加多娜天然酵母手作麵包店

营业中

休息中

呢個「法式麵包布甸」嘅勢頭確係勁，喺FB經常見到佢嘅蹤影。最近終於的起心肝去買，同想像一樣，未到四點，店外已排滿將近80人(4:30開賣)，認真誇張！等咗差不多半個鐘，終於見人龍開始郁動，再大約等多十幾分鐘至完成任務。排咗咁耐，當然要買夠四個啦(每人限買四個)，驟眼睇，佢嘅造型其實同蛋撻有幾分相似。中間嘅布甸原來係以德國忌廉同丹麥全脂牛奶製作而成，凍食滑溜Creamy，如果灑啲白糖喺布甸表面；再以火槍炙燒，營造出焦脆糖衣，又係另一番風味！法包經焗爐翻熱之後更顯香脆，口感更佳，滋味更好！$15一個，係試得過嘅。嘉多利天然酵母手作麵包店地址: 油麻地碧街54號地舖電話: 29888018

呢個法式布丁包曾經一包難求，網上亦流傳有凍熱食法，講到咁正真係想食好耐，今次終於有機會一試！法式布丁包 $15/個內裡布丁好creamy，蛋香中散發雲呢嗱味。包體就似法包帶點煙韌，有口感。兩種食法：凍食當甜品，熱食更流心，仲見到有人加焦糖係面燒成creme brulee咁。我都有試焗嘅版本，外面微溫，布丁就更流心呢！下次要試焗耐啲，就可以做到更外脆嘅效果啦！留意每人只限買4個咋，有指定出爐時間，要查咗先去啊，避免撲空！

📍油麻地 嘉多利天然酵母手作麵包店平日4點去到油麻地分店已經有20-30人排緊隊，可見人氣程度不減。𓇠 法式布甸麵包 $15 𓇠難得買咗4個，試曬3種食法，常溫/凍食同焗熱食👍🏻常溫同凍食分別唔大，布甸滑溜，充滿忌廉、雲呢拿同奶香，唔會太甜🍮同時食到法包煙韌同布甸Creamy兩種口感，超滿足！布甸包放咗雪櫃一晚再焗熱食，用氣炸鍋200度焗4分鐘。布甸焗到金黃色，好似新鮮出爐嘅蛋撻💛法包焗完好脆，似返法包質地但無咁硬🥖而布甸呈半融狀態，一切開就好似吉士醬，澎湃地湧出嚟。焗熱食比凍食甜啲，但做到冰火交融效果，而且蛋味更加出，超級推薦大家呢個食法😎PS 油麻地分店4:30同7:30出爐，多人排隊會早啲開售，每人限買4個，無得預先攞籌，星期日同公眾假期無得買🙅🏻‍♀️〰️總結：布甸包凍/熱食有唔同味道，大家可以買2個試下唔同食法，性價比高👍🏻麵包控一定要試！下次撞啱出爐時間會再買，食完已經好掛住🤤▪️類別：#yinkifoodie_bakery🔺味道：5/5🔹服務：3.5/5🔸環境：3.5/5

心掛掛左幾日，都係要決定去排隊，因為真係對佢個布甸包念念不忘😍😍結果入到去就買左好多😂。🐒法式布甸麵包💰$15我係雪凍一派，因為凍食個布甸texture更creamy and thicken，不過個麵包就會相對變淋啲，無出爐咁脆。🐒芝士包💰$21/3入面係有芝士條，同佢個芝士吐司一樣既芝士，焗翻熱黎食世界級。🐒牛奶肉鬆包💰$21/3無乜特別，入面有啲甜甜地既奶油，面頭就係肉鬆。🐒芝士乳酪包💰$21/3俾佢厄左以為係melted cheese，點知原來係cream cheese，所以我焗熱黎食係成件事錯左😂凍食既話應該會正好多，可惜可惜。🐒芋泥肉鬆貝果💰$17/2佢呢個bagel口感唔係chewy而係偏硬身少少，餡料方面都係夾心而唔係包心，不過都已經足夠滿足🥰。🐒軟芯麻薯包💰$17/2睇相都知完全係爆餡，唔會假甜，真材實料，不過個人覺得麻薯存在感有啲低，因為口感偏軟，同紫薯融為一體。🐒椰汁芋頭酥💰$10完全無甜味，但反而咁先食到芋頭味，feel到係真芋泥而唔係化學芋頭。🐒咖啡瑞士卷💰$12@3件可以唔洗買😂無咖啡味之餘份量都少，cream都唔係多

