北京拉麵店

营业中

休息中

今晚真係激死...本來諗住去屋企樓下食個拉面平平地就算啦...點知依間野真係難食到爆囉唔該'''成間西9裏面我真係可以話佢間野係最差既一間...入面個個呀姐d服務又差到爆wo'''睇佢著d 3都應該似係老闆利嫁啦...但係有乜理由會咁對客嫁...問佢野好似唔想理人咁--''d拉面好似d公仔面發脹晒個d口感...個醉雞食落去完全係無雞味嫁囉....嗅落去就淨係得d米酒味...重要平均每人要俾80蚊...真係激死'''我都係第一次食野可以食淨咁多嫁炸...吹脹'''

叫左個南京牛肉湯拉面同雞軟骨拉面,南京牛肉湯拉面d湯同d牛,普普通通咁,雞軟骨拉面d雞軟骨同d面分開擺,碗面乜料都冇得清湯..淨系得幾粒蔥,,令我好失望既系,,,,d面質好''林'',,好似擺耐左既面咁,,冇口感,,,食到一半吾想食,,

我同我朋友.... 一人叫左一個tea 黎食唔好講我朋友果個tea...淨講我果set...我叫左一碗豬排拉麵+熱咖啡...佢第一樣野上檯就係熱咖啡杯咖啡一Ｄ都唔熱...跟住碗麵....唉三至五條豬排【仔】Ｄ麵一Ｄ都唔好食... 好【霖】最後仲要收10%服務費真係絕無下次

行經西九龍，見到有架食店，唔多人，以為好貴啦，望望餐牌，有中國食品，幾款set lunch 都係$20尾-$32-$33左右，要加一的，不過ok 啦。坐低後，職員招呼我，地方算大，有不少卡位，不過，我以為無太多人來，點知原來自己早來，越來越多人。Set Lunch 包前菜、主菜同飲品，仲有甜品，算唔錯啦。前菜原來係一碟花生，不過一人食，份量好夠了。例湯就OK啦，都可能係味精湯，不過又唔係好咸。但都有件紅蘿蔔，OK 啦。我叫的主菜係雞翼，有3隻，size 一般大。不過，有炸過，再有醬汁，香口不過又有汁，唔錯，多隻仲好。另外，有一碗白飯，唔會太軟，又唔會太硬，可選菜飯(好似要加錢)。最尾就係甜品同飲品。甜品係果凍，唔太甜。飲品就叫了杯凍檸茶。另外，我見有人食四川担担麵，都係$20多元。唔一定要來食飯的。整體來說，約$30 食到個幾得體之lunch，都滿意了。晚上可能多些人來，叫多些小食，不過收銀處註明只收現金，帶足錢先入去呀。

今日o係付近返工,放lunch時間(2:00)經過呢間野,睇果樣好似幾好,而且下午茶又平$18一碗豬扒面,加一埋都係$20有找,於是就走左入叫左個蜜汁豬扒面去食。 點之個面來到之後我成個呆左,一個好大既碗,裡面有d面,最o 咀既係得3條,係"3條"蜜汁豬扒,即是平時食店一個豬扒飯裡面切開的一條條豬扒x3,仲要我個碗既其中一條係骨。之後,d面真係.....又"林",又唔熱,我懷疑係隔夜面tim呀,真係未試過o係出面食d咁難食既面,成碗好似人地食剩咁,我屋企樓下$13一碗豬扒面都好食過佢百倍,起碼人地想平之餘亦好用心對食客。 好喇,快快手手食完個隔夜面之後(因為隔夜面份量太少,even飲埋杯奶茶都唔夠飽,所以要同埋朋友再買野食),我就去埋單,總數(計埋加一)係$41.8,我俾$42,諗住佢找返$0.2俾我,等我用來搭車,點之個阿姐完全冇理我,我企左o係度好耐,佢都唔找返俾我,如果你地d野真係好食,服務好,我俾多$2貼士你又點話呀,但你間野咁差,你d野食賣$2一份我都唔想入羅,我完全覺得今日俾左$20去食垃圾,就算我食包當lunch都唔會再入去

今日放工陪細佬去深水涉買野，買完之後去左西九行左陣!冇乜野買...上左去美食廣場睇下有咩食...!見到D野好唔掂...之後行行行~見到...好特別wo...間鋪好有中國feel就入左去啦....唔知點解有陣味~好怪牙!醋味?叫左個下午茶餐(豬軟骨拉麵)+小蘢包!豬軟骨拉麵 - 好抵牙~18/set 有埋野飲....凍就+2蚊....過得去啦...小蘢包 - 就麻麻啦......有d唔新鮮!細佬就話唔會再黎，不過我覺得都OK~

一經過係俾佢地既裝修吸引住....之後睇個餐牌D食物都唔錯安排左卡位俾我地坐, 好舒服, 牆上面既裝修好得意....叫左三個菜, 味道都唔錯, 冇令我地失望麻婆豆腐餸飯一流, 男朋友食左一碗唔夠, 仲要叫多一碗飯,個小籠包入面好多汁, 一咬開就流晒D湯出黎, 而且唔駛點醋都夠晒味!

