劉興記生煎包專門店

营业中

休息中

見到呢間生煎包近排好多人介紹，今日經過就順便去試吓，見到消費滿$60仲可以任飲豆漿，佢哋嘅豆漿唔會太甜好香豆味，可以任飲真係幾抵😆蟹黃生煎包（4隻）$70招牌生煎包（2隻）$20瀨尿蝦生煎包（2隻）$28 佢哋嘅生煎包一上到嚟熱辣辣，一如預期超級爆汁，要好小心咬開啜晒啲汁先🙂‍↕️個底真係煎得好香脆，蟹黃生煎包嘅蟹黃都幾香，瀨尿蝦生煎包入面就有隻瀨尿蝦，幾特別～不過生煎包上面有啲油，食完會覺得好邪惡🫠排骨蔥油拌麵 $42 蔥油拌麵用左幼身上海麵，拌上蔥油汁都幾香，排骨就炸得香脆，不過不失

次次行過哩間生煎包店，都係好full，今日早少少收工，睇到有位就一定要試試啦。餐廳裝修得好中國風，晚市都提供好多嘢食。豆漿，豆漿全部都係自家制。飲落豆香濃郁偏濃稠，同埋唔會好甜，唔錯。可樂，FD宜家食緊中藥，唔可以飲豆漿，咁叫埋只汽水搭配生煎包。招牌生煎包（2隻），生煎包即叫即整，送上來仲熱笠笠。生煎包皮薄香脆，內裡暴曬汁水，食落肉餡香甜，超好味。蟹皇生煎包（2隻），每天限量供應，好彩去得早，可以搶到2隻，後面落座啲客人已經冇曬。因為蟹黃加入，生煎包湯汁更加鮮甜，肉餡味道也更加豐富，好味。瀨尿蝦生煎包（1隻），係好特別嘅口味。鮮肉裡面加入瀨尿蝦包制，比起普通生煎包口味，食落口感微帶Q彈又有好重嘅蝦味。鮮雞湯小雲吞12粒，雲吞拇指大細全部手工製作。雞湯湯底清澈透亮，飲落雞香清甜。雲吞係豬肉餡，豬肉鮮甜同雞湯好夾。蔥油拌面，上海好家常嘅主食，想要做好唔易。用多種配料加埋豬油小蔥一齊煉製，蔥油才會味道豐富唔覺得寡淡。面係上海普通掛麵，食落軟硬適中蔥香濃鬱，食到停唔落口。

呢間劉興記出咗新嘢，唔係生煎包，係瀨尿蝦湯麵，見佢咁浮誇就入去試吓係咪真。原來佢仲有瀨尿蝦生煎包同埋瀨尿蝦小籠包，不過已經賣晒。好在宜家食滿$60就可以免費任飲低糖豆漿，咁又幾好，我都可以飲好多杯，講返個湯麵，真係成隻瀨尿蝦係面，有成手板咁長，仲剝咗背脊啲殼，方便就咁食。旁邊仲有雨隻細瀨尿蝦，不過無乜肉。麵條就一般，但係個湯就有好濃嘅瀨尿蝦味，非常清甜。以$78 一碗咁鬼浮誇嘅麵，算係交足功課👌🏻

#🐒😋原本帶朋友嚟呢間 #劉興記 係試佢 #生煎包 #小籠包嚟到先知有 #瀨尿蝦食? 仲要$78炸點可以唔試 幾乎每枱都會叫返碗嚟食── ✦── ✦ ── ✦ ── ✦ ──ʚ #瀨尿蝦湯麵 ɞ呢碗麵只係需要$78 但隻瀨尿蝦真係大大隻2差唔多有2隻手掌咁大 78蚊淨係食佢都抵 ʚ #蟹黃生煎包 ɞ 非常足料 滿滿的蟹黃豬肉都仲有好多湯係入面 好滿足ʚ #原味上海小籠包 (4隻) ɞ 小籠包都一樣皮薄多湯每一籠都即蒸 熱辣辣上枱 好好食── ✦── ✦ ── ✦ ── ✦ ──

好耐無食小籠包同生煎包啦，早幾日去左旺角呢間馳名生煎包既劉興記，除左點招牌爆汁生煎包外，仲見到有蟹粉小籠包，即刻order返一籠試下先！呢度除左有點心類，仲有套餐可以叫，而且如果惠顧套餐滿$60或以上，豆漿任飲😱 真係性價比高.蟹粉小籠包🦀即叫即蒸，所以要等等🙆🏻‍♀️ 一籠有4件大大粒，蟹粉在中間點綴，一咬落去飲到多湯汁，裡面仲有蟹粉👍🏻 .我地仲叫左套餐🥟12粒雲吞配生煎包2件🥟先講生煎包，一咬落去，湯汁流哂出黎，juicy，而包底都煎得脆，唔怪得咁受歡迎🙌🏻 雲吞軟，配湯幾夾.另外仲叫左個炸醬撈麵，充滿炸醬肉碎，配有一堆青瓜絲，簡單又美味！當日來食都見到爆哂場，好受歡迎

