勝記海鮮酒家

营业中

休息中

38女人節，諗住去慶祝下，所以去了西貢食海鮮，同事到了店，見到店既海鮮唔夠大隻，於是出左街市買，所以，所有食材都好新鮮，加上飯店煮得好好食，味道食材非常滿意，我地唔介意手工費貴，但說重點我介意買5斤龍蝦，唔見左個頭，諗左好耐，個頭無理由會唔比我地，仲有5斤龍蝦切到細細舊，咁我洗咩買大龍蝦，買幾隻細蝦都等啦，細細舊就真係好。。。各位自己諗點解勒，諗左咁多日先寫食評，係真係忍左好耐，要跟大家分享這經歷

相約朋友一齊利到西貢食海鮮，當然要食反上次覺得好好味既勝記啦！上次食勝記個時，仲未有晚市堂食，今次可以帶埋狗狗利到西貢食海鮮啦！我地諗住飲反杯，叫左枝Asahi，有蒜蒸開邊大蝦，炒飯走叉燒，鮑魚，金沙骨，金黃香煎脆炸墨魚餅！墨魚餅係必點！食落去香脆，口感都好豐富喔，鮮味十足，仲有開邊蝦，蝦夠大，食落去啖啖肉！餸下酒，相當味道！炒飯好香，係好香鑊氣，就算走左叉燒，都好香！鮑魚個香味太重，不過都係鮑魚原本既味道，金沙骨既味道香濃，擺盤都好靚！下次會再試下其他野！

今日行完山，腳已經好累，就利到好多人推薦既餐廳，就係呢間勝記啦！係西貢多數都係食海鮮，而點解會選呢間呢！當然係因為太多太多好評啦，仲要係米芝蓮推介！今日冇海膽炒飯，甘今次就蝦雞肉炒飯！味道唔錯，但我中意白飯多d！食物方面：今次冇開邊蝦，得白灼細細既蝦，不過好鮮味既。重點推薦係墨魚煎餅，外層係脆脆既薄膜包圍住，食落去香口彈牙！份量係有六塊。另外椒鹽鮮魷魚，食落去個質感偏嫩滑，同出面食既口感有唔同，都係一個幾特別既菜式！

📍#勝記海鮮酒家📍Sing Kee Seafood Restaurant #SingKee🇭🇰香港西貢西貢大街33-39號地舖🇭🇰 G/F, 33-39 Sai Kung Tai Street, Sai Kung, HK🌐西貢#MFJ西貢 #MFJ中菜 #MFJ_SaiKung #MFJ_ChineseFood味道: 👅👅👅👅👅賣相: 👀👀👀👀👀服務: 👨🏻👨🏻👨🏻👨🏻環境: 🌹🌹🌹🌹回頭率: 🔆🔆🔆🔆🔆今次帶大家去西貢米芝蓮一星海鮮食府食海鮮餐💕由環境，服務到食物質素都好正！不愧為米芝蓮推介餐廳💯豉椒炒蟶子🐚連平時唔食豉椒炒蟶子嘅我都覺得超級好食豉椒味唔會蓋過蟶子嘅鮮甜，而且蟶子超級爽口，勁惹味！⭐️果皮蒸鮑魚🐚鮑魚超大頭啊！我自問唔太喜歡食果皮蒸，因為永遠只會食到果皮味，無鮑魚味但佢果皮味好淡，加上豉油十分香，而且鮑魚爽口，好味⭐️上湯龍蝦伊麵🦞個上湯超級正，湯超濃而且夠厚，伊麵勁掛湯龍蝦好多！肉質爽口彈牙，勁正！💯花雕蛋白蒸阿拉斯加長腳蟹🦀我第一次食咁大隻嘅阿拉斯加長腳蟹！六斤重啊！另外亦都係第一次食花雕蛋白蒸長腳蟹！生猛長腳蟹當然好味啦！蟹肉超鮮甜，又肥美，啲腳啖啖肉個花雕蛋白都好

