勝記海鮮酒家

营业中

休息中

試了一個四人餐，菜的份量除了龍蝦、青菜其他的都比較迷你，不過可以理解的，四人套餐嘛，一人一塊，但是真的太敗好感了，店家居然用冷凍品充之，現在香港都沒外地遊客了，哪個香港人吃不出來呢？搵人笨＝砸自己招牌

睇左OpenRice食評，滿懷期望黎食個午餐。侍應招呼好好，手腳好快安排入座。點左個hkd2998 四人海鮮餐。炸墨魚餅，無乜鮮味；聖子，有4份，但其實係得兩隻，分左4份🙄；帶子，係連殼上，但竟然帶子係急凍帶子。椒鹽鮑魚，咸蛋辣椒炒瀨尿蝦，芝士龍蝦都唔錯。最後有碟白菜。加埋茶芥，加埋一，成hkd3400落樓。哩個價錢期望真材實料，但個價錢同食物質素/分量唔多對稱，好失望囉。最後要讚揚侍應們，好禮貌，亦很殷勤。

兩個人又想食多啲款式就叫咗佢哋嘅二人餐每樣嘢都好好食非常之新鮮我仲加咗個咕嚕肉食到捧住個肚走😋不過咕嚕肉我就覺得有少少貴囉$168得幾舊不過其實係真係好好食嘅又香又脆又林不過份量就少啲

今日老闆生日，請我哋食海鮮。今次到訪嘅餐廳係米芝蓮推介嘅海鮮餐廳，餐廳位於西貢，坐在海旁露天地方，陽光普照，看着海，有特色。白灼中蝦這中蝦大大隻，蝦肉結實爽彈，不用沾豉油也味道鮮美。青瓜沙律雖然這青瓜沙律10分普通，但醬料味道唔錯，沙律菜10分新鮮。椒鹽土魷這炸魷魚炸得香脆，炸皮又脆又香，有着椒鹽風味，而且魷魚口感軟滑，一點也不油膩。粉絲帶子這帶子實在太細粒了！雖然帶子鮮味，但粉絲太多，醬汁太少，帶一點蒜蓉風味，粉絲有少少乾身。灼菜心這灼菜心是正常水平，白灼風味，菜心唔太老，亦無渣，灼得剛剛好。蝦仁叉燒炒飯炒飯材料十足，啖啖肉，不但有爽口的鮮蝦，又有香口的叉燒，還有香蔥，飯粒粒粒分明，幾有鑊氣，還不錯吧。蒸石斑這石斑份量十足，蒸煮的時候剛好，魚肉剛剛離骨，口感嫩滑，加上鮮甜的豉油和蔥絲，好吃。中式肉排這肉排完全無骨，啖啖肉，加上中式醬汁，味道香濃，黏黏的，好下飯。這一天的海鮮餐真豐富，更可和十多年沒見的舊同事再聚，真是難得的小確幸。

入西貢梗係要食海鮮，食海鮮我首選勝記。睇曬成本menu，好多都無寫價錢，係海鮮價。上次嚟食過佢個二人餐，一於再食。1）白灼海中蝦：新鮮嘅蝦，白灼係最好嘅品嚐方法。啲蝦好鮮甜彈牙，配埋少少辣嘅辣椒豉油，唔鹹得嚟又食得出鮮甜味，正！2）脆皮滑金磚：脆皮一啲都唔油膩，稍嫌厚咗少少🤏豆腐好滑3）自家製酒糟粉絲蒸帆立貝：食唔出個粉絲有咩特別，不過佢無灒啲油落去，所以比較清而且唔膩。帆立貝經細心處理過，無咗裙邊、腸、同埋好硬嘅嗰舊肉，非常好👍🏻4）椒鹽鮮鮑魚：味好唔鹹，鮑魚亦都係新鮮嘅，亦都唔算細隻👍🏻不過如果佢地再洗乾淨啲隻鮑魚就更好。5）金不換炒蟶子皇：蟶子唔老，好嫩而且有鑊氣！好鮮甜，連啲配料（洋蔥同青椒）都好好味。6）芝士波士頓龍蝦配伊麵：我勁中意食芝士伊麵，呢個配搭真係好好！龍蝦比上次嚟食再大隻啲，呢道菜性價比高，伊麵索曬啲汁，又入味又彈牙🤤🤤🤤7）上湯浸時蔬：清湯浸白菜仔，一人幾條菜已經食完，無咩特別。8）自家製甜品：三舊糕，分別係桂花糕、益力多糕（無食錯的話）同埋柚子糕，三款都無咩特別。店員服務唔係特別殷勤，不過都會幫你換碟、斟水、俾多幾張濕紙巾。之前嚟西貢有試過啲乜記乜記海鮮，同呢

