加多娜天然酵母手作麵包店

营业中

休息中

今日咁啱經過麵包舖, 見到有人排隊以為買法式麵包布甸, 點知原來佢星期六日冇得賣, 見到都係有條好短嘅人龍, 排第一位嘅阿姐同我講有個芝士包好正, 叫我排隊試下, 心諗人少少博一博, 咁就買咗三個芝士包。其實我連佢幾大咩樣都唔知, 見到人買我就買, 我果然係地道嘅香港人。因為啱啱出爐個包超級香芝士味, 打開個袋原來都幾大個, 一個包其實2-3個人食都得。攞到返屋企五個人分2個包眨下眼就搶曬嚟食。啱啱出爐個麵包真係好正, 入面勁多芝士粒粒, 個包好軟熟, 加上個包上面有啲焗過嘅芝士燶燶地好香, 個包真係唔細幾大個, 如果呢啲包正常喺日本麵包店最少30幾40蚊一個, 而家賣$26蚊真係超級性價比呀!你哋經開都可以買過嚟試下喎本身我都冇影相因為我屋企人搶住嚟食, 所以影唔切, 之後我叫我同事畀返張相, 不過佢冇影到入面啲芝士, 見到入面一粒粒嘅方形芝士仲更加吸引, 如果你係芝士控不妨一試其實真係好開心有呢間家庭式既麵包店, 而且咁有心做麵包, 希望大家都可以多多支持。

‎◡̎ 餐肉炒蛋包 $13餐肉炒蛋包份量十足 拎上手好有重量😎 表面煎得香脆既餐肉一如既往咁厚身🍖 而且炒蛋好creamy夠香夠滑加埋帶牛油香既麵包真係好正 值得一試🥰The portion size of pan fried lunch meat w/scrambled egg was generous and heavy😍 Pan-fried lunch meat was thick & meaty, and perfectly matched with the silky creamy scrambled egg🥚 The soft, buttery bun just elevated the whole bread, worth a try😆💛評分: 9.5/10🌟‎◡̎ 芝士乳酪包 $6.5雖然雪咗一晚影響咗個賣相 但味道都係同樣出色✨ 咬開係滿滿既cream cheese 好香好滑 而且細細個唔會好膩🙌🏻Presentation was affected by freezing it overnight while the taste didn’t🙈 It was smooth

長期大熱嘅嘉多利次次都大排長龍，無論買左都好受歡迎。平日4點去到油麻地已經有20-30人排隊，法式布甸包一定係一包難求，人氣程度永遠不減，每人只限買4個(每個$15)，心思思見到又真係好想食，所以好好彩小助手買到２個比我我都學大家試咗兩種食法：一個放入雪櫃，另一個用焗爐180度焗５分鐘。雪左既法式布甸包外層質地比較煙韌有嚼勁，我以為會好硬好脆，點知相反。而且拎上手都真係好重手布甸充滿奶同蛋香creamy滑溜，但對我尼講甜左小小焗完既法包會變得脆身，布甸微暖流心效果更加突出。同埋3Q餅新鮮出爐我點會錯過啊，雖然佢加咗價但$9蚊又真係唔貴同埋佢好足料有鹹蛋黃，肉鬆，麻糬，酥皮有層次一啲都唔油膩，同埋唔渴口，但紅豆蓉就偏甜小小。凍左食同熱食真係差少少熱食係冇得頂凍左就比下去。整體尼講我覺得大家可以一試因為１５蚊真係唔貴同唔錯，但排一個鐘個時間就要考慮下啦。不妨買下其他野都真係幾出色。

網上看到人哋post嘅相真係好吸引，好想試好耐，嗰日係旺角就的起心肝行去油麻地碰碰運氣😬去到4點鐘左右，已經大約有二十人排緊隊，出爐時間是4:30同7:30，$15個，每人限買4個。最後終於買到勁開心，我見除了法式布甸麵包，其他嘢都好多人買，如薯蓉包、麻薯3Q餅、芋頭酥等，下次都要買埋嚟試吓。返到屋企就放入焗爐焗返熱佢，180度焗5分鐘，OMG😮麵包好脆，裏面布甸是流心滑嘟嘟，好香蛋味同吉士味，麵包皮同布甸味道好夾，比想像中更加好味😋唔怪得知咁多人排隊啦！另外試咗溫室食方法，麵包皮就變得煙韌，布甸啫喱狀，感覺都係用焗爐焗返熱佢先至正。好想encore買呀，下次都要買埋其他嘢食試吓先😆

