北京水餃店

营业中

休息中

買件外賣, 邊行邊食當早餐!外脆+ 皮厚+ 餡適中+ 有肉汁雖然皮厚, 但加埋餡一起食, 味道超爽~

入到去我同個阿嬸1號講要"酸辣湯淨水餃"，然後我阿媽話要"酸辣湯水餃麵"。同時間，我同阿媽忙住搵紙巾抹d chairs，每張都污糟......阿嬸1號唔知搞乜，聽錯晒我地講野......另一個阿嬸2號都行埋黎睇下乜事我睇錯左個餐牌，問兩位阿嬸點解唔係$25，個阿嬸2號發惡大大聲問我邊度睇到係$25......經過三次改單及開火後，上台既係一碗"酸辣湯水餃麵"同埋一碗"酸辣湯水餃粉絲"。我阿媽叫左個某個阿嬸換走佢，d阿嬸問我幾次食唔食粉絲，我幾次都係答唔食。最後阿嬸3號拎走我碗野，隔走d粉絲，有禮貌咁拎返黎，佢話之後"6"返3隻水餃俾我。故事完結。食物評語：酸辣湯過鹹，豆腐"鞋"，唔用木耳但用左雲耳，切到大大舊咁......亦冇其他料。水餃皮薄，包法亦合適，可惜餡料過鹹。服務評語：阿嬸1號明顯地係"廣東話有限公司"，點解唔直接搵人幫手落單？見到我地抹chairs又唔主動搵布抹。阿嬸2號態度惡劣。阿嬸3號一般。我對哩類食店唔會期望有好好既服務，但至少唔要入去食野要受人氣。

好耐無來北京水餃因為夏天唔想食太咸既麵食上星期五, 踏入秋天, 亦再一次踏足呢度叫左個例牌既既餐, 小排骨水餃麵(轉左要雲吞)元朗既野食出名夠便宜夠多呢度都唔例外, 賣左甘多麵無論你叫乜野麵都好, 都會附送雪菜肉絲/ 炸菜肉絲上海麵夠幼滑, 岩晒我小排骨亦一貫的出色, 炆得夠火喉唯一要彈既就係水餃同雲吞皮夠薄, 料夠足, 肉汁亦豐富但就係咸得滯係我年紀開始大, 唔食得甘咸, 還是其他總之, 就係覺得佢咸所以一碗都雖然只有三粒水餃/雲吞今次我都係食剩一粒,唔係因為食飽, 係唔想食太咸, 對自己身體唔好希望佢會有改善啦

今天無無聊聊來這裡吃個麵,叫咗排骨雲吞麵+凍豆漿都幾大碗,店員臨上之前加了1"羮"雪菜,但非我所好,無點食到。排骨好濃鎮江醋的酸,好夠味,只是鹹咗小小,不錯; 軟骨炆得剛好,咬下去有口感但唔覺硬,不過無軟骨"痴"住嗰d肉始終唔夠腍。雲吞有大粒,皮的厚度可接受,重要是皮叠皮部份唔覺硬同厚。麵比1般上海麵幼,未至於腍,但少煮1陣會更佳豆漿有豆味同飲到有豆的微粒,應是足料,清涼,good不過唔明點解d油煙味咁重,店內已裝有多把掛牆風扇,又是不宜久留的地方,否則唔洗食都飽

呢間食肆起碼開十幾廿年,但我都係第一次幫襯,原因就係我女友,佢話想食酸辣湯麵。我睇食評見話呢度唔錯,我就帶我女友第一次去試。一坐低阿姐急急幫我落單,但因我倆第一次幫襯,唔熟地頭所以睇清楚水牌先再叫。稍後我女友叫『酸辣湯年糕』,我就叫『雪菜水餃上海麵』,並另外叫一杯凍豆漿。我女友碗『酸辣湯年糕』,佢話酸辣湯本身已經唔好味,所以佢覺得年糕都唔好味,佢食三份一碗已經棄權,我見到佢咁浪費想幫佢食,但因我唔太鍾意食咁酸食物,加埋我碗麵都好大碗,所以我都幫佢唔到。我碗『雪菜水餃上海麵』ok , 但都唔係我杯茶,因為我一向對上菜麵冇咩興趣,主要係唔鍾意上海水餃及餛飩皮厚,二來我唔鍾意上海麵線『雪菜水餃上海麵』口感,不過以我一向唔會浪費性格,我都夾硬食哂成碗,除非真係好難食,我先會中途棄權。現場有一樣超唔好,就係油煙味非常重,食完成身衣服一大陣異味,就算冇重要場合出席,身上衣服我諗著一陣都要再即洗。下次我都唔會再幫襯,因我最驚油煙味,加埋我一向對上海麵冇味興趣,但我食果碗『雪菜水餃上海麵』,又未至於話難食,其實都ok !價錢都幾貴下,一碗起碼$22元起,仲係唔計飲品喎!咁價錢我寧願去食刀削麵~

在華盛頓快餐吃得不滿足，來這裡繼續填肚工程。　本來，美味多汁的水餃是我目標，以慰前一日在上海味吃不到好味水餃；不過來到，又被喇沙吸引了，始終我是花心的!　依龍愛好，點了一碗東坡肉喇沙。嗯，上海菜式加新加坡風味，太fusion了吧?試一試味道，我又完全服氣了。首先，這裡的東坡肉從來都又稔又入味，美味程度是毋用置疑的。然後是喇沙湯底，唔，椰漿的味道香濃細滑，透著淡淡香茅香味，十分出色；配合幼滑的特選米線，吃來的確非常美味。　這一碗喇沙，只索價$26，我們兩個人都飽到不行了...又，$5一杯的豆漿，大大杯清甜有豆味，也很不錯。　所以，我久不久總忍不住手推介一下：如果你願意忍受少許油煙味，這實在是一間又抵食又美味的食店!

