劉興記生煎包專門店

营业中

休息中

劉興記是一家專注於生煎包的專門店，以其獨特的口味和新鮮的食材而聞名。午市時段幾乎座無虛席，顯示出其受歡迎的程度。麻醬青瓜雞絲粉皮以清爽的青瓜和嫩滑的雞絲為主角，搭配濃郁的麻醬，口感層次豐富。粉皮的口感柔韌，吸收了麻醬的味道，讓整道菜更加美味。清新的青瓜增添了脆口感，十分適合夏季享用。生煎包生煎包是劉興記的招牌菜，外皮金黃酥脆，內餡多汁。每一口都有濃郁的肉香，搭配少許的湯汁，令人垂涎欲滴。包子底部的焦香更是提升了整體的風味，是必點的美食。雞絲酸辣湯（細）這款酸辣湯以其清爽的酸味和微辣的口感著稱，雞絲的鮮嫩與湯底的搭配相得益彰。雞湯小雲吞（18粒）小雲吞的皮薄餡多，雞湯清醇。豆漿自家制，豆味濃厚。

一直想試下瀨尿蝦生煎包，今日放假帶埋媽咪去朝聖！一坐低就送上可以無限續杯嘅鮮磨豆漿，豆香濃又唔會太甜👍雞湯小雲吞（12粒）湯底清甜，雲吞皮薄餡靚，加埋炸蒜超香！12粒兩個人share啱啱好。瀨尿蝦生煎包（2隻）必試！創新地將港式瀨尿蝦融入上海生煎包讚。一咬爆湯，瀨尿蝦鮮味十足，皮脆餡多！原味上海小籠包（4隻）表現中規中矩，皮薄湯汁多，肉餡份量適中。招牌炸雞扒意外地出色！外皮酥脆不油膩，雞肉醃得入味，肉質嫩滑。雖然唔係上海嘢，但值得試！手工豆沙窩餅金黃酥脆的外皮包著綿密豆沙餡料，甜度適中不膩口。作為飯後甜點，份量剛好。生煎包確實出色，整體而言係值得一試

之前看過廣告小籠包生煎包蟹黃麵都很吸引，所以專程過來一事，先點了酸辣湯，加蟹粉小籠包，和一個瀨尿蝦生煎包，等了大約五至10分鐘，賴尿蝦山煎包先上台，滿心期待，第一啖放進口裏，是凍的！不是和暖，是(凍)!! 就沒有發現什麼瀨尿蝦，一小塊也沒有，亦沒有蝦味，吃了一口便不吃了，接待再上的是酸辣湯，賣相已經很不吸引，誰有料到，又是凍的！！那麼我便問一下姐姐服務員可否換一個月的給我，她說可以馬上換給你。。。。3分鐘後再拿過來的酸辣湯又是凍的，那麼我便放棄了那個酸辣，一口也不想吃下！最後來的蟹粉小籠包，終於都是熱的，味道一般，沒有很澎湃的蟹粉味，味道跟一般的小籠包沒有什麼差別，還差了點味，很淡的。不會再回來，難怪香港的飲食業那麼多餐廳倒閉，不是用心想做好食物，就不要開餐廳了吧。

今日同男友去做workshop, 緊係要食飽飽先去上堂啦，呢間抵食好味嘅生煎飽，係我哋間中都會encore嘅小店差唔多lunch time 都全店full house等咗幾分鐘就可以入座QR code 自助落單好方便除咗有豆漿任飲優惠外，都有水供應，唔錯唔錯天氣熱，唔想食湯麵，撈麵就係夏天嘅好朋友麻醬手撕雞冷麵手撕雞啖啖肉，份量超多，唔係得幾條雞絲求其了事，香濃嘅芝麻醬撈埋一齊，每條麵都可以掛到醬汁，食落好開胃招牌豬扒蔥油撈麵由於豬扒即叫即炸，製作需時但是上枱熱辣辣，香噴噴豬扒就像吉列豬扒，外皮酥脆，咬落「卡嚓」聲豬扒肉鮮嫩柔軟，沒有炸到變乾柴不過拌麵帶點甜和油了一點相比麻醬那個遜色　招牌鮑汁生煎包店裏講到明：「生煎包沒爆汁，可免費更換」我們由以前吃到今日，都從未遇過沒有爆汁的生煎包生煎包都是熱辣辣，基本上每台都是必點的食物所以貨如輪轉，生煎包也需時製作頂頂部份是軟糯的外皮，底部是煎到脆口食過就知點食係最保留到肉汁先在頂部咬開一小孔，比佢散熱之餘又可以啜走啲汁想調點味可以加點醋降膩感生煎包每粒都大大粒，肉汁有一湯匙咁多，真係爆汁，無誇張入面仲要啖啖鮮肉，啲肉都係堅持用新鮮肉架所以抵佢長

