十三姨 (通菜街)

营业中

休息中

聽朋友講呢度有鵝肝飯食 睇張相仲好正添 呢一日就專登過嚟試吓呢個鵝肝飯睇下個Menu先一黎到佢就俾咗個小食我 係蝦片呀 都好嘅等嘢食之前都有啲嘢食吓落肚唔使咁肚餓既然我係專登嚟食鵝肝飯 我一定要點一個鵝肝飯啦好正呀 兩間鵝肝好大塊 而且都幾厚身 另外除咗鵝肝之外呢 都仲有啲配菜 有洋蔥啦 蔥花 有菜乾 仲有隻半熟蛋添 我先將兩塊鵝肝攞起 然後將啲配菜同半熟蛋撈埋啲飯食 好！味！然後再試吓個鵝肝 一咬落去好彈牙牙 好香鵝肝味 一個字 正 🥰另外重點左一個黯然雞叉燒飯$49 配埋一支嘢飲 （點咗可樂）呢個價錢其實都算幾抵食 佢嘅份量都多 味道就一般啦整體來講呢間餐廳我都幾滿意 上菜速度一般 佢都幾多客人 兩人嘅話要靠邊坐 （正常je 🤣）如果唔order set 餐都有熱茶可以飲 😌

十三姨，一向對我黎講都係鵝肝飯既同義詞。今日同朋友星期五6點黎到，可能D人未收工，未有人排隊。十三姨既店員一向都好熱情，入左坐之後，照舊奉上好睇又好食既三色蝦片。偏偏今日我病病地，有得睇就無得食。而且唔想食太「漏」既野，所以今日決定試下鵝肝飯以外既十三姨係點。炙燒手撕雞粉絲我就叫左呢個炙燒手撕雞粉絲，因為好似清D。上面隻糖心蛋好吸引，一見到就好想食了。一直我都幾鐘意食手撕雞，因為覺得雞油陣味好香。唔知十三姨係咪都落左撈飯既雞油落個面度，都幾香！大三元所謂大三元，就係中、發、白每樣一痴⋯⋯唔係，係雞油撈飯、雞叉燒、再加一隻糖心蛋。算係一個港式既親子丼啦，因為我無試到三樣野加埋一齊係點，但以我印象中，呢度既雞油撈飯係正架！食辣既朋友記得加佢個辣醬。埋單每人七十蚊左右，算幾抵啦旺角黎講！

其實係睇完佢既訪問而來的，本想著店主一腔熱誠去開店，食物應該good啦，但叫左個十三么，雞叉燒是無雞味的，配菜仲好食，而且米線粉絲份量很少唔夠飽。不過服務態度好好，裝修都很有特色。食到lunch set會抵d。

喺ig係咁見到人tag咗十三姨，啲相又影到勁吸引，所以約埋朋友一齊去試下！晚餐黎講價錢其實唔太貴，六七十蚊就食到碗麵，佢嘅選材係特別，不過味道就普普通通，冇咩驚為天人嘅感覺。我十五十六去揀雞湯麵定油雞飯。最後都係揀咗十三么即係雞絲、雞叉燒、糖心蛋粉絲溝米粉。雞湯本身係清淡型，個人認為加檸檬汁同辣椒令到雞湯味較突出。米粉同粉絲煮得淋身，口感一般。手撕雞肉質不太嫩滑，冇咩味，有點小失望。不過雞叉燒同糖心蛋做不錯。雞叉燒嘅口感真係同日式叉燒一樣。嗰麵入仲有腸粉，都係gimmick嘢，食落就係熝腸粉咁。朋友食十三飛，牛食為主。湯有點過鹹，味道都係清清地嘅。朋友話好似食緊港式pho咁。牛肉我冇試到，見分量都多。雞湯加檸檬，牛湯加青檸檸檬嘅酸味令個湯加上一點層次。

其實女人街有好多隱世食店，由幸福堂轉入去有間叫「十三姨」的小店，主打手撕雞拌雞油飯，手撕雞偏幼細，但有好香的雞油味，拌以蔥花及乾蔥，雞油飯亦香軟，加上特製醬油，口感相當不錯！除了手撕雞飯，還有家傳湯底的湯麵看起來也不錯，可以下次再試。

