北京拉麵店

营业中

休息中

今次放棄了first choice 魚香茄子因為個胃麻麻，費事食d 太oily ge food, so 揀咗雞翼菜飯, 跟湯、前菜、飲品、甜品。雞翼菜飯等咗好耐，要催佢幾次先黎。一上枱，就已經覺得唔抵，竟然得3隻炸雞翼，少得可憐！試吓個味先。唉，真係普通到唔普通，一D香味都無，唔得。個湯同菜飯都ok!

上次嚟食都成年前咁滯。當時喺屯門返工，得幾架車搭，於是收工約Jo喺西九食飯。嚟到揀咗呢間住低等，因為喺出面見到有卡位。啲位都算好坐，因為都隔得幾開。叫咗一碗排骨湯麵、一碟上海粗炒、一碟紅油抄手。兩個麵普普通通，紅油抄手我原本以為會辣啲。最搞笑係隻碗，奇形怪狀，好鬼惡用。西九入面係好多食肆，不過都冇乜邊間好食。呢間叫做食得過。

未曾吃過，所以就到此一試。很多不類型的食品，麵、小吃等都有，我叫了拉麵與一杯凍飲和一碟小食。當吃下拉麵的一刻，感覺很好，很棒，不是普通的，很有口感，但沒什麼特別的味覺，很淡的味道，令到拉麵不能更特出，凍飲還可以，很均勻，我覺得這店的小食特別地好吃，我很喜歡這店的小食。如果可免一服務費就好了，這地方是不錯的，店內的設計有些特別。

經過見到食健康米,價錢又抵,咁就行入去食啦叫左3樣野紅油抄手---熱個陣幾好食,凍左就痴埋一餅咁,個汁既味道麻麻,不過個餡幾好味燻魚菜餅---個燻魚唔夠甜但係好香麻油味,都唔錯,個菜飯普通啦有麻油香瑤柱三色飯---呢個我個人好鍾意,用蒸籠上,個飯係用荷葉包住個面有o的柱碎,3種唔同色o既米加埋o的粟米粒賣相唔錯,飯裡面都有好多瑤柱同肉碎,而且味道幾好,略嫌乾身左少少埋單唔駛一百蚊,環境招呼都唔錯,可以有下次

今天同bf試下這間下午茶.叫了兩個茶餐：雲吞面＆紅油炒手，份量太少，要多一個菜肉雲吞，兩個人食３個茶餐都好似唔夠飽，但味道ok又夠熱，奶茶咖啡都幾好，食得過，只是份量太少，雲吞好細隻．Service不很好，因waitress唔夠smart，叫極都好似聽唔到．卡座幾寛濶，可以談天，行完街街黎坐下都幾舒服．

與友人星期一晚去聚舊見餐廳裝修佈置幾靚價錢又ok,又唔太多人，就入去食坐左卡位好濶，好舒服可能星期一少人啦環境都不錯唔嘈，乾淨餐單都幾多野而且幾精美差唔多每個菜/飲料都有相可以睇樣揀菜呢度d飯好特別白飯之如會加一d健康gei米e.g.紅米，糙米我地叫左：小籠包：一般般啦，比上不足，比下有餘煙鴨胸炒飯：幾好味，d鴨胸唔會太濃味唔會蓋過飯同其他材料gei香味分量適中糖醋魚：獻汁略濃不過魚塊都幾多唔會落好多青椒等墊底一個湯同珍珠奶茶：珍珠奶茶幾好飲d珍珠係林林地，咬得到，吞得落肚gei不錯呢餐食得好飽而且做得好有心思相信會返去再食

今日剪完頭髮約o左婆婆食o黎, 老人家都係好d中式o野, 咁就試o下依間裝潢ok新穎的北京小店la.點了雞翼紫米菜飯, 雞翼係超脆口, 熱辣辣, 好明顯係即炸ge, 好好味ar. 紫米菜飯我expect會好似QQ Rice o個d gum, "煙煙韌韌", 但佢係硬ga lor, 好彩d菜可以中和一下gum la.聽隔離枱話紅米會冇咁硬wor, 唔知lei?另一個係雞煨麵, 好濃郁的湯, 但略嫌好o左d雞lor. 我婆婆都ok buy lor.Overall都算係gd ge~~

由於以前o係深水埗讀書同返工，所以都成日食呢度拉麵~通常都係食排骨拉麵同酒釀桂花丸子~同一樣酒釀桂花丸子，西九龍呢間分店做得好d，荃灣分店就真係好\"抵食\"，一個碗(大約拉麵碗size)全滿，不過d 丸子煮得太熟...新裝修後d 卡位\"鄧\"同枱之間距離較窄，同男朋友去食時，佢\對腳冇位可伸，而且d 卡位有時阻到侍應姐姐視線，揮手幾次佢\地先見到~唔記得新裝修後有冇位俾師傳表演拉麵，我以前覺得師傳拉麵幾發出既響聲都幾嚇親人=*仲有~呢度下午茶時段真係抵食!!

