十三姨 (通菜街)

营业中

休息中

朋友介紹我黎呢一間位於旺角女人角既十三姨 唔係食飯既時間 所以唔算多人 座位十分舒適 第一次黎試 打開餐牌 野食價錢唔算貴 一場黎到當然叫佢最出名既手撕雞伴雞油飯加叉燒 同行既朋友叫左個牛肉湯麵 仲額外加左份春卷 雞油飯味道普普通通 建議要落小小佢既秘製飯豉油黎撈 味道會好d 而叉燒比較乾身 牛肉湯麵味道同樣普普通通 湯底比較咸 份量唔算多春卷就相對黎講幾好食 黎到好似岩岩炸起 幾出色總括黎講普普通通 如果下次黎食 可能會試下佢既米粉同鵝肝飯

這家十三姨，之前經過都有想過內進，但好像也是當時內裏太多人，恐怕座位擠擁，沒有內進。蝦片，少許油膩，彩色不太鮮色不覺色素過多，吃落也不覺太肥膩這次友人搜查之後，因為她是喝湯怪魔，即管一試。內裏其實座位不少，有些好像中式客棧的桌子，另外旁邊就有對座的桌子，但是也偏向擠迫。這醬油，毫不特別，以為拌飯會怎麼美味，豈料完全沒特別的我們就坐近門口的大張卡位，但是是沒有靠背的卡位，因此，有時可能與背後的少女背脊碰上了，但是座位相對寬闊，即使平排錯，也顯得較為寬闊。😀因為看這個湯鍋，感覺上份量也不是怎麼多，因此我沒有叫，友人則點了個湯的銀針粉，看來份量也不多，有些牛肉，湯底看來色水也不太深，但是味道也不錯。而我的雞叉燒，其實看來賣相都不錯，有幾片雞叉燒，然後有兩邊所謂糖心蛋，米飯上面有些蔥粒，有些他他醬，這樣就可以將雞叉燒的照燒醬，混和他他醬那種沙律味，酸酸鹹鹹，用來撈飯，難食極都有個譜。但其實，雞叉燒，說穿了，都只是將雞肉，卷成一卷，然之後再切開，不算太過滑溜，比起雞脾肉，應該還要乾及鞋一些，因此，光是說這個菜式，再回來吃的機會都不大。😪沒有加飲東西，因為這兒的熱飲，竟然都有一整個茶包，真是難得。

一入座就會有一杯彩色既炸蒜味蝦片 然後就叫左鋪頭比較出名既飯老闆娘鵝肝煎蛋飯 $108 每碗大約有3塊已經煎香既鵝肝 配合肉碎 太陽蛋 蒜片及蔥花 加埋秘製既豉油撈勻黎食 真係好幸福 幾肥都唔怕(＞人＜;)

十三姨前前後後食了大概十次，第一次是在朋友推介下，一起去了，跟住就愛上了。因為價錢得宜，所以同朋友經常去旺角都會選擇十三姨。首先會有免費的炸蒜片，每次落單後未有野食都會一塊接一塊吃。這裡主食基本上都很不錯，手撕雞雞油飯必須要配上枱上的雞油飯醬油，增添生色。不怕脂肪下，雞油香拌飯令人一口接口，很快就會吃光一碗。招牌十三么才是我的真愛，因為粉絲配上雞湯一流，雞湯再加上檸檬汁，酸酸的很開胃呢，而且很特別會有腸粉在內。吃過很多次但都沒有拍照哈，可能太日常了～～～串燒是間唔中才會叫的，特別肚餓的時候。沒什麼特別。很喜歡店內播的歌，是90後的年代呢！ 店員的服務很好，很親切。

星期日陰晴不定，決定外賣返屋企食，遍尋推介餐廳，忽然閃過這間名叫十三姨的小店。雖然旺角不算就腳，但網上圖片卻吸引我專程乘車前往，覓得一良店，整日也樂然。店舖主打銷魂雞叉燒和秘製手撕雞飯。兩者皆吸引，奈何胃的體積有限，只能選擇更想試的銷魂雞叉燒飯。縱然相隔大半小時，皿內仍燙手，甫開蓋，香氣四溢，流心蛋中的溏心蛋黃遇上些微震動，即冀流出，顯然烹調時間控制合然、雞叉燒略嫌淺薄，細嫩軟滑，但味道不算突出，還幸甜豉油與沙律醬配搭合宜，將顆粒分明的米飯提升一個層次。整體來說，不過不失的小店。