入西貢staycation，阿女話無理由唔食海鮮呀。。但咁多間點揀呢？上睇吓介紹啦！佢就話揀間坐得舒服嘅。。。所以就揀勝記。由於平日，而且又落雨。。人客唔太多，我地坐低之後就叫咗幾樣海鮮喇。。總括平時去布袋澳食海鮮，同呢到食感覺唔同，我地都係鍾意布袋澳嘅感覺，不過勝記嘅味道都唔錯。

週末小🐤胃說要去慶祝一下發年終，其實他不吃海鮮，就我吃，我本身想去布袋澳的發記，因為我覺得沒去過，他非要帶我來這家說是米芝蓮推薦，說實話讀書時候大大小小米其林我吃了很多家都不咋地，我們買的海鮮加工，味道還可以，主要是海鮮很新鮮！加工費挺高，海鮮才750，加工費900多

幾個月前, “師姐” 帶我去西貢 “勝記” 食海鮮, 超級好食, 預算冇失控, 一試難忘. “師姐” 交帶落下次可以搵 “經理” 寫菜單.🥢 等了又等, 終於有機會再訪! 今晚8人飯局, 六道海鮮, 一味小食, 菜, 炒飯, 加甜品. 用餐地方屬於餐廳一樓, 分區只有兩張枱, 座位闊落. 💰黃金脆豆腐. 外脆內軟, 持久力強, 表面落咗椒鹽, 微辣, 神級產物!🦑 椒鹽鮮鱿. 魷魚彈牙, 炸粉夠簿, 味道調校不俗.🥰 酒糟粉絲蒸元貝. 元貝啱啱好熟, 十個讚! 酒糟係米, 麥, 高粱釀酒後剩餘嘅酒渣, 略帶甜味. “酒糟版本” 比 “蒜蓉版本” 更保留到元貝嘅鮮味.🐚 金不換炒蟶子. 新鮮爽口, 一流! 今餐至愛之一.🐟 清蒸沙巴龍躉. 約三斤, 魚肉結實嫩滑, 咁大條魚, 都冇 “擦膠” 位置, 大廚實力嘅表現.🥰 椒鹽鮑魚. 椒鹽唔會搶咗鮑魚嘅鮮味, 有咬口, 又唔韌, 掂喎!🦞 芝士龍蝦煎米粉. 龍蝦肉結實彈牙, 呢款煎米粉用咗新竹米粉, 脆口. 芝士俾到米粉足夠味道. 讚!🍚 楊州炒飯. 生菜同叉燒比例啱啱好, 蝦非常新鮮, 夠鑊氣, 正!🥬 上湯浸菜心. 青綠爽甜. 最後嘅

今日去行山之前嚟咗呢間米芝蓮嘅勝記海鮮酒家食海鮮。第一個感覺就係覺得呢一間酒家好傳統，因為嗌海鮮嘅時候係要走落去自己揀嘅。今次試咗椒鹽鮑魚、炒蟶子、脆皮生炒骨同埋脆炸豆腐。個人覺得鮑魚係唔應該用黎椒鹽嘅，因為椒鹽炸左蓋過咗鮑魚嘅鮮味，可能清蒸會好味啲啦。炒蟶子就炒得好出色啊，炒得比出面嘅餐廳爽口入味，正呀！我自己都好鍾意食脆皮生炒骨，覺得佢個皮真係好脆好好味。不過同行嘅團友就覺得冇乜特別囉，我覺得係佢哋唔識野🤣🤣仲有就係脆炸豆腐啦，炸得個皮外脆內軟，個口咁真係好好味呀。又食到脆皮，又食到嫩滑嘅豆腐，正！不過佢嗰啲椒鹽就好似唔係好夠啦，因為個豆腐食落好似冇乜味咁。總括嚟講呢間餐廳係好好味嘅，不過就唔係話特別平，性價比唔算高。

