劉森記麵家 (褔榮街)

营业中

休息中

一行四人去食，等左一陣，不過有位坐，幾好。叫左淨雲吞、淨水餃、淨蝦子撈麵、豬手蝦子撈麵，同埋一碟油菜。油菜真係油左D -______-湯底：唔錯。雲吞：入面既蝦好彈牙。水餃：都幾好，唯一不足既地方係唔夠木耳。豬手蝦子撈麵：豬手好入味，麵上面灑左好多蝦子，食到成咀都係XD總括黎講，呢間麵鋪野食好味，而且價錢適中，加上服務態度幾好，下次行多幾步黎呢道都唔會去譚仔。

星期日係亞視既美食節目, 見到名廚都推介呢間既蝦子撈麵同水餃所以放左工之後都特登來一試,入到去, 店內已經好多人好多人都係食蝦子撈乜撈物我亦扮晒熟客甘樣唔睇餐牌,一開口就叫蝦子水餃撈粗, 另一罐無糖可樂蝦子水餃撈粗$28粗麵幾有咬口, 亦無乜梘水味, 但蝦子份量只係一般多, 並唔似雜誌或電視上見到的舖滿麵條上, 而且蝦子有沙, 由頭都尾都食到有沙, 美中不足湯上的水餃好好食, 有蝦的鮮味, 湯底亦好味, 可惜得兩隻食完都只係六七分飽, 以晚餐來計, 份量就唔足夠啦招呼只係一般, 因為太多人幫襯, 無人執野, 坐低亦起碼等兩三分鐘先有人問你食乜如果佢既水準keep到的話, 相信仲會有好多人會慕名而來

在深水埠吃足多年的麵店"劉森記",也是從友人口中得知,在福榮街開了分店.新店當然比舊店的大,環境更光猛整齊.多年來去劉森記也是吃開幾味,但我檯沒有沙葛,問店員可否比兜沙葛我?)鄉音不改的店員下?咩野係沙葛?)後面看來是主理人的女子道咪係呢樽囉.)每次來也先吃沙葛作開胃菜,多年如是,味道依然.每次來也吃開幾味?吃開甚麼?黑柏葉撈,蝦子撈,水餃麵等等.今趟實行超濃縮,要個蝦子水餃撈.兩者分開上,兩隻水餃放湯.劉森記仍然用大碌竹壓麵,全港已剩下沒多少間.麵身繼續爽口彈牙,沒有鹼水味.蝦子味道濃香,不吝嗇般下得重手.再吃個水餃,味道質感依然,但外皮爆開,算是不足,深信是意外.看見檯上有Openrice的投票宣傳紙牌,就同女主理人搭訕咦?乜Openrice摸到上門呀?)我再說其實,你間店在網上,整題評價也不錯.)女主理人係呀,不過我唔上網,我都未睇過.)就算妳不看,我也照寫.

其實經驗上，但凡一間名店開親分鋪，真係冇乜邊間係搞得好，滿記如是，大家食如是，譚仔如是...可能因為名師傅只得一個，叻老闆都只係得一個，結果無論係管理同食物質素都係差...劉森記開間新鋪，看來都難逃此一命運。初四過開鴨記，其實通街都係人，成三四點下午茶時間，間間食店都大排長龍。諗住食個麵唔會等太耐，加上以前舊鋪，上菜速度都好快，應該冇問題吧！點知一入去搭，同o既一對夫婦已經怨聲載道，話叫碟腩撈都等成廿分鐘...之後又聽到侍應講又有客等得唔耐煩走...總之個個都係等到媽媽聲...咁諗住叫黑柏葉水餃撈...結局水餃賣唒...雲吞又賣唒...粗麵又賣唒...淨得黑柏葉同牛肉牛腩...唉...冇辦法，唯有黑柏葉牛肉撈。好老實，你做呢度咁耐，都知道今日實多人，開得門做生意，就應該預多貨，最慘係你o既招牌菜係雲吞..而家乜都冇...做客o既梗係黑臉。同埋最慘係冇人話事，一時又話有雲吞，一時又話包緊要等...結果隔離o既客(可能真係好想食雲吞)，就俾班侍應玩到傻，既然你都sense到佢係唔食雲吞心不息，就唔該一係話名冇就冇，一係就話要等好耐，等佢自己揀...好過一個話有一個又話冇，但見到隔離就食緊，

見openrice有咁多笑樣,,所以今日既下午同屋企人黎試試..一入去就見到好多人,,收銀姐姐叫我地三位等陣,,咁我地就企左係出面等啦..過一陣收銀姐姐話有位叫我地入去坐,,一入去先知張檯係兩個位....我就同收銀姐姐講我地係三既,,跟住收銀姐姐同我講叫我地分檯坐..咁都得??!想走既時候見到岩岩有檯吉出黎,,我地就坐落去喇~叫左一個淨雲吞,,一個淨水餃,,一個牛腩麵同一個黑柏葉蝦籽撈麵..可能多人,,所以等左好耐d野食先到...食食下有個阿姐拎住碗淨水餃黎同我地講雲吞賣哂,,所以同我地轉左做水餃..跟住我地都未出聲佢就改左張單...屋企人話水餃都好味,,所以就算啦...但咁都得既咩??係咪賣哂都要問下個客人肯唔肯轉其他食物呀??!淨水餃---好味,,但d湯好多味精!!牛腩麵---好普通,,麵都唔覺特別彈牙..不過係冇鹼水味既!!黑柏葉蝦子籽撈麵---最唔得呢個!!黑柏葉好少,,蝦籽好少,,麵好少,,菜好咸!!服務態度令我唔會再黎囉!!!!!!

久未幫襯。之前知道佢哋响福榮街開咗新舖，就在距離老舖不到數十步嘅腳程。由牌檔做到家陣有兩個舖位，實在可喜可賀...原本要去營盤街嘅英記，但去到摸門釘。好想食碗麵，都係返嚟呢度食穩陣D...試一下去新舖。地方大咗亦光猛咗，但價錢就好似貴咗D，要一個蝦籽雙併撈就要三十多大洋...麵嘅份量好明顯少咗，食完等於冇食過。但overall水準仍然不太差，特別係個麵底，依舊爽身而冇鹼，條條分明；牛根亦炆得夠淰糯入味，蝦籽撒滿一碟，亦夠鹹鮮...自己摯愛嘅水餃反而有點失色，感覺上硬係覺得舊舖嘅出品較好...都係返去舊舖好D...

12月02日20:38到DHL交急件到臺灣後，一試這新店。分店地方比老店地方開揚，人手比較多，態度好。要了蝦籽撈麵。麵：鹼水味近零和爽口，可惜部份被生菜水弄淋。蝦籽：雖不及品品的香濃，但好重仍手。祇覺水準依舊，可以再來。

心思思要去試新舖,就在舊舖轉角不遠處,花牌還未移走,格調像譚仔,只有圓枱和木櫈,是食完快閃的格局.可幸地方大得多,約二倍,比舊舖鬆動.下午三點,人客只有四五個,叫了水餃牛腩撈麵,阿姐答道剛售罄,也不太意外,因它素來都是老板娘即包即賣.斷貨是平常事.不過也見新舖的師傅也在包水餃,可能是老板娘做唔切,只好轉雲吞牛腩撈,很快便有得吃.不過很失望,雲吞是煮好放得太久,已經爆開,蝦煮得過火.不爽.舊舖有四隻,新舖只有三隻.牛腩的份量和味道不變,但不夠淋.麵的質素也不變.想以後還是幫襯舊舖好了.