劉森記麵家 (褔榮街)

营业中

休息中

04/10 下午4 時報告新擴充舖頭, 一行二人還未嘗過劉森記, 特地來試一次我們叫了:蝦子撈麵x2, 一個加上雲吞, 另一個加了墨魚丸. 先說蝦子撈麵, 麵真的十分彈牙爽口, 沒有蜆水味(最基本要求), 上面舖滿很多蝦子, 未吃之前己聞到陣陣蝦香味, 但吃下去蝦子本身沒有味道(電視個阿蘇話係咁), 所以會覺得比較淡, 不過食完之後成個口都係蝦子, 我覺得好有趣; 但相比起澳門的蝦子撈麵,香港的不是不好吃, 不過還是澳門好食一點.... 雲吞比較普通, 不吃也沒損失, 但是墨魚丸, 很粉很爛, 乜食墨魚丸係咁嫁? 還是不要吃....凈牛腩: 有生菜舖底, 唔使另叫菜, 牛腩硬度適中, 不會太硬太'淋', 醬汁非常入味(應該是柱侯醬), 大概煮前'yip' 好, 還有炆到夠火喉, 加上大件夾抵食, 必試!!.環境比較擠迫, 不適合一大班人去, 要預時間排隊, 我星期六下午4點都要等15分鐘

因為黃雨所以在家悶了一整天後最終失守於媽媽的誘惑下便冒雨「怒闖」Shum Shui Po~ 橫風橫雨澗水行路線:1st Stop: Lau Sum Kee2nd Stop: Lok Lam (綠林仙館)3rd Stop: 金翠(叉燒皇)到達時大概6:30pm﹐只有兩三檯客﹐我諗真係因為太太太大雨喇!要了一客淨水餃﹑蝦子豬手麵 (28)﹑蝦子牛根腩麵 ($28)再加一小枝玉泉忌廉。對我來說這裡的淨水餃更勝雲吞。 這水餃做得香滑爽口﹐皮薄餡不錯。少許豬肉混上蝦肉﹐再配上筍絲﹑黑木耳和蝦子。蝦子豬手麵: 蝦子撒滿幼身既撈麵放在油菜面﹐麵很爽身﹐帶淡淡既鹼水味。 豬手夠淋﹐夠入味但是調味比較咸。薑可以多放點﹐果皮味重反而南乳味弱﹐亦應加多點冰糖來調調味。跟撈麵那碗湯值得一讚! 很鮮甜﹐大地魚味濃很出和有下蝦殼...喝了一整碗也不見特別口渴啊! 但是到最尾時開 始覺有點過咸。蝦子牛根腩麵: 牛根淋口亦帶煙韌而不失口感﹐牛腩都算淋但有少少渣。調味亦是過咸了點﹐柱候醬下得不夠那咸味很寡...麵質和之前一樣。這碟蝦子下得比較少但腩汁夠撈麵。吃完兩樣沖滿著骨膠原的食物個口黏黏的...很滿足! 每桌都很大

慕名而來, 就為左一試招牌蝦籽撈面, 見到都嚇左一跳, 麵都幾大碟, 麵上鋪滿好多好多的蝦籽, 剩係視覺效果都囉足分, 麵冇"簡"水味, 雖然麵質冇話彈牙咁犀利, 但都幾好食, 加碗甜甜的湯, 面底加幾條新鮮的生菜, 再加分!有機會, 一定會再黎既

近來Family Day 都會去睇睇OR先出門口見到爸爸想食雲吞麫就叫佢揸車去SSP 食劉森記點左:淨雲吞南乳豬手蝦子鵝腸撈麫蝦子撈麫油菜d蝦子好香同鵝腸好爽但d麫就差d唔似竹昇麫咁雲吞好足料d蝦又爽又大隻一碗有好多tim南乳豬手一碟白灼豬手無分別真係唔明南乳個味咁濃都煮到咁淡