叫了一個6人餐，復活節假期加假，HKD 2888，另外再加一服務費。第一樣黎既係白灼蝦，普遍都大隻，食得出唔係死蝦。配上辣椒豉油，非常不錯。呢個炸豆腐非常好食，外脆內軟，裡面非常滑。師傅話有6種調味粉，就算教識我地，都會懶得煮，所以唔怕比人抄。有紅酒榨成份，粉絲唔錯，但入面粒「帆立貝」唔掂。我地即場問係咪急凍的，佢地冇承認但都冇否認，淨係話散叫同套餐會唔同，散叫會好食d，有d失望。金不換炒蟶子，唔錯幾入味，個人都係鍾意豉椒炒多啲。芝士澳洲龍蝦配伊麵，佢地話原本係波士頓龍蝦，因為假期所以改用澳洲龍蝦，加了200幾蚊。有冇好食左我就唔識分，不過份量好大，10人食都夠分。椒鹽鮮鮑魚，五星推薦，係咁多樣最好食，得鮮嫩，唔會韌，又特別！沙巴龍躉，不過不失，平時酒家婚宴水準，冇咩特別。菜也是正常水準。炒飯，其實唔錯，不過前面已經食到好飽，所以就唔會好吸引到大家。這個價錢應該是假期西貢中最貴的，不過質素都合格，算係對得起個價錢。服務亦都不錯，叔叔很熱情。環境很大很舒適，有幾層，唔會迫。

 這裏的食物是無可挑剔的。 我們兩個大人和2兒童和餐廳的工作人員很熱心的建議我們可以添加到哪一道菜上的2人套餐（扇貝蛤蜊和竹子）以便數量將是合適的。 我們很喜歡這裏的菜單,特別是鮑魚非常美味和它棒極了的麵條到'擦乾'剩餘的醬汁鮑魚。 設置的菜單,那裏沒有單獨的烹飪是要收費的,所以我就坐在後面欣賞米其林美食。 通過西貢以外的海濱長廊和穿過馬路就是一個很不錯的改變香港的大多數遊客看。 餐廳可以通過電子郵件提前預訂的。

好掂喎!話說”諗”咗呢餐西貢海鮮一段時間. 睇完各餐廳嘅食評根本落唔到手. 飯局前一日師姐話佢幫襯開勝記. 仲可以幫我哋安排菜單. 安落晒.睇完張菜單, 真係挑戰我嘅價值觀. 之後再講...餐廳坐得舒服, 烹調技術一流. 海鮮高質. 服務周到. 價錢OK喎 (!)循例參觀下金魚缸. 扮揀下海鮮.第一味: 炸豆腐. 外脆內軟. 椒鹽味啱啱好. 必點.豉椒炒蟶子. 一流嘅豉椒味烹調. 唔會好濕或者杰撻撻. 蟶子夠大隻. 肉質超爽口.椒鹽鮑魚. 椒鹽? 果然大開眼界. 椒鹽俾到味, 但又唔會搶咗鮑魚嘅鮮味. 肉質有嚼口但唔會靭. 超讚!豉油王煎蝦. 中蝦. 都夠大隻. 佢支豉油好掂. 好香好入味. 除咗蝦殼, 蝦肉都沾到豉油味. 椒鹽瀨尿蝦. 我自己應該唔會點. 一係好貴, 一係將貨就價. 講番食物, 椒鹽夠晒味, 瀨尿蝦亦夠份量, 肉質好滑.芝士龍蝦配煎米粉. 好多餐廳都會俾芝士搶哂龍蝦味. 呢度又冇喎. 芝士汁幾簿. 啱啱好. 龍蝦夠肉. 爽口. 神級煎米粉底. 好夾芝士汁. 香脆.咕嚕肉. 出面太多餐廳做咕嚕肉都好出色. 呢味菜相比海鮮遜色. 當然都好好食.勝記至尊炒飯. 好味. 乾身

