十三姨 (通菜街)

营业中

休息中

好多時行過十三姨都見到好多人，所以都無咩機會食，前幾日放假同男友行街，見到個日不算多人，所以便所以食到了，其實店內的裝潢不太差，但位置有點狹窄，到開始多人時，難免會覺得有點兒逼，所以早去係有着數。入坐點餐後，餐廳會奉上一個好靚的銀色器皿，入面放了一些色彩繽紛的炸蝦片，我本身就好鍾意食呢啲煎炸可口的食物，而且佢唔太油，同埋好似係自家炸，所以我覺得好正。主食方面，佢主食方面，有些湯麵叫十三么同十三飛，食返佢十三姨的玩味，好彩menu有寫佢其實係咩嘢，我叫左十三飛，其實就係牛肉湯粉加溏心蛋，不過味道都ok，幾好食，不過七十幾蚊唔叫太平。以下評分以5⭐️為滿分推介⭐️⭐️⭐️

一向都吾鐘意食鵝肝既我都要黎試下係旺角最出名既鵝肝飯🤤🤤就咁睇已經覺得好juicy，食落口好似入口即溶咁🤩加上流心既蛋黃同秘制醬汁撈飯簡直係一流👍🏻👍🏻食哂都吾會覺得好漏性價比高💯💯💯

張寶仔之前已經食過兩次啦，因為張生好鍾情於呢度嘅大三元飯，所以一於推介俾大家食啦！星期五放工之後發現原來係要排隊架，不過排咗大約15分鐘就可以入去都算可以接受！一入到去佢就會送一個蝦片同埋攞杯茶俾你，感覺唔錯，跟住先慢慢點菜！大三元($68)張生諗都唔使諗就叫咗個大三元，佢好鍾意個雞油飯底，非常之香，完全清晒成碗飯，但佢覺得啲雞扒肉就麻麻哋啦⋯⋯雞絲湯粉麵($60)隔左差唔多半年，寶仔又揀返呢一個麵食，都仲係覺得好難食，個湯咸到不得之了，係喊到食唔落嗰種，我諗我真係以後都陪唔到張生食嗰個飯啦，因為寶仔唔係太鍾意食飯㗎，而呢度嘅湯底做得真係比較咸，但見到隔離枱嘅人竟然喺度飲湯。。唔知係咪我哋兩個嘅問題呢，因為我哋都覺得個湯好鹹。。

前排見到朋友個instagram post佐個好似幾正既鵝肝飯出黎。Ohh~原來係成日係IG賣廣告既十三姨！終於心癢癢去試😜/位於山東街，間間餐廳係晚飯時間都多人排隊，所以佢都唔例外。小妹當晚排佐一個鐘先有位入😅/香港吋金尺土，裡面環境都比較狹窄。勝在一坐底侍應就斟茶兼附送上炸蝦片小食。/十三么手撕雞、雞叉燒、溏心蛋三種配料加上粉絲拼米粉。Menu提及湯底係用200年家傳秘方去烹調。份量都幾大，手絲雞唔夠嫩，不過食落辣辣地。勝在粉絲索哂湯底既味道！/老闆娘鵝肝剪蛋撈飯賣相出色～每碗𥚃面有三塊鵝肝，足料！鵝肝煎得外脆內軟，油分多，但無乜味道⋯有點可惜。不過配上老闆娘秘制既醬油再撈上蔥花炸蒜與飯撈埋一齊食，都合格。/總括而言：若果要用一個鐘去排隊，性價比較普通，滿足下自己既好奇心都可以黎試下啦😏

平時食開十三姨通常都係嗌十三么，十三姨既賣點其一係佢既湯底！個湯既味係出面好似真係搵唔到🙈至少我依家都未食過一間湯麵係好似十三姨果個湯底既味！但今次我專登唔食十三么，而去嗌左個手撕雞伴雞油飯！老老實實，係有點兒失望，失望既原因唔係因為佢唔好食！而係我覺得咁既價錢份量應該可以多少少～雞絲真係太少了！飯都一樣！味道其實幾好味，但如果女仔食完都覺得唔飽既時候，男仔應該係覺得只係食左陣風落肚！明明湯麵大大碗，但飯就咁細碗😢

店舖位於旺角女人街極之方便，行街行到攰可以黎食呢間店絕對係誠意啲選~每碗湯底都係人手盅香料㷛湯，飲咗一啖之後簡直停吾到口金牌牛腩湯銀針粉同手撕雞湯粉絲如 如果本身係一個鍾意飲好熱嘅湯既人， 呢間店係絕對啱你嘅！店係直接用上枱嘅湯鍋煮麵，所以好新鮮滾熱辣，賣相好吸引每檯會現彩色印尼蝦片先講牛腩湯銀針粉，在攪湯底前先飲一啖湯會飲到好濃烈嘅牛骨湯底，可因自己喜好加青檸或其他調味每一口銀針粉配牛骨湯，銀針粉軟硬適中，吸左湯入面既精華，好入味糖心蛋好嫩滑~而 另一款手撕雞湯米粉 ,每一口都有濃濃嘅雞湯味，米粉有口感趁熱食會有輕輕嘅火味，手撕雞幾軟滑彈牙而最特別嘅係呢度可以飲到印尼嘅滴漏咖啡， 再配以上嘅湯麵會有另一番風味~

