北京水餃店

营业中

休息中

今日朝早行過元朗西巴士總站，見到這間水餃店。之前行過店外，見到有賣很多煎餃、餡餅、葱油餅等等小食，一直很想入去試一試。入到店裏坐下，幾個店員正在包水餃/餃子，每隻餃子也是全人手製作。今天，我點了一份北京餡餅($12)及一杯凍豆漿($6)作為早餐。餡餅微暖，餡料有大量韮菜及少少豬肉，一個餡餅份量也不少。下次有機會可試試其他小食。在這裡吃一份簡單早餐，吃的除了是食物，還是一份人情味。看到很多老店捱不住貴租要結業，有時亦會概嘆香港的小店要生存真的一點也不容易，真的要好好珍惜。

元朗這間水餃店，印象中已經有十多年歷史，以前經常買她的北京餡餅吃，記得5，6年曾經吃過她的酸辣湯，印象很深刻，這次光顧，店面，食物變化不大。這次要了碗酸辣湯素水餃，其實我在水餃和白菜雲吞中爭扎，原因是擔心素餃會過油，靜靜的問，可否每樣一半，落單姐姐靜靜地幫我安排。如願以償，看到這碗酸辣湯雙拼出現，的確勾起我五，六年前光顧的回憶，酸辣湯配料還是那麼多，那麼大方，豆腐，木耳，竹筍，紅蘿蔔絲，雞蛋等等共冶一爐，加上餃子雲吞，份量的確不是開玩笑。素餃的確如我所料，比較油，味道清淡，只是餃子皮太厚；雲吞皮薄，餡料比較多也較濃味，而酸辣湯，酸辣味不夠突出，反而納質偏高，不過叫得酸辣湯我已經知道味道偏濃。豆漿，豆味淡，甜味也淡。賣單42，如果在港島區，相信只能吃個小盤涼菜吧。

今日屋企煮嘅餸唔夠要加料 ，路經元朗巴士總站就見到呢間北京水餃店，門口擺咗各款饀餅，有牛肉餡餅，羊肉餡餅，韭菜饀餅。 見到個樣都幾吸引，就每樣要一個番去加料啦~牛肉餡餅 - 裏面有洋蔥加牛肉，味道唔錯！羊肉餡餅 - 個人認為太蘇啦，我食咗一啖就冇食，畀曬屋企人食~另外韭菜餡餅 - 正正常常，喜歡食韭菜嘅朋友就岩晒，可惜我唔係。呢個饀餅都算大，用嚟醫飽肚就最啱喇~

一向都喜歡在小區內發掘一些小店，這次便來到元朗。北京水餃店除了堂食，也有像燒賣牛肉球等小食供外賣。擔擔麵夠辣！雖然只有肉碎和小量榨菜，但麵條尚算幼滑。小籠包送上時非常熱，大大粒的，咬下去即嘗到熱辣辣的湯汁。餡餅稍為多油，但皮薄多餡，混有少量肉汁，只是$12實在太便宜了！蔥油餅加蛋也算抵食！以數層薄餅夾著雞蛋，整塊餅厚厚的，雞蛋和香蔥的味道份外香濃。總共 $86 便吃到多款美食，而且份量不少，兩個人都吃得飽，物超所值！

呢間北京麵店, 由中學食到而家, 歷史悠久, 出名有酸辣麵, 東坡肉, 鎮江排骨, 北京水餃等, 小食有窩貼, 小龍包等等......今日收左工, 特登落黎元朗食, 坐西鐵朗屏站或輕鐵豐年路落, 然後行過黎好快。好大碟, 菜飯應該等於兩碗份量, 東坡肉份量都好多, 真係色香味俱全!東坡肉脂肪比例分明, 太瘦就唔好食, 由於炆左好耐, 肉同脂肪巳經入晒味, 入口有溶化既感覺, 肉質軟熟, 真係好好味! 豆漿充滿豆味, 美味!由於太飽, 所以叫左碗細酸辣湯外賣, $28得咁細碗, 但味道很濃郁, 都幾辣架, 材料豐富, 真材實料, 有豬紅, 雲耳, 豆腐, 筍等......一定要試。

環境當然唔使抱大期望😛因為已經係老店，但食物都幾ok呀鎮江骨水餃麵好大碗! 啲骨好"淋" 好好味水餃都係北方重口味 偏味濃雪菜唔似茶餐廳果種咁鹹， 係偏甜的，覺得更好味會再試

走進食市，見到好幾個員工們都在包餃子，感覺上這種老店都已經買少見少了，裡面裝修簡單，之後我坐低左就叫個上海雲吞拉麵啦！麵到左啦，首先試下個麵，都幾彈牙，再加上豆瓣醬就更加好味，跟住到雲吞啦，雲吞係底，食左第一舊之後，都幾足料，有白菜，豬肉等，食完都夠飽，下次會再黎。

這間北京水餃店在元朗這麼多年一直未試過，今日終於去試下了。一直覺得店內衛生欠佳，今次食時都有蚊飛來飛去，實在有點......我點了煎餃子，點了大約3分鐘就到了，非常快。煎餃子的外皮煎得脆脆的，內裡是蔥和肉，餃子確是不錯煎得很香口，外皮都煎得脆脆的，還有一點微焦，但吃下去就比較油膩，當然世界上好吃的大多都是油膩食品。另外叫了小籠包，這個等了十分久，大約20分鐘。吃過皮薄的小籠包這個完全比下去，皮厚得誇張，小籠包的精髓都在於皮薄，這一點已經做不好，實在是不好吃呢。

