北京老家

营业中

休息中

前些日子，我乘高鐵由香港直上北京，只要四個時辰，就可由東方昔日的小漁港經武漢過長沙，橫跨兩河，行程六千里，直赴京師。真有一種大地在我腳下的感覺。閒話休題，我在北京王府井享受正宗北京填的同時，我的朋友在Whatsapp已十分不值我在北京獨食難肥，勒令我第二天立即回港和她共晉烤鴨。地點選在了灣仔合和中心8樓的北京老家。出乎意料的是該京的烤鴨並不遜於全聚德的老店，當然全聚德的填鴨可以有三食，而北京老家雖然只有一食，但就鴨的品質仍算是皮脆肉嫩，油膏甘腴，實屬上乘之選。和北京風味不同的，全聚德用的是甜中帶些苦的麵醬，而北京老家似乎用的是一般食腸粉的甜醬或是乳豬醤🤔整體來說，北京老家的填鴨和北京全聚德可說是有得一比的，以後吃正宗風味的填鴨在香港也能吃到。同場還點了數味京菜，水煮魚似乎選用的是嫩滑桂花，還有花雕醉雞，絶對是美味推介。

我對於食「皮」依樣野有情意結，細個淨係中意食雞皮、燒鵝皮、燒肉皮.....無皮不歡。所以有片皮鴨依件事實在係太偉大！🤣片皮癮起，逼我朋友陪我食，因為食完去維園既關係，上openrice搵左依間係灣仔既北京老家又有得book就決定試下。我地去到，好多一家人提早食團年飯，我地問侍應叫片皮鴨要等幾耐，因為上次食美中鴨子等左成個中。佢話今日多人叫師傅會keep住整，唔使等太耐，十分鐘左右。我地兩個人叫左半隻同埋蒜泥茄子、韭菜餃。蒜泥茄子唔錯，除左蒜蓉之外仲有好似麻醬 x 花生醬。份量唔算多因為只係前菜。之後片皮鴨好快到左！好開心！份量比我預期中多，因為一般叫半隻都好少（一個人都食得晒果隻）而且佢皮肉分配適中，唔會話有d切完得返舊肉，每舊都有皮cover的。不過個皮就差少少、首先唔算好熱，其次有d粉咁既野（我估係為左唔好痴住d皮一齊，因為佢係無好似其他鋪頭咁有一張張紙隔住）係幾好食，d皮充滿油份，不過明顯唔係即整即切，有少少涷左，今日咁既日子就算佢啦。最後個餃子味道就真係好普通，其實北京既餃子有個問題係佢唔跟湯上，一涷左乾左d皮就變得好厚好難食。不過我係為左片皮鴨而黎，暫時滿足左我既片皮癮先。

北京老家 北京官府菜店舖裏的裝潢都係有古色古香嘅中國味道， 即刻好似去咗拍古裝咁嘅場景龍， 中國人用嚟代表自己嘅一種象徵， 餐牌都用咗龍做封面呢度有兩個是為喺度守住個樓梯位聖旨隨便擺放茶係中國嘅傳統蒜泥白肉白肉薄薄咁切到一片片， 蒜泥就略嫌唔夠， 白肉底下有麻醬同粉皮， 都幾特別京蔥爆牛肉呢個牛肉炒得好惹味，味道好濃沃北京填鴨主角北京填鴨終於嚟啦， 填鴨表皮好光澤，油香味極濃， 配料有青瓜，蔥同埋佢特製嘅醬汁用皮包住一齊食， 一咬落去油香 肉汁 配料同特製醬汁加埋一齊， 好好食， 真係好好食。拔絲士多啤梨呢個拔絲士多啤梨嘅賣相真係非常之精美， 上面係用糖絲拉成不規則嘅圖形， 下面係用麥芽糖包住士多啤梨， 食完真係甜甜蜜蜜豆沙鍋餅豆沙鍋餅烘到金黃色， 入面包住暖暖嘅豆沙， 脆卜卜的外皮加上軟淋淋嘅豆沙，一絕整體嚟講呢度嘅食物質素都幾高， 特別係個北京填鴨， 真係好好味， 值得推介畀大家。