嚟介紹下特色黃店喇💛！唔知大家仲記唔記得我喺布丁麵包嗰個post講過嘅嘢呢🤣，我喺最尾講過話有機會就支持埋嘉多利㗎🤪。所以今次就想同大家分享嘅位於油麻地嘅嘉多利麵包店啦🤩。食物方面✌🏻#芝士吐司（$26）我買嘅時候份芝士吐司係啱啱先出爐㗎咋☺️，所以未畀錢都已經聞到吐司嘅香味🤤。可惜嘅係拎到返屋企已經唔熱辣辣啦😫，但係焗返熱之後又有返出爐嗰陣嘅香味😍。我個人覺得個吐司真係CP值勁高👍。份量夠幾個人食不在話下，重點係入面嘅芝士真係好足料🧀，每啖都可以咬到芝士粒😋。我建議大家食之前可以好似我咁放焗爐再加熱返先，唔止係關於溫度，焗完之後啲芝士粒嘅口感會更加軟糯㗎🤩！#芋泥肉鬆貝果（$9）鍾意食芋泥嘅朋友就一定唔可以錯過啦💜。講返味道先，我覺得啲芋泥嘅份量都算唔錯，起碼覆蓋到成個bagel✨。同埋冇諗過芋泥同肉鬆都幾match🥳，呢個配搭令bagel嘅口感豐富咗好多，算係幾suprise嘅一款bagel😇。#抹茶紅豆貝果（$9）相信大家食bagel都應該食過抹茶紅豆呢個配搭㗎啦👾，咁我就直接入正題啦🤣。我覺得抹茶味未算好濃🍵，反正畀紅豆同埋吉士搶咗個味。如果抹茶味再濃啲會更完美☺️。不過呢個價錢嚟

📍嘉多娜 @ 佐敦 / 油麻地 / 何文田ღ 京都抹茶紅豆麻糬法式布甸包 $23ღ 原味法式布甸包 $15又係好同事/識人好過識字系列🥺食過2次都係有人買埋擺係我前面🥺仲要唔洗錢 咁我好難唔俾高分㗎啵 \(//∇//)\個人認為唔洗排隊就食到嚟講 水準真係超班haha抹茶味呢個價錢真係好高水準！唔係好甜仲要有少少日本抹茶回甘嘅味道～配紅豆同麻糬都係冇得輸㗎喇原味布甸我覺得更加正添 蛋香味足又滑溜食落就係最原始雞蛋布甸嘅感覺🥰我2次都係買完凍食 但都唔錯如果翻熱咗配埋個新鮮脆法包一定更出色🤣回頭指數😼4.5/5（送埋入口都唔俾高分好難姐(￣∀￣)

📣注意：店家暫時售麵包布甸，並調整營業時間，去之前記得check清楚📣近日嘉多利推出左抹茶紅豆口味嘅麵包布甸，再次牽起搶購熱潮，我未有幸試到新口味，但之前親戚就送過原味畀我食，終於一嘗呢個要排半個鐘先食到嘅布甸。留意各分店嘅出爐時間唔同，我呢轉係油麻地16:30。
🍽法式麵包布甸 $15/個賣相真係唔錯，挖空農夫包後注入蛋漿，常溫時個餡好似燉蛋嘅質地，法包較硬，要撕扯先咬得開，我同屋企人都覺得就咁食有啲蛋腥味，非常建議加熱。以180度焗6分鐘後，法包變得脆身，而個餡未完全熱晒，流心程度加倍，絕對好食啲。$15黎講性價比幾高，不過要排隊就要諗吓啦。

