北京水餃店

营业中

休息中

本身很愛吃韭菜,尤其是韭菜餃.無論是去外江佬的餃子店,或者在旺角街頭的津味,總會吃韭菜餃,或者韭菜餅.在附近吃過一頓令人失望的西餐之後,便來到此"溝貨",見到即煎的韭菜餅,食指又再大動了.另外再來個韭菜豬肉餃.加杯豆漿.兩者皆是韭菜,會不會單調了一點?大家做法不同,感覺也不同,煎韭菜餅外皮較厚,煎得餅面香脆,裏面的韭菜餡又香又甜.而且香甜汁液豐滿,如非早前已經晚飯,一個人可吃三個.豬肉餃皮偏厚,包得較為公整,餃內的韭菜則沒有煎的香口,換來是更天然的韭菜味道.總之兩者各試各法.店內環境實在麻麻,當店員正在煎韭菜餅時,還要一邊索索自己的外套,有沒有吸收油煙味.

到元朗逛逛街,肚子有點餓,嗅到這家店傳出的香味,不自覺走進去.今次的選擇:上海粗炒,燒賣,豆漿.上海粗炒,份量十足,每一條麵也上到色,加上豆瓣醬,滿足.但肉絲方面,應該用瘦肉比用雞肉好.燒賣,沒有特別,起碼還有一點點魚肉味,不是完全一團粉.豆漿,真的有豆味,但可再加強.p.s.店員看到有二人共叫一様東西吃,自動自覺拿碗仔,值得一讚.

我哋特登入元朗食綿花冰，但又要食少少嘢，所以嚟咗喱到食煎餃。老公話喱度嘅酸辣麵好正，又真係唔錯！而且勁大碗，抵食！煎餃子$12有5隻，隻隻都好大隻，煎得香脆！個蔥油餅就嘛嘛哋，鹹咗啲......燒賣都幾好食！

($24) 水餃麵 + 豆漿我覺得最好食既水餃!!! 雖然得三粒, 但size 非常大, 內面既韮菜豬肉好juicy!! 呢間北京水餃o係元朗立足左超過十年, 味道一樣好, 價錢唔貴, 未試過既朋友可以一試!另外推介北京餡餅 ($6) , d 餡同水餃一樣, 個皮好脆, 有咬口, 熱食真係好好食!!

每隔一兩個月我都會返來幫襯一次, 講真, 甘多年來, 北京水餃店的出品唔好唔壞, 談不上有任何特別, 但食左甘多年, 已經大把感情分係度了又例牌的叫了 小排骨水餃麵小排骨, 酸酸甜甜, 排骨亦夠軟熟, 我喜歡水餃(或雲吞), 份量夠, 餡料夠, 唯一的毛病是有時會好咸, 冬天還可以, 夏天就怕怕了雙拚的麵連豆漿 (晚餐) $29, 價格合理而且食麵, 一定會送埋雪菜肉絲 / 炸菜肉絲, 感覺上就是有賺了地方 : 一般街坊麵檔的格局,但都叫光猛干淨的招呼 : OK啦抵食 : 甘既價錢, 亦不能要求太高的

星期五到此食晏。要了豬排菜飯和豆漿加一客上海小籠包。豬排菜飯豬排應該係煎, 好味~幾juicy吓~~~(朋友既炸豬排睇落好味啲)加咗啲獻汁送飯, 雖然怪怪地但好過冇。豆漿普通, 冇咩豆味。小籠包普通, 本來expect會有湯流出, 但流出黎既竟然係油, 有啲失望。overall都OK, 可能揀錯嘢食, 下次有機會試上海炒年糕！

跟朋友行經此地, 買了兩個北京餡餅。北京餡餅是何物, 我真的沒有了解, 所以更要一試。拿了上手, 油濕透了紙袋, 看起來也挺兇。而皮雖比不上脆, 但也煎得黃金色。吃下去, 竟有肉汁『bit』出, 真的很juicy！餡料是韮菜和肉, 加上有點油香的肉汁, 整體真的很不錯！而且也很大件抵食。如果有白菜豬肉口味我一定第一個試！

之前小學放學搭車返家時,一定去買個$5的北京餡餅(不過唔知依家幾$).真係好正,個皮好脆,肉汁好多^_^依家前幾日去左食lunch,好抵食.好多好多d auntie好好人的.我丫哥係好肥的.auntie驚佢唔夠食.比多d佢^_^