裝修典雅嘅北京菜館唔止顧及食物美味，仲顧及環境風味～每張枱都係一個魚缸，望住啲魚係枱下面游來游去，賞心悅目，朋友要OT未趕得切來到，我就有餘興節目，玩吓金魚先咯～老家心靈美，又好似菜頭、又似蘿蔔... 總之就係食沙律嘅風味，但係未試過嘅質地，小小辛辣，作開胃飯前小食...不錯～燒肉餅，讓滿榨菜肉鬆嘅乾燒餅，恰好和味，燒餅外脆內軟～午門面青，豬頸肉配淮山乾爆炒，香脆、好特別～番茄雞蛋手擀麵，家庭風味～老佛爺米糕，甜甜地，煙煙韌韌，好有質感，桂花糖淡淡桂花香～

一直都比較喜歡吃較為傳統中國菜，今個月頭就來到較有特色的北京老家。一步進菜舘，看見傳統的裝潢，還添置了不少具有中國味道的擺設，未開始進餐，眼睛已經有眼褔了。先來小吃，醒醒胃口 - 老家心靈美(酸蘿蔔絲)，及四季烤麩，京城豬皮凍，味道好好味。。。北京填鴨是必叫的，味道沒有令人失望，皮肉剛剛好，不太肥。大娘燒肉餅沒有比想像中那麼好吃，可能是餅比較硬，而肉汁不夠。拔絲士多啤梨，賣相一流，但好吃程度都要高力豆沙比較好味。整晚各款菜式都好好，可以值得再來。。。

一般般的北京菜。味道重好好鹹好甜的醬料。壽司雞肉質粗硬有點像煮過湯的鷄，有點兒失望😞坐位是古色木椅和台，很有特色。可是若然坐久了背部就有點酸痛。至於服務員就可以更主動替客人更換碟子。至於環境就會比較嘈吵，可能因為樓低比較矮。

上星期日下午經過合和中心，原本諗住去附近食四川菜。一泊完車搭lift落番七樓。見到一間叫北京老家嘅酒樓，感覺有D懷舊，尤其個餐牌，好似幾傳統。門口嗰姐姐幾有禮貌。好，一於轉陣，上去試試。一上到去，裝修骨子，地方都寬敞。一打開 menu, 好多傳統北方食物。餃子，羊肉串，北京填鴨等等我地嗰日叫咗酸辣湯拉麵～酸辣度適中，拉麵夠滑身羊肉串～嫩滑帶小小氈，好味韮菜餃，羊肉餃都有去北京食嘅感覺山東饅頭好鬆軟，搓得非常好鍋貼煎得香又多肉汁仲有津白同涼菜整體嘅講做得非常出色，下次有機會去試下佢晚飯先。

2018 最後一個晚餐～ 當然唔可以是但hea食片皮鴨幾時都係我的最愛之一蒸皮熱辣辣，個鴨香噴噴～一咬落去鴨油香充斥著成個口～好食！雞絲粉皮麻醬係底，粉皮好有咬口～一啖食哂青瓜雞終粉皮，有哂三種口感，食唔停口後面果個魚唇，有滿滿的骨膠原，一睇個色就知佢惹味～ 但就過油～ 碟底有一層微厚的油～上湯西洋菜～ 本身以為佢淨係得菜～ 原來佢仲有菇同蝦～ 清清地去左之前既油膩～ 拔絲蘋果～脆脆的糖衣配上微酸的蘋果～ 一絕！一咬落去，蘋果仲有少少熱～ 食得出蘋果撲左少少粉再整～ 個拔絲好靚，絕對係影相必叫的菜色～

