北京拉麵店

营业中

休息中

呢間舖在西九龍中心立足了很長時間，近排裝修過。原本上星期已經想和朋友去食，不過上次朋友就有張樓上聚滿庭的coupon，所以才轉移陣地。今個星期再有機會來西九龍中心食飯，就揀去食拉麵。新裝修，紅紅綠綠的，顏色幾搶眼，而且七點鐘到達已經幾多人，心想都不會太差罷！見佢價錢都唔貴，兩個人決定要三個菜share食。order了鮮肉水餃、上海粗炒及炒年糕。鮮肉水餃最先送上，第一個感覺唔係個水餃賣相得唔得，而是個碗古古怪怪，鈄埋一邊咁，懶有特色，我就唔多buy佢。水餃有六隻，幾大隻，不過皮好厚，肉亦好實，唔好食。跟住既上海粗炒就可以，起碼夠味又足料。最後的炒年糕賣相好似上海粗炒，驟眼看來還以為送錯。論味道，炒年糕確實唔多夠班，同一些上海老店比真是差之千里。