第一次光顧新店，好光猛- 蝦籽撈麵＊２：麵好多，口感不硬不軟，但等了久一點!- 淨水餃：由於蝦籽撈麵沒有『料』的，叫雙拼蝦籽撈也只會得around兩隻水餃，就要了淨水餃同朋友share，味精不重又夠味，蝦都大隻，好爽！- 芥蘭：沒有什麼特別，不過『林』便可以了!廁所……都ok的，新店也不會太太太差！不過依然幾迫，我經常不小心『批掙』後面的customers p.s. 可能麵太多(而且又食晒)，食完有ｄ滯

8月31號, 最後一天的暑假, 相約到深水埗試吃劉森記及綠林, 為開學先加個油。到了深水埗後看到合益泰, 一起吃那美味腸粉, 邊吃邊找劉森記,很快便出現在我們面前, 有人在等位, 心在想是不是要排隊之際,啊姨問我們"幾多位", 回應一句"2位"之後便可即時入座了。早已想好要吃什麼, 2個人, share一碟蝦籽撈麵及一碗雲吞拼水餃, 再要一碟菜,本來要了芥蘭, 不過賣光了, 便轉要菜心。菜心先來, 普普通通, 正常。雲吞拼水餃, 一粒雲吞有兩隻蝦, 味道挺好。水餃有荀, 感覺上很大陣味呢, 哈哈, 水餃很大隻。水餃及雲舌也都皮薄餡靚, 好吃!蝦籽撈麵, 已經在網上看過不少這撈麵的相片, 所以不會驚訝,麵十分彈牙, 果真毫無鹼水味, 讚! 啖啖也混合著蝦籽, 不錯啊服務方面也不差, 只是叫了一位店員拿個碗給我時忘了拿, 等了很久。總括來說, 蝦籽撈麵, 我覺得主角是麵呢~ ^^

上星期六下午兩點幾嚟到,在門外看已經有十多人在排隊,雖然有十幾人但好快就有位,落單後等了十多分鐘才上麵,我點了一個鵝腸水餃撈麵鵝腸水餃撈麵($28) ~ 鵝腸唔夠爽口、有少許淋,一點鹹味也沒有,水餃裡有木耳,水餃與鵝腸相比,水餃味道搶好多,雖然有大量蔥絲,,但也改變不了這個撈麵的味道,就係無味!麵身普普通通,不夠爽口彈牙同檯的人叫了 蝦子冬菇豬手撈麵($32)、腐乳通菜($10)同時在等上麵其間,見身旁放飲品的雪櫃,有隻”大米奇”從雪櫃底衝出來,不夠兩秒又走回去,估計身軀約有15cm長(不計尾巴)不過嚟得深水埗吃嘢！也預了衛生有幾好,只是親眼看見和不是親眼看見的分別

人多可以一次過試多啲。水餃撈粗: 啲水餃好好味, 又好大粒, 好爽口,而家好難搵到咁好味。 啲粗面都幾好!雲吞撈幼: 呢個我就唔識欣賞, 可能一向唔好雲吞豬手撈粗: 豬手好入味,又唔會過腍, 有咬口, 個汁加埋個面好味鵝腸蝦子薑蔥撈幼: 呢個又係好好味, 啲蝦子唔會太咸, 不過多啲會好味啲, 一上桌就比人挾晒面頭啲蝦子！鵝腸好爽~~加碟油菜, 真係超飽, 每碟份量都好大下~~ 足夠有餘~~仲差個柞醬面未試, 下次有幾會要試下, 仲有見到啲冬菇好似都好好味咁~~

一早到SSP採購,見劉森記岩岩開門就馬上走入去食叫左個蝦子薑蔥鵝腸黑柏葉撈麵再加一個淨鮮蝦雲吞鵝腸黑柏葉夠爽,麵夠彈牙有咬勁無咩梘水味,加埋蝦子撈麵好味到震鮮蝦雲吞食落幾新鮮,真係有番D料到,唔似家陣好多所謂既招牌雲吞都整到一劈野地方細細唔係靚但夠晒好味,靚女未必岩但我呢D老粗就岩晒

去左黃金幾次都見呢度人頭湧湧，今次終於可以响平日無乜人既時候試一試呢度既麵。雲吞蝦籽撈麵有好多蝦籽，麵條乾爽有咬勁，撈埋D蝦籽，令到麵條更有口感。雲吞一啖就可以放入口，皮薄餡有鮮味，不過成碟撈麵只得3粒雲吞，如果多一兩粒就會更好。

