勝博殿日式炸豬排

营业中

休息中

餐廳位於銅鑼灣中心，不過佢個門口有少少難搵，唔係對正大街，係喺亨利中心嗰度。間唔時都會黎食飯，不過晚餐居多，今日友人約食lunch, 我就提議黎勝博殿。同晚飯唔同，lunch time係有set叫。選擇大概有10款，價錢就大概$88-$128左右。我同友人都叫左“松”，有炸蝦1隻，芝士雞卷2件同豬柳2件，仲可以選要白飯定燕麥飯，我就選左燕麥飯（懶健康）。未上餐前，會有前菜，就係有椰菜，青瓜同菜脯任食，仲有醋同麻醬任食。椰菜好新鮮，加埋啲醬好好味，醬汁唔會太濃味，配埋本身新鮮嘅椰菜好夾。青瓜同菜脯本身漬左，所以都有味，可以就咁食。如果你個餐有豬柳，店員會拎隻碗俾你磨芝麻，都幾好玩。隔左陣主菜就到，有麵豉湯，飯同埋肉。Full Set燕麥飯有咬口，日本米係黏啲好味啲。芝士雞肉卷好勁芝士味，鍾意食芝士嘅人一定大愛，就算凍左啲芝士都唔會結埋一舊。炸蝦好大條，炸粉唔厚，好味。炸豬柳唔會炸到乾哂，都仲有肉汁，點沙律醬或者勝博殿嘅秘製醬汁都好味，個人比較喜歡沙律醬。一碗飯啱啱好，食完肉又可以食返啲菜中和返，正！總括黎講lunch黎食係抵啲，同埋可以book位，夜晚要walk in架！