勁好味大碗麵 (已結業)

唉, 點解你地d人話好食架?唔通依家d人食飽左就算?定係d人對食野態度要求低左?上星期日下午, 我同女朋友去左太子睇花, 佢話想食車仔麵,於是就揀左依間。入到去, 我女友話我知個收銀處旁, 後面有個鏡頭仔, 真係唔講唔知,放到咁埋, 唔通唔見得光?入正題, 我同女友一齊叫左個三餸麵, 不過睇埋餐牌, "熱飲加5元, 凍飲加7元",嘩!!!開頭想唔叫野飲, 不過女朋友要求下, 我叫左杯凍奶茶,而佢叫左杯凍檸茶, 佢飲左後話d檸茶無茶味, 好啖...之後, 個麵來到, 佢話佢個麵好多油, 而我個麵就無, 望落個麵賣相ok, 但係食左第一啖後就出事啦,"嘩!!d配料凍既,一d都唔熱, d麵好硬",女友話似烚過黎攤凍左,完全係無心機整的, 一d都無食車仔麵的感覺......食完之後覺得好似無食過野咁.......計落一碗麵加一杯飲品都要29元, 咁既價錢同質素我出去食四寶飯或雲吞麵好過,我同女友都話以後唔幫襯勁好味。