劉森記麵家 (褔榮街)

营业中

休息中

上星期三再到劉森記食蝦子撈粗..........兩個月前同Mr. Fat黎過發現佢的粗麵比幼麵好旦牙........(cos撈 幼麵好似比較硬身唔係甘好食.......)if 係湯上的可以叫幼麵but 比多少少時間佢吸一吸湯...........蝦子撈粗 - 得一個字正..........亞姐落蝦子的份量唔會太少又唔會過多..........(灣仔那間出名的.......x華記.....少面少蝦子)雲吞水餃 - 皮薄, 餡靚 - 叫剩雲吞水餃可以兩溝..........小妹愛吃水餃多點........有木耳.....^ v ^Mr. Fat 第一次叫左牛腩蝦子撈粗第二次叫豬手蝦子撈粗 - 劉森記的牛腩蚊得唔錯,肉入味又唔太鞋口....但豬手就真係麻麻地.......Mr. Fat話用個牛腩汁黎撈麵都可以唔叫蝦子lu.....(cos牛腩汁會cover 左d 蝦子味.....waste 左蝦子的香........)總括黎講劉森記係可以一去的.......但你話會唔會掛住佢呢.......又真係唔會喎.......

朋友工作到港24小時﹐於是陪朋友到深水埗購物﹐自己也去買一些相機配件。由於要到黃金及其他地方﹐所以先去醫一醫五臟。下午茶時間﹐當然食得輕怡一些。要了一個蝦子牛筋撈麵。一出場﹐賣相相當討好~鋪滿蝦子既竹昇麵﹐加上牛筋看起來入味非常。朋友的水餃也好像不錯﹐加上翠綠的芥蘭﹐滿意。吃下來﹐麵差不多沒有鹼水味﹐但不算太爽口。牛筋對辦﹐蝦子也香口。但朋友的水餃麵有一條細頭髮﹐唯有拿走後"我睇唔到﹐我睇唔到﹐我睇唔到....." 雖然有如此事情﹐但地方也是光猛乾淨的。原本想要黑柏葉﹐但阿姐說售罄。好像每一間麵店都沒有黑柏葉。WHY~~~~????

本來到客家好廚一局前辦點私事, 因塞車改期, 在深水步行了半個下午, 行到百無聊賴, 當然要食.離電腦廣場不遠有劉森記, 久仰其名很久, 是日就有一試其麵.來這裡只吃麵, 想豐富一點就想要碗黑栢葉蝦籽撈, 可是黑栢葉賣完, 退其求次唯有要蝦籽撈了.蝦籽撈上桌, 上面的蝦籽頗多, 也算慷慨; 麵底下的菜似乎還有一小灘水, 有點影響到麵身的爽勁; 一口咬下去覺得蝦籽香不夠, 也許沒有下油的關係. 蝦籽的項, 我喜歡楊記多一點; 被浸了的麵略失爽口, 另一邊則不錯; 清湯是真正的清湯, 及後到天水圍也沒有口喝, 總括而言, 也吃得過.我安排到近舖面的盡頭, 沒有燈光, 也沒有醃菜. 下次還要來吃.

七月廿日(星期日)同老公仔之前看過雜誌有關於雲吞麵的評分!分別有鏞記,沾仔記,還有劉森記...之前可能有眼不識泰山,未聽聞過此店!今日經過深水埗,陪老公仔買攝影器材,所以又可以來試試!找了很久都找不到,因為桂林街很長,而且炎炎夏日,行到老公身水身汗!最後終於找到,不過是分店,應該沒大分別!不用等位,坐下來就叫了一個蝦子雲吞撈麵...老公叫了個蝦子牛根撈河,再加個水餃,因為看來蠻新鮮!不過,等了15分鐘才有得吃,不是漏單,而真是要等的!很多食客都追單!等也是值得,如果是好吃的,時間不是問題!蝦子雲吞撈麵的賣相不錯,麵是老闆打的竹昇麵,沒有出面的鹼水味!而且麵質彈牙,口感十足,叫人一試難忘,是少有的好"麵"!雲吞是嬌滴滴,大不一定是好,小做得出色!最重要是用料呢!.....特別的是麵上滿是蝦子...那些粉惹味,與竹昇麵配合很天衣無縫!老公的蝦子牛根撈河也比我想像中做得好,本身無味的河粉,加上蝦子之餘,也加了牛腩汁!不錯!......水餃都新鮮,皮薄!有鮮蝦!果然是150間蔡瀾常去的食肆,過開來,我們定必再吃!.....................再來一個蝦子麵...唔該!