近日發現，獨自吃午飯，可先處理私務，然後才吃午餐，既可避開1300午餐人潮，遲點吃又不會那麼快餓。同樣是擔擔水餃麵，北京水餃麵的麵質還好，裕景坊上海麵家的麵條可能較彈較煙韌。不太軟，吸湯，又不太黏身。湯底有點兒太油膩，辣油浦在面頭不太吸引。應該是擔擔醬混進了湯底，以致湯底挺多油，我還是較喜歡混花生醬的上海麵家。水餃-兩家店子同樣出色，上海麵家的肉汁較多，北京水餃的肉更香更美味，像是醃製了的肉，混入韭菜等，相當美味。

中學時嘅飯堂之一。十幾年再食唔知係我口味變咗定要求高咗。叫咗個北京餡餅同蔥油餅加蛋，餡餅凍唔晒但一定唔熱，蔥油餅完全冇味食，係入唔到口嗰種難食。睇嚟只可回憶不可再試

友人常說元朗吃中式食品，去裕景坊的上海麵家更佳，以致平日沒機會試試這北京水餃店。今天下雨，下車方便來這店買外賣，來一客東坡肉菜飯。東坡肉菜飯送豆漿大大盒飯，比燒味飯盒多少許。菜飯比平日的更多菜，完全是菜粒，並非菜葉，大大粒，吃得滿口菜粒。東坡肉難免有點肥，但瘦的部分也不痴牙難咬，反之，是半肥瘦般，夠腍夠軟，相當美味。太肥部分可切下不吃，瘦肉部分確是美味。而皮更加富彈性，彈牙又有膠質，一流！這樣一個高質飯盒$40，比吉野家雙拼划算得多！

類似既鋪頭，柯士甸小路都有一間，不過價錢偏貴，而且味道一般，住起元朗附近竟然先知道有一間北京水餃店，於是決定lunch去試下。梗係點左兩個北京餡餅，水餃，蔥油餅北京餡餅表面雖有起始金黃之意，但略嫌個皮可以煎得更香更脆，而入面個餡就充滿韭菜，油汁頗多，但食到我lamlam脷，回頭菜之一。水餃皮厚，餡濃味，頗正宗，因為以前起北京生活既時候食水餃之餘要配白飯。唔錯唔錯，可接受的。蔥油餅煎得好香，蔥爆多，好夠熱氣，一流，不過就唔同北京既咁大份，但份量都足夠香港人需要。優價方面都相宜既，始終都起舊區，整體來說都唔錯，味道我覺得ok，可以再回頭

兩位家姐自從加入左食在元朗後，不時發掘到元朗不為人知的美食。而下午在元朗的我就比召喚做外賣仔，去北京水餃店買午餐返屋企。店外雖然不特出，但意想不到是差不多有十年歷史了。真係唔講笑，熱到差啲拎唔到，一個大酸辣湯$35,三條春卷$15,北京餡餅$10，北京煎餃$20(五粒)酸辣湯$35有人喜歡食上海野嗎？ 煎餃，鍋貼，餡餅，酸辣湯，擔擔麵？😊☺ 這間有十年歷史立不倒在元朗並不是浪得虛名的。 點了酸辣湯35元材料豐富 ，材料豆腐竹筍絲蘿蔔絲木耳絲豬紅, 這酸辣湯雖然有點鹹，但是加上自家白飯就可以減掉些鹹味，不會太辣或太鹹。雖然全是素但不會感覺太單調。岩配飯或麵，減去鹹味。筍絲好爽口好 好味!讚，讚，讚！！ 評分：7.5/10春卷15$(三條) 澎湃的春卷，大條到嚇死人，粉絲椰菜紅蘿蔔絲，塞滿曬春卷，皮脆不再話，由元朗拎返仲要熱熱地，真係好足料，雖然個粉絲好似太乾口，不過真係皮脆搭夠。 北京煎餃$20 5粒   個人不太愛，因為韭菜味及豬肉太鹹 ， 再者個人並不喜歡韭菜， 外帶時店員會把煎餃放 煎爐上反煎，所以保溫有保證啦。 加上招牌豆瓣醬又鹹又辣，要立刻飲水。北京餡餅$10

朗屏有好多出色麵店同水餃店，北京水餃店除左水餃好味，餡餅亦係賣點之一！呢個韮菜牛肉餡餅，並非即叫即煎，但有翻煎加熱，味道唔錯唔會太油，叫一份兩個人share一份當小食岩岩好。豬扒菜飯既豬扒炸得合格，唔會粉，菜飯足料大大碟。水餃麵一見到就即刻食唔記得影相，水餃皮厚度適中，唔會太厚太漿。碎肉夠肥夠滑！

晏晝係到元朗廣場逛逛，本來想食車仔麵，但人太多，黎左食上海野。食客大力推薦北京水餃同上海雲吞，但一心想黎食蔥油餅同粢飯，都係留返下次先啦。食上海野一定要叫返杯豆漿，豆味不錯，有點太甜。蔥油餅，切成四片上，方便入口。熱辣辣有咬口，好多蔥，但味較淡，點左啲辣醬食更惹味。最想食嘅粢飯，好熱好燙手呀，要小心啲撕開塊保鮮紙。肉鬆鹹菜同油炸鬼都好好味，同飯比例剛好，食完飽哂好滿足。下次再黎試下麵食先，我見隔離枱個碗好正咁。