北京老家 (已結業)

姨姨：「小朋友，姐姐帶你去金魚街睇金魚好冇呀？😏」小朋友：「睇咩金魚呀？我都唔鍾意金魚既！我肚餓，我要食野！」姨姨：「好啦，咁我地去食野先啦。😒」結果去到餐廳，死仔包邊食邊睇金魚。End of story入返正題，一坐低即刻端上熱騰騰既紫菜蕃茄蛋湯。麵餐送3隻水餃（白菜/韮菜）/春卷，飯餐則送糖水。呢個價錢，認真抵食！環境夠清靜，亦好適合同外國朋友泥感受一下中國、老北京飲食文化。店員招呼周到，友善

除了甜品，每一次叫的食物都不一樣今次我同男朋友就試呢三樣京燒羊肉 $108有驚喜嘅一道菜式，值得推介！啲羊肉望落去同牛肉差不多，但陣SO味就連隔離枱都聞到，仲即時望左過黎。心諗。。。大獲喇！仲要咁大碟食落口出奇地又唔算好SO喎，脆卜卜都幾惹味。點埋佢個汁，我同男友都爭住食😋唯一美中不足嘅係 有幾嚿都真係肥膏多過肉所以都係留返比正在增磅中的男朋友 👇🏻(2/3是肥膏！)糟溜魚片 $118味道覺得一般，都特別嘅，少少酒味甜甜地咁勝在啖啖肉無骨。小籠包 $68皮比較厚，都多肉汁嘅，但始終都係鼎xx比較好味。甜品 - 拔絲士多啤梨$88無論視覺，還是味覺都俾滿分💯每次黎都必食！酸酸甜甜好好味，士多啤梨同啲拔絲好夾，作為晚餐嘅完美終結。埋單 $466

這間佈滿了中國擺設,非常高雅傳統懷舊中國風裝修的餐廳，環境幽暗，坐得非常舒服。而且價錢合理。細緻到餐枱下都有個小魚池來點綴。若帶外籍朋友來飯局，一定印象難忘。兩款晚市套餐選擇。也可選擇散叫。當日便選擇了散點菜色。_北京片皮鴨~必點，上枱大大碟，肥瘦鴨肉分佈平均，外皮微脆，不伴薄餅同食，反而唔覺唔覺食了六片。當然伴著薄餅青瓜條， 韮王條，甜醬同吃，又是另一種好滋味,但又怕太飽。酸辣湯~不過不失， 酸辣味道適中。蒜泥茄子~蒜泥做得非常好，口感很綿。配合很特別的醬油汁再配軟身的茄子和葱粒，好味道涼拌土豆絲~ 即薯仔絲，微酸，爽口，再配 中國芹菜，飯前冷盤小吃，不錯的選擇四喜烤麩~四喜烤麩材料唔貴，但係能夠整得好食，唔容易唯一美中不足，太细碟宮保大蝦~大大隻彈牙大蝦， 甜酸味配合得很好蟹粉小籠包~睇厨帥做小籠包功力，一定要皮薄，夾起來唔黐皮 ，咁先會漏哂湯汁出來，豬肉餡料要不多不小 ， 整體配合才不會影響感覺與味道。食後感: 未至於有台灣鼎泰豐嘅功力,但絕對有點水樓嘅質素韭菜盒子~建議4人或以上才叫，是不好食，而是太飽肚。拔絲香蕉~外觀特別，但口感反而一般，太多糖，外皮凍了很硬。

星期六同老公去旺角金魚街買野, 之前有睇過呢間北京老家既食評, 好似都唔錯, 所以決定去試下。上到去, 首先吸引我既係隔離枱個火鍋爐, 感覺應該係傳統老北京既炭爐火鍋。 但因為我地得兩個人, 所以無試火鍋。我地叫左其他野食, 結果大失所望。我諗佢既價錢食既應該係裝修。