約了朋友晚飯, 天氣有點涼, 吃中菜的期盼比西餐多, 又不想吃common的上海菜或廣東菜, 就選了北京菜食, 一行四人去了灣仔合和中心的北京老家.​這裡的設計充滿中國元素, 有大宅門的味道, 分了上下兩層, 下層全是佈置, 放了大紅花轎, 京劇臉譜, 古代將軍擺設等等, 相當古色古香.​​通過長長的樓梯到二樓是餐廳部份, 樓梯同樣充滿中式雕刻, 整體洋溢華麗的古典氣派.​北京菜館走酒樓風格, 室內以不同圓枱為主, 適合比較人多的家庭, 商務和朋友聚餐.​雖然地點有少許隔涉, 但一樣影響不了人流, 晚飯時間一樣座無虛席, 客似雲來.​老家心靈美 - 單看名字估不到是什麼東東食物, 細問下原來是醃紅蘿蔔絲, 雖然本人不太好紅蘿蔔, 也即管一試. 上枱嫣紅而豐盛, 賣相甚是吸引. 原來用上是紅芯蘿蔔, 切薄絲再加上陳醋, 糖醃製. 入口爽鮮, 味道香甜, 陳醋和糖的味道融和, 好fresh, 又夠特別, 有驚喜!​北京填鴨半隻 - 吃京菜不能不吃有我至愛北京填鴨. 已預先起皮起肉, 半隻填鴨份量不多不少, 四人剛剛好, 不會過膩又可滿足吃填鴨癮. 鴨件比較瘦, 但也滿是油香, 皮肉分佈均勻

話說一行我哋16人分兩張枱食生日飯，到埋單嘅時候發現茶錢$450 ，於是我哋就問侍應呢$450是什麼茶錢，侍應即刻嗱嗱聲搶走張單話打錯咗。過咗幾分鐘後就攞返一張每位$15茶錢嘅單俾我哋，究竟係咪出錯還是博懵

Have been interested in this restaurant for ages and I finally got to try you!!The roasted duck is simply amazing 好怕啲鴨得啲肥膏 但呢到隻鴨 烤得啱啱好 唔太肥唔太瘦 正呀！ 一向都中意食水煮魚 而北京老家的水煮魚十分出色 啲魚好滑 而且湯入面的芽菜 薯粉都吸哂啲辣汁 十分入味 仲試左餃子 湯丸 炒菜等 但印象不深 味道普通～ 但整體 成間餐廳都唔錯 性價比高 環境有特色 一定會再encore!!!

個人推介指數分7.5(10分為滿分)－在香港這美食天堂，最幸福的就是雲集中外的食店和菜式，你想吃傳統的味道還是新派菜也可以找得到。一直以來也想品嚐多些不同的傳統菜式，特別是一些感覺歷史悠久的，北京菜正是一個好選擇。有別於一般的京滬菜，此店子的菜式較為特別，很多也是手功菜，配以傳統的造法，加上裝條具地道原素，親切的招待，有種致身當地的感覺，只要聽不到京片子吧。有兩位朋友從外國回來探望，只因外地即使是打着傳統的旗號，沒有當造的食材，味道也不太正宗，他們很想試一試些傳統中的菜式，作為地主，香港這美食之都又怎會難得到我。四處向朋友打聽，終鎖定這間名傅其實的北京老店，希望友人會感滿意。就是看看店內的裝飾就感受到店子的誠意，雖不能讓你感受在北京，也給你認定你在一所傳統的北京食店用膳。是晚只是週中，人龍也絡繹不絶，可說是車水馬龍，可幸預早訂坐，可舒舒服服安坐用膳。我們三人先談談天，說說各人近況，好不開心。頭盤是老家心靈美，據服務員介紹是北京特產的紅蘿白切成絲，再以些醋調味而成的冷盤。一放進口中先會感受到醋的香味，接着就是蘿白本身的甜味每根蘿白絲也切得分明，口感相當爽脆，有別於我們平日所認識的蘿白。再

