北京老家

营业中

休息中

一家三口點了一份北京烤鴨，菜上來的份量感覺並不是一只鴨該有的份量，並不多。配料和擺盤個人覺得比其他京菜店舖比如北京樓好像沒那麼精緻，但是味道很不錯。建議大家買單後可以選擇拎走鴨架，一是還可以片出好多鴨肉，二是可以煲湯。這樣食物也不會浪費。另一道菜就是常見的北方菜地三鮮，土豆，甜青椒和茄子做的。口感地道，但是有些過於油膩。其實這個店我想嘗試水餃和麵食，下次有機會想試試羊肉片嗆麵條和水餃。喜歡這裡的環境，簡單大氣的宮廷范兒。

平時Lunch Hour也不時去尖沙咀的北京老家分店吃飯，午餐價錢划算。但今天相約住港島的朋友，唯有過一過海移步至位於灣仔合和中心的分店。裝潢風格大致相當，都是半宮廷的傳統中式風格，但灣仔分店更為戟敞和有氣派，蠻舒適。部份菜式有圖文介紹...... 北京填鴨 ($218/半隻): 鴨皮香脆有油香，肉亦帶肉汁，整體不錯，薄餅皮厚度適中，連同京蔥、青瓜絲及填鴨醬一起吃，蠻有風味。大娘燒肉餅 — 羊肉 ($108): 可選豬肉/羊肉，由於醬汁味道香濃，所以羊味不太突出，不喜歡羊羶味的朋友可放膽享用。餅底香脆但不會太「粉」，餡料夠濃郁，用來夾餅起剛好。胡同牛肉刀削麵 ($88): 刀削麵造功紮實，麵質和味道均相當不錯，配合香甜不膩的牛肉湯，的確蠻討好。牛肉終是牛肉，但重點並不在此。高力豆沙新鮮焗起，蛋白味道突出，紅豆餡料再加大量白沙糖，相當香甜。

京菜不外乎烤鴨，除了烤鴨對於京菜無其他印像。餐廳名符其實似「老家」，提供特色家鄕菜，好多都未見過未聽過，今晚京菜非常有「京」喜！餐廳由外到內都係濃烈傳統中國特色，十足穿越時空回到過去古代遇見曹操三子

店內更有show time 時間，師傅現場表演拉麵，十分有氣氛  京城豬皮凍
用豬皮煮成膠質雪凍，還有一絲豬皮，口感似足啫喱又咬到豬皮煙韌，加上酸爽辣醬汁，非常開胃
 大娘燒餅 有羊或豬兩種肉選擇，我選羊肉，肉份量夾滿烤過包之間，不過質感偏硬比較有咬嚼老家燜子 食材做法非常有老家感覺，係香港第一次食到。燜子用地瓜粉做成方粒，燜子軟腍帶點煙韌，加入乾貝先煎後燜，加上芝麻醬汁，有乾貝味道，味道鮮味蕃茄雞蛋手擀麵手擀麵條源於漢代，據今已經有2000多年的歷史了，古人最普通家常便菜，簡單加入新鮮蕃茄、煎蛋，味道簡單 老佛爺米糕
米糕用糯米製成，外層炸至香口，內層鬆軟，再點桂花糖

老家不論環境定菜色都有驚喜

今日同同事一齊到咗聞名已久嘅北京老家食飯, 一入門口見到內裡已經係主打美輪美奐嘅傳統中國風，所有一點一滴：枱、餐具同裝飾都彷似帶你去到北京胡同一樣，品嚐正宗老北京風味！菜式全以鴨為主，運用唔同煮法將鴨烹調得淋漓盡致，讓味蕾重新認識鴨的味道。由於係同事請，倖存者完全無記低價錢，所以偷懶一日唔打價錢北京填鴨講起北京菜，必定要提呢到道北京填鴨！鴨肉每塊肥瘦適中，咬落啖啖肉汁，烤至深啡色嘅鴨皮喺燈光照射下，閃閃生輝。皮雖薄但夠韌，再加埋秘製醬汁，入口不得了！小籠包倖存者最鐘意食小籠包，所以滿心期待。小籠包略嫌包內湯汁較少，不過皮夠薄，餡料夠多，食落口感豐富拔絲草莓呢道其中一碟招牌菜，必試！除咗「相機食先」嘅外表外，每粒新鮮草莓均由麥芽糖完整包住，配埋絲絲柔脆麥芽糖，甜得入心紅油抽手腐皮