人氣生煎包專門店，用料考究，餡料堅持使用本地新鮮豬肉，更明言「不爆汁」或「不夠熱」可以免費更換，保證食客滿意，非常窩心。招牌生煎包，皮薄餡滿，真材實料，強勁爆汁效果，味道濃郁。最近更推出全新口味癩尿蝦生煎包，瀨尿蝦本身多汁，經過生煎後，肉汁被鎖在麵皮內，為食客帶來新鮮感。蟹黃生煎包也是這裡的大熱，蟹皇香濃，非常惹味，同樣做到爆汁效果，一咬開即有濃濃的蟹油溢出，上海排骨菜飯也很不錯，排骨即刻叫即炸，金黃酥脆，再配菜飯好有正宗上海菜的滋味。

今次係我第二食🥟劉興記生煎包專門店🥟，好耐之前喺荃灣食過，就係啱啱開張嘅時候，今次再食睇吓佢嘅質素有冇變先，有啲餐牌已經唔同咗同埋佢哋嘅豆漿基本上$60以上都係任飲😍，都係一個賣點最傳統嘅招牌生煎包仍然keep得水準😋，今次我叫咗六件 $50 :佢做到鄙薄餡靚之餘裏面嘅湯仍然係爆汁🤤,仲有震撼感喺度，而每一隻都煎到幾乎一樣都係金黃色👍🏻,本身仲諗住想試佢新出嘅瀨尿蝦生煎包但已經沽清，其實好多款嘅生煎包同小籠包都沽清，冇辦法，事關真係性價比高👏🏻👏🏻，keep住出面都排隊，唯有下次再試😌另外仲叫咗個🐔麻醬手撕雞粉皮 $50 :佢嘅粉皮做到爽口，手撕雞都幾多，麻醬又夠香濃，所以食落都唔錯👍🏻🐷招牌炸豬排拌麵 $45 :本身仲以為佢有微粉紅唔熟，但原來呢個先係佢哋嘅精髓，咁樣先可以令到豬扒本身唔會韌👍🏻，通常炸物點都一定會熟晒，相對地肉質都會比較老，但呢度嘅豬扒口感唔錯，食落都幾嫩，絕對唔乾身，價錢仲要超抵添🙌🏻🙌🏻

一直都好鍾意食生煎包，見到好多人介紹呢間生煎包專門店，而且開到周圍都係分店，但係一直都冇機會試，根本終於有機會嚟試吓啦。一坐低已經擺低咗一杯豆漿，仲以為比錯咗，原來呢度嘅豆漿係任飲㗎，唔怪得咁多人讚呢間舖頭啦，老細果然好識做生意。佢嘅豆漿唔會太甜，豆味好濃郁，真係好值得欣賞啊。我覺得最值得讚賞嘅就係呢個酸辣湯麵，因為佢嘅酸辣湯唔會太辣，但係味道好夠，越食越開胃。而且佢嘅麵煮得啱啱好，配埋酸辣湯真係好好食。另外佢嘅菜飯都好出色，我朋友叫咗個雞扒菜飯，估唔到生煎包專門店嘅雞扒都咁出色，我朋友話下次都一定會再嚟食呀。呢間餐廳價錢超平，而且質素好好，唔怪得開到周圍都係分店啦。