My family and I went to a Chinese restaurant called "Beijing Home" (北京老家) located in Shop 802, 8/F, & Shop 704, 7/F, Hopewell Centre, 183 Queen's Road East, Wan Chai灣仔皇后大道東183號合和中心7樓704及8樓802號舖.Traditional Chinese decor-such as clay soldiers similar to those in the famous Chinese historical monument "Mausoleum of the First Qin Emperor" are placed at the entrance of the restaurant.The restaurant has two stories.Exquisite delicate detailed carved wood wind screen on the 2nd floor draws my attentio

今日撇低肥仔同朋友去食北京菜，比較少食中餐，今次揀呢間「北京老家」係因為朋友食過覺得好食帶我地黎食，佢都有幾間分店，事日係灣仔呢區，所以就係灣仔分店食。餐廳裝修幾骨緻同幾有味道，好似真係係內地既餐館食咁。好多選擇，價錢都ok。前菜見張枱幾得意又影下四喜烤麩　$78「四喜」即係冬筍、冬菇、金針菇同埋木耳，而烤麩係香港真係比較少有，烤麩係麵筋既一種，搓揉後經過多次水洗麵糰，然後再發酵蒸熟而成。點解佢好似海綿咁有一個個洞？因為發酵既時候麵糰會產生氣孔而形成。我自己幾中意食烤麩，雖然佢係上海菜，但都叫左一碟做前菜，不過佢係熱上，主要用左生抽、麻油、糖烹調而成，味道偏甜，加上烤麩好似海綿咁會索汁，好惹味。大娘燒肉餅(2個) $108可以揀豬肉或者羊肉，我地叫左4個都係羊肉，上枱見到幾靚仔，燒餅表面烘得微焦，不過食落有啲漿口唔夠鬆軟，硬身左少少，但羊肉用孜然少過，再加上少少辣椒，好香口，如果包身冇咁粉再軟身返就更好！北京填鴨(半隻) $218食北京菜要食「北京填鴨」，叫左半隻試下，味道我就覺得正常，冇話特別有驚喜，皮脆但可以更脆，有帶肥膏，但唔夠油脂香，鴨肉口感都一般，整體比我預期中差左啲。豆沙高

今個星期係咁出去同另一半食飯，同佢食足一星期生日飯，佢比較中意食中菜，我自己又好耐冇食過北京菜，所以就揀左間食北京菜既餐廳。環境裝修以古代宮廷為主題，內有兩層，下層有枱花轎，走上樓梯後就到坐位位置，成間設計都好古色古香，感覺上同屋企人黎食，或者一大班親戚/公司團餐好適合。免費前菜(茶芥$15/位)涼拌蓮藕片，薑味較重，都幾爽脆。午門面青 $118有驚喜，原來係炒豬頸肉配炸山芋，主要用左豉油、蠔油、糖調成醬汁，非常上色，而且十分夠味，食落咸咸甜甜咁，送白飯一流，而炸山芋好香口脆身，加上夠薄身，食落有啲似薯片，少左薯片既油膩感，配上帶點肥肉既豬頸肉好夾，我好中意呢碟午門面青！胡同牛肉刀削麵 $88份量都唔少，牛肉係好似沙嗲牛果款嫰牛肉，幾滑同稔身，而刀削麵口感彈牙，湯底清甜，帶淡淡牛味，不過刀削麵唔係好掛到汁，所以食落好似差啲咁。北京填鴨 $218(半隻)黎到專食北京菜既「北京老家」點可以唔食北京名菜式「北京填鴨」？已經好耐無食北京填鴨，以前係北京生活過一個月，果時都間唔中去食下，都食過啲好令我回味既餐廳，佢地既北京填鴨真係為之驚人，相隔左一段時間冇食，好令我期待。不過是日上枱速度好慢，眼