劉森記麵家 (褔榮街)

营业中

休息中

拎部跌散左既nds 去整...等緊既時候, 去左劉森記想要黑柏葉鵝腸蝦籽撈麵...不過黑柏葉賣晒啦...個麵同湯我真係唔覺有咩特別...好多蝦籽就真既不過d 鵝腸真係几好味...唔錯呢! 有d 懷念當年自己一個0係澳門"遊蕩"時既黃枝記...

當天約0左肥肥人去深水埗食0野, 而我就順便去睇0野. 出發前我就上網睇下有咩好介紹, 就諗起之前有一間食肆都想試下0架啦, 佢就係<劉森記>. 1.蝦子雲吞撈麵, 蝦子水餃撈麵 (各$28) ~ 上網睇到蝦子雲吞, 水餃撈麵比較突出, 咁當然就要試下啦. 之前係<車品品>食過0既蝦子麵, d蝦子真係腥到爆, 留下一點點的陰影. 水餃撈就有兩粒, 好似少0左d 喎, 不過就真係幾大粒, 而且d 餡都好足. 至於雲吞就有三粒, 包住0既蝦都幾大隻, 而且個皮都幾滑. 今次0既焦點係蝦子, 真係唔太腥喎, 味道還可以. 麵質方面都唔錯喎, 唔會好韌, 口感也不錯.P.s. 其實我對蝦子就麻麻地的, 因此我會加少少辣醬, 去增加食慾, 正!!!整體評價：間中食碗雲吞麵都不錯!!!

睇完大家的食評,再睇到個地方都好容易去到所以一心就去試試啦一入到去就睇下食蝦子撈麵好,定係水餃好最後都係想試試蝦子牛筋撈麵好多都蝦子,牛筋亦都好入味.環境都算光猛,地下都唔會太濕滑試完今次之後可以下次同老公再試試,唔錯

去唔倒澳門入黎深水埗啦~反正本來去澳門都係只想食蝦子麵啫.和老輝來到舊舖, 要等, 行過新舖卻不用. 二話不說坐下了.今日不太想食撈麵, 所以叫了個水餃麵.老輝則叫了鵝腸牛腩撈.麵未上, 食住蘿蔔先.入口爽脆, 帶少許酸辣, 正, 醒胃!都吃了不少, 如已被吃光, 姐姐係會幫你加返的.水餃麵有3粒水餃的, 勁大粒, 勁足料, 內也有蝦子的, 味鮮!麵少許鹼, 加少少醋先...老輝的牛腩好淋好入味, 真的很不錯.鵝腸也爽. 另在則也見到姐姐在包水餃, 用料好新鮮, 夠膽在食客身邊包的, 用料也不會差吧!

到醫院探病後已到晚飯時間聽聞劉森記撈麵頂瓜瓜決定到來試試。一直不喜歡吃廣式撈麵今次破例來吃一次看看有什麼特別~要了一個蝦子牛腩鵝腸冬菇撈麵蝦子份量一點也不少!!~滿滿的蝦子在竹昇麵上~竹昇麵也很出色~是手打的~而且沒有鹼水味~~~~perfect!~彈牙~加上美味的蝦子及清湯~!好味至極!!!!!!牛腩很入味而且有肥..~份量也不少~肉質不淋~本人覺得比九記的出色鵝腸也不肥...但嫌不夠爽口...~冬菇成為整碟麵的靈魂人物~冬菇十分入味而且很大件~炆得剛剛好!!!!出色!!!!!順帶一提此處的酸蘿蔔醃得十分出色~最重要的是...免費!!!~哈哈~~平價食物也可以吃得很快樂~貴價食店也可以食到一肚氣~!!

$28雲吞撈麵：分開兩樣野上台：蝦子竹昇麵、上湯蔥花雲吞四粒，雲吞雖小但餡料好招牌水餃：最愛呢個，皆因裡面有蝦之餘，仲有爽口木耳絲等材料，可嚐到其香味，滑！牛筋腩：勁啊呢個，首先，牛腩賣相靚，切得約一厘米的厚度，絲絲的肉質又入味，牛筋則覺略淋黑椒牛丸：嘩，呢個仲勁，一睇都嚇窒左，粒牛丸激大，係長身橢圓形的，味道就普通，欠缺黑椒味墨魚丸：味道不太出，而size亦較小河粉：麻麻地，易斷，並非滑另外，湯底可以，還有所有麵都有埋生菜，仲幾靚添。。

