北京水餃店

营业中

休息中

叫酸辣雲吞麵，佢聽唔明，重複咗幾次， 態度好揸差，即刻起身去隔離食， 幫襯咗好耐老闆娘個媽媽時代已經幫襯，自從現任老闆娘結咗婚之後有一 幾個男士幫手就覺得同以前 已經唔同咗 有幾次見佢哋鬧過啲客 今次輪到自己 決定以後唔幫襯，完。

每次嚟食都只會叫酸辣湯水餃呢個餐 🤩$55 仲送埋豆漿好鐘意呢度個酸辣湯！好多料勁豐富 🤤🤤 又唔會太酸太辣。個水餃就係韭菜餡，入面應該係落咗豉油有小小咸，不過夾埋個有小小厚嘅皮一齊食就岩岩好 👍🏻

近年喺元朗返工，有時會買外賣返公司食。最近喺元朗廣場對出巴士站附近搵到一間幾有風味的京菜小館，menu都有好多選擇，佢有雲吞同水餃，問咗老闆，原來雲吞係白菜加豬肉餡，而水餃係韮菜加豬肉餡。我今次就試吓酸辣湯水餃麵先。外賣自取送盒裝檸檬茶或凍豆漿，我要咗凍豆漿。我唔太食得辣但又想試吓酸辣湯，有凍豆漿中和辣味就啱晒喇😆酸辣湯水餃麵 —份量超多！無論是酸辣湯的配料或麵底麵有好多，而水餃都係好大隻，總共有3大隻。.水餃有好多餡，韮菜及豬肉的比例好平均。水餃皮唔算薄但好滑溜，好好味。.而酸辣湯配料非常豐富，有豆腐、豬紅、肉絲、木耳、荀、紅蘿蔔。湯底酸辣濃度啱啱好，唔會太酸或太辣。就算我唔太食得辣都可以食到，覺得幾刺激幾惹味。.今次呢碗酸辣湯水餃麵我好滿意，下次再嚟試吓其他菜式先😋

今晚應朋友邀請，到他家打邊爐🥘途中經過這間北京水餃店，見門口正有人現包水餃🥟粒粒飽滿，便買了一打韭菜豬肉水餃加餸。———————————————————————餃子size 非常巨型😲一咬開韭菜香氣四溢，粒粒爽脆，肉味亦夠香濃🥩肉汁豐富，但唯一缺點是餃子皮實在太厚🥴而且質感非常硬，厚實得如外殼一樣😵‍💫雖然這可能是北京餃子的特色，但光從口味上來看，這款餃子皮實在不合本人胃口😅———————————————————————餐廳還有很多熱門北京小食，例如牛肉餡餅🐮北京餡餅等，賣相都相當吸引，有機會會再一一品嘗🥢

係附近行過，突然想食餃子，咁啱望到寫住餃子店就諗住入去試吓，夜晚六點左右都好快有兩人位入去坐。夜晚餐牌有$53一個餐送埋豆漿，兩個人叫咗一個酸辣湯餃子麵，同埋擔擔湯餃子麵，一樣都好有驚喜！！餃子餡係韭菜豬肉餃，略有少少鹹，不過食埋個麵就會覺得啱啱好，而個面嘅質地本人超級鍾意！！！跟住講吓個湯，酸辣湯超級足料，又好好味！擔擔湯味道好濃郁，有啲肉碎不過覺得唔係太夾，就咁飲個湯嘅話就超級好味！會再去食！

每次入黎元朗都要幫襯佢地，因為佢地嘅水餃實在太太太好食！我最中意食韭菜餃，大大隻，又多餡，D湯又惹味佢嘅1隻等如人地出面食果D嘅2隻價錢都好抵，$45有9隻。好快唔洗點等，2分鐘內就有得食。

平時叫麵食都叫正正常常，味道份量都是可以的，但今晚幫老公買咗個回鍋肉菜飯外賣， 簡直係中晒伏囉! 估唔到53蚊居然只得兩細片肉，其餘都是紅蘿蔔、椰菜、竹筍、乾豆腐片，埋個芡就是了。這個回鍋肉並不似平時上海鋪那些味道，可以說是連少少豆板醬嘅味道都冇😓

已食左多年既北京水餃店，平時經開都會買佢地係門口既煎餃同春卷，味道非常不錯價錢又便宜。堂食選擇方面我多年嚟獨沽一味只食淨雲吞配凍豆漿，個人覺得水餃比較鹹所以只喜歡雲吞，隻隻郁夠晒大隻同多餡，不過湯頭比較淡，顏色賣相又不吸引係美中不足既地方。今次同行朋友點左回鍋肉菜飯，老實講碟飯太大碟，一個成年男人都未必食得晒，回鍋肉份量亦多味道又不錯，係飽肚既好選擇。另外一定要試依度既凍豆漿，完美甜度又清爽同夠凍，經常飲完都會再叫多杯

好耐無寫食評，今次真係難食到忍唔住牛肉餡餅應該改名叫洋蔥餡餅食完4份1件....嘩...咁難食既攤開望一望，除左牛肉汁同少得可憐既牛肉溶，全部都係洋蔥！！唔明點解有人俾好評，可能佢真係好鍾意食洋蔥雞翼菜飯，味道正常，但超級油飯油到唔開胃...勉強食曬啲菜已經食唔落飯唯一吸引的是隔離個位點的酸辣湯，好似好足料....唉....