到而家都唔敢相信自己買到嚟食哈哈之前老虎話想食，但一直都聽講話要撞啱時間同埋排好耐隊先至買到今日咁啱去油麻地，就上網睇吓法式布甸係幾點出爐啦，油麻地呢間係喺4:30pm同7:30pm，我見時間差唔多就去試吓啦我早大約9個字左右去到，已經有唔少人排緊隊，不過應該都ok，因為佢每round好似出爐350-400個，而且每人只限買4個(每個$15)，所以我最終都係成功入手嘻嘻講返個法式布甸先，我同老虎試咗兩種食法：一個放入雪櫃，另一個用焗爐焗咗陣放入雪櫃嗰個，布甸質感較為厚身，口感似雞蛋布甸一樣；焗嗰個布甸口感較流質，有啲似吉士醬，同埋個包焗完好香脆，連埋啲布甸一齊食好鬼好食另外見到有其他包都好似好好味，下次過嚟再買先，應該唔使再排咁耐哈哈

🍽🍽🍽🍽🍽🍽🍽🍽🍽🍽🍽人氣大熱嘉多娜（嘉多利係舊名）法式麵包布甸～未出爐人認已經打晒蛇餅布甸質地綿滑creamy，重奶同蛋香味, 但有啲甜食到一半會漏咗😂最好2人share 一個食就比較理想～外層麵包質地係煙韌嘅質感，有根性😝我牙力唔太好，要用啲力先扯得開

第一次幫襯。不過幾好食都係假，兩個員工的態度都非常差。收錢個姐姐將啲麵包大力壓，死塞入膠袋。但當時顧客非常少，我後面只有一個人客，在不趕時間的情況下都乜。佢哋係咪唔知自己賣緊嘅係麵包。

覺得中伏嘅蛋糕，呢個係預訂嘅芒果黑森林蛋糕。下午5:00左右攞貨，夜晚9:00左右食。但一打開盒就見到"士多啤梨" 比人切左個尾部，另一粒就比人切左一半。再由個盒攞個蛋糕出黎勁多不知明嘅水，連盒都係濕。食落啲生果偏"淋"，明顯不新鮮，而且攞開生果，見到底部嘅cream 裂開，根本好明顯就唔係一個新鮮訂製嘅蛋糕

之前都唔識呢間麵包店，係因為Ig有唔少foodie介紹佢嘅麵包布甸，就決定去試下，點知一試愛上😍 唔單止麵包布甸好食，其他產品特別係bagel都好好食！①抹茶紅豆Bagel $17/2 🤤5/5質地比我平時食開嘅bagel軟熟 係比一般麵包有咬口～ 餡料有芝士奶油同紅豆 啲cream唔會膩 紅豆甜甜地 再加上回甘嘅抹茶味 增加成個味嘅層次感✨雖然佢係mini size 但每個都好足料 一啲都唔孤寒 可以一次過試曬咁多款都唔會好飽😍②芋茸肉鬆Bagel $17/2 🤤3/5因為我唔太好肉鬆 所以就麻麻地佢～但值得一提入面嘅肉鬆同芋茸都好多 有顆粒感 好有咬口 食落唔會覺得乾👍🏻③紫薯軟包 $17/2 🤤4.5/5麵包好軟熟 咬落去先發現除咗大量嘅紫薯蓉 再加埋麻糬 好夾！本身唔太好紫薯嘅我 都接受到 紫薯味唔算太濃 可以encore~😋④法式布丁麵包 $15/1 🤤5/5終於食到超興奮！！當日我就排咗around半個鐘隊。佢有兩個食法：凍食/焗熱再食凍食比較似甜品 入面嘅布甸好重奶味 半流心效果 好creamy好滑 配合煙煙韌韌嘅法包 食完令人回味無窮 ！！雖然15蚊唔係平 但值得一試！