呢間水餃係我既飯堂之一例牌會叫的有小排骨雲吞上海麵小排骨/東坡肉菜飯元朗食野真係超抵一碗麵連一杯豆漿都係$25 (晚市套餐)如果淨要一個菜飯, 唔要豆漿要紫菜湯的話, 只賣$22菜飯大大碗, 我係男人都成日食唔晒, 所以會叫少飯另外, 我個人比較喜歡食雲吞, 因為相對無甘咸但佢地既菜餃又確實夠大隻多汁, 但咸左少少而且無論叫乜野麵都好, 都會附送炸菜肉絲/雪菜肉絲面既豆瓣醬, 亦係每次食麵必落既佐料

絕對冇誇張，真係爆汁餃子。夜晚買外賣，有5 - 6個set，叫左個酸辣餃子麵+ 豆漿。豆漿唔係出面鋪頭一杯細細杯個d，係一小支，份量都唔小，偏甜不過都ok。個麵，酸辣湯有好多料，肉絲、豬紅、豆腐等好多配料，味道都唔錯，麵身可能我放得耐左d，偏淋不過就吸哂d酸辣湯，都好好味。重點絕對係個餃子，size大大隻，皮厚，好有咬口，一咬，d汁爆哂出黎，好香，菜味濃，男朋友食完都讚不絕口，真係超好好好好味!!服務因為我今次只係買外賣，唔評分住，下次食先再俾分。

星期六晚同流沙包去佐北京水餃店食dinner, 我叫佐個担担排骨面, 流沙包叫佐個担担水餃面+豆漿既set, 再加個小籠包. 呢度D担担面果然好味, 排骨又夠腍夠入味, 勁好食. 不過個小籠包就唔得lu, 皮厚又蒸佐好耐, 而且裏面都無汁既, 唔合格, 價錢平($12)都唔會再試.

因為我０係元朗返學，所以成日都會來呢度食。知道呢度既時候，０係我升左中一之後，家姐既一個朋友帶過佢來食，佢就帶我去試，一試之後就好難忘啦～所以之後我就成日同家姐去食啦！（我同家姐同一間學校）連個姨姨都認得我地啦！最中意食佢果度既豆沙餅，＄５咋，不過驚熱氣，所以唔敢成日食，學生食麵ｏｒ飯就有豆漿送，平均＄２２有個飯，＄１８有個水餃麵架啦！所以真係好抵食！！中意清淡既可以食素餃麵，佢會問你係咪要清湯，如果唔係就會比雪菜豬肉你，麵同飯都好好好大碗架！！！我諗無論你幾大食都應該夠！我帶左好多ｆｄ去食，佢地都話好食～不過環境就真係逼左ｄ，衛生都ｏｋ啦～以前冇乜寫食評，宜家咁得閑就補返啦！^^多多支持openrice!唔好再做cd-rom!

真係一d都冇吹水,肉汁真係多到一咬落就要噴出黎,差d失禮於人前.水餃皮略厚,我最鍾意,因為餡有豬肉,要煮較耐先至熟,薄身皮會淋哂,厚身就反而會爽口,肉汁夠,好食!煮麵亞姐好手勢,我要水餃麵,幼上海麵要爽麵.佢就煮到中間有一條髮絲粗幼的芯,爽滑,口感一流.湯底就普普通通,但加上雪菜味就變得可以.餡餅的皮就稍為有粉的感覺,但肉汁香口而豐盛!煎餃子亦多汁,亦是要吃的項目.碟頭飯很普通,大路貨色.我每次入元朗必食的水餃麵,番食度100%!

食過好幾次,仍然都係覺得佢o既水餃有10個(或廿個或以上)好食...　事關我鍾意食水餃皮厚少少(咁先有咬頭嘛~),但又好怕食麵粉o既味道;兩者之間要平衡得好,唔易架~ 呢度就得啦~ 而且較厚身o既水餃包住濃濃o既肉汁,好正!! 麵食就要睇係邊款,一般配搭水餃o既都唔會令人失望~ 仲有俗稱"狗餅"o既韮菜餅都好好食!! 　不過店舖油煙味重比較重,環境麻麻...

3月13日,14:00到處遊蕩個多小時，踏上歸途前，先在這裡來碗麵。麵：湯底淡而無味(起馬無味精)，配料有細磨花生碎，幾香。整體來說無驚喜，水餃店的上海麵可收貨了。店小人流多，不可久留。客飯價錢相宜，但可惜我偏好麵。題外話：為求生存，很多小店都不再堅持，祇賣主打，而轉作多源化，有時產生非驢非馬的結果。像這店和附近的雲南米線店便是例子。