勝博殿日式炸豬排

营业中

休息中

A little pricey for fried pork but is about worth it. The normal fried pork (not Japanese) was crispy on the outside and soft on the inside. The juiciness was retained. Unlimited sauce, rice and salad was great. Decent service too. Overall a pleasant experience.

星期一Lunch time 時間咁啱係銅鑼灣，想食日本野，醒起亨利中心有間食炸豬排定食的餐廳，於是過去試吓！行過去的時候打電話去問，如果沒有預先訂枱會有位嗎？職員話如果12:45分前到達可以留枱給我們！12:35分左右到達，餐廳已有一半滿席，帶位職員態度好好，記得我們剛打過電話來，還安排了我們二人坐四人卡坐，真貼心！我們叫了兩個定食，一個係炸豬排定食（有6小件）$138，另一個係炸蝦、一口豬柳（一件開兩件）及芝士火腿卷（一件開兩件）定食$128。定食包味噌湯、椰菜、前菜（青瓜及酸瓜）、飯，飯可選燕麥飯或白飯，椰菜及前菜食可以食完再添加！備有三款醬汁—豬排汁、點椰菜的酸汁及日式芝麻醬，仲有一小碗俾你自己磨的芝麻，好正宗！這間餐廳的炸物很出色，香脆又唔油膩又唔熱氣，定食份糧剛好，係午餐的好選擇！

香港有好多食日式炸豬排飯的地方，仲有呢間未食過，座落Henry House basement，地點都好方便。見到門口的set model，已經好想食！7點黎都要等位，冇得book，但係都好快有枱，而且限交枱時間一個半鐘。很有特色的日式的餐牌設計。除了配豬排食的醬汁，還有胡麻醬和袖子汁拌沙律食。二個人好似食Twin combo ($348)抵食D，先上cabbage和漬物，可無限添食。又點會少手磨芝麻粉呢個環節，幾好玩，自己芝麻粉自己磨，增加食慾！Combo包含炸豬排(小)、炸豬柳(小)、炸海蝦x2隻、忌廉蟹肉餅和紫蘇烏梅炸豬柳卷。炸物乾身而不腻，麵包糖炸到好香脆，可見是很有質素的。由日本直接入口的豬排和豬柳都好有水準，肉味好香，非常扎實又嫩滑，完全沒有失望。而豬柳卷比較有特色，係豬柳肉卷住紫蘇烏梅，酸酸地，幾開胃，仲有另外兩款芝士和露荀都好吸引。海老不但新鮮，都好大隻。兩個女仔食呢個份量啱啱好，又可以試多幾款炸物。飯也有兩個選擇，珍珠白米飯或麥飯，好貼心。食炸物飲下beer又幾爽，Kirin啤酒($28)好抵飲！梅酒($28)都好大杯，梅味香濃，酒味都容易入口。真係要準時交枱，不過服務

餐廳位於銅鑼灣中心，不過佢個門口有少少難搵，唔係對正大街，係喺亨利中心嗰度。間唔時都會黎食飯，不過晚餐居多，今日友人約食lunch, 我就提議黎勝博殿。同晚飯唔同，lunch time係有set叫。選擇大概有10款，價錢就大概$88-$128左右。我同友人都叫左“松”，有炸蝦1隻，芝士雞卷2件同豬柳2件，仲可以選要白飯定燕麥飯，我就選左燕麥飯（懶健康）。未上餐前，會有前菜，就係有椰菜，青瓜同菜脯任食，仲有醋同麻醬任食。椰菜好新鮮，加埋啲醬好好味，醬汁唔會太濃味，配埋本身新鮮嘅椰菜好夾。青瓜同菜脯本身漬左，所以都有味，可以就咁食。如果你個餐有豬柳，店員會拎隻碗俾你磨芝麻，都幾好玩。隔左陣主菜就到，有麵豉湯，飯同埋肉。Full Set燕麥飯有咬口，日本米係黏啲好味啲。芝士雞肉卷好勁芝士味，鍾意食芝士嘅人一定大愛，就算凍左啲芝士都唔會結埋一舊。炸蝦好大條，炸粉唔厚，好味。炸豬柳唔會炸到乾哂，都仲有肉汁，點沙律醬或者勝博殿嘅秘製醬汁都好味，個人比較喜歡沙律醬。一碗飯啱啱好，食完肉又可以食返啲菜中和返，正！總括黎講lunch黎食係抵啲，同埋可以book位，夜晚要walk in架！

