勁好味大碗麵 (已結業)

22 June 2007 (Fri) - 晩飯上堂前黎一個人黎食晚飯，間嘢個款好似cwb既車仔麵，都OK多選擇，我叫咗菜心，魚皮餃，芝士腸豬骨湯底油麵沙爹汁！魚皮餃有三舊，芝士腸四條，呢日突然好想食魚皮餃，所以覺得特別正！個湯底好清好味，三餸加麵底都係$20蚊，算抵，本來唔想加$5要熱飲，但係呢排喉嚨痕，咳咳地，見到佢個柚子茶，想要，所以都係叫咗杯！嘢飲好好，唔太甜但又有味！總括真係幾抵食，雖然佢其實只係個碗大，麵就唔係話好多，但做運動前既份量黎講係好好！環境好乾淨，妹妹仔waitress好斯文！