北京拉麵店

营业中

休息中

食過一次~真係好好難食~又貴又唔抵~東坡肉~我真係見唔到肉~

1) 竹笙酸辣湯(每位)$20 -好足料，但辣味唔夠2) 糖醋魚塊$48 -好好味，夠脆口3) 上海炒年糕$30 -一般啦！4) 京都知味骨$45 -都好好味！

之前黎過食小食都唔錯, 今次叫左個下午茶餐麻辣担担麵+熱檸茶($16+10%)首先, d麵1 pat pat咁, d湯味又怪, 辣都唔辣下~真係好難食...連杯熱檸茶都好苦...d麵食左1啖已經冇食埋單走人~

放假最後一日同老公去街因為就我要整頭髮關係黎左深水步老公話要食呢間點左兩個set lunch—清炖獅子頭同蜜桃咕嚕肉老公個獅子頭真係好清清到係一大粒肉丸咁味道一般我既咕嚕肉較好雖然細粒d但炸粉皮唔太厚又啖啖肉個汁亦幾好味唔錯菜飯唔太油亦好翠綠ok前菜有花生甜品係杏汁糕呢d就普通d麻麻服務可以但相對就唔多抵食喇個餐本身30,轉菜飯要加2蚊,凍飲又2蚊仲要唔知有冇加一添!!

不過不失!!!但極力推薦小籠包!!! 千祈唔好叫擔擔麵!!!可以首先食碗南京拉麵，再加埋碟香茅雞翼。食完再叫幾籠小籠包就OK啦！ 記住食小籠包時將小籠包放係羹上面，咬一細口皮，之後大力啜入面D汁，正!!!

由於男友已食過午餐，於是來陪坐。又來了這裏吃廉價下午茶。春卷︰普普通通，有點油，也覺得比較熱氣。雖然是脆口，但多吃了也覺得膩。紅油抄手︰味道不錯，和上次嚐過的分別不大，所以不多說了。凍檸茶沒有大問題，只是茶味不多。凍奶茶不僅沒有茶味，更只有奶味，難喝﹗雖然只有紅油抄手一味比較可取，但還好價錢便宜。不過不知是否當天真的應了赤口所言，一進店就聽到了吵架聲。都說婆媳之間的相處是一門大學問啦。

小弟今日食左個羊肉拉麵,好似比人呃錢咁d湯都唔知咩水,張枱超"乾淨"..唉,我都唔知點解入左去...我諗我e世都應該唔會再去

西九龍中心的食店貴極有限，咁埋lunchtime有人係門口派傳單，即管一試‧要左幾甜酸雞塊set lunch($25定$28)例湯-青紅蘿蔔豬肉湯ok 啦，淡淡定，唔會話成口味精前菜-泡菜好味，唔太辣, 怕辣既女仔都可以一試甜酸雞塊- 甜左少少喎‧熱果陣都幾好味，凍左就有層野膠住咁加3蚊轉左糙米菜飯,務求攝取多的fiber ar^^甜品-紅豆糕完全唔得囉，透明果層一的味都冇，明顯係魚膠粉走糖，中間有一陣薄薄既紅豆，又係一的甜味都冇架跟餐\要左杯熱咖啡，so far都幾完满，加埋一三十蚊鬆的走人

我之前去食過覺得d小籠包又硬又鹹所以今次試試湯水餃... 比多次機會, 因為同區都無乜類似食肆一都覺得外型熟口熟面, 試一試竟然同d小籠包一樣又硬又鹹一樣味道..... @@雖然當日係平日仲要晚市八點幾都無乜人, 但係唔係唔肯為一台客包水餃而搵小籠包"頂檔"呀嘛... d豆沙鍋餅仲係"丁"出0黎, 涷0左之後d皮可以硬到打死人...服務又麻麻, 面積細, 有d侍應行0黎去, 但係都唔理d客...總言之: 食物出品極之差差差(兩個喊)!

因為food court好多人, 就黎左呢間食。我叫左煙燻鴨胸拉麵, 而朋友仔就叫左韮菜豬肉水餃(8粒)碗拉麵好唔掂, 無味不在話下, 麵有d"林", 有d硬, 感覺好奇怪。好彩鴨胸肉幾濃味, 否則都食唔完碗麵而朋友仔既水餃, 佢話一食就知係街買返黎既雪藏野, 而湯底還可以, 無咁多味精至於服務方面, 我地入去坐低斟左一次水之後就無再斟過。而食具都幾唔乾淨雖然唔算貴, 但我認為唔值呢個價

野食一般得黎帶小小難吃,先講麵,份量係少中之少的。湯底係淡而無味,係味精+熱水,我食雞軟骨拉,雞軟骨份量又係少中之少,服務態度唔好,見我地係小朋友就好差態度,我地食哂野之後就一齊出番自己錢埋單啦,之後我地比哂錢,肯定係岩數有多,佢話仲差7蚊,我地有個人唔知咩輸咁就比左7蚊佢,我地即刻出番去同佢講,我地岩岩係岩數,佢就話唔見張20蚊,頂,我地都唔知講咩好,我好肯定岩岩係岩數,點知仲比佢呃多20蚊,食到一肚火真係唔會再去

o野食一般, 不過最鍾意食佢ge回窩肉炒麵

同男朋友一人叫左一個餐1. 獅子頭菜飯- 獅子頭係用d上湯浸住一個大肉丸2. 咕嚕肉菜飯- 咕嚕肉只不過係d小肉丸淋上咕嚕肉汁3. 豆沙窩餅- 唔惦服務態度更加唔駛講- 差

星期六天氣炎熱，不想周圍去就快快在這裡食個lunch回家睡覺。由於我倆入座離tea time只差十分鐘，於是坐到兩點就點tea set，抵好多呢!我倆order了五香牛肉麵+熱咖啡，紅油抄手+凍檸茶，不久就可以食了!下午茶的份量也不少，紅油抄手就有八隻，與正價時一樣!記得以前在別的地方食過紅油抄手，只是一味的辣，而這次食的就大大不同了。因為除了有少許辣味，還有一些甜味。我猜是用上了甜醬油吧!味道不錯呀!五香牛肉麵的牛肉就蠻好的，可是麵太差了，不喜歡食過腍的麵。熱咖啡聞起來很香，喝起來也不錯。凍檸茶沒有茶味，也沒有檸檬味。服務是差了一點，我請waiter添水，但直到結賬時我們的茶杯是空的。

叫左個麻辣担担麵+咕嚕肉..咕嚕肉尚算好味..但個担担麵一d都唔辣...咩叫麻辣呀??