劉森記麵家 (褔榮街)

营业中

休息中

今日經過老深，去食下久違嘅劉森記。叫左個冬菇牛腩加蝦子。冬菇肉厚味香，啖啖肉。牛腩味濃，充滿膠質，回味無窮。竹升麵無鹼水味，撈麵兩個麵低，夠飽。仲有免費任裝嘅酸蘿蔔。劉森記保持一貫水準，永無失望。😋😋😋

睇完電視介紹見到劉父子倆, 走了一趟! 自家醃白蘿蔔, 好得! 好爽, 酸味不強, 當小吃食。水餃拚蝦子撈麵, 可能我期望太大, 有些失望啫! 水餃是大大粒, 但包得吾夠實正, 口感差一點﹏ 混合蝦籽的麵, 反而覺得不夠香, 但麵的軟硬度適中, 可能少了一點香麻油。  

約了同事一齊去食麵，過了去深水埗福榮街，成日見佢地有好多人排隊食，咁啱見唔多人，等了一陣就有位。我點了蝦子牛筋冬菇撈麵+凍豆漿蝦子牛筋冬菇撈麵：蝦子有好多，好香口，冬菇好大隻，好滑溜，不過菇味唔夠重，牛筋炆得太過度，比較漿口，我個人唔太喜歡，味道不太夠味，整個麵份量十足，好飽肚。豆漿：支裝豆漿，沒有太大評價

因為電視有晚介紹叫劉森記個蝦子撈麵好似好出名跟住叫老公得閒同我試下所以老公話食過哩間話好好味今日難得我們接送嫲嫲所以順手帶她老入家黎下深水步因為嫲嫲多年都港島活動開他有幾十年無去過深水步今日分別叫了1碗蝦子魚蛋河1碗蝦子雲吞麵1碟柏葉牛腩撈上抬好似唔錯表面鋪滿好多蝦子河粉同麵我都有同嫲嫲分但因為老人家最終食不到麵所以只食河粉點知食左第一啖知道中伏了蝦子一d咸香味都無飲左一啖湯鮮味都欠奉麵質仲令我失望沒有彈牙的口感也沒有全蛋麵獨有的蛋香麵身又乾問下嫲嫲好唔好味嫲嫲話未又係麵一碗只有老公話好好食他話要食撈麵架嘛老實有湯都咁難食乾爭爭我真係唔想試囉

之前試過桂林街， 第一次來這家。星期六下午十二点多到達， 門口排左約十個人，排前D有位坐下等，約十分钟入坐，這店從等位，坐位和環境都比“桂”店好。太太和我對虾子一般（已前在"桂"店食過）, 叫了水餃麵和豬手牛腩撈麺。先吃点酸蘿白，喜歡吃仲系免費， 正水餃麵, 先試下湯底, 與一般店不同，鮮甜。麵口感爽, 彈牙。水餃也好正，裏面D木耳絲我好忠意食，但可惜只得三粒。撈麺，淋了腩汁令D麵有点粘粘的有膠質, 口感更好，豬手和牛筋都好得，唔會太咸。食物質与量绝对推介，价钱亦没因名氣而偏貴，比個like

Nov, 2014我同事話好鐘意食哩間d 蝦子撈同冬茹. 而我個人之前已食過, 評價一般. 不過, 同事又好想食, 咁我就再試多一次喇. 由於同事話冬茹好好味, 咁我地3個都一齊叫晒冬茹喇. 哈冬茹的確係夠晒厚同入味, 唔錯. 但係我個d 牛筋, 牛腩無我想像中o既好. 我同事話佢個碟d 豬手唔錯. 蝦子夠晒多, 但係唔知點咁. (唔識形容, 但唔特別喜歡)介蘭加腩汁, 好難唔好食. 哈~~起碼無苦先. 總結:兩樣餸撈HKD43, 無個種"嘩一聲"o既感覺. 可以再食, 但唔會特登返去食.