當年開業時要排長龍的炸豬排食店，為什麼午市那麼容易有位呢?中伏~豬排有3-4成是肥肉，向侍應投訴，得來的回應，不是道歉，而是: 下次食炸豬柳吧。(似係老友先講)太趕時間了，只是向另外一個女侍應問句: 有冇人攞走D椰菜絲? 得來的回應是: 冇! (真簡潔)，然後走開。我覺得好瘀好冇面，但想起我袋內有膠盒，要幾瘀有幾瘀，C9界的代表嘛！拿出來盛好，千祈5好浪費(晚餐用來炒雞絲烏冬)因為我叫$188豬排套餐，比淨豬排飯，貴40大元，有2個前菜和甜品送，前菜我選雞片豆腐和小沙律，沒有特別。全份套餐的亮點竟然是豬排的芝麻醬汁(我自己好細心磨研)，和甜品: 紅豆蓉丸子大菜糕粒綠茶雪糕。可能心情被侍應破壞了，吃個甜品下火，最合適的時候出現，多少將心中不快消除了。為了下次可能有改善(雖然可能性微乎其微!)，我雖然時間甚緊迫，但仍向侍應取意見表，填寫個人意見，主要是選擇食材問題，只因豬排太肥美，我只吃了6成，令減肥中的我沒有那麼內疚，我覺得填寫意見表，是作為客人的義務和回饋。好戲在後頭: 當我付款後，填寫完意見表，對摺好，正想收拾離開時交給門口把關的經理，想不到那位先前答我冇人會取走椰菜絲的女侍應，走過

隔咗一段時間就會掛住日本嘅吉列炸物，所以今晚又去返我認為最似日本嘅吉列名店食晚飯，由於而家韓風大行奇道，所以呢度都出咗款新嘅韓式泡菜豚肉卷炸物二人前，一樣新鮮椰菜絲無限任添，白飯麥飯任㨂，終於等到二人前送到，立即試試新嘅韓風口味豚肉卷，入囗多汁又軟身，而且入面仲有泡菜卷埋一齊炸，真係好好食，而且係估唔到咁夾，只不過就一定要盡快食因為泡菜出水，所以比其他炸物來得濕身

好耐無嚟食，今次再嚟水準依舊，炸豬扒炸大蝦固然好食原來個忌廉蟹餅都不弱，反而我幾喜歡蔬菜果兩個汁 仲要任食，有樣唔知點解食完呢到真係唔覺喉嚨痛，我平時食幾條炸薯條都唔掂，今餐食完埋單有10個印花，下次可以任何時段作50蚊用。我晚市早嚟 出門口樓梯已排滿人。

第一次食嘅時候係佢啱啱開張，果陣真係好好味之後基本上一個月最少去一次，D coupon卡多到要送俾人用但係最近再去返食，d豬扒肉質好似無以前咁靚，而且切開咗嘅豬扒長短不一，好似已經無咗當初嘅水準咁希望之後會食得返新開張果時嘅質素啦PS：其實味道ok，不過同新開果時真係差得遠