一直都好想試十三姨嘅鵝肝煎蛋撈飯，是晚終於有時間同男朋友嚟食。一入到去其實感覺麻麻地，因為被安排坐一個窄到不得之了嘅位，基本上佢張四人正方型枱係夾硬菱形咁擺，搭台不在講，我係要夾硬攝個身入去先坐得低，坐低之後勁大壓逼感，有無位擺袋，非常之逼，本身都有少少衝動想走，不過為咗碗鵝肝飯，我忍！餐前小食有蝦片，都算係有啲誠意嘅，每人都有提供一杯有獨立茶包嘅茶，都算係咁。炙燒雞叉燒湯米粉男朋友食呢個，味道一般般，冇乜特別，就係一碗好普通嘅雞肉米線。老闆娘鵝肝煎蛋撈飯期待已久嘅鵝肝飯！其實並無想像中咁好食，可能期待太大，鵝肝份量都算多，食完都滯滯地， 如果個汁可以好似西餐煎鵝肝嘅sauce咁甜甜酸酸，用生果同醋呢啲組合就會可以中和返鵝肝嘅肥膩就會好啲。🍹鮮奶溝忌廉🍹古早味牛奶紅茶逼到喊嘅位

成日係ig見到十三姨彈廣告岀嚟都心思思想試下呢日嚟到旺角就去食啦! 環境💁🏻‍♀️古色古香嘅感覺🏮枱同櫈都係木造嘅 好有古代感覺😂可惜我地2個人被分去一張4人長枱 仲要長櫈係冇得捱嘅🙄同隔離枱勁近! 坐得不太舒服🙄🙄服務💁🏻‍♀️店員都肯serve人嘅😂又唔會話黑面嘅 正正常常囉lol 叫佢地斟咗好多次茶都冇咩面色 所以加一都ok ge食物💁🏻‍♀️一坐低 俾咗d炸蝦片我地炸得幾脆 但有d油 食住等個粉嚟都ok ge我地叫咗2樣野食1. 炙燒手撕雞粉絲 👦🏽叫咗呢個，都幾多雞絲 而且個湯有陣炭燒味 都幾特別☺️不過雞絲唔夠嫩😂但粉絲都入味嘅!2. 炙燒雞叉燒銀針粉一上到枱我以爲乜料都冇😂睇相都見唔到好多野食😂但實際上係有四五塊雞叉燒 仲有銀針粉份量都比我想像多! 飽肚嘅! 不過 呢個粉嘅湯底同雞絲係唔同架! 呢個清好多 冇咗炭燒味😂總括嚟講我覺得餐廳嘅裝修同野食都幾特別 有d fusion 石鍋烏冬同港式湯粉嘅感覺😂性價比正常 可以再食😛

山東街都幾多野食，間間貌似都幾吸引，行完一輪最後揀左呢間。裡面好大，裝修幾靚，坐得幾舒服。中午時間都幾多人，不過都有位坐，唔洗等。一坐企l低佢就比左杯茶，同埋一盤炸蝦片，令我有點喜出望外，份蝦片脆卜卜，好香，令人食慾大增。我叫左一碗炙燒手撕雞湯粉絲，賣相唔錯，份量都好大，手撕雞辣辣地， 應該落左好多黑椒，唔算太突出。個粉絲幾彈牙，有口感，索哂個湯底，好味！椰菜絲好幼細，同樣地吸哂個湯既精華。糖心蛋都好味，不過同平日食開日式個種不一樣，而且醃得唔夠耐，無咩味。另外佢仲擺左兩條好似腸粉既物體，好有趣。下次會再黎試下其他野！

當日來的小店的門口，身穿便服的老闆娘有禮貌地詢問用餐人數，態度十分親切第一印象不錯唯獨朋友未到齊，所以選擇在門口靜候朋友到齊後入內準備睇菜單。一坐低，店員就先放下香炸的蒜片超級惹味，食到停唔到口，份量多點就更好有免費熱茶提供的，茶杯內是用茶包加熱水沖泡而成個人感覺茶包合大眾合味，三人都大讚味道甚佳，所以都沒有飲品下單，全程一杯熱茶打天下抵讚之處係我們一行三人被安排坐大枱，雖然無椅背可以靠倚，但我們依然很樂在其中到主角出場了，一直都很想試的招牌鵝肝飯見到賣相一流表面鋪好一系列的食材分別有主打的煎鵝肝、太陽蛋、炸洋蔥、調味用的xo醬👈（不太確定的調味料）首先，先試我滿心期待得鵝肝竟然有3塊之多，價錢十分合理抵食雖然試入口油分充滿，但有點兒無味道覺得唯一可惜之處但性價比依然甚高炸洋蔥脆口非常，加上太陽蛋伴飯簡直一流愈簡單配飯愈惹味我likeXo醬味道偏辣，就個人而言，既不懂得欣賞和不合個人喜好不作太多評論總結：性價比高，會再來光顧