成日出旺角都會去女人街搵食，因為耐唔耐就會有新餐廳出現，今日推薦係我第二次去食嘅十三姨！十三姨位置女人街最後嘅一段，比較接近舊家樂坊，而家H&M嗰面。一坐底俾完Menu你，侍應就會送上一兜自家制炸蒜片，星型設計仲有幾種顏色，賣相吸引，味道都算唔錯，不過太熱氣，所以我無食晒呢到嘅菜名有啲搞笑，好似我地叫左嘅大三元同十三飛咁，你無可能係名中得知佢係咩大三元其實就係炙燒手撕雞伴雞油飯+炙燒雞叉燒+溏心蛋，手撕雞都算多，雞油份量啱啱好，撈飯香得黎唔會太肥膩。雞叉燒比想像中好食，肉質幾嫩，溏心蛋好好食，大家一定要試！十三飛就係以牛肉為主嘅湯米粉，我就轉左銀針粉底十三飛包左兩種牛肉，有安格斯牛肩胛同牛肋條，仲有溏心蛋同粉絲，湯底都好重牛味，鍾意食牛嘅朋友一定要試我好鍾意食呢間銀針粉，因為佢地煮嘅時間啱啱好，唔會煮到太腍，咬落去仲有咬口呢度仲有啲好懷舊嘅飲品，好似鮮奶溝忌廉咁，我就覺得普通啦，牛奶唔夠凍同唔夠奶香味。總括，鍾意食銀針粉嘅朋友要黎試下，好少地方有得食好似拉麵嘅嘅銀針粉

做完facial 就到附近既女人街逛逛覓食， 一個人隨意食碗面。見到十三姨唔駛等位， 就試下。 一坐低就奉上一杯熱茶🍵及一份蒜蓉味七彩蝦片，七彩蝦片有種懷舊的感覺。十三飛$72🐮牛魔王既我叫左碗十三飛食，湯底充滿香濃既牛味，內有肉質香嫩的安格斯牛肩胛四片、有口感的牛肋條三條、過左少少火既唐心蛋、粉絲及米粉，整體就不過不失啦！除左食， 環境都好仲要， 不幸地我被安排坐係近門口的一張枱， 冷氣吹唔到，邊食邊流汗，這點要改善下。

地點易搵，餐前小食係蝦片，好入味，食一塊就會繼續想食，好邪惡。Order左煎蛋鵝肝飯，鵝肝有兩片，飯配備煎蛋、自家製辣辣調味料同醬油係精髓，撈飯一流。值得一試。

朋友介紹我黎呢一間位於旺角女人角既十三姨 唔係食飯既時間 所以唔算多人 座位十分舒適 第一次黎試 打開餐牌 野食價錢唔算貴 一場黎到當然叫佢最出名既手撕雞伴雞油飯加叉燒 同行既朋友叫左個牛肉湯麵 仲額外加左份春卷 雞油飯味道普普通通 建議要落小小佢既秘製飯豉油黎撈 味道會好d 而叉燒比較乾身 牛肉湯麵味道同樣普普通通 湯底比較咸 份量唔算多春卷就相對黎講幾好食 黎到好似岩岩炸起 幾出色總括黎講普普通通 如果下次黎食 可能會試下佢既米粉同鵝肝飯

這家十三姨，之前經過都有想過內進，但好像也是當時內裏太多人，恐怕座位擠擁，沒有內進。蝦片，少許油膩，彩色不太鮮色不覺色素過多，吃落也不覺太肥膩這次友人搜查之後，因為她是喝湯怪魔，即管一試。內裏其實座位不少，有些好像中式客棧的桌子，另外旁邊就有對座的桌子，但是也偏向擠迫。這醬油，毫不特別，以為拌飯會怎麼美味，豈料完全沒特別的我們就坐近門口的大張卡位，但是是沒有靠背的卡位，因此，有時可能與背後的少女背脊碰上了，但是座位相對寬闊，即使平排錯，也顯得較為寬闊。😀因為看這個湯鍋，感覺上份量也不是怎麼多，因此我沒有叫，友人則點了個湯的銀針粉，看來份量也不多，有些牛肉，湯底看來色水也不太深，但是味道也不錯。而我的雞叉燒，其實看來賣相都不錯，有幾片雞叉燒，然後有兩邊所謂糖心蛋，米飯上面有些蔥粒，有些他他醬，這樣就可以將雞叉燒的照燒醬，混和他他醬那種沙律味，酸酸鹹鹹，用來撈飯，難食極都有個譜。但其實，雞叉燒，說穿了，都只是將雞肉，卷成一卷，然之後再切開，不算太過滑溜，比起雞脾肉，應該還要乾及鞋一些，因此，光是說這個菜式，再回來吃的機會都不大。😪沒有加飲東西，因為這兒的熱飲，竟然都有一整個茶包，真是難得。