話說又到放工醫肚嘅時間，早兩日係Openrice睇到一間餐廳，菜式幾吸引，用嚟打卡一流，一於收工約埋朋友去試下先……餐廳坐落旺角，人流多，地方細，去到第一時間係攞位！等大約十五分鐘，，侍應就招呼我地入坐。一入去，見到全局裝修都行古風（幾似江浙網紅店-桂滿瓏），在細節上又再添上幾分北歐網紅風（例如陶瓷調味罐、金色帳單夾、小鍋上菜），令全餐廳嘅氣氛游走係新派古風嘅格調中。講番食物，我地今次叫咗兩個招牌：「十三幺」、「十三飛」！十三幺 - 雞肉小鍋粉絲混米線三塊灸燒雞肉叉燒、一堆手絲雞肉、半隻溏心蛋配上幾許牙菜蔥花，一池檸檬胡椒特製濃湯的加持，令一碗扮日式拉麵嘅中式小鍋粉絲疊加上小紅書嘅網紅味～用料上十分充足，雞肉及粉絲吸收了湯嘅精華，每一口都有清新嘅口感，第一次發現，原來食湯粉絲加上檸檬汁都係唔錯嘅配搭！但以肉質來說，雞肉不是最嫩滑嘅，但係比起其他米線店，已經很不錯！推賞指數：🌺🌺🌺整體來說，很不錯，如果唔計坐位窄啲呢樣嘢，就嘗鮮嚟試一下都係值得去嘅！重點打卡真係幾好！性價指數：💸💸💸小鍋粉絲嚟講佢都算比較貴，不過勝在份量、服務質素搭夠，而且個粉絲真係幾好食！我都有興趣下次試埋食雞飯～十三

個人都幾鍾意食雞肉， 上網搵到介紹呢間位於旺角小巷， 評語又唔錯嘅小店。星期一晚，我同朋友6點幾入座，有一半位置都係無人坐， 唔明點解個服務員安排咗叫我哋同人搭枱。叫咗一碗手撕雞湯粉絲（$60）同十三飛牛湯粉絲配米粉（$72）， 隨後附送一兜蝦片。蝦片唔係太脆，應該放咗一段時間。雖然個湯麵份量適中 ，但同menu 既描述不符 。手撕雞湯同牛湯 個湯都冇咩特別， 味道非常淡。我哋落咗啲辣椒同甜豉油先比較出味。 手撕雞又唔係特別嫩滑，牛肉正正常常。 總括嚟講唔太推介好彩店舖，提供可以用八達通付款。

依間見成日買廣告，每次經過都見到要排隊，一於試下佢龍與鳳。一坐低就會有杯茶同蝦片比你食住先依個服務好好。黎到緊係食佢主打手撕雞配雞油飯，手撕雞份量唔算多，唔係好食到有雞油味，配埋豉油又真係好香，即刻想扒多2啖飯，幾十蚊黎講好值另一主打係依個鵝肝剪蛋飯依個配埋炸蒜仲有秘制既醬料，落少少豉油再加埋鵝肝真係無得輸，少少辣得黎又香口。排隊都真係要食下，依間下次小編都會再食

去到旺角唔知食咩好就同我朋友嚟咗依家十三姨度食鵝肝煎蛋飯嗰日咁岩唔使排隊入到去就即刻有位坐老闆娘好好人介紹咗獨特醬汁比我地撈飯個飯有2塊又厚又大嚿既鵝肝都只不過係$100左右今時今日仲可以係邊度搵到咁抵既鵝肝嘅飯個人我哋仲叫咗串燒 不過味道一般 重點始終係個飯度

📸#tagnshare旺角篇.朋友介紹左呢間心思小店，又幾唔錯喎！主打大碗飯、大碗粉、串燒.. 一望個餐牌我當然揀左邪惡到爆💡既《老闆娘鵝肝煎蛋撈飯》（$108）勁滿足，鵝肝超大塊又厚，加埋秘製醬油🤤好梳乎～* 仲點左炙燒手絲雞湯粉絲（$60）粉絲係米粉+粉絲.. 不過我地就覺得佢既炙燒有d燶燶地既味，上枱果刻係燒到卜卜下🔥。 另外介紹既係十三姨既特飲🍹岩鹽柚子雪碧、話梅可樂、鮮奶溝忌廉... 好鬼有心思❤️🙋🏻‍♀️高妹小編.- 👇🏻地址👇🏻.十三姨 (旺角)旺角通菜街1M-1T號華發大廈地下C號舖

