北京老家 (已結業)

晚上9點差不多10點入去問店鋪幾點收，職員話11點收10:30pm last order,同朋友食野都算快就入去食啦。點知到10:30pm時尾2大圍果枱客收左後，得返我同朋友2個差不多食完，職員就勁趕客咁關左一半店燈，最離譜係連冷氣就關埋！我地食緊辣野佢關冷氣，佢擺明趕我地走咁坐响度啤住我地！咁你不如講明10:30pm關咪算囉！間店食物味道一般又唔算平，咁既趕客態度以後我寧願去返連鎖大鋪食算！以下係食評：北京填鴨：13片薄餅，皮完全唔脆，不過不失水煮魚：勁少魚片，咁大個碗得10塊都冇，魚片似炸過的魚柳，無魚味炸漿又淋晒，入面有少量菜同粉皮士多啤梨糖：士多啤梨唔算酸又唔算甜，跟埋糖絲食都唔會過甜最後係小籠包唔記得影，皮有d厚但都有肉汁的4碟菜埋單加一$562，食既時間一個鐘都冇，咁既趕客態度下次絕不幫襯！

午餐的好去處，中式美味小菜。環境也有中國特色，濃厚京城風味中，別緻的裝潢陳設。木桌木椅木屏風，古色古香。吃飯時亦看到金魚在枱下的魚缸裏游來游去，好寫意。餐廳侍應很快端來一壺麥茶，十分清香。我們點了回鍋肉、糖醋魚塊、宮保雞丁。三個小菜名送一碗白飯和糖水。以午餐的價錢十分划算～

今晚同事即興約食飯，好似好耐冇食過北京填鴨，就去左搵北京老家醫肚！呢度裝修充滿北京味道，懷舊風情，杯碟都古色古香前菜，烤夫，甜甜的又有口感！不錯👍乾扁四季豆，好香口又惹味！夾唔停口！有少許偏咸，但送飯又剛剛好！古魯班塊，甜酸恰到好處，魚塊大大件，擺落口啖啖肉！蔥爆牛肉，牛肉好嫩，唔太熟，京蔥好香口，但味道都係偏咸！主角出場，北京填鴨，睇落好似好油，但食落又唔覺，配埋青瓜，誇啦啦拔絲士多啤梨，拔絲唔係度度都有，呢度有之餘仲整得好睇又好食！

屋企人想食上海野，本來打算去樂天皇朝， 老公覺得冇乜新意，跟住就揀咗呢一間北京老家，話說有朋友試過話呢間嘢幾好食。 但我已經忘記咗要揀食上海菜。嚟到呢一間北京老家， 本來係想揀尖沙咀嗰間分店，冇位關係所以book咗旺角呢一間，但係太子站出會近D。入到去覺得擺設裝修都古色古香，好有北京味道。 連一啲細節位好似張枱有塊好厚嘅玻璃，下面有個魚缸。 有屋企人認為呢一個炒麵好鹹， 但我又覺得味道啱啱好喎 土豆絲辣辣地酸酸地，幾好味， 同埋土豆絲好爽。 小籠包皮薄餡靚，多汁肉嫩。 個炸雞有啲似炸子雞，不過肉有啲鞋，有啲失望。 松仁魚喜出望外，全部骨起曬出嚟，啲魚肉好嫩好鮮，個汁酸酸甜甜好配合。 食呢個令我諗起食神，嗰啲拔絲嗰啲絲真係甜甜地，幾好味。冇諗過擺烏龍嘅一餐，本來無太大期望，但屋企人都好滿意喎!

今日同事話要去金魚街買鬥魚，咁唯有去太子呢邊食飯。路過見到呢間京菜既午巿套餐幾抵食，咁就上樓去食。餐廳位於3樓，雖然有升降機，但大家見到架𨋢好似好殘舊，加上近排咁多電梯意外，都係當飯前運動行樓梯上3樓。餐廳裝修古色古香，可能位置係近金魚街，每張枱下面都放了一個魚缸午巿套餐除左小菜跟飯外，都可以選擇湯面，酸辣麵之類。安全起見，都係食飯最飽。落單叫左個宮保雞丁之後，侍應就端來一大碗湯，湯都未飲完我個宮保雞丁就到。雞粒好多，帶少少辣，好惹味。份量多到食晒碗白飯都仲有好多餸剩，食完仲有糖水。免加一，免茶，d野又好味，仲想點呢！

北京老家有三間分店，尖沙咀，合和中心，旺角，今天約了朋友吃lunch , 三店之中旺角是最平的，lunch 沒有收加一，而且有靚湯附送！番茄薯仔肉片湯，開胃先，點了北京炒麵配春卷，春卷是Mini Size 一口食，剛剛好，另外小籠包皮薄肉汁多，合格，一籠有六粒，埋単$96，$100蚊有找，坐得又舒服的環境好過去茶記

是我們不懂點菜嗎？但我們是二人前一向到類似食店都喜歡叫這些：木耳涼菜-這裡的木耳是室溫的味道比較淡；蒜泥白肉-肉是微暖的，只有數片白肉，下面竟然是粉皮！我們即是查看點菜單，確實是叫了冷盤中的蒜泥白肉哦！刀削牛肉麵-上面是蔥爆牛肉下面是薄到一個點的‘刀削麵’！？比超市買到的更差呢！阿婆紅燒肉-的肉是鞋的有點似軟身的燒肉；津菜鍋貼-的肉味怪怪的皮跟厚薄像雲吞皮般⋯⋯唯一好吃是送的酸蘿蔔片前菜！不明何解面書平價咁高！