星期五同朋友岀旺角，之前佢一直想試下瀨尿蝦生煎包，所以就同佢去劉興記。因為接近午飯時間，又知劉興記都多人食，去到已見有人喺門口等都驚要等好耐，好彩都只係等左一陣，識員好快安排到入坐。去過幾間劉興記嘅分店，旺角呢間嘅裝修都幾有特色，坐都算舒服。點餐係用QR code 可惜瀨尿蝦生煎包已經售罄無得食，咁我哋決定豪豪哋食蟹黃拌麵，當然唔少得朋友最鍾意食嘅生煎包，同埋比我最鍾意嘅酸辣湯。蟹黃拌麵（$150）蟹黃麵係分開上，蟹黃份量超多，足足有一碗，面嘅份量都大。蟹黃一上枱就有蟹嘅香味，將蟹黃倒落去面嗰度撈勻，每一條面都可以沾到蟹黃，蟹黃夠多夠香，加埋蟹肉大滿足。生煎包（4隻$35）劉興記最出名嘅就係生煎包嚟到點可以唔食呢？咁啱我哋坐咗冇幾耐呢就有個客人大叫話點解啲生煎包唔熱嘅？職員冇多問好快幫佢換過一碟，呢個服務態度真係難得一見。而我哋食嘅時候呢新鮮包依然係熱辣辣，亦都一如以往咁爆汁，個包底亦都係好脆。雞絲酸辣湯（大$45）$45一碗大大碗，兩個人可以分到每人兩碗。材料好足㗎，雞絲又唔好韌，喺出邊好難飲到啲咁平又足料嘅酸辣湯。豆漿（免費）一坐低職員就首先俾咗兩杯豆漿，豆漿係唔使錢㗎！職員仲會為

12點準時殺到，開門5分鐘唔夠已坐爆8成，勁誇張！店員手腳快又熱情，水同豆漿免費任裝唔嬲，抵讚！ .🔥 🐥招牌炸雞扒湯麵塊雞扒即叫即生炸，外皮脆到咔咔聲，咬落去啲肉汁標出嚟，超嫩！個湯底加咗辣醬，嗦嗦聲咁吸麵，惹味到停唔到口！ .💥 🥟招牌生煎包 (2隻)等足15分鐘，熱辣辣上枱！聽勸攤凍30秒先咬，點知一啖咬落——啲湯汁「咇」一聲爆出嚟！誇張到倒滿成隻湯匙，鮮甜肉餡夾住香脆包底，燙嘴都值！

今日專登帶阿媽去旺角「劉興記」朝聖，試吓網上狂推嘅生煎包！鋪頭細細但人龍不斷，我哋下晝三點幾到都要等位，好在店員超熱情，一坐低就送上兩杯免費續杯嘅鮮磨豆漿，豆香濃又唔會死甜，抵讚！ ｜招牌生煎包（8隻）｜一上枱就聞到煎包嘅焦香，咬開脆底嗰陣「咔嚓」聲超治愈！皮薄餡多，豬肉餡肥瘦適中，爆出嚟嘅肉汁鮮甜到阿媽猛咁點頭。最正係個脆底，煎到金黃又唔油膩，食完一籠即刻想encore！ ｜蟹黃生煎包（4隻）｜限量款果然有驚喜！一啖咬落去，蟹黃嘅甘香同豬肉汁撞到正，仲有粒粒蟹籽增加口感，鮮味爆燈！不過建議趁熱食，凍咗會少少腥。 ｜手工豆沙窩餅｜外皮煎到微脆，入面嘅豆沙綿密又唔會過甜，阿媽話有舊式酒樓嘅風味！食完鹹點再嚟件甜嘅，完美收尾～ 百幾蚊左右食到捧住肚走，性價比高！生煎包絕對係香港數一數二，尤其蟹黃款必試。不過鋪頭細，建議避開飯市去。阿媽臨走仲問：「幾時再帶我嚟？」

馳名已久爆汁生煎包專門店!🥢招牌生煎包 生煎包每一舊都爆汁! 每一啖生煎包都要咬細細啖啜哂啲汁出嚟先 啲汁十分鮮甜 生煎包外皮個底煎到金黃色香脆 入面又多汁好juicy 十分推介 🥢招牌炸雞扒拌麵蔥油拌麵有驚喜! 麵嘅質地係煙靭有咬口 撈埋啲蔥油好惹味 忍唔住一啖接一啖咁食炸雞扒外脆內嫩 一啲都唔會乾🥢上海小籠包上海小籠包皮薄餡靚 個皮一啲都唔會厚 夾起身又唔會穿 咬落去亦都有好多汁 配上醋一流🥢雞湯小雲吞12粒雞湯飲落好舒服 小雲吞嘅皮十分滑 十分清甜🥢豆漿豆漿任飲 自助去添 豆漿十分濃嘅豆味 又唔會好甜💰二人用餐 人均消費約$80📍 劉興記生煎包專門店 (旺角)旺角通菜街1M-1T號華發大廈地下D號舖