睇到d 單張上去睇下入左去食,見到最近d 食評話佢ok 以為佢改善左至去其實幾年前去已經麻麻地家陣仲轉左唔係麻麻地..... 係勁唔ok !!!!發生咩事?小籠包岩岩上到枱上, 祈完禱睇下原來係穿既....... -.-唯一一個冇穿既入到口..... 真係體貼..... 一定怕我地熱親個口d 湯係凍架喎..... !!!!我放入微波爐叮都熱過佢睇呢樹d 人話d 酸辣湯好味,又試下la......酸到似飲醋咁.....仲有d 菜飯, 一餅一餅, 有如冷飯一樣叫佢拎多個碗好似殺父仇人咁 !!!!唔知係咪跑馬日d 同事輸左馬呢

之前陪朋友去 深水埗買野...買完之後就搵野食...我提議去呢間野到食...因為之前食過...覺得ok...所以想再食...我地去之前係電梯口有人派呢間野宣傳單...見到宣傳單有優惠...更加想食...去到叫左我鍾意既醱辣湯...幾十蚊...碗野...又足料..又夠味...飲過其他地方...都係覺得呢間好味...叫左口水雞...夠辣又好味...叫炸紫米銀絲卷...(見到係紫米做就試下)咬左啖..見到入面一圈圈..又叫左紅油炒手..比起其他地方...真係好好味...回鍋肉菜飯...回鍋肉炒到有d油...不過菜飯d菜就幾好...唔會淋晒...小籠包岩岩蒸好就食...又好汁..又皮薄...正雞絲粉皮又係好好味...食滿100蚊重有賽螃蟹送...(要有宣傳單)再食埋桂花凍糕...桂花味幾香..又夠凍...正今次冇試到拉麵...不過試過佢係旺角分店既拉都..都ok咖...再去 深水埗都會再試呀....

之前小金魚都有講過公司係"百無"，除了茶記之外，真係無野食，叫得多外賣又悶喎，所以今日見天氣唔錯，行遠d都同d同事出街食lunch啦西九對我公司嚟講叫做近而又多野食(太遠的話lunch time只得個一個鐘頭，去得都過時啦)，所以今次我地揀咗北京拉麵嚟食。雖然呢間野叫北京拉麵，但係我地全部都無叫麵嚟食，呢度有set lunch叫，一行六個女仔叫咗：糖醋魚塊：d魚塊都叫做熱熱地，但係都應該唔係現炸啦，因為已經唔係好脆啦，不過個汁都較得唔係太差，唔會太甜或太酸(不過再酸一點會比較好，因為一點都唔酸就唔似食糖醋的感覺)，一碟都有5-6塊，而size大約對於1.5塊麥樂雞咁上下到啦，算係咁啦，唯一唔係咁好係佢唔係用波蘿嚟炒而係用蜜桃，我個人唔係太鐘意。蜜桃咕嚕肉x2：個汁同糖醋魚塊係一樣(定係應該講糖醋魚塊同呢個係一樣)，不過個汁同蜜桃都同咕嚕肉比較合襯，而且d肉唔係好肥，ok喎。回鍋肉：夠鍋氣又夠香辣，不過衰在d肉太"鞋"啦，好似柴皮咁，回鍋啫~都唔洗煮到咁老吖嘛。蜜汁豬扒x2：無驚喜亦唔失望，不過塊豬扒真係有點薄呢。+2蚊可以較菜飯(好似仲有紅米呀之類，但係小金魚唔食，所以無留意heheh

14.09.2008是日尋兔記,,搵舊式燈籠,,有次lunch食過綠茶面,,記得幾好,,又超多人,,dinner也都應該不錯吧蔥爆牛肉 超油..酸辣雲吞湯 味道有點怪怪的蒸銀絲卷 原來係冇餡既長形饅頭?!

叫左個羊肉拉麵,一食,餿GE個湯之後就叫人換啦,點知叫極冇人理,之後同班FD即埋單成班人仲要黑口黑面,真係不知所謂

同女朋友經過西九龍中心,是但搵間食lunch,見到大大隻字寫住"北京拉麵店",見個招牌好似好掂咁,就試下呢間...1.豬軟骨飯(set lunch)..d豬軟骨 蒸到好"林",真係一入口就軟,個湯好咸,果舊甜品見到個樣都食唔落,係得杯mike tea 飲得下..2.水交拉面-----水交勁難食,塊皮又厚,d拉面又硬,d"啖啖"面湯底個味好怪..仲之就冇樣野好食...最慘服務態度又唔好,d員工好似聾咁叫極都聽唔到.....最離譜係咁大間餐聽,連最基本既紙巾都無...要俾錢買......仲之冇下次...

同男友黎西九龍中心, 求其揀左呢度食dinner6點幾, 入面無咩人叫左燻魚, 南京牛肉拉麵, 小籠包同雞軟骨串燒紫米幼麵燻魚先黎, 係冷盤, 個汁少少酸幾好味, 燻魚既骨就多左少少, 不過細骨都咬得落, 整體黎講算ok再黎係南京牛肉拉麵, 拉麵尚算彈牙, 不過南京牛肉就麻麻地, 其實即係牛腩, 不過好靱, 好難咬得開...小籠包, 個皮好厚, 個餡有一陣怪怪的酸味...雞軟骨串燒紫米幼麵: 紫米幼麵好奇怪, "林之之", 個湯有一陣粉味... 幸好3串雞軟骨串燒都幾好食, 補返數服務, 價錢同個別食物尚可, 不過某d野食就需要改善!

開頭睇間野都以為應該會好好食 ...所以去試下佢地ge招牌拉麵...點知 ... d麵一黎就已經唔好食 ... 好淋冇咬口加上份量又少 ... 唔抵食呀!!!