原本去白沙灣諗住食Padstow Restaurant & Bar，但俾人洗走，話呢話路話無remark有狗，話你係即日早上（唔係即日book)book之類，總之就係無位。俾記錄佢睇都無用。因為我個隻係大狗就係原罪。等我地仲勁開心泊到旁邊最後一個位但又死死地氣咁走😂轉去西貢，知中間勁多餐廳，可能好迫，無搵既情況撞入黎呢間。覺得好貴，無心理預備無啦啦食海鮮😂，當日主要活動係去行山，如果食海鮮會搵下邊間個種。唔夠乾身，油油地，第二隻要搣開炸漿先食到。呢個夠乾身，野味、又滑既；但我唔鐘意食豆腐。只食左一舊。唔好味，唔鮮，粒帶子太細太薄，好似我平時街市買約五十蚊四隻個種size。但佢係一隻分兩隻上檯咁。只係見到紅色，食唔到個味；同埋調味唔夠。好傑好漿，無芝士味，龍蝦都算彈牙。食得比較麻煩，好多殼碎😅 早知唔按佢建議碎上。剩開邊無咁碎。彈牙，大隻。但係咸得滯，調味重手有一倍。如果無咁咸會好好味。成個餐最好味既，彈牙得黎又軟，層漿薄，夠味又唔油。好普通，塞碟菜俾你咁。甜品係三種中式糕。服務好好，會過黎係咁同你講野，同狗狗玩（有時我覺得太密，會阻食野同埋同同行人傾計😅）

星期日，拍拖日。去到西貢冇理由唔食海鮮㗎，左揀右揀終於揀咗間有星星嘅餐廳。見嗰日天氣唔係好熱所以揀咗坐出邊，有啲海風吹過嚟好舒服，唔好以為坐出邊就會少咗人招呼你，服務仍然非常之好，一坐低就已經俾餐牌，濕紙巾同紙巾，仲擺低咗一碗洗手嘅茶。餐牌選擇非常之多，二人餐都有幾款。我哋order左個二人餐仲另外加咗一隻奄仔蟹，味道完全冇令我哋失望！基本上每樣野都好好味，特別值得一題係個天婦羅炸蝦襯嗰個Wasabi醬！

家人想吃海鮮，適逢周年紀念，選了比較恬靜跟西貢名聲較大的勝記，每樣菜式的味道跟塔配都很有驚喜讓人不斷回味芝士龍蝦脆米粉很多人推薦的脆米粉，本身也是衝着這個而來的，米粉沒有因為芝士醬淋在上邊而變腍，伴着芝士醬讓人不斷追吃。芝士醬淡淡cream狀，但味道剛剛好，剛好帶出龍蝦的鮮味，大家的味道相得益彰。龍蝦選了本地花龍而棄選澳洲龍蝦，鮮嫩彈牙味道有過之而無不及秘製川辣班尿蝦蝦肉彈牙厚實，味道是鹹蛋加辣，非常驚喜的是鹹蛋味道剛剛好沒有過重也沒有坊間一般的油膩跟滯，完全不覺得飽肚有不斷追吃的衝動。這個菜式很適合配飯或脆米粉。黏在蝦殼上的味道讓人吃完還想不斷再椒鹽鮑魚薄薄的一層椒鹽，雖然味道有點偏濃，但沒有蓋過鮑魚的鮮味與彈牙，鮑魚本身新鮮，也沒有什麼可以挑剔的地方桂花糕、柚子糕、益力多糕這個消膩的甜品讓我頗有驚喜，最少不是一般hea送的酒樓糖水，還是清甜幽香的桂花糕最得我心。其實另外兩個也不錯，沒有過甜，只是與桂花糕相比之下，感覺比較一般。

今日最難忘嘅就係蒸魚啦，喺街外食飯特別係套餐入面嘅魚，一般肉都比較實，呢一條魚嘅肉質鮮嫩，蒸嘅時間剛好，而且伴魚魚汁清甜。芝士焗龍蝦炒飯底龍蝦分量足，芝士味道未見突出，好處是吃完不會太膩。辣酒煮花蟹初初食第一粒嘅時候入面嘅汁有好濃嘅酒味，越煮越入味，螺屬於比較大隻品種， 侍應姐姐提醒， 螺肉入面啡色的， 才是精華， 好似蟹膏嘅味道。炸魷魚看似簡單，但亦非常考功夫菜式。呢個係印象中吃過最好的， 炸漿脆薄， 魷魚魷魚鬚剛剛熟 ，不會太韌， 酥脆可口。一行七人，點了八人海鮮餐 2888 加一和茶錢，每人約 500。

