北京樓 (歷山大廈)

营业中

休息中

九月十八日 (星期四)過完Peak Season, 大劉聯同幾位高級幹部請全部門食飯...今次一改慣例,唔去食buffet,改為食中式...最後選了北京樓...我們倆未食過北京樓...很期待...原本的"賽程"也要改期...一放工,立刻趕往案發現場...我地一共吃了十多道菜如下:紫竹園小蔥海蜇很好味,很爽口,又彈牙...因為供應有限,很快便搶食一空茉莉茶燻素鵝...無什特別,因我倆都不大喜歡素鵝...所以只略沾一二,留力北京醬前蹄這個很入味呀...而且色澤分明...真是色香味俱全大觀園五香燻魚燻魚是老公仔的至愛,佢話呢度拍得住"翡翠拉麵小籠包"果碟北京宮爆明蝦呢個都很好味...還有一條大大的紅辣椒伴碟,很有美感,蝦肉又爽又新鮮...好一碟明蝦球烤北京填鴨戲肉所在,伴上很精緻的"鴨頭陶瓷碟",皮脆薄甘香,肉嫩,加上醬汁一流...無得頂!糟溜魚片都是專心做北京填鴨吧...魚無鮮味...不吃也罷蔥爆牛肉無乜人食,除左老公仔...佢覺得蔥爆得幾香口,牛肉又剛剛好...不太硬又不太林咕嚕肉普通貨色...如果計埋價錢...唔值麻婆豆腐大部份人都話辣,係四川的麻辣,唯獨平時最怕食辣既老公仔唔覺辣,好

we went there in a large group, ordered no shark fin but ordinary dishes, including the peking duck.the ambience is good, the service is supposedly superb but the younger waiters seemed to be rushing this and that all over the place a little too much, which is a nono at any restaurant that position itself high-end. train the customers to be patient for real good food.the food was ok but gave no surprise, only the fried ramen was a big big disappointment. the texture of the noodle is not acceptab

We went there for a business lunch and we ordered 4 items including the carrot roll cold dish, fried Beijing noodle, fried shrimp with long-jin tea leaves and seasonal vegetable with soup. These are all well served and made - very typical Maxim's style. The display and lay-out was classy with beautiful dishes. There was no surprise of the taste. We enjoyed the meal and ambience. This is recommended for business lunch and its environment.

(2/8/08)今日可以到此食晏,得來不易。Anyway,都有餐好o野食食。一年都會來幾次,確實都幾鐘意o係度用餐。前菜:小房醬牛肉─即牛展,汁液頗咸。蝦餃皇─大大隻,爽脆鮮甜,如果皮可以做到水晶皮就更好咯。炒腸粉─比平時茶樓的炒腸粉大碟(緊係啦,賣$55!),因為炒得透,所以極軟滑。小籠包─建議此北京樓,一定要改良此basic菜─小籠包啦!只做到有肉汁,好多地方都做到,但皮薄、餡靚,真的要再轉研。三鮮餃子─肉餡真的有鮮甜汁液,不過同小籠包通病,太多肥肉。我們還准許order甜品。豆腐花x3；而我繼續選擇極香的”合桃酪”!隔離同事都聞到好香啊!至於酪同糊既質感分別…..酪是再濃d添!

21-6-2008 是晚一家人（8 大 2 小）到中環北京樓家宴，以前多數去星光行和太古廣場的北京樓，今次是第一次到中環吃，環境裝修很舒適，不會太豪華，七時多已滿座但不覺擠迫。知客及侍應生的態度很親切有禮，餐具精美。我們點了八人套餐，菜式如下：古都三冷盤：東來順小糖醋排骨（味美肉鮮） 第一樓冰鎮海蜇頭（爽滑） 茉莉茶燻素鵝（好味）魚香明蝦玉帶（蝦球超大，爽滑味鮮）砂鍋菜膽雲吞翅（魚翅足料，雲吞和上湯皆美味）烤北京填鴨（超一流，皮脆薄甘香，肉嫩）（我認為比在北京吃的還要好）蔥燒魚塊（不錯）房山素炒山珍菌（好味）隆福灌湯小籠包（一流）鮮果拼盤（美觀量多）八位用 $ 2680連其他雜項共 $ 3150每人約（ 8 人計）$400總結：是本港京菜最好的一間，物有所值。

