勁好味大碗麵 (已結業)

2008年12月28號 - 下午1點左右今日去左花園街。 去左果頭行左一陣同埋經過一個好nice (超級nice添) 的auntie教我織冷衫之後, 我就去找野食la。 今日去到一條我不常去的區。 雖然也是花園街, 但是太子道西以北的花園街。 見到"勁好味大碗麵" (有電視看新聞) 就入左去試試。入到去就看看他們有什麼野食。 雖然他們主打的是麵, 但是我見下午時間就比較鍾情飯多D。 我最後揀左個香茅雞扒煎雙蛋(26)+凍奶茶(+6)。當我等我的午餐的時候, 我就慢慢留意同欣賞他們的裝修。 我覺得這餐廳好舒服, 但是D凳有點硬。 他們的價錢都可以說平。 可以接受。等左一會兒我的奶茶同飯來la。 試試先。 凍奶茶的味道好好同夠甜。 飯都OK, 但是覺得D蛋比較肥膩, 落左好多油來煮。 雞肉都OK, 主要原因是覺得比較冷一點。 總括來講都算OK。由於環境同衛生方面帶給我一個好好的感覺同埋價錢合理, 所以我決定在 "經濟同地道米芝蓮" 的環節給他們一粒星。 下次試埋他們的麵先。

食左個牛肚..墨丸面..真係好難食...要牛腩汁..但無乜牛腩味..唔明點解車仔面都可以整得咁難食...杯奶荼係暖暖地唔熱既... 個女人態度好差....

今晚一個人在花墟行完街,求其搵一間野食. 我見這間有電視睇, 個餐又唔貴, 便入去試下.個大碗飯餐, 有飯, 再加菜同飲品. 我叫了金菇龍脷魚大碗飯. 心想, 飯又有菜, 又再加一碟菜, 好健康.首先, 佢上菜speed好慢, 等了一會, staff出來再問我要乜野汁. 我話要洋蔥汁.到上碗飯時, 上面有一粒疑似曱屎物體東西, 但我又唔係好肯定, 拿走了便算數了.d魚好鹹, 鹹到我唔想食, 但無餸齋食飯咪好蝕? 所以免強吃了幾塊. 金菇又好多 "渣".我一心還在等那一碟菜, 可以幫助送飯. 後來佢無再出野比我, 再細心看清楚碗飯, 原來狂旁邊加了幾條菜. Er...唔通佢poster話個餐送菜送餐飲, 當中所指既就係lee幾條菜?! 我再問清楚個staff, 佢話係.由於凍飲加$2, total=$31lee餐, 最好食都算係個洋蔥汁o羅! 全靠佢, 我先至食到果半碗白飯.

唉, 點解你地d人話好食架?唔通依家d人食飽左就算?定係d人對食野態度要求低左?上星期日下午, 我同女朋友去左太子睇花, 佢話想食車仔麵,於是就揀左依間。入到去, 我女友話我知個收銀處旁, 後面有個鏡頭仔, 真係唔講唔知,放到咁埋, 唔通唔見得光?入正題, 我同女友一齊叫左個三餸麵, 不過睇埋餐牌, "熱飲加5元, 凍飲加7元",嘩!!!開頭想唔叫野飲, 不過女朋友要求下, 我叫左杯凍奶茶,而佢叫左杯凍檸茶, 佢飲左後話d檸茶無茶味, 好啖...之後, 個麵來到, 佢話佢個麵好多油, 而我個麵就無, 望落個麵賣相ok, 但係食左第一啖後就出事啦,"嘩!!d配料凍既,一d都唔熱, d麵好硬",女友話似烚過黎攤凍左,完全係無心機整的, 一d都無食車仔麵的感覺......食完之後覺得好似無食過野咁.......計落一碗麵加一杯飲品都要29元, 咁既價錢同質素我出去食四寶飯或雲吞麵好過,我同女友都話以後唔幫襯勁好味。

星期日返完教會差唔多成2點，落太子搵食，一支公，搵食無要求，隨意搵算吧喇，一句講晒平靚正就得！見到哩間嘢叫“勁好味大碗麵”，茶餐廳仔格局，買車仔麵，鋪面又貼晒雜誌介紹嘅文章，不過，稍為吸引我係門口張易拉架海報，下午茶$17，兩款餸，加嘢飲，所以點都晌花園街兜多個圈等 2:30啦，順路上埋新世紀廣場嘟地鐵飛慳2蚊，惠康話齋慳得1蚊得1蚊！下午茶即係下午茶，先前經過客唔多，依家差唔多坐滿，你話丫，香港人都好識搵位慳番D！速戰速決，兩餸要沙爹牛同魷魚鬚，配油麵（好耐無食過）嘢飲要豆漿（健康D嘛，但係個麵又要唔多健康嘅油麵，香港人就係咁矛盾），都幾大碗吓，份量都算係咁喇，至於味道都OK架，不過用個“勁”字都明知係誇張D啫，話晒收你$17蚊咋，你想點！

叫左個牛腩　沙爹牛肉　金錢肚　豬大腸　米線呢d既食評過d湯冇乜味可能沙爹牛肉d沙爹汁撈埋落d湯所以唔係好覺冇味=P牛腩少左d　金錢肚幾稔都0kay既但d服務態度真係好麻麻隔住1米既距離叫個waitress個waitress淨係掛住睇電視聽唔到我叫佢黎到落單個樣又好似唔想做咁要睇佢面色囉

睇過食評...原本打算去隔離街間川x味...但係見到好似幾"up dup"同埋2個送都要$23好貴...最後黎左呢間勁大碗...叫左豬骨湯底+牛腩+金菇+豬排+米線(3送$20)...湯底明明話係勁濃但係真係淡左少少...無咩豬骨味...牛腩得四舊...>.<金菇都唔少...米線幾彈牙塊豬排幾入味...o係舊骨下面切左幾刀...可以想像好似把梳咁la...^^"...好方便我呢d論盡人慢慢食...好considerate ar...算係同區入面較為平同質素ok ge...