見依度裝修之後都幾靚，tea又平wor，於是就試下啦。五香牛肉拉麵--ok豆沙餅---好油膩要加一，但是咁既價錢，真係好抵呀。

裝修後一到, 當然比以前好很多(只是外觀上)換了新菜單, 以前每次都會吃的三鮮炒拉麵沒了唯有看看有甚麼新東西因為吃慣了拉麵所以也點排骨乾炒拉麵以前吃的都一大碟這次他把排骨乾炒拉麵拿來時差點嚇一跳原先不想叫小菜是怕太飽原來是裝修成本轉到食物上那一碟變少了很多呢, 而且我最看不慣就是那個碗左高右底, 放快指也不方便, 我真是想知道是那位仁兄的意見...真差!換了碗, 份量小了不單只, 拉麵也明顯比以前口感差了, 以前吃太多次了同樣的炒拉麵也覺得水準可以保持得到, 現在真比以前差了真覺得好像是因為外表而放棄了內涵的一次裝修

好期待裝修後西九分店, 呢次係佢裝修前最後一次幫襯. 亦係日文班深水食肆巡禮之一.菜飯係必叫項目, 菜香夾菜油滲入飯中, 感覺可人. 另有叫皮蛋白菜, 東坡肉, 簡便一餐飽肚上路. 服務算不過不失. 每星期每日都有精選介紹, 唔駛傍惶翻閱menu 亂點鴛鴦. 價錢尚可.

昨晚7月8日6點幾,同朋友行完街,本來諗住平平地去西九龍食任食壽司但點知真係好多人,多人到好似唔洗錢咁XD見到呢間野平平地,咁咪去試下囉本來門口都有幾個家庭等緊位既但門口個位員工見我地係得2個人,好快有位啦D位幾窄,唔係咁好坐><''肥少少都好難坐(我指非卡位)好啦,我朋友叫左個醬燒雞軟骨拉麵我叫左個乾炒排骨拉麵跟住叫左個招牌小籠包同埋叫左杯珍珠奶茶野食都幾快到珍珠奶茶黎先既好難飲,泡沫都佔左隻杯既3分2D奶茶飲落去似涼茶MIX花奶咁!BAD!跟住有個侍應(幫我地落單果個)捧住兜麵問我地:「你地係咪叫左上海粗炒架?」咁我地無叫到,梗係答無架啦事關佢個MENU真係有上海粗炒,同埋乾炒排骨拉麵呢2種唔同既野食咁好啦,個侍應就拎住碟野去同個阿頭講:「佢地話無叫喎」咁阿頭就走過黎問我地:「請問你地係咪叫左乾炒排骨扣麵?」我地答係咁個侍應就手指指咁指住我,大大聲咁話:「咁你頭先又話無叫?!」我咪答:「咁頭先你話上海粗炒,2樣唔同既野黎架啵」點知個侍應sorry都無句,兼且態度惡劣咁走人個阿頭見到咁既情況都有同我地say sorry個侍應係女仔黎既,帶眼鏡,頭耷耷咁,做野好唔掂!!

20 JUNE 來這裡吃ｌｕｎｃｈ，叫了一個南京牛肉餐，有花生酸菜做前菜，碗飯幾大碗，牛肉普通，有餐飲，又有甜品，＄２５加一，好抵食。甜品係紫米糕，我地六個人叫左六個餐，每個人既甜品都係唔同樣架，勁得意呀！！

呢間舖在西九龍中心立足了很長時間，近排裝修過。原本上星期已經想和朋友去食，不過上次朋友就有張樓上聚滿庭的coupon，所以才轉移陣地。今個星期再有機會來西九龍中心食飯，就揀去食拉麵。新裝修，紅紅綠綠的，顏色幾搶眼，而且七點鐘到達已經幾多人，心想都不會太差罷！見佢價錢都唔貴，兩個人決定要三個菜share食。order了鮮肉水餃、上海粗炒及炒年糕。鮮肉水餃最先送上，第一個感覺唔係個水餃賣相得唔得，而是個碗古古怪怪，鈄埋一邊咁，懶有特色，我就唔多buy佢。水餃有六隻，幾大隻，不過皮好厚，肉亦好實，唔好食。跟住既上海粗炒就可以，起碼夠味又足料。最後的炒年糕賣相好似上海粗炒，驟眼看來還以為送錯。論味道，炒年糕確實唔多夠班，同一些上海老店比真是差之千里。

今日同兩個fds去食lunch，試吓呢間。好抵食wor D set lunch, ranging from $25-28.菜飯+$2, 其他飯+$5個set lunch 包括花生(小食)、湯、、甜品、drink 、菜飯加一個餸。個餸可撰魚香茄子、麻婆豆付、咕嚕肉、糖醋雞塊、南京牛肉等.......I ordered 魚香茄子，幾好味喎，好在無味精，份量十足，男仔食到夠呀！