與友人約飯局，為了吃北京填鴨而來北京老家。我們的桌子中間有玻璃，可以看到桌中央的金魚，好治癒。涼拌土豆絲$72這裡的土豆絲算是我吃過最好吃的，調味剛好，酸酸辣辣十分開胃。雞絲粉皮$82偏貴，但味道不錯。北京填鴨 半隻$205份量不多，但鴨的肥瘦剛好，用來包鴨的皮薄又煙韌，滿足。小籠包$68皮薄多湯醬燒茄子$81這個大概是不吃茄子的朋友都會愛上的，好味慈禧牛肉手撕麵$88手撕麵又滑又煙韌，口感非常好。拔絲士多啤梨$88最後的甜品，拔絲比較少吃士多啤梨的，其實酸酸甜甜剛好令這個多糖的甜品不會太膩，糖又脆又香，為我們的晚餐完美作結！

環境有4至5分，食物方面，小籠包太鹹沒太多汁，九不理調味料感覺味道怪怪像多加了五香粉，刀削牛肉面牛肉爽脆，面切得有點薄，湯一般。環境裝修有中國客棧感覺，坐位不擁擠，地面乾淨，有騰籃給顧客放袋，枱底下有一盤小魚在游水，喝茶欣賞也不失為樂趣。

和朋友討論吃什麼，突然好想吃片皮鴨，就選了這間中國風極濃的餐廳餐廳隱身在太子的一棟舊大廈裡，一開電梯就是滿滿中國風的裝潢，挺美的，兩人的桌子還是有金魚在桌下面游來游去的喲，不過我這次4個人去與金魚沒緣我們叫了一只鴨，牛肉面，小籠包，炸銀絲卷，雞絲粉皮和拔絲香蕉-鴨片不脆，不過肉皮比例不錯，不會太油，包的餅皮也熱熱的-牛肉面值得一讚，湯底很清卻很有味道，面條煮得剛好-炸銀絲卷沾煉奶本來就是絕配不用說，炸的也剛好脆脆不硬-雞絲粉皮和我喜歡的上海味道不同，不喜歡-小籠包普普，包皮稍微有點厚-拔絲香蕉原來是凍的，一早炸好沾糖漿放冰箱，客人下單就放上一個糖漿拉絲在上面，就可以上菜囉，可以一試挺有趣的還有一點，拔絲香蕉我們是後加的，當時還有一塊片皮鴨肉和牛肉面沒吃完，不知道是不是侍應的訓練還是習慣，分別有3，4個侍應不停過來問能不能收走食物，是有規定上甜點前一定要清桌嗎？我頭一兩次都跟侍應就先不要收，上甜點沒關係，能不能同事之間有溝通不要再問呢？還是要趕普清桌下一輪客人，但明明還有很多其他位置！這點的確是讓我覺得有點煩和不滿！

有朋友介紹呢間餐廳，於是打電話過黎book枱食。我地一行4人搭𨋢上到去，就被前面吸引住。因為實在佈置得好有心思，非常古色古香，好似返左去古代。再行入少少，就已經有侍應招代我地。起初見到每張大枱的正中間，係一塊透明玻璃，玻璃下原來養左一缸魚，真係非常別致。因為我地係4個人食，起初以為只係大枱先會有養魚。原來細枱，都會係咁既設計，令我地一邊食、一邊可以賞魚，真係好賞心悅目，餐具都好中式。我地叫左一個4人餐，有兩個前菜。涼拌海蜇：，味道好清新，又爽口蒜泥白肉：略嫌蒜味及辣味不足柚子魚：平時食開松子魚，今次見到有得食柚子魚，就想試下。味道都唔錯，酸酸甜甜，有少少辣味，都幾開胃，魚都炸得剛剛好，唔會太乾之餘，魚肉好嫩滑，值得推介片皮鴨：鴨肉肉汁豐富。但白色既皮略嫌太厚最後，我地點左拔絲蘋果：都幾大舊，但太甜。總結：間餐廳佈置有心思，但食物味道一般