新舖舊舖都試過, 若再去的話都會去新舖, 因為較企理水餃雲吞 - 很一般, 有水準的大有人在蝦籽撈面 - 面加了蝦籽好得豬手面 - 豬手夠腍但太孤寒得2小件, 面沒有蝦籽梘水味頗重黑柏葉 - 此品無味, 一定要在酒家用薑蔥去炆才好吃整體跟一般粉面舖差不多, 只得蝦籽撈面稍得, 行開黃金一去無妨, 食評永遠都是主觀的!

今天是我第二次來劉森記. 上一次要排隊,今次不需要.可能是下午餐時段(2:40)食物:雲吞:很好吃. 餡料多,而且蝦很大隻.約有8隻 撈麵:麵是不錯,但肉是一般,沒有驚喜油菜:菜心甜,不太多油,份量ok環境:冷氣足夠,座位一般舒服,因為沒有雙人座位,只有坐6人的大圓檯.態度:職員態度良好,當我們吃完食物後沒有立即收餐具催我們走價錢:中等

以前去過舊舖食炸醬麵，都有一排無去喇，今次因為睇左蔡瀾介紹，所以專程同男朋友去新舖試下。 我嗰次喺舊舖食炸醬麵，真係一流，無鹼水。今次就試下食水餃麵，其實我本人麻麻鍾意食水餃，不過睇評語啲人話好食，於是咪試下囉。唔知係咪因為唔同師傅呢，碗麵有啲鹼水，唔似舊舖，不過啲麵都好彈牙，真不愧為竹昇麵。至於水餃，真係好食喎，夠新鮮，而且皮薄，又有蝦，好食過其它麵舖。我男朋友就食蝦籽撈麵，真係好多蝦籽嘅，不過我就覺得麻麻啫，我都係比較鍾意食炸醬麵多啲。下次行開呢頭，都係要食返炸醬麵先。整體嚟講都ok嘅，雖然要排隊，但好快就有位喇，而且招呼都好好。

今日和友人到劉森記吃竹昇麵 福榮街有很多食肆，除了維記要排隊，劉森記也要排隊趁在排隊的時候，我們已經在門外研究吃什麼，在鋪外的玻璃窗張貼了很訪問及名人的照片，而其中的薑蔥黑柏葉相當吸引….等了不算很久，就安排入坐，但可惜… 我們想吃的薑蔥黑栢葉己經賣光了..只好order:- 雲吞麵：因為想拍照，所以不是一上枱就馬上品嚐，被放在清湯內一會的麵，依然爽身有咬口，没有給浸淋更難得是没有那怪怪的鹼水味，雲吞雖然size比較小，皮也算薄，蝦有鮮味- 蝦籽橯麵：相信麵仍然是主角，表現如上一樣有高水準，好味。但蝦籽????毫無特別，是否我不懂欣賞蝦籽的精髓，不論與麵同食或加上清湯，都不能吃出什麼特別 - 因黑柏葉賣光了，改了吃淨薑蔥鵝腸牛腩牛筋，三樣中只得牛腩好一點，D牛腩炆得淋，鵝腸及牛筋都好韌，想咬耐D又驚比友人笑我無牙，如果爽爽地又易咬就比多D分要提的是放在枱上的醃蘿蔔 – 醒胃之選，有辣味真的有點矛盾，怪等上菜時間等得太久，但師傅們都密密做而且服務員又真的手不停，能夠吃到一碗靚麵及師傅的堅持，等也許是值得的 友人到櫃檯埋單時，我見到有師傅正在包雲吞，也多口問到雲吞與水餃的分別：雲吞只有蝦

上次食過舊舖的蝦籽豬手撈，確是惹味，可惜本人原來對蝦籽敏感，不可再試！今次陪男友去新舖食豬手牛腩撈，冇蝦籽失色不少，麵是好吃的，沒有鹼水味，有彈性~ 豬手同牛腩都好"林"，入口即化...冇蝦籽就變成沒有特別...可惜....