遲來了的粽評是北京樓的八寶粽很大的一隻粽粽內材料十足有蛋黃、瑤柱、冬菇、蓮子、紅豆、肥肉、肉碎、還有一樣不知是什麼總之有8種材料粽子內每樣材料很入味連糯米也有味道．．．！糯米夾住紅豆，有咬口但要專程到指定門店拿粽有點麻煩！整隻粽都沒有「呃秤」不會發生「米多料少」的情況難怪要差不多＄６０一隻．．．．．下年不知道還有沒有機會再吃了！很貴的一隻粽．．．

名氣大, 裝修好靚, 餐具很講究, 很值得參觀一下。至於食物, 較期望低; > 片皮鴨-- 皮不脆, 肉不嫩, 但隻有鴨頭的陶瓷碟很可愛。> 宮保蝦球-- 算不錯, 但略嫌用了太多粉去變大蝦球。> 擔擔麵-- 麵很硬其餘的菜式都很普通, 沒深印象!(洗手間有酒店咁乾淨。)

(22/2/08)五小碟:最喜歡那素燒腐方和小糖醋排骨。二鬆牛柳粒,好特色,二鬆(什麼菜絲炸成草狀、炸瑤柱),牛肉粒過咸&腍。文武鍋榻玉帶,即西蘭花帶子啫!魚香明蝦球,成日食宮保蝦球,“魚香”很有新鮮感,不過又係太咸。花膠菜膽燉肘子,即菜膽金腿燉湯,花膠夠腍。北京填鴨,一枱兩碟鴨片,食兩件夠晒,多件好膩。翡翠炒斑球,好正!斑球魚味好香。西宮碧玉鮑脯= 去飲既生菜鮑片上官花素蒸餃,勁好食!菜切得夠碎,調味很出色,餃皮ok薄。美點雙輝,碗豆黃,粉粉的涼糕,雖豆味夠重,不過如果係煙韌質地會好食d;袖珍煎堆,好少餡,咁先無咁漏,新鮮熱辣,怕肥不敢添食。鮮果拼盆,有西瓜、木瓜、火龍果,太豐富了!

(7/11/07)都食過好多次喇,每次都沒失望。今晚六人late dinner 都有不少客o係裡面。肴肉:青瓜薄片包著肥肉,透明粉皮加埋超好味醬,正!素鵝、宮保蝦球、砂鍋雲吞雞、小籠包、蒜蓉豆苗、炸銀絲圈、xxx排骨(一個"壺"盛著炆得好似坑腩咁腍既排骨),味道濃濃~蘿蔔絲酥餅,很香鬆,必食。津白炒年糕,津白切成絲,薄片年糕無咁滯。此碟是淡味的,不過感覺到一份心思。酒釀沙丸子,黃色的湯圓仔,整體唔夠酒味,麻麻。合桃酪,「酪」侍應說是師傅特蘑的,食落糊口少少,有合桃味足。其實食物有85分;而服務就98分,所以值得推介。

昨日對我們來說，是特別日子，因為有兩件事值得慶祝的，分別是國慶及爸爸的生日。知道銅鑼灣及金鐘的北京樓已結業，中環的北京樓又未試過，故已經一早訂了位。位於歷山大廈的北京樓，環境裝修格局一流，就連是檯面上的杯杯碟碟，也是特別精緻美觀的。我們一行七人來到，安排了坐一張可供八人坐的圓檯，十分濶落舒適。我們來的目的主要是想吃北京填鴨，所以一坐下便立刻柯打，製作需時三十分鐘。這裡的北京填鴨，外皮燒得香脆可口，亦有鴨味，包在薄餅內蘸上乳豬醬同吃，十分滋味。另外，我們還點了雞絲大拉皮、海蜇頭、小籠包、火腿津白、清炒蝦仁、花膠濃湯煲及蒜香雞半隻等菜式。除了蒜香雞的肉較嚡口外，其他都做得不錯。值得一讚的是小籠包，外皮很薄，內裡的湯汁多得滿瀉，夾上薑絲及醋同吃，很美味。同場亦有師傅表演拉麵技術，吸引到在場“觀眾”拍爛手掌。說真的，這裡位處中環的商業大廈內，擺明走高檔路線，所以菜式一點也不便宜。

