔唔算平，但見賣相幾得意又可以自己玩埋一份，都係忍唔住叫左。就係韓國罐裝個隻味，不過唔夠個味咁夠氣，有啲後悔叫左。-整體黎講，十三姨都算唔錯，可以一試，不過以我黎講就只會再Encore老闆娘煎鵝肝蛋飯。

我studio响旺角🚩, 所以吃午餐🤷🏻‍♀️差不多成條女人街嘅 餐廳都畀我食勻曬. 但係我最愛嘅就係去女人街十三姨嗰度食🐔雞叉燒銀針粉. 每次入到去, 都好似去咗💖親戚屋企食飯咁, 因為👩🏻‍💼老闆和侍應 服務態度非常溫暖. 友善的態度好像我們屋企人👨‍👩‍👧‍👦一樣. 出面而家唔係經常有銀針粉食, 所以一諗起食銀針粉🤗我就會去十三姨度食. 有時候我啲拍檔為咗減肥🏃🏻‍♀️，就直頭唔食粉轉🥦菜底🥬。 悉隨專便應有盡有， 如果你哋 去女人街shopping記得去十三姨度食碗銀針粉呀。 ♥️真係好正㗎!

路經旺角 見一間裝修中國風感覺幾舒服嘅小店一坐底就送上彩色蝦片加小麥茶包 有誠意😬而且職員熱心介紹每道菜式先講湯底 雞湯味道略淡但都鮮味. 店內menu 有教食麵時可加上甜醬油辣椒醬及檸檬汁 令味道有點層次雞叉燒聲稱慢煮但肉質比較散 腌味不足Overall 味道普通 菜式有麵又有腸粉都幾特別