男朋友話佢公司附近有一間裝修好特別嘅北京菜，問我想唔想試吓。上網睇一睇好似又幾吸引，等佢收工就一齊去食。門口裝修的確好古色古香，有好多幾靚既打卡位，上一層去到餐廳，全間餐廳都用左古木裝修，充滿懷舊老北京感覺。餐前小食裏面有花生西芹蘿蔔，外表平平無奇，但食落出奇香口。前菜叫咗一個麻辣肚絲。份量比想像中多，肚絲切得幼細，同香芹蔥絲等同食口感唔錯。辣椒油多亦都好夠麻辣，辣度算幾高。好在我同男朋友都好鍾意食辣，係一道相當惹味既前菜。大娘燒餅羊肉，燒餅口感紮實，有別於一般包子。羊肉加入芫荽乾蔥炒，味道香酥肉嫩！午門面青，見到個名幾特別，英文菜名係豬頸肉，所以就叫黎試吓。上枱之後睇顏色，好有上海菜濃油赤醬嘅風味，豬頸肉味道亦偏甜，重糖亦是上海菜特色。配菜最特別，係炸淮山！比薯條更香口！紅油抄手，外表與一般紅油抄手冇分別，但食落味道原來完全唔同。一般嘅味道係酸辣，呢度嘅味道係甜辣，抄手皮唔似一般雲吞皮薄，反而似餃子。雖然同想像中有出入，但味道又ok喎。最後甜品就叫左老佛爺米糕，個名好似好大牌！哈哈！糯米紅豆綠豆煮得夠軟，好似糯米糍咁，外面又外面炸得夠脆。重點係桂花糖漿，清甜又香！結果差唔多要同男朋友

很久沒有吃我們至愛的片皮鴨，今晚一家人便來北京老家吃飯。店內裝潢古色古香，有很多傳統擺設，感覺很特別，侍應服務也不錯。老家心靈美 紅色的蘿蔔切成幼絲，用糖醋汁調味，是一道很特別和開胃的前菜。北京填鴨半隻 填鴨賣相不錯，餅皮很薄又熱辣辣，加上青瓜、京葱和甜醬真的很美味，只可惜份量少了一點。五門面青 豬頸肉爽口，醬汁甜甜的，淮山切成薄片再炸得香脆，令人吃得停不了。葫蘆香鴿 乳鴿炸得香脆，盛在葫蘆形的器皿內，侍應會把乳鴿剪成小塊方便客人食用，吃時加上附上的香料會惹味些。胡同牛肉刀削麵 牛肉用京葱炒過很香，而且份量很多，但刀削麵略為軟身了一點。高力豆沙熱辣辣的高力豆沙一點也不覺油膩，豆沙餡份量和甜度也適中，使我們非常滿意。

依家香港越來越多食北京填鴨嘅地方， 今次就試咗有三間分店嘅北京老家！黎呢度食飯北京填鴨一定唔少得! 呢度嘅北京填鴨唔係得塊皮，連埋肉，皮都算係脆身，都唔錯！食左一樣叫老家燜子既菜式，非常驚喜！其實我唔太清楚係啲乜嘢，但係外脆內煙韌，醬汁好似係蔴醬，出奇地幾好食，所以可以試下。除咗北京填鴨之外，我哋都試咗葫蘆香鴿，鴿肉Juicy，味道相對較濃，鐘意重口味既人應該都幾鐘意。甜品方面，拔絲香蕉就見得多，今次試咗個叫種係拔絲淮山！淮山爽口，配上外見既拔絲，新穎得黎都幾夾，食埋甜品先至完滿！

北京老家的裝潢設計特色，別富故事中的老北京格調，我們覺得有趣，外籍人仕更會覺得有意思，而且還有拉麵條表演，是請客的好場地。 食物設計配合，乾隆雍正宮廷宴、或者特色前菜主菜皆備，如果只是的自己人食飯，家常小菜水準也過得去。 今晚最令我們有驚喜的是老家燜子 $118，燜子是地瓜粉造的涼粉，經過煎燜而成，腍腍地又帶點煙韌，配合芝麻醬汁，味道討好豐富，真的美味！ 一向我都喜歡四喜烤麩 $78，今日方才知道＂烤麩＂是＂靠夫＂的意思，從古至今不變，女子婚後可以做＂亞太＂當然是幸福美好！麵筋混合冬筍、木耳及香菇，脆爽軟棉又多汁，水準合格。 點了兩款十大名菜，葫蘆香鴿 $218，其實樣子不太似葫蘆，香酥味辛，皮脆肉嫩，非常惹味，出色的一道。 大娘燒餅 $54/只，羊或豬兩種肉的選擇，可能是正宗北京口味，雖然見到有焦烤效果，但涼了偏硬、皮太厚，不過不失而已。 拔絲山藥 $88，賣相不俗，甜甜糯糯的味道。