今日想食日式炸豬排，所以晚飯就去咗我鍾意嘅勝博殿，諗住星期日嘅夜晚8點幾，都應該少人d，點知都等咗15分鐘先有位。一坐低，即該叫嘢食，叫咗一個二人餐，有炸海蝦兩件，炸豬排，炸豬柳卷叫咗芝士口味，最緊要朋友最鍾意嘅忌廉蟹肉餅，個餐都幾豐富。跟住就有任食嘅日式蘿蔔同青瓜送上，仲有好爽嘅生菜絲，係等緊個餐離個陣，唯有食住加咗日式麻醬嘅生菜絲先，可能好肚餓，一陣就食晒。終於等到d嘢食離，熱辣辣，好鬼香，炸蝦又大又彈牙，炸豬排有少少肥肥地，唔會好乾，好鬆化，點埋豬排醬，真係好好食。炸豬柳卷就夾咗d芝士係中間一齊炸，芝士軟綿綿，同淋淋地嘅豬柳，真係好夾。忌廉蟹餅唔駛講，絕對絕對係好好食，咬一啖，好脆口，d忌廉同蟹肉混埋一齊，又滑又香，因為佢係新鮮即炸，所以要小心好熱，要慢慢食。朋友食咗炸蝦同忌廉蟹肉餅，覺得唔夠喉，要叫多一份先滿足，再食埋白飯，味噌湯，真係勁滿足。

上星期剛巧在銅鑼灣開完會，便順便在附近吃晚飯，女朋友提議想吃炸物，上open rice search下，發現就在步行五分鐘路程就有一間炸豬排餐廳，餐廳在地庫，要細心留意招牌，不然會很容易走過龍。餐廳裝潢予人很舒適的感覺，一坐下，女朋友便急不及待拿著餐牌研究，最後，我們點了炸豬扒定食 同 炸蝦豬扒定食每樣炸物的炸粉都不會太厚，炸得剛剛好，外層脆卜卜，內裡肉汁鮮嫩，而蝦則很彈牙！飯粒用上珍珠米，粒粒分明，配上豬扒汁，連平時細食都女朋友都吃了一大碗飯雖然價錢不算太便宜，但食物質素真是不錯，加上椰菜絲、白飯可以任refill，絕對可以一試

中午食日本野永遠都比晚餐抵食，如果是第一次試間餐廳，最好是先由午餐去試，以免中伏。勝博殿開左咁耐都係第一次去食，試了午市炸物套餐 - 松 $125，有一口炸豬柳、炸海蝦及炸芝士雞肉卷。芝士雞肉卷比較一般，如果喜歡芝士可能先會鍾意，而炸蝦及炸豬柳還可以，炸得很鬆脆。如果豬柳是用日本出名地區既豬會更吸引。以$125可試到勝博殿既炸功，不算昂貴。但是，個人還是喜歡另一間吉列店-丼吉日本吉列專門店。 丼吉日本吉列專門店 丼吉日本吉列專門店 丼吉日本吉列專門店

星期天媽媽帶兩隻企鵝出街吃午飯媽媽讓我們選吃 (1)吉列還是 (2)咖喱企鵝點指兵兵，最後選了吉列企鵝一向很喜歡TONKICHI(丼吉日本吉列專門店餐廳)沒吃過勝博殿，但每次經過都會被勝博殿的menu吸引今天終於有機會拜訪喇！前菜點菜後，先上桌的是前菜(青瓜和蘿蔔) 及一大盤椰菜絲 企鵝最喜歡它們夏天吃這些，很舒服主菜10 分鐘後，三份吉列一齊上桌！我們點了：(1) 雜錦炸物套餐 (炸海蝦、炸豬柳及忌廉蟹肉餅）三款炸物中，企鵝最喜歡這忌廉蟹肉餅，咬下去很驚喜！很creamy很濃味，但不會膩。炸海蝦正常。炸豬柳十分鬆化！(2) 香脆豬扒套餐本來對這份炸物抱最高期望。可惜：豬扒帶著一大舊肥膏 (避)豬扒沒有肥的部份較硬和乾然後吉列炸皮很易鬆脫，得返塊光脫脫的肉hm...(frown)  (3) 元祖豬柳卷套餐・花這套餐有三款豬柳卷:-(a) 芝士豬柳卷(b) 露荀豬柳卷(c) 紫蘇烏梅豬柳卷芝士豬柳卷很好味，可惜來到時芝士倒了一半在碟上紫蘇烏梅豬柳卷不是我朋友，但喜歡吃酸的媽媽很欣賞三款豬柳卷都很腍很鬆化味道特別，值得一試！飯可以選白飯或燕麥飯我們都選了燕麥飯後感不錯的吉列！但那豬扒真是令