最近帶咗朋友去咗旺角嘅劉興記食生煎包，呢間餐廳非常抵食，食物平民價，但味道超乎預期，真係好值得一試！✨「招牌生煎包」，包皮金黃香脆，內裡汁液爆滿，肉餡鮮嫩可口，咬落去好多汁🥟😍「上海排骨菜飯」，排骨都大塊，醬汁味道濃郁，好滿足🍚🍖「麻醬雞絲粉皮」，粉皮滑順，麻醬香濃，味道搭配得唔錯🥢🍜「蔥油拌麵」，麵條彈牙，蔥油都幾香，簡簡單單🍜🧅餐廳而家仲做緊優惠，叫滿$60就可以有任飲豆漿，而且佢哋嘅豆漿都唔馬虎飲得出濃濃嘅大豆😍

經過旺角通菜街，見你好多人食呢間生煎包，估計應該都好味，所以同朋友一齊試吓。首先任飲豆漿確係抵讚！豆味好濃，有啲似屋企自家製嘅豆漿，問吓店員點解咁香濃，估唔到真係自家製生煎包新鮮出爐夠熱又多汁，我鍾意蟹粉生煎包，好鮮甜。朋友唔食蟹就食原味，除咗要小心爆汁之外，真係冇得彈！麻醬手撕雞絲粉皮，好啱初夏嘅天氣，麻醬香濃，雞絲夠滑，整體來講幾開胃鮮雞湯小雲吞，唔好俾個名呃到，啲雲吞都幾大粒好有肉地主食揀咗擔擔麵，味道適合本地人，仲有啲好似櫻花蝦嘅配料都幾特別！

呢度係上海菜館，最多人食生煎包，生煎包粒粒飽滿大粒圓潤，肉汁豐富，全部食物即叫即製，上菜速度都好快，而且即制熱辣辣，亦都唔會好油膩既口感。小籠包皮薄餡靚，令人回味無窮，一盅四件，個涵唔會好易整爛又爆汁口感。呢度既小雲吞精緻小巧，一口一粒，雲吞皮滑嫩，湯底味道清淡。餐廳環境明亮整潔，入座迅速，唔會等太耐。套餐價格實惠，五十至六十元左右即可享用，而且豆漿無限暢飲，甜度適中，豆漿營養豐富配包好夾唔會好油。

平時都有食開哩間生煎包，今次叫外賣自取6粒生煎包，生煎包每一粒都爆曬汁超正但今次發現用OpenRice叫定外賣自取都係同原價一樣，可以叫定先唔洗得應覺幾好，有機會會再叫定先

全球首創嘅瀨尿蝦生煎包！！本來諗住嚟試試的 但因為太早所以未有😙試過嘅朋友歡迎分享下味道👅🏅皇牌S3 麻醬手撕雞絲粉皮+生煎包 $54今次都係叫翻原味生煎包 即叫即煎真係保持到水準包體鬆軟底部金黃焦脆入面嘅餡料啖啖肉又唔會太油膩上面嘅黑芝麻粒粒增加咗啲香味手撕雞絲粉皮又係用料十足 粉皮晶瑩剔透口感爽滑解暑 青瓜同粉皮嘅比例差唔多2:3 爽脆爽脆好鍾意佢雞絲唔會話手撕到太融融爛爛 都仲有啖啖肉嘅口感簡單嘅調味雞絲嚼嚼下會食到啲鹹香味 整體都係清新路線der配搭嘅胡麻醬顏色質地同外面嘅都差唔多 最加分位係佢真係唔油膩 唔會話面頭已經浮咗一層油咁👍🏻🫘手工豆沙窩餅 $28一份切成8塊 炸至金黃色嘅窩餅中間夾著滿滿嘅紅豆沙餡 香甜唔膩口感甜甜脆脆為呢餐畫上一個完美句號🌹🥟酥炸小雲吞 $35一份12粒但一啲都唔小嘅“小”雲吞炸物果然係要食熱辣辣脆皮Q糯嘅炸雲吞皮包住軟軟油潤嘅肉餡 口感豐富