之前去了尖沙咀那間北京老家，很喜歡它的味道！這次朋友想食多次，但尖沙咀那間已滿，所以選了旺角店的！有時限1.5小時，記得要訂位。一行四人，很多款菜也很想吃，見到有個四人餐，都有齊大部分想食的東西，而侍應表示可以轉款的，就決定食四人餐！下面兩碟是冷盤前菜，看樣子很重口味，但食落並沒有好濃，粉皮蒜味不重，反而麻醬味濃一些，而芽菜一點也不辣，微微酸酸很開胃。左上是鐵板羊肉，好香好入味，因有大量葱一點也不羶，勁好送飯！右上是柚子魚，上枱時嚇了一嚇，因為好大條好有氣勢！但食落份量唔會好多，大約每人一至兩塊大魚塊，炸到外脆內軟，重點是柚子汁，甜甜酸酸淋上魚肉一齊食，超夾！又係送飯一流！四人餐仲有半隻馳名的扁皮鴨，份量不少，每人都有三四塊！鴨肉不會太油，皮也脆，包住食好滿足！這是四人餐的飽肚麵，因為其他野太吸引所以唔係好起眼，好夠鑊氣(都有點油),但醬油味好重好好食！我地將佢炒土豆絲改左做四季豆同土豆，又係送飯一流，好入味，真係一啖接住一啖飯食！個餐本身有糖水送，我地另外再叫左出名的拔絲士多啤梨！外型真係無得輸，金光閃閃咁，不過要一上枱快點食，後尾d糖硬曬會好吉咀！整體係好食！環境舒適，侍應態度很好

尋晚同朋友慶祝生日，選址旺角呢間食北京菜餐廳：「北京老家」呢度有2個王牌，第一係北京填鴨🦆，第二就化俗稱「乞丐雞」既「叫化雞」🐔因為要預先訂既關係，所以驟眼望得我地呢枱有得食，而佢上台個陣幾霸氣，有個鎚仔俾你扑開佢，好可惜呢味菜，好玩唔好食，雞肉太林，無左口感，而是d肉散修修。想叫既朋友真係諗清楚！第二味就係今日既另一個王牌「北京填鴨」啦，呢味菜完全無令大家失望！d鴨肉肥瘦適中，d肉亦都唔會好「鞋」，真係會一塊接一塊咁食。另外，片哂d肉個鴨殼都唔會哂，可以+$80-煲個鴨湯，不過有d羶味！除此之外，我地仲叫左一定要叫既餐前包點。就係鍋貼同小籠湯包啦！皮薄餡靚，湯汁同肉汁混合起來非常滋味！另外，我地仲叫左幾道小菜。我就唔中意食豆腐既，評價唔到😂😂呢個蝦球就堅啦，差不多有拳頭咁大粒，食一粒已經打爆左個胃😂😂不過好彩個汁係酸酸甜甜，唔會太滯！食左咁多重口味既野，真係要叫番清清地既野平衝一下！呢個上湯浸時蔬濕濕地，仲有d雜菇同蝦仁，個湯仲好清甜👍🏻👍🏻好食！我地仲叫左個刀削麵！個湯有好濃郁既牛肉味，超重口味👍🏻👍🏻成個感覺就好似京葱爆牛肉加刀削麵，估唔到係咁正！又唔會太油膩！最後當然係甜品時間