本來行過黎呢邊係為左食番x師兄的，但原來八點幾已預備收門，雖然店員話可以食到九點四，感覺都係太趕，就到左旁邊的北京水餃店。呢間真係喺元朗有左好多年了，食過無數次，價錢都唔算加價得太離譜。🥢酸辣水餃麵朋友睇完餐牌即刻點呢樣，足料都幾足料，但味道有點怪，生粉未撈混入口有粉。水餃好大隻，老式個皮勁厚個種，其實我鍾意呢種厚皮餃子，不過朋友就鍾意薄皮餡多，於是佢數到啲餃子一棟都冇…上海麵正常發揮，呢碗算係飽肚之選。🥢羊肉餡餅自己就點左羊肉餡餅，比起其他口味，羊肉餡相對較貴。個餅都幾大個厚身，但由於煎定已久，個餅只係微暖，羊肉係免治肉嘅口感又偏肥，京蔥唔香，加上剪開左肉汁已流失，味道是失望嘅，當係填飽個肚啦。🥢小籠包再點左籠小籠包share，價錢比連鎖店平，賣相都般但勝在即叫即蒸熱辣辣。皮雖厚但入面都多湯汁，肉餡鮮味，呢樣幾好食。🥢豆漿豆漿豆味欠奉，但改進左無之前咁甜，食餡餅點都要有杯豆漿先襯嘅。ok啦，幾十蚊食飽飽。

呢間北京水餃麵既裡裡外外都幾舊式，好似開左好耐咁，舖頭就細細間，用普通摺枱摺凳，夏天冷氣都夠既，而我每次都叫呢個酸辣湯水餃粗麵，酸辣湯好好味，酸味比辣味多DD，岩我呢D唔係好食得辣既人，水餃好大隻，皮好厚，但正宗北方水餃係咁厚皮架，D韭菜豬肉餡就咸左少少，豆漿一般般，微甜但唔夠凍，重有佢哋既餡餅：韭菜豬肉，洋葱牛肉，京葱羊肉都好好味，推薦！

以往堂食酸辣雲吞都係滿一碗，估唔到外賣係會減半，我見到已問，外賣咁少架咩，老闆竟然話不嬲係咁，我話你倒落碗都係得半碗，似食剩囉！堅嬲！唔怪之得現在無咩客啦！佢哋真係當啲客係傻架，真心無下次！自己做衰自己（發誓無食過一啖，只得一半）一定無下次。另外，太耐無寫食評了，唔知道原來寫差評係咁難通過評核，但好食就咁易，睇黎openrice都好中立喎！講真唔係難食，唔係離譜都唔會浪費時間寫食評啦!今日金句，好食嘅食評唔一定真，但難食就通常係真！

這道牛肉餡餅讓人驚艷的是，外皮煎得香脆，內餡鮮美可口。牛肉餡餅的餡料中加入了牛肉、洋蔥和香料等，口感豐富，味道濃郁，讓人回味無窮。而小龍包外皮薄而有彈性，內餡鮮美，汁水鮮甜，讓人一口接一口。小龍包的製作需要用到特殊的麵粉和製作技巧，製作過程複雜，口感卻十分獨特。此外，這家店的小龍包皮薄餡多，更是讓人大呼過癮。

少有唔滯但keep到香濃嘅中菜✨，性價比超高街坊店🥰！・・・・・・・・・・・・・・・・・・・・**以下晚餐均跟餐附豆漿一杯，姐姐細心問我幫手轉兩杯做一大支豆漿！🍜 擔擔水餃麵 HK$51 👍・味道：韭菜餃極多極重韭菜味！湯底重花生味但竟然唔油喎，配榨菜、花生碎同大粒肉粒，好食。・口感：水餃個皮太厚～上海麵有咬口，掛湯。🐮 牛肉餡餅 HK$15 👍・味道：好多洋蔥同牛肉，炒得好香，偏甜唔會好咸。・口感：入面係冇肉汁嘅，但洋蔥同牛肉都嫩。皮好薄，加分～🥬 豬扒菜飯 HK$51・味道：豬扒醃得好入味，仍然有啲豬味嘅XD菜飯唔油，好多菜！・口感：豬扒好淋，極淋但唔柴喎，算嫩。啲菜仲有咬口冇overcooked。🥛 跟餐附送・味道：微甜款，但同時都冇乜豆味～・・・・・・・・・・・・・・・・・・・・🤰性價比：高～🤰9衝度：9衝～🤰結論：大份好食街坊小食店，抵食呀！・・・・・・・・・・・・・・・・・・・・

這間北京食店屹立元朗多年，位於元朗廣場巴士總站旁。光顧人客非常多，尤其外賣小食特別多人排隊。我自己也偶爾光顧北京韭菜餡餅，價格相宜、份量十足。今日時間充裕，就決定內進堂食，菜單選擇豐富，想試麵食又想要水餃，剛好午餐有一選擇擔擔水餃麵，同時滿足兩個心願。擔擔水餃麵水餃超大顆，尺寸比湯匙還大，須配合筷子並用才能夠舀起來。外皮很厚，餡料很足。麵粉幼身但份量不少，質感與水餃皮一致。雖然厚粉，但麵團熟透有咬勁。擔擔麵醬微微辣，帶花生醬香味，炒香的肉碎配麵條超級飽肚。