今日到咗西貢住兩晚，第一餐就食西貢最出名嘅海鮮。見到有一間叫勝記海鮮飯店，佢相比其他海鮮酒家係好偏僻，同埋見到有所為嘅米芝蓮牌，就試吓睇吓係中伏定係堅好食。食完就真係伏得好緊要，海鮮只係叫咗三樣。第一樣，花竹蝦兩隻，我地選擇咗刺身；第二樣，瀨尿蝦皇，我地選擇清蒸；最後一樣，花螺，我地選擇辣酒煮。續樣講，首先講花竹蝦刺身（6兩-$240，未計加工費）冇鮮甜味冇蝦味，清蒸瀨尿蝦皇（8兩-$200，未計加工費），上碟只係得隻碟同隻蝦，沒有其他伴碟（最衰忘記影相）。最後係辣酒煮花螺（12兩-$180，未計加工費），花螺韌辣味似街邊辣魚旦。貴得嚟好食都好，最橙就係貴得嚟唔好食，而米芝蓮嘅星，已經係2018嘅事，唔知係咪因為近幾年食物質素好差而攞唔到（我估），我覺得係咪要規管一D過氣嘅米芝蓮餐廳，唔俾佢地掛個牌出嚟呢？到最後埋單係$1518。包括刺身費$178，辣酒螺費$118，蒸瀨尿蝦費$178，海鮮$620，一支酒$58，豉油皇牛肉粉米$188，茶💰$40/2位。總結，勝記係有名冇實力嘅海鮮酒家。唔食唔會後悔，食咗先係後悔。

星期日入左西貢食海鮮，揀左呢間曾幾何時係米芝蓮嘅勝記海鮮酒家。預先訂左枱，不過walk in應該都有位。餐牌主要係多款時價海鮮，前菜小食，小菜，飯麵，甜品都有。簡單叫左個海鮮二人餐，包脆皮滑金磚，白灼海蝦，椒鹽鮮鮑魚2隻，自家製酒糟粉絲蒸帆立貝2隻，金不換炒蟶子皇2隻，芝士波士頓龍蝦1隻配伊麵，上湯浸時蔬，同自家製甜品，價錢$998另加一。脆皮滑金磚脆皮滑金磚即係炸豆腐，一客6件，另配喼汁俾你沾，下底有少少梛菜絲墊底。豆腐炸得皮脆少鹹而入面超滑，好食。白灼海蝦白灼海蝦似係有半斤，質素新鮮，有唔辣豉油同辣椒豉油俾你沾，一定要點辣椒豉油，好食好多。椒鹽鮮鮑魚2隻我第一次食椒鹽鮮鮑魚，皮脆而肉質彈牙，椒鹽味適中唔過鹹。下底墊有梛菜絲同椒粒。自家製酒糟粉絲蒸帆立貝2隻紅色醬汁就係自家製酒糟，上面灑上蔥花，味道唔錯。主角帆立貝鮮甜唔韌。金不換炒蟶子皇2隻我哋另外加左兩隻蟶子，每隻$58。蟶子皇肉質鮮甜彈牙，個金不換汁都好冶味。其他配菜有洋蔥片同燈籠椒。伴碟有少少梛菜絲同車厘茄。芝士波士頓龍蝦1隻配伊麵芝士波士頓龍蝦1隻配伊麵好大兜。龍蝦肉唔少，都係新鮮嘅。伊麵正常。芝士味好濃。上湯浸時蔬上湯浸時

兩次食勝記，都係公司晚宴，每次都叫左好多款菜色，我就介紹最鍾意既四款：椒鹽鮑魚：必食推介，椒鹽香口，鮑魚炸完都可以保持肉質彈牙，唔會老曬避風塘黃金斑馬瀨尿蝦：隻隻都超大隻，六隻排埋一齊好壯觀，避風塘就一定惹味，但仲要好邪惡咁加埋咸蛋黃炒，咬開d殼時味道更加香口，瀨尿蝦好新鮮，肉質同鮑魚一樣咁彈牙！芝士澳洲龍蝦配炸米粉：芝士汁味道調得好好，隻龍蝦好多肉，第一次食炸米粉底，米粉餅沾上芝士汁，我呢個芝士控食得好開心阿拉斯加長腳蟹配花鵰蒸蛋白：一上枱就成圍人起哄，真係好大隻，係咁打卡，蟹肉實的的，蟹腳啖啖肉，個主角其實係d花鵰蛋白，同隻蟹流出黎既蟹膏同精華完美融合，真係好香好濃蟹味好正