****16-7-2008****今晚同honey 食宵夜..唸起好多人話呢度d麵正~所以黎左試.去左呢間 (應該係新開既分店)~10時多.店內都坐滿8成人..叫左碗雲吞麵($17) 試吓.湯 - - 都係一般蝦殼煲既...不過好似有d"簡"水味..麵 - - 如果係出色既..係咪應該彈牙呢?但我地又唔多覺喎..雲吞 - - size 正常啦..但蝦唔夠大粒..總括普通啦~未見驚喜!!反而辣椒油幾好~夠香又夠辣!!

是晚與食友們談起劉森記，就出一個劉森記的食評。要儲多一點蛋麵的資料，怎能不來這裡，加上未來過新舖這邊，周日的下午，就來吃麵。來這裡當然吃蝦籽撈，再來一碗水餃加菜，很豐富了。吃麵之前，先吃酸菜，此品本用來中和麵的鹼水味，但這裡的麵放得夠時間，又做吹過冷河的功夫，鹼水味已所剩無幾，就當作是吃前菜吧！這裡的除了醃白蘿蔔，還有帶籽的青辣椒及紅辣椒，絕對是甜、酸、辣的味覺組合，也是其中一味來這裡我不會錯過的小食，每次也吃滿滿的一小碟才夠皮；撈麵上檯，舖滿了蝦籽，絕不欺場。麵沒鹼水味，吃起來爽身又有咬勁，加上蝦籽的鹹香，很有水準。略嫌欠缺了點油香。油本不值錢，可能是客人怕油膩的關係吧！仍然保持水準，難怪下午茶時間已過，客人還是絡繹不絕的；這裡的水餃也是不錯，包成元寶樣子的，賣相很好。蝦及肉餡味道不錯，而筍及木耳亦增強口感，還有下了蝦籽，加添香味。是除了黑柏葉及牛腩以外，吃得過的麵碼。埋單46蚊，吃得飽一飽。這裡的麵甚有水準，未試過的，要一試。當然如果吃過都覺得雲吞生/權記/雲吞成/沾仔記好一點的話，沒話好說。

上次來吃沒點蝦子麵，這次又來試試。蝦子水餃撈麵︰都等了好一會才送上，看到份量不是太多，對我來說就剛好了，不用浪費。蝦子鋪滿麵上，只需撈撈就可以吃了。麵條比較乾身，有一點硬，但總比腍腍的有咬口多了。最驚喜的是兩隻水餃，皮很滑，餡料多且爽口，而湯又十分清，好吃﹗這新店坐得舒適，企理乾淨，可以再來﹗

今天到深水埗驗眼，本身打算到譚仔雲南米線食土匪雞翼的，可是已經2點幾,過了午餐時間仍然很多人排隊，又免得每次到來都吃豬潤米，就斷然決定到對面劉森記食蝦子撈麵。叫了一個雲吞蝦子撈麵，撈麵很爽，撈了湯更好吃雲吞也是十分好吃的鮮蝦及豬肉都各佔半可還是雲吞只包蝦的麥文記略勝一籌啊!下次會還會再去的會試水餃、豬手蝦子撈麵蝦子撈麵實在是不錯呢!

某星期天睇完蔡瀾歎名菜發覺好少佢介紹既食店我同女友係Afford得到　劉森記 - 少數我地食得起的...　我地一行3人叫左蝦子云吞冬菇撈蝦子云吞牛腩撈蝦子云吞牛丸撈通菜嗯... 感覺上每一樣材料(蝦子...云吞...湯底 & 麵底)都係中上之選唔算最好... 又一定唔係差............. 不過唔知係咪佢地用得太多味精...女友&我&fd... 3個人食完... 都感覺到超口渴..... 又經過蔡先生既介紹之後呢間劉森記已經由之前既好多人... 變成而家既水洩不通啦......