今次老公帶我來元朗巴士總站,目的係食北京餡餅,他以前放學經常來,仲話餡餅好好味添只係在門口買餡餅,沒有入去坐,我地喜歡邊走邊食,感覺到餡餅暖暖的,外皮算是挺薄,還有點脆,韭菜份量比肉多,但是肉汁味很濃,不會比較少而淡味,韭菜完全吸收肉汁精華,而且把味道鎖住了~~~餡餅多年來都好似沒有到加價,價錢依舊,味道依舊

因為到會到元朗睇戲, 之前有少少時間食野, 睇下食評, 最後決定試下呢間, 我與太太兩人叫左酸辣水餃+豆漿$29, 上海粗炒+豆漿$29, 五隻窩貼$12, 一個餡餅$6, 一件蔥油餅$6, 酸辣水餃: 唔辣的酸辣湯加六隻大大粒的水餃, 怕辣的老婆都飲到佢地個酸辣湯, 都幾大碗, 都算好味。上海粗炒:一段, 唔差的豆漿: 唔係話好好飲, 不過夠凍窩貼: 微暖, 但都好味餡餅 : 如其他食評講, 好好味蔥油餅 : 好有蔥香咪, 可以一試

大比工幹回來後有點餓~就提議先吃點東~待會才和我晚餐晚餐門口有即煎的小櫃位~比起鄰店不衛生地的全放在三層Trolly上..當然幫襯此店..北京餡餅即叫即煎~得待上7,8分鐘~有即製的~等又何況!~在等候期間~不停有人買蔥油餅與生煎包咬住走~好不吸引等了多時~~老闆娘仲親自操刀揀個最靚ge比我~由鐵板上就放到紙袋去~隔著膠袋都熱到不得了小比第一時間拿出來拍照了吧~~~煎得金金黃黃好靚又好熱....當然............最後辣到手指到全都又紅又痛....=.=''(大比又再一次無我乎....)皮煎得硬硬脆脆~好幸福~皮薄餡多~這裡的韭菜:豬肉比例較唯一的多相對地無咁膩~小比就愛這裡的多點邊行邊吃~到吃畢的那一刻~仲係熱辣辣~都係個句~新鮮熱辣的東西..通常都是好吃的...這次等待是值得的~!

佢既晚市套餐 加到$29之後, 終於穩定落來了水準比起之前還有輕微的回升份量一樣的多, 男人都一定食得飽可能百物騰貴, 所以鹽既份量落少左無論湯底及水餃, 都無之前甘咸, 相對來講, 容易入口左豆漿只能講OK, 唔會特別推薦招呼 : 阿姐都幾好人, 我要求兩粒雲吞, 一粒水餃, 無問題

做左傷膝青年剛剛睇完趺打係元朗廣場搵唔到食嚟到北京水餃店叫左個外賣*炸豬扒水餃麵* $27 外賣加 $1佢仲問我啲湯洗唔洗分開上, 我當然話好啦!炸豬扒一件, 碎上, 即炸肉鬆 水餃三粒, 有肉汁

買件外賣, 邊行邊食當早餐!外脆+ 皮厚+ 餡適中+ 有肉汁雖然皮厚, 但加埋餡一起食, 味道超爽~

入到去我同個阿嬸1號講要"酸辣湯淨水餃"，然後我阿媽話要"酸辣湯水餃麵"。同時間，我同阿媽忙住搵紙巾抹d chairs，每張都污糟......阿嬸1號唔知搞乜，聽錯晒我地講野......另一個阿嬸2號都行埋黎睇下乜事我睇錯左個餐牌，問兩位阿嬸點解唔係$25，個阿嬸2號發惡大大聲問我邊度睇到係$25......經過三次改單及開火後，上台既係一碗"酸辣湯水餃麵"同埋一碗"酸辣湯水餃粉絲"。我阿媽叫左個某個阿嬸換走佢，d阿嬸問我幾次食唔食粉絲，我幾次都係答唔食。最後阿嬸3號拎走我碗野，隔走d粉絲，有禮貌咁拎返黎，佢話之後"6"返3隻水餃俾我。故事完結。食物評語：酸辣湯過鹹，豆腐"鞋"，唔用木耳但用左雲耳，切到大大舊咁......亦冇其他料。水餃皮薄，包法亦合適，可惜餡料過鹹。服務評語：阿嬸1號明顯地係"廣東話有限公司"，點解唔直接搵人幫手落單？見到我地抹chairs又唔主動搵布抹。阿嬸2號態度惡劣。阿嬸3號一般。我對哩類食店唔會期望有好好既服務，但至少唔要入去食野要受人氣。