一踏進這「家」，便感到它有着濃濃的中國風，全店皆以深褐色的木桌椅為主，古色古香；場內亦有師傅定時表演拉麵助慶，氣氛熱鬧。我們選了不少菜式，前菜、主菜、麵食和甜點一應俱全。前菜點了四喜烤麩和蒜泥茄子，常以為用手搣的烤麩才是正宗做法，但這店的烤麩卻切得非常工整，味道不太濃，但開胃；而蒜泥茄子，由於茄子本身味道較淡，只能吃到蒜味。主菜：吃北京菜，怎能缺少北京填鴨呢！一隻北京填鴨到枱時已經「骨肉離散」，沒有機會親眼欣賞到廚師的片皮功夫，有點可惜，但碟上仍可看到不同的片鴨法：淨鴨皮、鴨皮連少許鴨肉、少許鴨皮連大片鴨肉；用熱騰騰的薄餅包著鴨肉、海鮮醬、京葱和青瓜，大口大口的吃著還是十分滋味。老家燜子：用薯粉炸成的小方塊，吃時有點煙韌，混入了芝麻醬去拌吃，味道像冷麵。五門面青：豬面青爽滑，醬汁帶甜，像去了辣的回鍋肉。葫蘆香鴿：這菜式的名字也許源於盛載鴿子的碟像個葫蘆吧！雖然碟尖放了孜然粉去提味，但乳鴿還是傳統油炸為佳。大娘燒肉餅：豬肉和羊肉饀料各有特色，燒餅像乾煎走油酥餅，不油膩，很好！紅油抄手：一口菜肉餛飩，混了不甜不辣的醬油，味道不俗而且吃得方便。胡同牛肉刀削麵：牛肉的做法有點像蔥爆牛肉，刀削麵

今晚我們一行八人揀了所有人也未去過位於灣仔的北京老家吃晚飯。由於餐廳裝潢是走古式古香的風格，配上很多特色的擺設，我地幾位女士就瘋狂地影相打卡，男士就負責點菜。侍應生説今晚所飲的茶是大麥茶，唔睇餐牌都唔知原來只有灣仔店舖才有供應，茶位每位$15。是夜叫了蒜泥茄子（$78）和四喜烤麩（$78）作為前菜，茄子比較淡味，烤麩味道略勝一籌。食京菜又怎可以不點北京填鴨（$428)，我們有八個人，所以叫了一整隻，每片鴨片都有皮和肉，分佈得很平均，不會有太過油膩的感覺，皮薄饀靚，整體不錯。今晚我最欣賞老家燜子（$118），外表看起來不甚起眼，但味道很特別，質感煙煙韌韌又有囗感，記得蘸上那些醬汁一起吃，味道濃郁又帶有點麻醬的香味，可能未曾吃過這道菜，非常有新鮮感，不經意地吃多兩件。第一次食葫蘆香鴿（$218），發覺盛載的碟是葫蘆形狀，不知是否因此而命名，外表看起來有點太乾的感覺，但廚師烹調出來的效果是很能鎖住肉汁，換來外脆內軟的口感。拔絲山藥（$88）外貌很吸引，以往只會吃拔絲香蕉或拔絲雪糕，原來拔絲山藥也不錯，味道甜甜地又爽口。

北京老家在灣仔也有分店，還有2層的！一層是接待，一層是用餐。設計非常有心思！有濃厚中國色彩。有部份台會有魚缸做底！可清晰見到魚游來游去，都幾得意。吃京菜當然不少得這隻北京填鴨，圖的份量為半隻。鴨都幾肥美！肉嫩滑。鴨既油香濃郁，熱辣辣既薄皮包上京葱，青瓜再蘸上醬包住食。係好食既但唯一的是青瓜竟是冰凍的。有點打了折扣！！但鴨是惹味香口的葫蘆香鴿，第一次食這種煮法！炸到很鬆脆乳鴿肉滑好味道。炸到外層脆脆的老家燜子，是蕃薯粉制成的，口感煙un醬汁為麻醬。好惹味。高力豆沙唔會過甜。外層香脆亦不會有油膩感