可能真係物價高漲，一文一毫越來越唔見使。 仰名去劉森記，主要為食麵，但本人又非雲吞迷，叫左一碟豬手蝦子撈粗。繁忙時間要等，無所謂。但一來到，一睇份量就……唉左一聲。叫得撈麵，都諗住有咁上下大份，誰不知，麵量只及一碗普通湯麵。蝦子味就係蝦子味，無謂多講。但豬手，有無搞錯？一隻腳開兩邊，就係咁多！就算唔計較份量，唔好意思，皮都係剛剛稔身，入面條筋都未仲未透，好意思拎出來？食到好豬手o既地方唔多，最衰未輪到佢。但講到好，可以去柴灣魚灣村對面o既利華茶餐廳，有一隻半豬手，體積上等如劉森記兩倍。最重要係，豬皮滑溜，一啖可以索入口，而皮肉酥化，唔使點用力咬，一節節骨已自然脫落，每次食完都好有滿足感。我可以話，如果有劉森記o既麵，同利華o既豬手二合一，呢碟豬手麵就真係完美。又一次證明，食名牌，食招牌菜就夠，柰可我不吃雲吞。$28一碟，正價價錢俾你下午茶份量，係欺場，一係唔該賣貴5文俾夠份量。話晒係深水埗，咁多選擇，做乜要待薄自己，我不如食隔離豬潤牛面好過。竹昇面，鰂魚涌佳記仲好食過佢，價錢相約但俾足料。另一間係詠藜園擔擔麵，加個紅油抄手已經好滿足。講開，門口貼住「菜生」150間常去食店……呢個Lab

放工後逛黃金，順道去劉森記食水餃蝦子撈麵。蝦子好多同好香，麵夠爽，水餃餡料夠，湯好甜，正！

麵我就不寫了，因為這裡很多人都寫過。因此我要寫的是通菜醬汁，因為這些醬汁是蝦子腐乳，好吃!

同場的團友又有人唔食豬潤, 始終仲未有機會食到維記所以去了之前蔡瀾節目介紹的劉森記坐低一邊吃酸蘿蔔一邊叫野食, 叫了雲tun蝦子撈麵同黑百葉鵝腸酸蘿蔔唔係話好酸不過帶少許辣, 都幾爽口醒胃個雲tun蝦子撈麵有點叫人失望, 首先雲tun係幾鮮味不過無咩驚喜蝦子撈麵我就唔係好識欣賞, 唔係話特別香或者彈牙(不過親愛的說: "好多蝦子ar~ 同埋好香") 反而個大地魚湯最鮮甜. 黑百葉鵝腸好爽, 不過本身無咩味, 加埋少許薑蔥豉油都幾好味吃完不覺得有甚麼特別之處, 轉角個間老鋪會唔會好食d呢？

係呢度住左咁耐, 朋友問我深水埗有咩好食, 但我都唔識, 真係"魚"所以先到最多野食既集中地 — 福榮街, 試下出名既「蝦子撈麵」蝦子真係好多，而且麵亦好彈牙, 鹼水味都唔重, 可惜我對鹼水麵真係興趣不大加上我對蝦有間歇性敏感, 食完蝦子+雲吞, 夜晚就敏感發作喇對我呢個唔好蝦(海鮮)既人黎講, 雖然我唔係太鍾意食, 不過都覺得唔錯而且個老闆服務好好, 會主動過黎介紹呢度既推介, 但其他店員就麻麻lu

要了一個水餃蝦子撈麵，雖然只得兩隻水餃，不過水餃的size比出面食開果d較為大粒，每粒水餃裏面都有好似手指禁長的蝦２隻．麵好彈牙和爽口，蝦子的份量都算多，成碟麵都係，不過味道唔係太濃．個湯又幾好，唔知落咗d咩落去煲，同平時嗰d唔同，濃味好多，又唔會太重味精，幾好．另外有一個酸蘿蔔放在枱上，可以任食，又真係幾入味，唔會太酸又無糖精．價錢較為貴d．