🤩終於有機會食到嘉多利嘅名物✨淨係平日先有得賣，今日岀爐時間係4:30同7:30👨🏻‍🍳，我哋7:10去到排隊排到痴晒線，所以今次食到真係好講timing😌#小胖遊油麻地🐠—————————————————🔹法式布甸🍞 $15 我哋分開試過室溫凍食同焗熱兩種食法，真係各自各精彩🤪❄️室溫/雪凍食，布甸凍凍地、凝固質感而充滿奶同蛋香，極之creamy滑溜，仲帶有雲呢拿味，可謂布丁中嘅極品，麵包就比較有嚼勁🍞，但呢個食法可以更感受到布甸🍮奶滑texture，🦈就中意呢個食法多啲🤤🐠個人覺得更精彩嘅係熱食🔥如果用焗爐整熱食仲好，可以令到🍞外皮脆啲，而用微波爐叮熱15秒個包🍞幾煙韌，🍮布丁帶半融狀態好香蛋味🥚同奶滑🥛，有流心效果，布甸汁融法落去法包裡面，更加香濃好味，充滿驚喜🥺係好療癒溫暖嘅味道💛.💡每人限買4個🙌🏼—————————————————🧜🏻‍口水度：🌕🌕🌕🌕🌗🤑CP值💰：🌕🌕🌕🌕🌕🧚🏻‍打卡值：🌕🌕🌕🌑🌑🥰舒適度：🌕🌕🌗🌑🌑👅再食指數：🌕🌕🌕🌕🌕.♟Overall♟咁花工夫嘅🍞🍮只係賣$15 ，性價比高，難怪咁多人慕明而黎🤤如果撞啱出爐時間經過，絕對值得一試👻值得一讚係小店一早pa

近排呢間麵包店又再次出現超長人龍！4:30pn開賣，3:50pm已經有人排緊隊😱，其實因為佢上星期六推出左 #抹茶法式麵包布甸 ，但小編買唔到💔🥺，今次介紹住原味先🍮：-1️⃣「法式麵包布甸🍮($15)」布甸超香滑重雲呢拿香味，今次嘅有流心效果，口感超creamy，法包今次食比較煙韌，焗熱食就脆卜卜，btw小編最鍾意焗熱食🤪❤️！~Pudding bun: the pudding is creamy with rich vanilla taste, filled inside the chewy and crunchy French stick. I definitely want to try the matcha one next time!👍🏻-⚠️：No pudding bun on Sunday & holiday🙅🏻‍♀️

冇貨賣又唔截龍👎👎👎👎👎👎👎👎👎👎冇貨賣又唔截龍👎👎👎👎👎👎👎👎👎👎一心諗住排抹茶，多人到排到後巷尾，衛生環境差，排咗大半個鐘頭去到先話賣晒，後面仲有幾十人排緊，🤦🏽‍♂️🤦🏽‍♂️其實不如唔_好再整原味啦，原味又唔係特別好食留返d quota 整抹茶好過啦安排十分之差😪同埋會唔會諗吓派籌呢🤷🏽‍♂️🤷🏽‍♂️🤷🏽‍♂️🤷🏽‍♂️咁搞法，

-<<🍮🥖>>人氣爆燈麵包布丁😻冇諗過熱潮不退油麻地分店買～每人限買4個平日都係4:30/7:30左右出爐多🙈當日經過竟然6pm出爐🤩真係靠運開售前10分鐘已經有過20人喺我地前面～.✨麵包布丁 | $15 | 8.2/10滑溜溜的custard～偏甜但唔太膩蛋香就要翻熱先食得出👀法式麵包口感偏韌～要焗脆佢凍食似布丁 熱食似燉蛋🥰同屋企人一人一個🥳好幸福.📍嘉多利麵包店 油麻地碧街54號地舖.#jacstomach_旺角#jacstomach_港式

試過大熱法式布甸包之後🥰就變左嘉多利常客😆點知佢連麵包餡都唔係省油的燈😱食餡仲多過包🤤lunch hour例牌去巡舖😝都keep住有人買包 我本身只係想買bagel🥯但見街坊狂掃$20/3個 又忍唔住買埋一份🙈🌟🍠紫芯麻薯 ($20/3pc)最鐘意嘅!成個mochi咁😍純新鮮天然嘅紫薯味 咬落好綿密 少甜 個麻薯有椰香 一咬即開type🤤爸爸都like🌰合桃栗子 栗子蓉比例好高 落左好少cream嘅真材實料 唔甜但個包有輕微鹹味🤔🧀芝士乳酪塞滿微甜cream cheese😜好夠飽肚 普通味 會推薦另外兩款多d🌟💜芋茸肉鬆貝果 ($17/2pc)3個都做到有咬口嚼勁 煙韌就未去到 價錢來講 bagel控已經好收貨👌🏻芋泥控出動😍芝麻bagel勁香 配清甜嘅芋泥同肉鬆 對我係必勝嘅組合🥰🌟🧀🥯芝士貝果爆餡cc🤣多到好似食cheesecake咁 面頭係脆脆地帶芝士鹹香 隻味又幾夾喎🤤🍵抹茶紅豆貝果 包皮帶淡淡茶味 入面好多cream cheese🤣加紅豆 覺得唔多夾