成日都聽到呢間餐廳今次終於可以去試試😋主打多款經典上海小食🥢而招牌小食係即叫即煎的生煎包肉餡用左新鮮豬肉製造🐷並注重每日新鮮人手包製🤌仲有小籠包，湯麵及涼拌等美食😋招牌生煎包🐷生煎包包底煎到香脆，裡面注滿湯汁更食到爆汁效果，食落肉餡嫩，混入湯汁味道鮮甜蟹皇生煎包🦀鍾意食蟹的我，就叫左份蟹皇生煎包黎試試，內餡肉汁鮮嫩，仲混入蟹肉及蟹黃，味道鮮味層次更豐富，一咬開有濃郁湯汁爆出來，建議食的時候要好小心避免焫親🔥麻醬手撕雞粉皮🐔晶瑩剔透的粉皮，配合大量青瓜絲🥒及手撕雞，撈埋麻醬後令粉皮掛滿醬汁好惹味🤤，手撕雞食落好嫩口，整體份量比以往食過較為多，$42呢個價錢好抵食👍上海小籠包🥟有4隻小籠包皮薄多汁，可見裡面有好多湯汁，蘸埋醋一齊食味道昇華手工豆沙窩餅🫘豆沙窩餅外皮兩面煎到香脆，中間夾住紅豆🫘餡料，口感食落煙煙韌韌豆漿🥛第一次飲到豆漿質感好濃厚，入口好滑，味道甜甜地整體味道質素好，價錢又親民🤑，值得一讚係店員服務態度非常友善💯，係繁忙時間高朋滿座，餐廳設立多款人氣熱賣套餐，下次會再回訪😋

突然好想食生煎包 就去咗呢間位於通菜街嘅小店外表平平無奇 結果好有驚喜😋😋招牌生煎包（6隻）$50 💕有2/4/6/8隻揀 自由度高皮脆內裡超級juicy! 肉汁鮮甜 一咬落去真係會爆汁 要小心🤣口感豐富 超出色麻醬手撕雞粉皮$42 💕粉皮口感滑溜爽彈 雞絲嫩滑 麻醬香濃好惹味😛招牌上海排骨菜飯 $42💕排骨炸至金黃 外脆內嫩 手工豆沙窩餅 $28💕豆沙內餡軟綿 甜度適中下次黎一定要食埋佢嘅小籠包 今次好可惜賣曬試唔到🥹

本身都滿心歡喜去食嘅，因為個人好鍾意食生煎包嘅，我想講呢間嘢真係唔掂，可以話淨係得生煎包係可以🫤第一，服務態度好差，我同朋友點餐後佢竟然揼我哋張單我哋枱，你冇聽錯係揼呀我哋三人total叫咗6樣食物只有1樣係ok，就係招牌生煎包，其餘嘅就一一點評麻醬雞絲青瓜粉皮，個麻醬用太多油溝出嚟個醬膩之餘，仲要有油膉味。蔥油拌麵，勁在冇蔥油味。蟹粉小籠包同原味小籠包無分別。重點係酸辣湯，佢呢間嘅酸辣湯係我認知嘅酸辣湯完全唔同味🤷🏻‍♀️不可一不可再

經過旺角去咗劉興記，見到網上有好多推薦，午餐時間全場坐滿，我地都等左十分鐘左右。我地點咗個白灼小棠菜苗麻醬青瓜絲粉皮（素）生炸雞排蔥油雞扒菜飯+ 生煎包 配豆漿 再單點左杯豆漿2個人食 非常抵 只需要$133菜飯粒粒分明，唔會太濕，調味都唔錯。最吸引係生炸雞扒，外皮金黃酥脆，嗰啖咬落去，裡面啲雞肉超嫩，真係好滿足！我哋仲追加單獨叫咗1塊套餐仲有一個生煎包，表皮焦香，內餡又多汁，咬落去真係會爆汁，食完真係令人回味無窮。最後仲有一碟麻醬青瓜絲粉皮，加左青瓜絲同芝麻醬，清新又解膩，完美平衡咗其他菜式。整體而言，每樣嘢都好食！下次一定會再嚟試吓其他菜式！

放假想食下啲平時少食嘅菜式，行經旺角，見到劉興記，主打上海生煎包小籠包，就打算去試下。入到去，侍應話今日小籠包已經售罄，咁就唯有試其他：招牌生煎包🥰：一送上嚟仲熱辣辣，一咬落去，真係要小心熱，啲湯汁係多到「咇」出嚟，個皮又酥又脆，真心好食!其實之前都食過其他嘅生煎包，對比之下，覺得佢做得幾出色，一次食多2,3個都得吖!上海排骨湯面：🍜🍜🍜排骨其實即係我地南方人嘅豬扒🐽🐽，豬扒腌得入味，肉身又淋，仲要炸得香脆咸香，配面食啱啱好。面係粗身嘅上海面，有嚼頭，比一般粤式粉面有咬口，仲要掛湯啲，唔錯!雞湯小雲吞🥟🥟：小雲吞細細粒，仲要用上湯煮，即使唔額外加任何醬汁都夠味。湯入面仲有雞蛋絲🍳🍳🍳同炸葱頭碎，更加惹味。手工豆沙窩餅🥧🥧：呢個要推薦，豆沙唔會太甜，用啲面粉包住嚟煎炸，好好食，係一道唔錯嘅飯後甜品。值得一讚嘅係食滿60元，送無限豆漿🥛🥛任飲，仲要唔使自己出去斟，而且放一大樽係枱上面任飲!豆漿有豆味，仲要唔係稀到水咁應酬大家，飲得出幾真材實料!😘😘😘😍😍😍