🌹閨蜜約會在西貢區，順道去食海鮮食，西貢海鮮有多間食肆可選，有少少要求的我們選了米芝蓮《勝記》。🌹午餐食海鮮以為選擇不多，原來與晚上相同排，價錢亦一樣！二人叫了個套餐，閨蜜因為要戒吃煎炸食物，食店相就將某些菜式為我們更改。粉絲蒸帶子🌟🌟🌟🌟🌟帶子大粒，獨家的汁液配粉絲，好美味椒鹽豆腐🌟🌟🌟🌟🌟外脆內軟，好吃😋豉椒蒸蟶子🌟🌟🌟🌟味道足夠，但有沙粒芝士龍蝦伊麵🌟🌟🌟汁液太過糊口，龍蝦肉較少陳皮蒸鮑魚🌟🌟🌟🌟🌟陳皮配鮑魚，十分夾清湯白菜🌟🌟🌟普普通通益力多凍糕及柚子凍糕🌟🌟🌟🌟不甜彈牙個人評分食物💙💙💙💙💙服務💙💙💙環境💙💙衛生💙💙抵食💙💙💙回頭率💙💙💙

一場高興老遠去西貢食海鮮，點知食物水準非常一般，員工服務態度奇劣，果位待應大叔極之無禮貌。店鋪地點不就腳，唔夠冷氣，被所謂米之蓮搵笨了，食得一肚氣，永遠不會再幫襯！😤😤.

昨天打完golf, 同女友晚上去西貢食海鮮， 試下勝記二人套餐。 二人餐份量不大， 但有哂勝記名菜， 非常之好味！服務態度唔錯， 起碼可以改天婦羅蝦做天婦羅桶蠔， 加咗少少錢！ 比全記和洪記食物精緻和美味！ 下次會繼續去食！

2020年6月27日抗疫半年好耐都唔敢出街食飯，最近好似情況受控，決定出關食餐好啦！😋一家七口長途拔踄入西貢搵左呢間勝記海鮮酒家。店面同洗手間都幾乾淨企理，坐得都舒服。而食物質素都非常不錯，無論賣相定味道都有驚喜。第一次食椒鹽鮑魚，估唔到咁好食，爽口又香口。所有海鮮都食得出係新鮮，煮嘅時間都岩岩好，唔會韌，唔會"鞋" 。而隻企鵝燒春鷄都好有特色，侍應會係你面前幫隻熱辣辣嘅雞起肉，皮香肉嫩。最後，甜品有三款糕點，其中有個益力多糕同柚子糕都好特別，好清新！呢間海鮮酒家值得返轉頭！脆皮滑豆腐椒鹽鮮鮑魚酒糟粉絲蒸元貝芝士龍蝦煎脆米粉椒鹽瀨尿蝦皇企鵝燒春雞啫啫芥蘭煲

Great dinner set for two people with a variety of seafood dishes and service was great. We had the HKD 798 set with fried tofu, prawns, abalones, scallops, lobster, noodles, greens, and jelly for dessert. It took a while to get here from where we live but the food was well worth the trip!

第12寫食評今天，同數位好朋友來到西貢一間酒樓食海鮮，呢間食府叫：勝記海鮮我們都點左不少款式的海鮮，但有3款想向大家推介：1. 粉絲蒸扇貝：扇貝夠大隻，鲜甜，好味道2. 香酥鮑魚 ：香口，鮑魚又大又鮮甜3. 龍蝦伊麵：龍蝦新鮮肉厚，配合味道適中的芝士伊麵，一流滿足呢！

平時大時大節，屋企人就鍾意黎勝記食海鮮，今次都唔例外，過左黎食團年飯。我地一早book左位，因為節日假期都會有好多人黎幫襯。我地今冷三個人食，叫左個海鮮二人餐，兩隻份量加錢加多一隻，另外再叫左個'企鵝燒春雞' (因為侍應姐姐介紹話好好味)同一個海鮮菜湯 (本身我地想叫魚湯，不過賣曬)。二人餐食物水準keep到，好味道。今次第一次試燒春雞，侍應姐姐果然無介紹錯，啲雞肉好嫩好滑，唔會覺得好鹹。個湯見到啲渣都係落足料，都唔錯，但始終覺得飲開果個魚湯係好味啲。食完之後，有甜品食，糕點係桂花杞子味，檸檬柑桔味同益力多味。每款都唔會太甜，味道都好清新。