話說之前係其他餐廳食過炒萵荀，但男朋友係咁批評話唔夠好食，強推呢間「北京老家」既炒萵荀。好！一於黎試試佢！我係平日夜晚黎，提前一日係OpenRice到訂位會有95折。一打開個Menu，有好多菜名都唔識，似乎係啲好北京地道既菜式，但我地目標為本，一早已經鎖定左要試炒萵荀同埋片皮鴨，再加個回窩肉就夠啦。Um……只講食物味道的話，係香港芸芸京滬菜館當中黎講，只可以話比上不足比下有餘咁囉。但呢間餐廳都有佢特別之處，因為佢既裝潢好中國風，每張枱中間仲有個小魚缸，如果有老外朋友訪港不妨係一個好選擇～

無論裝潢、格局或擺設都明顯很重「北京菜」風味，未開餐已讓你融情入景。蓮藕盒外貌平庸，手心大小。炸皮厚度剛好，一咬下去，層次分明，小小咸味，不錯。韭菜水餃非常入味，怎麼可以這麼好吃，讚！糖醋小排骨一點也不小，大大塊，份量很多。很淋，每一口也嚐到醋味。北京填鴨，環顧四周，幾乎每一張檯也有點這個。鴨肉同皮都片得算均勻，略嫌momo皮太多粉同不夠熱，有改善空間。拔絲士多啤梨，必吃！但等了15-20分鐘才到。順帶一提，有個很資深的大叔服務態度很好，又有food knowledge，這個行頭買少見少了👍🏽👍🏽👍🏽

屋企人安排黎食，地點好易搵，上到去成個環境都好似古裝劇嘅景，非常之多人。一坐低發現玻璃枱底有缸魚，設計幾好，如果驚同枱尷尬無野講可以望下缸魚，不過之後野食黎齊都擺滿哂，唔會再記得有缸野喺下面，可以專心食野。我地叫左個套餐，未睇清楚個餐牌，屋企人已經落左單，所以有幾樣都唔係好知係咩黎。首先黎嘅係粉皮，咬落軟硬適中，不過個醬食到尾都幾漏。之後有碟唔知咩肉，評唔到，因為辣到我食唔到。然後有必叫嘅片皮鴨，鴨肉肥瘦適中，個人鍾意食甜醬加白色塊皮多過舊肉。孜然羊肉，好香，但羊肉好碎，偏辣。最好味係個柚子汁炸魚，雖然條魚好大，但食落又唔鞋喎，同柚子汁好夾。最後有個炒魚麵，外型同口感都同銀針粉好似，但佢係魚麵，所以食得多又係好漏，但味道ok。甜品叫左拔絲士多啤梨，個糖醬超甜，食一粒已經好夠。

幾年前聚會去過這店覺得價格比較貴，但食物好味，所以今天聚會再去食一次，但非常失望😣食品質素差很多😪片皮鴨之前食係當場片，今次食無即場片都覺得唔係問題，最緊要好食，但非常之失望當一上桌見到一碟賣相很差的片皮鴨而且看到是用微波爐翻叮又有點肉微乾極失望😪😪仲要賣 $388 一食😡😡真係完全不值，好在還有點了另外幾款菜式味道還可以，值得推薦香蕉拔絲係最好食的一個👍👍整體全部菜式係片皮鴨真係最極勁的一個又是最貴的一個😣😣

Born in a local family I ain’t no big fan of Chinese cuisine. Who will fancy the same food you eat almost every day and night? But this restaurant kinda surprised me. It’s well located in the hub of Hong Kong and very accessible right next to MTR station. The decor shows good aesthetic sense of Chinese culture. It’s always full but not packed. Spacious room for a good dinner. The dishes are almost the best in town. I tried Peking Duck which was extremely greasy that almost made me puke but this

心血來潮，想食片皮鴨，於是約埋一家人去北京老家試試，因為呢度裝修夠晒特別，每張枱底都好特別，養左盤金魚係度，有得食之餘，又有得睇當晚我地叫左一隻片皮鴨兩食1.隻鴨係原隻先上枱，比我地影完相之後就會收番入去片，之後就跟埋啲配料出來2.第二食法我地選擇用鴨架炒涼瓜，好食3.叫左條酸菜桂花魚🐟，味道唔夠川菜既正宗，不過好彩魚肉夠滑4.酸辣土豆絲🥔，我的最愛，見到都會點，味道唔會差5.羊肉餃子🥟，因為我唔食羊，冇得比意見了，屋企人就話好食6.醬燉既大骨，非常入味同夠軟7.拔絲草莓🍓，唔錯，影相又靚整體黎講呢餐價錢唔貴，服務都好好，食物唔算太驚喜但勝在平穩，好食既，所以會再幫襯

坦白説，若不是同事介紹，根本不會察覺有一間食店。又發現一個新地方，可以相約朋友一起來吃飯。門面有心思中午時間，客人頗多，幸好地方大，感覺不錯。欣賞整家店設計，彷似真的去到北京某食店般。套餐非常便宜，份量十足。賣相也不俗，午餐來説，可算超值。尤其是餐湯，絶對值得讚賞，最適合常常晚睡的夜貓子。其次是餐具及環境裝飾，充分展現店主精細心思。點的就是這款麵，可口得很。總括來說，於好環境進餐，跟同事們談笑間吃飯，真是很美好的回憶！

一班中學同學Gathering，新年就真係食到膩哂。咁食下京菜。雖然得3條友，但堅係呢d想試個d又想試。所以真係叫到成枱都係野。呢間之前都想同麥師父黎試下但成日講就唔岩時間。今次終於一試啦～點知...講真我自己啊下，純粹本人立場不代表他人意見!! 多人介紹既野我覺得唔好食反而少d介紹又ok禾~大家記得飲佢杯茶啊好好飲，類似玄米茶啦～總括就係ok得黎又參參地次囉如下 :