紅極一時以爆汁生煎包作招徠的「劉興記生煎包專門店」，今天中午到訪旺角店朝聖，需輪候一會才能入座，人氣不減；生煎包外，提供小籠包、小雲吞、菜飯及擔擔麵等正宗上海菜色-點選人氣熱賣皇牌套餐 5 號麻醬青瓜雞絲粉皮配生煎包 1 隻 $54，奉送豆漿可無限添飲，配可樂 / 無糖可樂 +$8；雞絲、青瓜及粉皮份量皆豐富，雞絲緊緻嫩滑、青瓜新鮮爽甜、粉皮細滑輕韌，配搭麻醬滋味又健康；生煎包即叫即煎，不爆汁可要求更換，上半鬆軟，下半香脆，豬肉餡新鮮細滑，湯汁鮮甜不膩；低糖豆腐豆香濃郁更帶少量豆渣，甜度極低個人甚為喜歡-另加點選了招牌炸排骨 $28，炸至金黃乾身，外酥內鬆軟，調味剛好，蘸上特製醋有減膩之效

Lunch行過旺角女人街，見到劉興記人流唔少，忍唔住入去試吓佢哋嘅幾款招牌。🍗 招牌炸雞扒麵 + 生煎包雞扒外皮金黃酥脆，咬落去有肉汁，配埋麵一齊食好有滿足感。套餐仲有生煎包，底煎得香口，包身鬆軟，配搭得幾好。店內有豆漿可以添飲，凍豆漿飲去幾舒服。🥟 原味上海小籠包（4隻）小籠包皮薄湯多，一咬爆汁，肉餡順滑，熱辣辣上枱，值得推介。🌿 蔥油拌麵麵條煙韌，面頭鋪滿炸咗嘅蔥絲，蔥香撲鼻，簡單之中見功夫，最緊要係好抵食。🥟 招牌生煎包（4隻）底部煎得脆脆哋，入口仲有湯汁，餡料豐富飽滿，口感層次幾突出，唔怪得知成日都要排隊。整體用餐環境輕鬆，出品有誠意，幾啱朋友聚餐或者行街歇腳，係旺角區內值得一試嘅中式小食店。

同朋友喺旺角行街見到有間餐廳排長龍，一於去試吓試了幾道招牌菜，簡直太好吃了！首先是招牌炸豬排拌麵，豬排外面酥脆，裡面嫩滑，搭配彈牙的麵條，淋上特製醬汁，味道非常好，好味到食唔停。生煎包，外皮金黃酥脆，裡面有豐富的湯汁，咬下去的時候那股肉汁瞬間爆開，生煎包係最正嘅，好味到要再Encore, 搭配冷凍豆漿，真是絕配，凍豆漿仲要係任飲。還有原味上海小籠包，薄皮包著鮮美的肉餡，湯汁滑嫩，吃左根本停不下來。最後是招牌擔擔麵，裡面加了櫻花蝦，讓麵條多了海鮮的香味，香辣又好吃，配上花生碎的酥脆感，真的是一大享受。整體來說，這次的用餐體驗超級滿足，肯定會再來！

今日放假，一早約咗堂妹去行旺角女人街，順道去位於旺角通菜街1M-1T號華發大廈地下D號舖的<劉興記生煎包專門店>食午餐，我哋去到餐廳時，已經係需要排隊，不過，等咗十分鐘就有位喇。我哋點咗：🥢午市套餐第6號的雞湯小雲吞18粒+生煎包一隻+凍豆漿（任飲） $54：小雲吞細細粒好好食，雞湯的湯底清甜，套餐有生煎包（招牌生煎包）1 隻，招牌貨色的原味餡料好好味。🥢蟹黃生煎包（4隻）$70：蟹黃生煎包係餐廳的招牌貨，熱辣辣嘅生煎包一定會爆汁，蟹黃味濃郁，好味又好食。🥢瀨尿蝦生煎包（2隻）$28：瀨尿蝦生煎包係餐廳的新品種，同其他生煎包一樣都係爆汁，要小心食! 餡料飽滿，瀨尿蝦味香濃，唔錯。