嘉多利又有新搞作！大熱名物法式布甸有新口味！係京都抹茶紅豆麻薯法式布甸呀！琴日1630首賣，4點前到已經有差唔多廿幾三十人排緊，落雨濕濕都咁多人，好癲呀題外話：買到嘉多利 真心覺得自己係人生大贏家。岩岩上車就有人指住嘉多利個盒問我：「你岩岩買完嘅時候仲有冇？」然後佢下個站就落咗車。抹茶口味 每人限買兩個，原味 每人限買四個▪️京都抹茶紅豆麻薯法式布甸 $23星期一至星期六16:30 限量 120個原本以為街坊麵包店嘅抹茶野會麻麻地，都係抱住不妨一試嘅心態排。但食完之後，抹茶控完全無失望！京都抹茶布甸 依舊軟滑，茶味濃郁，更帶回甘。平時包體嘅茶味通常都會比餡料掩蓋，但嘉多利嘅布甸咁濃之餘，竟然都食得岀包體嘅抹茶香！唯獨凍食嘅時候有少少乾。中間嘅麻薯軟糯滑溜，唔係好煙韌個種，但又唔會太腍，我就幾鍾意佢嘅質地。紅豆尚算軟綿，甜度恰到好處。每一種配料都恰如其分。$23黎講，抹茶控表示滿意，絕對係物超所值！強烈建議大家焗返熱黎食！會加好多分！凍食嘅時候包體偏韌，但翻熱左之後完全無呢個問題！頂頂薄脆，麵包變得鬆軟，亦更濕潤，布甸更流心。▪️法式布甸 $15油麻地店岀爐時間：星期一至六16:30 ; 1

💛長期大熱嘅嘉多利麵包布丁出咗抹茶版!!!🍵作為抹茶控 期待咗好耐呀呀呀！！！一知道出雖然自己唔得閒 但委派左呀媽幫我排隊買!佢琴日星期六3:50開始排4:30出爐排左接近一個鐘先買到🥺💕 呀媽the best✨-🍵【京都抹茶紅豆麻法式布甸】$23✨超級推薦✨青出於籃之作呀😍比原味貴$8 本身覺得相對下有少少貴但食完覺得完全值 甚至係抵食！麵包店抹茶出品本身冇抱太大期望但一食！抹茶味好濃呀！無論係個cream定包底都好濃抹茶味呀！茶控完全收貨💚 大滿足呀！！！粒粒紅豆大大粒 好綿 麻薯好軟糯😋成個配搭好正好正！個人覺得唔算好甜食完好後悔冇買哂4個都係抹茶味😭一定會再encore ! -🍮【法式麵包布甸】$15✨推薦✨回購過三四次 之前都分享過一次～而今次終於試吓自製焦糖面😆個人覺得有加分 不過甜度都加左分🤣-✨推薦指數：9.9/10⏳等候時間：1hr (星期六3:50開始排4:30出爐)

聽過嘉多利大名好耐最出名嘅應該係法包布甸一直都想去排隊但係無奈住得太遠 所以遲遲未有機會不過今次機會黎啦😂今日去開油麻地附近行行吓突然間醒起 係喎 油麻地都有嘉多利！仲要好近添！機會難得，又未食早餐，梗係即刻衝去買！不過因為係朝頭早，所以冇法包布甸賣左睇右睇，見到有個係紫薯麻薯、合桃栗子麵包，再配多個蒜蓉多士！都係$20咋！拎起紫薯麻薯嘅時候，個麵包仲係暖粒粒㗎雖然到我食嘅時候，個麵包已經凍哂但係都依然咁好食！！入邊真係啖啖紫薯，好滿足而另外嗰兩個麵包，就俾我啲朋友搶走咗啦不過佢哋都大讚好好食！！睇黎我下次都要買多幾個先得！！！