店鋪裝潢以木為主，入到黎好有中國味道。一坐底，好有驚喜！檯下有面養左金魚，檯中央係玻璃，可以睇到d魚游黎游去，幾funny!好適合打卡叫左個四人套餐，同散叫左幾個小菜。香辣海蜇！我覺得辣度適中，海蜇好爽口，食完好開胃蒜泥白肉！上面個層係豬肉片，下面係陳村粉！陳村粉撈左花生醬，本人偏向中意食辣的陳村粉多d。北京填鴨，無乜感想，正正常常！柚子魚！原條魚炸，食落無咩骨，加上酸酸甜甜既汁，好好味，全睌最喜愛的菜式！炒時疏！正正常常，但有d油！京蔥羊肉，一上碟，好大羊so味！本人好驚呢d味，但食落五覺so! 叫左個湯，正正常常。呢個菜，我麻麻個味，好有蔬菜味個d..不過其他人話好味。呢個糖水算係今晚餐飯既敗筆！味道好淡！但個質地又好*杰*，小丸子完全無咀嚼感！入口就好似溶左。。好奇怪！

午餐時間一到就入左去北京老家等食lunch！入到餐廳發覺環境古色古香，裝修有特色。每張台都有個小水缸，入面養左兩三條金魚仔，增添左生氣。但係就有一浸味～除左裝修特別之外，所用既餐具都係訂製，印左餐廳名嫁。而相入面既茶係麥茶，幾好飲！Order左一個小菜飯餐，一個麵食配水餃餐。餐湯最快到。餐湯係中式羅宋湯，配料有牛肉、薯仔、椰菜、蕃茄等。牛肉份量有三至四塊，雖帶牛味，但略嫌鞋口同韌。薯仔唔錯，夠淋夠粉。椰菜、蕃茄正常味道。湯水一睇就知伏，所以淨係食配料冇飲到。牛𦟌麵配韭菜餃既lunch set黎啦！牛𦟌份量唔少，有六片，不過係薄切。雖然牛味濃郁，但欠缺口感。小棠菜有三條，煮既時間啱啱好，菜仲保持到爽脆口感。湯底無論睇落定食落都好清，感覺幾健康無咩油。最驚喜既係麵條啦！麵條係即叫即整嫁，因為果陣得好少客好清淨，我聽到廚房拍麵既聲><麵條似上海麵，形狀係幼版烏冬，食落帶少煙韌，唔會煮得過淋失去咬口，即使我影左一陣相，唔係即食都無浸到變淋，做得好好！牛𦟌麵中規中矩，唔會好好食，又唔會覺得難食。麵條做得出色，抵讚！韭菜餃令我好失望上到台，三隻餃子全部穿曬皮，煮過左龍。因為穿左皮，

不時好少食京菜，今日午餐特登黎試下，入到去餐廳發覺有d暗暗地，裝修有好有傳統中國餐館既風味，枱下面有個金魚缸，可以一路食一路賞魚。叫左個羊肉湯麵，麵質感很好，湯底幾香，而且羊肉都係太"蘇"，仲要有老火湯同三粒水餃食，唔錯!

北京老家環境好古色古香，食物好食，再次食得出南方同北方食物的差異，而且侍應服務態度好，有機會會再黎，不過一定記得要book，事關我們係坐近門口位，坐低無耐已經有人walk in想等，侍應都表明full晒，佢地都願意等下試下最深刻係拔絲士多啤梨，士多啤梨夠甜，唔會酸親自己，拔絲得好靚，睇得又食得，轉眼已被我們食晒，記得黎到必點，除咗士多啤梨仲有其他㨂😂我們保險起見先叫最唔會出事呢一款水果

由於相識左好幾年既朋友要離開香港，移民他國，不知何時再會，所以係佢走前一定要同佢食番餐。朋友相約北京老家，去前有睇過openrice 既食評。 果然裝修別有一番風味，係香港有咁既餐廳實屬難得。一行5人叫左套餐 + 甜品。因為友人早到，所以可以坐到靚位，睇住d魚食飯。套餐味道可以，個鐵板幾惹味，係片皮鴨就真係令人失望。如之前有食評所講，唔新鮮，好似番熱拎出黎俾你咁。甜品拔思就真係趁熱好快d食晒佢， 一凍左就硬晒。