今日路過嘉多利，即刻入去掃貨！之前食過佢啲布丁包同吐司已經覺得very good！！！今日冇我最中意食嘅餐肉炒蛋包，買果陣又未有布丁包賣，於是就買左火腿炒蛋包、牛奶肉鬆同鳳梨酥返屋企食。火腿炒蛋包一如既往嘅好食，佢間啲麵包真係吊打坊間連鎖麵包店嘅質素，麵包鬆軟，炒蛋係平時食茶記早餐果種滑蛋，睇得出老闆好比心機做麵包，$16大大個足料嘅包，點都抵過平時啲空心包啦！然後牛奶肉鬆又係每次必買，肉鬆多到滿瀉，鹹鹹甜甜嘅味道令人滿足！最驚喜係個鳳梨酥，我第一次係嘉多利見到，見佢啱啱出爐，就左兩件試下，$10/1件，大嚿到成嚿磚咁！同台灣嘅佳德鳳梨酥唔同，佢係偏硬身嘅曲奇皮，食落香脆，個鳳梨餡一絲絲，酸酸甜甜啱啱好，$10真係好鬼抵！

千祈唔好以為個包係熱，依個包係凍的，布丁好香甜，質感係 duang duang 的滑溜，不過因為係凍的，所以個包係韌的，有點點失望，咬落去要用牙扯個包先咬得開。不過$15只係食個布丁都ok啦！我地7:00已經到左排隊但其實唔係太多人排，不過要留意佢7:20就開始賣。仲有呀！佢出爐時間update左係4:30 & 7:30, 去到問職員佢地會串你『改左好耐啦』，老實講，大家都係睇lcheck openrice, 咁圖片未update我地都唔知架。

次次經過都係大排長龍/一係就錯過左出爐時間😫終於有幸食到..同埋都係排左10分鐘就買到🤡講返個法式布甸先..原來佢係凍食..個包係有d煙韌..個味道有啲似阿波羅既雪糕三文治😆個人幾鍾意食..個蛋勁多勁creamy ~好彩都唔算好甜..食完又真係有種幾回味既感覺..間唔中都想再encore😆同埋$15黎講真係幾抵食💕另外都試過佢既咖啡鬆餅..不過唔係即食..第二日叮返黎食..勁香咖啡味🤩但食落就無咩咖啡味..整體黎講個口感味道都唔錯既

一直好想試佢地嘅布甸包但成日經過都錯過咗岀爐時間(每日有兩次岀爐)皇天不負有心人 今次終於撞正佢哋嘅岀爐時間店門外大排長龍但時間一到都非常快就排到$15一個每人限買四個我就買咗四個翻到屋企焗熱翻佢嚟食真心超級好食個麵包皮熱辣辣 個布甸就凍凍地流心超級好食!!!一試即刻明白點解咁多人排一定會再翻去買!!!!

嘉多利最出名既係佢既法式布丁，雖然小編都好想試下😝 但唔想排隊同埋撞唔正佢出爐既時間～ 呢日中午經過就睇下佢仲有咩可以買，就執左兩件番屋企啦😎🍠 椰汁芋頭酥當日去到見到仲有好多芋頭酥！😎就買左一件試下！點之勁意外地好食😱椰汁芋頭餡好滑好香又唔甜😱酥皮唔會超油，又脆身，食完好想再食😭之後再去多一次都賣晒了😭🥯 3Q餅除左法式布丁，呢個3Q餅都好多人推薦！所以小編又買左黎試下啦😬入面個餡有蛋黃肉鬆紅豆，睇到呢個配搭都知冇得輸啦😬不過相對上冇椰汁芋頭酥咁有驚喜🥶希望下次再去可以試多啲其他野啦😬—值得一試💯

🍡椰汁麻糬3Q餅 $83Q餅外層有黑白芝麻😝內層就有肉鬆麻糬豆沙同蛋黃🤩配搭得好好💕口感十足😍好有驚喜🤪性價比極高😍🍠紫芯麻糬包 $6.5紫薯嘅份量好多😍味道天然唔會好甜👍🏻加埋麻糬令口感更加豐富🤤🧀芝士薯蓉包 $6.5芝士大大粒🤌🏻薯蓉好香滑🤪值得一試🤩🌰栗子核桃包 $6.5雖然外表比較普通🙈但係食落好有驚喜😚軟滑嘅栗子蓉同香脆嘅核桃好夾❤️整體都好高質🌟下次要較啱時間試埋個布丁😎Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟📌服務：🌟🌟🌟