朋友在灣仔附近反工就相約幾個人一起在這𥚃食晚飯一坐低工作人員介紹碟開胃前菜，老家心靈美，酸酸甜甜又真的幾開胃胡同刀削牛肉湯麵，湯味濃厚，麵口感竟然甘正牛肉信心保證北京塡鴨，人不多可以叫半隻食，北京菜怎可不吃小小十四喜烤麩，都系前菜大娘燒肉餅，入面個餡炒得好香，多肉汁，好味老家燜子，朋友非常喜歡食，我自己都覺得可以蕃茄蛋麵午門面青，豬頸肉，非常入味又好吃蘆之湖露營村葫蘆香鴿，好特別整法，全隻食下去都吾覺油，好香炸芝麻湯丸，最後食反個甜點，完美結束

和幾個朋友吃中菜，大家選擇了北京菜，在腦海中的北京菜大多是吃餃子的，很少會來這些餐館。來到北京菜館當然少不了吃片皮鴨，片皮鴨半隻分量比較少，粉皮大概有八至九塊，不算太多，味道油份等則不過不失。叫了一個老家心靈美， 看到餐牌才知道這個原來是花心蘿蔔，要這個的原因是平常沒有看過這個餸菜。花心蘿蔔絲配上甜酸醋，味道挺清新，但是蘿蔔應該是生的，如果不喜歡吃草青味的朋友便要考慮一下了。另外叫了一個老家燜子，這個就是炸番薯粉配上一些麻醬，又是未試過的菜式感覺很新鮮，未試過的可以一試。葫蘆香鴿， 比起我們平常的炸乳鴿，這個炸鴿有一些獨特的味道，好像是一些茶香，像茶燻鴨的炸鴿子，很香口特別，肉不多但也很嫩多汁，一人半隻，份量剛好。高力豆沙的甜度適中，粉團軟硬剛好，作為這餐的完結十分滿足。

京菜成日都食，但前排同家人去左灣仔嘅北京老家，發覺佢地嘅菜色都幾特別，如果食厭傳統嘅，呢間可以一試。 當日餐廳個氣氛唔錯，多人但唔會好迫，每張枱都有距離，保持到大家嘅私隱。而且我地6個大人連一個BB，張枱好夠大，坐得舒服。 食左北京填鴨，皮夠脆薄餅又夠熱，可以比高分。 前菜是冷盤來的，叫老家心靈美，是蘿蔔絲來的，加了醋汁，所以好開胃。另外仲有四喜烤麩，一樣酸酸甜甜。 來了兩件大娘燒肉餅，熱辣辣，好似中東個隻烤肉餅，都幾好食。 主菜叫左老家燘子，像麵筋一樣有點煙靱，吸左D汁嘅味，但唔會好咸，都幾清新。 午門青肉，呢款反而係濃味嘅！肉好爽餸飯一流！ 另外就係蕃茄蛋麵及胡同刀削牛肉麵。前者會覺得唔係特色菜，但反而覺得好清新，因為湯底都好鮮茄味，食唔出係茄膏味道。而後者就有D辣，麵質都彈牙。 最後就係葫蘆香鴿，反而係全炸唔係燒嘅，我就覺得有點熱氣，但朋友鍾意食香口野就勁Like! 甜品就食左高力豆沙同炸芝麻湯丸，好大份又足料，食完真係好飽！

灣仔店比尖沙咀分店更闊落，坐得冇咁逼。店員服務唔錯，會同我地介紹菜色。老家心靈美 $78係紅心蘿蔔絲做嘅冷盤，醬汁酸甜，好開胃。北京填鴨 $218份量較少，鴨皮唔夠香脆，較為失色。午門面青 $118香脆淮山片炒豬頸肉，雖然偏油，但係好惹味，食到停唔到口。葫蘆香鴿 $218好咸好油，唔啱我口味。葫同刀削牛肉麵 $88牛肉份量好多，大大碗好抵食，刀削麵煮得偏腍，如果彈牙啲會更好。高力豆沙 $88啱啱炸起好鬆軟，豆沙可以多啲。