今日帶著bb女同工人姐姐行街街，中午時分突然落大雨，於是決定找個地方帶baby在外用餐 不回家了，在利園附近選了博勝殿這間吃吉列豬扒的！關鍵是看到他門口推出了賣相很吸引的吉列蝦餅，但是各位帶baby的mama請注意 推著車仔是要落一條好窄的樓梯 因為餐廳在地下一層 沒有電梯喔！你由於下雨的關係，沒有照到門口的照片喔，先來看看menu吧，最上面就是吸引到我的太陽蝦餅啦！我幫自己同工人姐姐order左太陽蝦餅2人套餐！順帶一提哦 這裡的沙律菜 前菜 麵豉湯 白飯 都是可以refill的。不過用餐時間是75分鐘！BB在耐心的等待用餐哦！不過媽媽知道她的耐心有限 於是問店員提前要了麵豉湯和白飯 BB很愛吃喔 拌在一起 湯也不會很鹹 平常家裡是一定不會吃的 偶爾一次 BB吃了大半碗飯哦豬扒很大塊 太陽蝦餅很厚肉 大大粒蝦看得見喔 我拆出來給BB吃 她也好喜歡！BB不太愛生菜絲 但我和工人姐姐都好鍾意 覺得好新鮮 d醬汁都好好味！吃晚飯 看看BB真的好開心啊！！下次再來吃！！

因機緣巧合下，朋友帶我到勝博殿食午餐。佢係以set嘅食法咁嗌，午餐價錢起碼$100以上。見到「竹」哩個set幾吸引就叫左一份，原來湯同椰菜都係任加，可係等上菜時慢慢食住椰菜沙津。等左陣終於黎到啦，有芝士炸雞，忌廉蟹餅、炸豬柳，唔係講笑，都幾好食！炸得岩岩好，肉身夠軟，又吉列面夠脆！基本上你出去食炸豬扒係唔會食到哩種質感，不過一分錢一分貨，佢收得你哩個價，就會比番相對嘅野出黎，所以都值得一試！

因為今餐有人請，憑著有大食大的氣勢選了炸豬排聞名的勝博殿我們並不是最熱點的午餐時間去，所以基本上沒有等位就可以直入去吃了入去時環境清淨，周圍衛生也不錯，就是燈花有點暗，不過這也許是日本餐廳的特色吧既然來到了炸豬排聞名的地方，想當然要叫的就是炸豬排沒有細想的餘地，我直接叫了一個炸豬排的套餐一個套餐分別有前菜「醃青瓜和蘿蔔」伴菜「椰菜絲」主菜「炸豬扒」湯「味噌汁」基本上除了主菜以外也是無限添加的首先是前菜，這個是我整個套餐最喜歡吃的本身喜歡吃酸甜的東西，然而這兒的蘿蔔弄得很好，吃起來很開胃酸甜、爽脆的口感真令人欲罷不能，青瓜也同樣出色不過比起超常好吃的蘿蔔，青瓜就有點失色了這令本來很喜歡吃的我，吃了不少讓服務生為我添加很多次，總覺得有些不好意思呢其次是伴菜，這個不知是因為太多人說非常好吃，還是因為蘿蔔太好吃令我覺得這都是一般，並非什麼特別之物，食起來和丼丼屋沒什麼分別所以就不再多說了再來是湯，不同於一般外面的味噌湯也許是加入了什麼秘製的東西吧？這個並不知道但喝起來比較有質感，而且入面都是有料的，感覺出那不是開粉的最後當然是主菜！炸豬扒吃起來不柴，雖然未到入口即化的感覺但也是新鮮不難吃，也不