同老婆行街街，去到旺角搵食，下午茶時段，但是日係星期天，無下午茶。唯有食佢的$20三餸麵。我要豬紅和蘿蔔，仲有一樣餸唔記得，豬骨湯底，另加凍奶茶，要加$7老婆要豬腸、通菜、酸菜，冬陰公中辣湯底，另加熱檸茶，加$5。餸的份量幾多，交足功課，好過好多車仔麵檔，但湯底很淡。我的豬骨湯不如話係清雞湯，老婆的冬陰公也不酸不辣。唔係話佢唔好食，但我地真係想像唔到眼前的是豬骨湯和冬陰公湯底。熱檸茶普通，但凍奶茶就好似奶水咁既味。總的來說，分量足，但不如改sell 清湯底貼切d。

31/8/07 9:45 今日放左工成班同事去食野係太子行行下見到間嘢個款好似好吸引甘有好多圖貼左係門口,就入去試下啦開頭吾係好明點樣揀.有個待應見到我地好迷網就過左黎同我解釋.清楚而詳細茶餐廳啲服務態度都甘好真值得大家一試湯底大家都贊同一流,有豬骨有冬陰公重有汁配答,好似有沙爹啦..咖哩甘正不過飲品方面就吾係好夠凍..有待改善5個同行都只洗用了$135是我在今個月最抵又不錯的一餐

22 June 2007 (Fri) - 晩飯上堂前黎一個人黎食晚飯，間嘢個款好似cwb既車仔麵，都OK多選擇，我叫咗菜心，魚皮餃，芝士腸豬骨湯底油麵沙爹汁！魚皮餃有三舊，芝士腸四條，呢日突然好想食魚皮餃，所以覺得特別正！個湯底好清好味，三餸加麵底都係$20蚊，算抵，本來唔想加$5要熱飲，但係呢排喉嚨痕，咳咳地，見到佢個柚子茶，想要，所以都係叫咗杯！嘢飲好好，唔太甜但又有味！總括真係幾抵食，雖然佢其實只係個碗大，麵就唔係話好多，但做運動前既份量黎講係好好！環境好乾淨，妹妹仔waitress好斯文！

兩天前係旺角食午餐，因為另一間想試的太多學生，又剛好巧合地路過，便入內試一試。一入去，一般不安的感覺湧上心頭。畫飛點配料，要了雞扒、菜心、魚皮鮫、沙爹汁同勁濃豬骨湯。轉眼間食物已經準備好，當我喝一口湯便知道為何不安了。因為她不論沙爹和湯底都是好淡的，完全不是我喜歡的那種。至於雞扒、魚皮鮫都不錯，只是還談不上好好味。份量方面一如其名，真是好大碗，如果加底可以一碗兩個食。

昨天,我看完球賽後,在街上徘迥,走著走著,我看到一間車仔麵檔,便走進去試試看,看到選單上那麼多選擇,令我眼花暸亂,我選了豬大腸,芝士腸和蘿伯,湯底非常甜美,令我回味無窮,真係勁好味!!!!

我自問自己都幾鍾意食車仔面,但我覺得除左銅鑼灣(X記)好食之外真係冇邊間能令我有心刻印象囉!!但有次我經過太子一條友搵野食見到呢間車仔面咪試下囉!(抱住超一般既心情入去試下)我叫左雞亦,大腸,酸辣菜同油面(湯底係冬陰公,我覺得幾特別),嘩原來真係好大碗!!飲嗒湯先都OK喎,真係有冬陰公既味道.大腸同雞亦都有(老水味)酸辣菜都幾辣架喎!!呢間鋪都幾clear,整體黎講我覺得可以值得一試!!我都會再去呢間度食既...以後唔洗只係去得一間度食啦!!

晌太子見完客, 經過見到d度貼左好多野食既圖片晌門口, 又覺得間舖都幾清潔光猛, 入去食左個雙旦雞扒飯, 加杯凍檸茶, 都係26蚊雞, 晚餐黎講都算幾抵食.雙旦真無得整得難食啦, 個雞扒就真係好食, 再加埋個腩汁, 正!

一個人唔知食咩好，七喜要等位，又唔想再行，就入左D間大碗麵試下，豬骨湯幾好唔錯，泊得住整到老婆跳車果間譚仔記，咖喱魚蛋既咖喱味好濃，怕辣既可能食唔到，蘿蔔都幾甜無渣，豬皮大大塊幾爽口，米線唔會煮得過軟無哂口感，整體上都算可以一試再試，而且價錢唔貴，加五蚊有個熱飲，加七蚊就有個凍飲，熱柯華田走糖都唔錯，沖得都算做幾香濃，唔會好似水加糖咁。環境方面都算唔錯，都企理冷氣夠凍，可以一試。