最近這間餐廳常常看到在Instagram 賣廣告，禁不住好奇心去試一試。前菜是自家制作的彩色蝦片，等待朋友時一邊吃一邊配茶吃。我和朋友各點了一個飯，我點了最期待的鵝肝煎蛋飯，厚切的鵝肝放在飯上，齋睇己經流晒口水，配上秘制的醬油，把蛋、鵝肝、醬油混在飯中一起吃，每一啖飯都充滿住鵝肝的味道，$100多元的價錢真是超值。另外朋友點了雞絲雞油飯配雞叉燒，這個飯我也覺得很好吃，雞油清香，不會太濃味。雞叉燒則比較乾，一般般。

0️⃣十三幺 $66 （需收取加一服務費）一開始只係俾個名吸引咗，但估唔到食落都幾特別。呢碗十三幺基本係食雞，首先湯底係雞湯，然後有炙燒手撕雞、雞叉燒同半隻溏心蛋。但可能因為炙燒嘅關係，手撕雞有啲柴，不過可以浸一浸落湯再食；而湯底就推薦擠啲檸檬汁落去，個湯飲落會更有層次，香濃嘅雞湯再帶啲酸味，幾開胃。鐘意食辣嘅朋友，可以加枱面嘅十三姨辣椒！不過要自行斟酌，試啲啲睇下會唔會太辣先。而麵底係粉絲拼米粉，仲有幾條腸粉。都幾驚喜，粉絲、米粉同腸粉都好掛湯汁；而粉絲拼米粉真係第一次見，食完都幾鐘意呢種配搭。其實佢係有得俾你轉其他麵，例如陽春麵，所以唔太鐘意幼身麵嘅可以有其他選擇。🌟其實當日晚餐都幾多人等位，而餐廳坐嘅位置基本一眼睇哂，所以想食要早啲嚟攞位啦！（🧡感謝用心睇到呢度嘅你地🧡）

第一次幫襯時給十三姨的裝修吸引了！感覺有點古色古香，環境不錯因為想吃點熱的，所以點了一個炙燒手雞粉絲湯。粉絲湯是用熱鍋載着，感覺應該是直接在鍋上煮的。整體的味道其實沒有什麼特別，跟預期的差不多。反而炙燒雞倒是第一次試，感覺新鮮味道有點驚喜，配上附上的半個檸檬汁，鮮味再加！而分量對於一個女孩來說有點多！點了一個湯，朋友就點一個飯！心想可以多試一點款式。黯然雞叉燒飯味道太重，太多醬汁偏鹹，我吃了一口已經吃不下去友人再叫夥計加多點白飯才能完成整碗飯。夥計的態度倒是挺積極，值得讚許！

今日有朋友話帶我食鵝肝，本身仲以為係食西餐，點知被佢帶咗入嚟女人街呢間小店，都好多人排隊！等咗陣先至有位，坐低先送一兜蝦片同茶包沖茶俾我地嘆下先～咁我地諗都冇諗全部叫晒 $108嘅老闆娘鵝肝煎蛋撈飯，上到嚟已經哇～一聲鵝肝大大塊～足足有3塊咁多架~我就咁食咗少少，豐富嘅油香入口即溶，令我好想一啖吞咗佢！平時會走蔥嘅我決定連埋蔥食，因為佢唔算太大草青味將鵝肝﹑煎蛋、蔥﹑炸菜等配料全部撈埋一齊，濃郁嘅蛋液瞬間流瀉出嚟經不停攪拌後成碗飯嘅香味變得更為突出！就咁食已經非常之享受，非常豐富嘅層次！驚太油嘅朋友唔洗擔心，因佢d飯本身係冇醬汁，而且飯量都多，我地之後仲要再落咗d秘製醬汁一齊撈，食落仲更加juicy我夠膽講食過咁多間鵝肝飯，呢間無論係味道定份量都完勝其他店！$108絕對抵食，鍾意食鵝肝嘅朋友一定要嚟試下，絕對有驚喜十三姨整體評分★★★★地理環境★★★★服務★★★★食物★★★★★價錢＄＄

一入去坐低，店員已送上蝦片，蝦片好脆口而且有蒜香味，好惹味。上等牛肉陽春面: 感覺牛肉普通，湯底有個缺點，因為本身浸有芽菜，湯底味比芽菜搶去炙燒手司雞湯粉絲：呢個抵讚，隻燒手撕雞嘅味浸左落湯底，飲落去湯底會有少許隻燒味好特別