中秋節前夕, 當然要同我女友家人食番餐”過節”飯. 今次選擇中環北京樓的原因係一來不想成日都去銅鑼灣食飯, 二來睇食評介紹都唔錯. 一入到去, 環境不錯, 桌與桌之間都分得好開, 不會有一般酒樓局促的感覺. 值得一提, 本人覺得酒樓的餐具非常精緻. 由於我比較早到, 大概坐了三十分鐘才點菜, 難得侍應都沒有催促我們, 抵讚!! 是晚, 我們點了:前菜:糖醋骨, 素鵝–掛骨不是太肥, 個汁都幾開胃, 不過偏甜0左少少. 素鵝同平時我食的有少少分別, 不過佢個料好足, 有好多羅漢齋的料釀0左入去, 幾爽口. 兩個前菜的份量都幾足夠.小菜:咕嚕明蝦球–蝦好大隻, 而且炸得恰到好處,, 而且個咕嚕汁都較得好正, 好食不愧係皇牌菜.(雖然就貴0左少少)風沙雞–雞肉好滑, 而且個皮都好脆, 蒜頭粒夠多. 我最喜愛的一個小菜.清炒豆苗–豆苗好嫩, 食落不會有”渣”, 不過油就偏多0左少少, 小小扣分.酸辣湯–沒有什麼特別大的驚喜, 應有的水準.北京炒拉麵–可能在食之前睇過佢地的拉麵表演, 期望高0左少少, 食落去有些失望, 配料不大足夠, 加上好多碎麵同又係多油0左, 睇來表演同真實的有少少

2007年9月19日晚，一家八口叫咗：1.北京填鴨2.賽旁蟹3.宮爆明蝦4.風沙羊腿5.松鼠黄鱼6.冷盆二碟7.小籠包8.鮮肉窩貼9.北京炒拉麪10.北菇扒雙蔬碟頭雖然細啲，但味道幾好。侍應生招呼都唔錯。前菜就貴啲，成22蚊碟，一坐落就俾3碟你。

唉! 真係唔想第一個食評就話人唔掂,但係無辦法,因為d service 太唔掂! 北京樓已往常光顧, 雖然貴, 但食物水準穩定,高檔次,服務好. 前兩個星期再去諗住farewell個朋友不如食好d, 點知激到黑曬面. 當日(sat)訂了11:30am,好明顯係太早, 該名髮型超時髦樣貌勁唔突出的哥哥招呼我地,一身無法遮掩的煙味都算,講野似十足時下年輕人完全無句知佢講mud,加上惺忪睡眼,連手顫斟茶大法,令我地無法唔覺得自己好似打擾緊佢班大哥休息咁.我地五個人唯有先叫住頭一輪,費事佢攪錯,食物水準總算保持. 可惜呢個權宜之計註定失敗, 當我仲睇緊大本餐牌諗住叫第二輪時,位侍應姐姐唔知係咪有心攪對抗,就我仲睇緊大本餐牌, 大聲問緊我d friends要加個咩粉麵飯同炒菜之際,全速收曬我地所有食具,只剩茶杯乙只,正到O曬咀.我諗佢未搵得番d似樣d的伙記前,都幾難會再去.

上星期和兩個外籍人客在此吃晚飯，食物不錯，做得頗為精細。服務態度和裝潢亦很好。價錢不詳。說它是「遊客的去處」並無貶意，只是各樣也比較針對遊客而做。例如訂了乞丐雞，服務生推出來，會叫客人去擺pose敲隻雞殼。替客人拍照後，會將照片印出來貼在一張介紹乞丐雞的紙上送給客人。更會送一隻迷你版的鎚仔。敲完雞，還有師父出來表演做拉麵，切片皮鴨等，引得不少遊人去拍照。客人覺得有趣，作為本地人則覺得有點攪笑。

(2/6/07)高級食府,靚的格局。四人午餐。鍋貼,皮包得好脹bookbook,賣相吸引,食味只是一般,餡肥豬肉多。醉雞酒唔夠醉,亦甜左d,幸好每件雞都很滑。小籠包,皮腍腍地,餡的肉汁鮮甜到不得了!雪裡x炒粉皮,得個豉油"咸"字,亦頗油。炒四季豆,始終都係呢度炒得最好,豆條幼身清甜。黃金盞,即吉列蝦餅,炸得很鬆脆香口,仲有最愛的蜜糖合桃,這碟大家都讚好。