期望愈大 失望愈大IG個個都介紹十三姨 但夜晚去話冇哂飯湯麵主要有雞/牛 可以揀唔同麵線.十三么🐔$66即係雞叉燒 手撕雞 溏心蛋 粉絲拼米線寫話湯底係靈魂🤡但飲落得芽菜味 雞湯清到呢店員話加檸檬🍋自家製辣醬會好味啲平平無奇啦 粉絲+米線+芽菜口感奇怪仲要冇啦啦加腸粉 炸蒜🤷🏿‍♀️真係黑人問題.上等牛肉陽春麵🐄$68根本就係港式生牛肉pho 又青檸又生牛肉雖然話陽春麵會飽啲 但份量都係偏少 味道普通.每枱送彩色蝦片 賣相不錯 但淋哂另設加一服務費 唯一讚應該係杯茶同店員態度.食完覺得太fusion💩港式腸粉 印尼蝦片炸蒜 越南生牛肉 泰式辣醬 偽新加坡摻摻 中國陽春麵 日式叉燒/蛋冇IG打手咁講到非食不可…冇乜特別 可以不試

同朋友特登黎試呢間人氣小店十三姨，因為我地傍晚6點幾到，餐廳唔太多人，一入就入到。有開胃小食蝦片食，好脆。呢度個手撕雞雞油飯好出名，但食落又唔覺超級好食，手撕雞有少少「鞋」，但配左炸蒜同埋蔥增加口感，所以都算ok。同雞油飯相比，我自己比較鐘意食手撕雞湯粉絲，粉絲吸哂雞湯既精華，而因為有湯汁，令雞絲冇咁乾身，惹味好多呢個叫「十三飛」，入面有安格斯牛肉、牛腩、米粉，個湯味道會比較濃，牛肉肉質都算嫩滑。野飲方面，我就點左個黑牛，即係朱古力雪糕+可樂，估唔到兩者味道出奇地夾

閒日放工同男朋友食晚飯，當時已經係夜晚8點30，黎到見到起碼有3-4枱客等緊，好好生意呢~其實今次係第二次幫襯，去年試過佢既手撕雞油飯，已經對呢度印象幾好。今次就試下佢既湯麵啦~呢度既室內裝修帶點中國風，一坐低待應就會送上五顏六色既印尼蝦片作餐前小食同熱茶。裝住蝦片既器皿同匙羹麵都係古銅色，有點東南亞和印度的風，好fusion既感覺，而呢度既食物的確都帶點 fusion既感覺。今次我叫左「灸燒手撕雞湯銀針粉」。食湯麵最緊要係個湯底，正如menu上寫道: 「湯底是靈魂」。一個好味既湯底係可以留住客人既心。湯底好鮮味，應該落左好多隻雞去煲，但一D都唔油膩，後尾聽老闆娘講，個湯仲落左十幾種唔同既香料製作，例如有南薑、黃薑、香茅等東南亞香料，難怪味道咁特別。真係會不知不覺飲左好多湯，最重要係無味精!我地坐係近門口，收銀隔離個張枱，一位相信係老闆娘既人，好熱情咁教我地一開始試完個湯底，可以再加上佢地擺放喺枱上嘅自家製青辣椒醬，食落又會另有一翻風味! 不過落少少已經好辣，大家要注意。銀針粉脹卜卜，而底下有幾舊腸粉粒，好得意，總之成碗麵都好滑嘟嘟啦。雞絲撕得幼細，份量適中，但就有少少鞋。配料有半隻糖

呢間既鵝肝煎蛋飯之前在網上見到相已經流哂口水 終於有機會來試一試了 12點店舖開門就到達所以完全不用排隊 呢個飯真係不得了！108蚊有3大塊肥美鵝肝性價比非常之高！飯上面既太陽蛋同蒜頭醬撈埋一齊食 非常惹味 每一啖飯都食得到鵝肝好幸福呀！飯本身已經有味 但加埋祕制甜豉油食又有另一番滋味 非常推介！

.📍十三姨見到咁多人介紹，我都心郁郁想試好耐，湯粉麵比較出色啲，但我覺得service幾好嘅，一入去有杯茶，仲有好好食嘅蝦片定蒜片？總之香口脆卜卜💕Overall都可以一試嘅，不過我覺得價錢可以再平民小小🙈—————————————————————❣️十三么（$66）個名就特別，其實就係有手撕雞、糖心蛋、雞叉燒、米粉拼粉絲，炙燒過嘅雞叉燒同雞絲有少少煙薰味，好香係幾好食既。同埋佢用米粉拼粉絲幾特別，仲要有幾條腸粉嘅嘢，口感夾埋個湯底好正！粒蛋都巧巧食🥰.❣️大三元（$68）呢個其實就係蔥油雞絲飯、糖心蛋、雞叉燒，um呢個飯真係好普通，糖心蛋、雞叉燒就幾好！但十三么出色好多！—————————————————————不專業評分👅好味指數:4/5💰性價比:3.8/5👍🏻推薦:4/5—————————————————————🏡地址:十三姨 (旺角)旺角通菜街1M-1T號華發大廈地下C號舖—————————————————————#chuchu食在旺角#chuchu食港式#chuchu食蛋#香港美食 #hkfood #852food #相機食先 #香港好去處 #hkfoodie #hkblogge