蝦子撈面在openrice上看到好多好評不知道這家是分店不過也滿好吃第一次吃蝦子好多好多那些蘿蔔的味道也滿有趣的面質很好吃只是需要等得比較久一點

每次踏足深水埗都會有好野食, 其中一個keypoint就係bb會記得openrice介紹過d 乜!!bb今次同我黎劉森記, 真係冇介紹錯~~bb因為我想食牛腩...所以佢叫左牛腩粉, 我就叫左個雲吞撈!!嘩個撈好正, 好好味道, d麵冇簡水味~~蠔油落得arm arm好!! 同埋好大碟, 仲要係有6粒雲吞!!!!!!!!!!!!!!每粒都好薄皮, 裡面仲有蝦子, 原來蝦子咁ge味的, good!!我完全漠視左個牛腩...bb好可憐咁食左個冇咁好味既粉...我已經差唔多擦晒個麵lu...又係咁... 大食b又將最好味既野食讓比我...傻b!還要提一提, 呢d咁好味既野都只係22蚊!!!!!!!!!!!!

今晚同阿b睇完戲~ 行咗去深水埗食嘢~上次食完劉森記真係好懷念呀~所以今晚又嚟揾食呀~淨水餃雲吞~$24 (四隻水餃,四隻雲吞) 水餃無上次咁熱,差咗d (依然好味)雲吞細細粒,一答便吃完了 ~ (但係始終水餃最好架)牛腩牛根撈面($24) 牛腩好入味,牛根就細舊咗.... 但都ok既^^

１１月七日收工，專程去試下ｄ雲吞和水餃……我去到吾夠六點，只得三四檯客，坐低睇下餐牌，樣樣都想食，終於叫左蝦子牛腩水餃撈麵＄３２，好大碟。ｄ牛腩跟撈麵上，水餃就跟碗湯上，真的好大隻（有兩隻）和好爽口，很好味！ｄ牛腩一睇就知好“鞋和ｕｎ”。碟麵很多蝦子，好香豬油味，再撈暈去，而無了ｄ豬油味，比ｄ腩汁蓋過了，下次都係齋叫蝦子撈麵，一定好香和好食，我食到大半已經好飽，再食埋ｄ水餃，真的飽到上心口，原本諗住食完麵去隔離糖水佬食碗糖水，但真的吃不下去了。

深水埗真是一個雲集美食之區，要一一試勻，非要一頭半個月不可，今次來試試劉森記，這間已創立半世紀的麵店。來到褔榮街，人來人往，找到劉森記後，發現已有些人在等位，幸好祇等了十多分鐘便有位，一張細圓檯已坐了三個人，服務員要我們兩人靠左或靠右坐，以便可以再坐多一兩位客。我們點了蝦子雲吞撈麵$28、蝦子牛筋牛腩河$26，等了約十多分鐘才送來，其間十分鐘內又分別來多兩位男士，一張細檯坐七個人，每坐多一人，都要移動一下才可安頓。說回食物，正如其他食評所說，真的很多蝦子，麵質很好，夠爽夠幼，但份量很少，雲吞撈麵，祇得三隻雲吞，賣$28，有點暴利，牛筋牛腩都夠淋及入味，我同意蝦子有助提昇撈麵的味道，但這麼多又有點過猶不及，弄巧反拙，若為了賣貴幾元而多落一些又有點兒那個。到我們差不多吃完時，後來的兩位男士等了約十多分鐘食物還未到，一位有點不耐煩離座走了，走了兩分鐘，他的水餃湯麵才到，服務員不見人又照放落檯，我們告訴她人客走了，我們見仍未飽，便告訴服務員我們要罷，水餃份量十足，約有吋半長一隻，有筍和木耳絲、鮮蝦等，$18一碗，則價錢合理。總結，蝦子雲吞撈麵收$28，無問題，但應有起碼五粒雲吞，寧願落少一半蝦

周六午後福榮街維記劉森記永遠大排長龍, 取其龍短者, 食潮州粉麵去. 劉森記已經食過無數次, 人再多時傻傻地等半個鐘入座半個鐘等食都有之. 水準一向隱定, 偏偏今日撞板了.未食過豬手試一試撈粗, 友人A水餃撈粗, 友人B更穩陣雲吞細麵. 豬手用大隻斬, 唔膠唔入味, 且偏咸, 屬非常一般. 友人的水餃則非常好, 爽口之極. 麵則出大事矣, 劉森記的竹昇麵我向來認為全港第一, 爽口夠麵味. 可惜今日走樣走得厲害, 粗麵不單麵身軟腍, 邊位甚至起糊. 我與友人A邊吃邊搖頭歎息. 食幼麵的友人B默默完成. 上次造訪大約三個月前, 當時同樣是人山人海也. 究是次意外原因, 令人摸不著頭腦.