一入座就會有一杯彩色既炸蒜味蝦片 然後就叫左鋪頭比較出名既飯老闆娘鵝肝煎蛋飯 $108 每碗大約有3塊已經煎香既鵝肝 配合肉碎 太陽蛋 蒜片及蔥花 加埋秘製既豉油撈勻黎食 真係好幸福 幾肥都唔怕(＞人＜;)

十三姨前前後後食了大概十次，第一次是在朋友推介下，一起去了，跟住就愛上了。因為價錢得宜，所以同朋友經常去旺角都會選擇十三姨。首先會有免費的炸蒜片，每次落單後未有野食都會一塊接一塊吃。這裡主食基本上都很不錯，手撕雞雞油飯必須要配上枱上的雞油飯醬油，增添生色。不怕脂肪下，雞油香拌飯令人一口接口，很快就會吃光一碗。招牌十三么才是我的真愛，因為粉絲配上雞湯一流，雞湯再加上檸檬汁，酸酸的很開胃呢，而且很特別會有腸粉在內。吃過很多次但都沒有拍照哈，可能太日常了～～～串燒是間唔中才會叫的，特別肚餓的時候。沒什麼特別。很喜歡店內播的歌，是90後的年代呢！ 店員的服務很好，很親切。

星期日陰晴不定，決定外賣返屋企食，遍尋推介餐廳，忽然閃過這間名叫十三姨的小店。雖然旺角不算就腳，但網上圖片卻吸引我專程乘車前往，覓得一良店，整日也樂然。店舖主打銷魂雞叉燒和秘製手撕雞飯。兩者皆吸引，奈何胃的體積有限，只能選擇更想試的銷魂雞叉燒飯。縱然相隔大半小時，皿內仍燙手，甫開蓋，香氣四溢，流心蛋中的溏心蛋黃遇上些微震動，即冀流出，顯然烹調時間控制合然、雞叉燒略嫌淺薄，細嫩軟滑，但味道不算突出，還幸甜豉油與沙律醬配搭合宜，將顆粒分明的米飯提升一個層次。整體來說，不過不失的小店。

話說又到放工醫肚嘅時間，早兩日係Openrice睇到一間餐廳，菜式幾吸引，用嚟打卡一流，一於收工約埋朋友去試下先……餐廳坐落旺角，人流多，地方細，去到第一時間係攞位！等大約十五分鐘，，侍應就招呼我地入坐。一入去，見到全局裝修都行古風（幾似江浙網紅店-桂滿瓏），在細節上又再添上幾分北歐網紅風（例如陶瓷調味罐、金色帳單夾、小鍋上菜），令全餐廳嘅氣氛游走係新派古風嘅格調中。講番食物，我地今次叫咗兩個招牌：「十三幺」、「十三飛」！十三幺 - 雞肉小鍋粉絲混米線三塊灸燒雞肉叉燒、一堆手絲雞肉、半隻溏心蛋配上幾許牙菜蔥花，一池檸檬胡椒特製濃湯的加持，令一碗扮日式拉麵嘅中式小鍋粉絲疊加上小紅書嘅網紅味～用料上十分充足，雞肉及粉絲吸收了湯嘅精華，每一口都有清新嘅口感，第一次發現，原來食湯粉絲加上檸檬汁都係唔錯嘅配搭！但以肉質來說，雞肉不是最嫩滑嘅，但係比起其他米線店，已經很不錯！推賞指數：🌺🌺🌺整體來說，很不錯，如果唔計坐位窄啲呢樣嘢，就嘗鮮嚟試一下都係值得去嘅！重點打卡真係幾好！性價指數：💸💸💸小鍋粉絲嚟講佢都算比較貴，不過勝在份量、服務質素搭夠，而且個粉絲真係幾好食！我都有興趣下次試埋食雞飯～十三

個人都幾鍾意食雞肉， 上網搵到介紹呢間位於旺角小巷， 評語又唔錯嘅小店。星期一晚，我同朋友6點幾入座，有一半位置都係無人坐， 唔明點解個服務員安排咗叫我哋同人搭枱。叫咗一碗手撕雞湯粉絲（$60）同十三飛牛湯粉絲配米粉（$72）， 隨後附送一兜蝦片。蝦片唔係太脆，應該放咗一段時間。雖然個湯麵份量適中 ，但同menu 既描述不符 。手撕雞湯同牛湯 個湯都冇咩特別， 味道非常淡。我哋落咗啲辣椒同甜豉油先比較出味。 手撕雞又唔係特別嫩滑，牛肉正正常常。 總括嚟講唔太推介好彩店舖，提供可以用八達通付款。