做完運動, 一早打算到譚仔食米線補充失去的!晚上十時多譚仔門外人龍依然, 便決定轉到此店補給!起初見門外都有些人, 但見有數人離開便走入店, 入去其實人不多, 只有幾枱客, 可能剛剛人出人入, 才以為多人. 在店中人客中都是比較年長的, 莫非舊東西真不吸引新一代?說回正題...當然推薦店內前菜, 醃蘿蔔少數麵食店保留既特式, 不知是蘿蔔時候不對定一話醃製時間不足, 蘿蔔有點澀味, 不及上次!麵食就點了...魚蛋水餃蝦子撈麵, 雖然是晚上, 水餃依然爽口, 蝦亦新鮮可口! 蝦子雖不及澳門般大粒及咬感, 但蝦子味香味依然. 至於竹昇麵十分爽口, 鹼水味亦不太重. 另外我最喜愛的豬骨湯底十分鮮甜, 可能是很晚關係湯底比平常更甜美, 甚至有些假的感覺. 不過我依然一滴不漏, 事後亦沒有半點口渴, 可見真材實料! 魚蛋是一般貨色, 不吃無妨!除了美食, 小店服務值得一讚, 話說一對年輕情侶想要唔凍既零可樂, 新店雖然無貨, 但老闆娘還吩咐同事到舊鋪找, 結果雖然一樣, 但熱誠可見!臨離開時, 見到有一,兩枱年青人光顧, 老店依然是有新希望

劉森記 與 維記 , 最後選擇前者, 入到舖內慣性留意其他座客食咩同埋外觀, 大多在吃豬手和蝦子撈麵, 沒多久就和親愛的揀了雲吞麵 + 水餃蝦子撈 (親愛的不愛吃豬手) 本身唔了解此店, 係等待既時候看一下店內張貼雜誌報紙採訪既內容先知原來麵! 竹昇麵先係重點, 最初還以為是雲吞豬手蝦子等.. 雲吞麵先到, 輕輕夾開麵餅, 見到5粒雲吞, 雲吞皮夠滑, 咬入口啖啖鮮蝦豬肉, 蝦夠彈牙亦有蝦味, 個麵好爽口, 平日只愛吃米粉河粉既我食過呢度既麵一啖之後都覺得好有吸引力, 想一口氣食晒碗麵 再來係水餃撈, 麵上滿滿的蝦子, 賣相吸引, 另跟水餃兩大隻, 招牌水餃雖然只有2隻, 但每隻都係king size, 餡料多了日常已較少吃到既荀絲, 至於撈麵, 親愛的話唔夠味, 我就試左啖, 係啖口左d, 比我食緊有湯底既雲吞麵淡得多, 但正因每間店舖各有不同, 口味亦因人而異, 蝦子撈唔一定要咁濃味咁咸既, 係好多人眼中佢仍然係必吃之一

深水埗尋布記在搜尋布料之前, 當然要醫醫肚先, 當大家都拿不定主意之際, 就發現對面馬路的劉森記, 友人與我互打眼色, 一場來到, 沒有不吃的理由吧, 哈哈～店舖小小, 放了大約五六張檯左右, 廚房就在食客旁邊, 裡面情況清楚可見。同時, 亦見老闆(應該是吧)坐在一旁包雲吞水餃, 大大盤餡料, 手勢非常純熟, 快靚正。招牌水餃麵：水餃一碗四粒, 粒粒都好有份量, 真的可以用皮薄餡靚來形容, 水餃皮薄薄的, 單從外表便隱約可見木耳絲和蝦身呢! 一咬開, 有木耳絲、荀絲、蝦則有兩三粒, 都大隻, 好爽口, 加上豬肉和蝦籽, 好充足的餡料, 吃完一粒又一粒, GOOD! 至於主角麵, 是用竹升打出來的, 不用雞蛋改用鴨蛋, 因為筋性較高, 所以做出來的麵夠彈牙帶煙韌, 不會一咬即斷, 果真跟平常吃到的有一點差別, 喜歡這裡的做法。湯底也不錯, 味道不會死咸。份量方面, 剛好一人吃, 吃罷滿足。如果嫌吃麵太飽肚, 可要淨雲吞或淨水餃也可, 一碗六粒。通脹之下, 價錢由十五元升幅至十八元, 都幾貴的。不過這碗麵吃得出是充滿誠意的, 還有那份堅持, 是好值得欣賞和支持, 所以笑臉是一定要呢!