近日的政治活動以致青蛙住所附近的巴士, 將所有終點站由旺角變成深水埗。順理成章地唯有跟青蛙媽媽在深水埗覓食也。我們走在褔榮街, 看到''維記''人龍依舊,於是乎轉轉口味, 試了該區另一出名之食店''劉森記麵家''~人龍是有的, 但流轉快, 等了五分鐘便有位了。桌上的陳設以這一大樽醃蘿蔔最令人眼前一亮。可惜不是青蛙喜好, 如果有''喬''頭就好了, 青蛙一定會狂沾辣椒油來吃呢 ^^由於第一次光顧, 我們都花了少少時間來看一看餐牌~最終選擇了一湯﹑一撈麵share吃。雲吞麵想不到雲吞都有五顆, 而且內藏原隻蝦﹑帶出鮮甜味又彈牙~雲吞的Size剛好, 可以兩口吃一顆。不過麵質一般, 很快腍......水餃蝦子撈麵蝦子撈麵夠乾身, 但放點湯吃感覺易入口。蝦子味不似青蛙預期的香口, 只是口感一粒粒比較特別。麵質則比放湯吃的爽口多了~而水餃雖然只有兩顆,但內裡的用料充足,青蛙最喜歡它除蝦以外, 還有爽口的木耳 ^^

呢間麵店, 聽左好耐,今次在附近,真要試一試蝦子牛腩撈估唔到有好多蝦子,成個面都係d麵好爽同彈呀,好好味, 同平時食既蛋麵,真係差很遠聽聞佢既麵係竹昇,所以同其他麵店唔同牛腩汁很濃,而且d肉質係鬆既一碗小上湯,係當麵乾時加入的.試過就咁飲一啖, 同平時食既廣東麵店上湯是接近的另外,台面有一樽酸蘿白,任食架好好味, 真係唔多見出面既麵店有得食正呀!

星期日在深水埗雲遊，見肚餓就隨街揾嘢食醫肚。見劉森記門口有咁多食家名人介紹決定去試吓。一路都有大約10個人排隊，不過裡面流動快，10分鐘左右已經入得。先係叫左一個蝦子雲吞黑柏葉撈面。薑蔥黑柏葉好爽脆，加少少豉油已經好惹味。蝦子份量勁多，夠咸香，但加埋啲蠔油成個麵底偏咸。手制竹昇麵幾烟韌，不過個人鐘意麥奀記果種脆口。另外有雲吞湯麵，今次可專心食到麵條的味道，雲吞比麥奀記大粒，除左蝦仲有豬肉餡，應該無落胡椒去腥。

難得每星期一日假期先有時間去揾好野食和老婆啊仔三人....今次選擇了....竹昇麵世家(劉森記)門外等後10分鐘....入得...睇下餐牌我點了(牛根牛腩撈麵),麵沒有鹼水味爽口,牛根淋口亦帶煙韌而不失口感﹐牛腩都算淋但有少少渣水餃足料做得香滑爽口﹐皮薄餡不錯。少許豬肉混上蝦肉﹐再配上筍絲﹑黑木耳 ....GOOD湯頭不錯,好香,好勁大地魚味有蝦殼...喝了一整碗也不見特別口渴雲吞牛腩河:河粉冇乜特別...雲吞皮好滑，煮既時間都岩岩好，唔會因為煮耐左而爛皮。lol 至於 D 蝦，真係好爽，蝦味亦好鮮牛腩炆得淋,入味...正魚旦魚片河:河粉同上...魚旦同魚片一般來說都合格爽口有魚味...GOOD劉森記的確名不虛傳....有機會下次會再來試別的麵食^^

屈指一算，小弟已經幫襯咗劉森記十多年，由老店幫襯到新店，口味依然，價錢亦非常合理。佢地最出名嘅係自家製竹昇麵，麵質彈牙，無梘水味，而家好少地方有得食。第一次同 J 大人一齊嚟，梗係推介無乜人識得叫嘅「四拼麵」。由於餐牌上只有三拼麵嘅關係，所以無乜人知道有四拼麵。話説小弟點樣會發現有四拼麵呢?事源因為小弟昔日太為食嘅關係，樣樣餸都想叫，所以多口問問阿姐可唔可以叫四拼，所以先發現有得叫。單拼麵 $33 +每個餸 $5 ，如此類推，四拼麵就係$48。今次我叫咗蝦子牛根豬手雲吞撈麵$48，而 J 大人就叫咗蝦子牛根豬手水餃撈麵$48。大家等d麵煮緊嘅時候，記得要試下檯面嘅酸蘿蔔，味道啱啱好，少少酸，好爽脆，見到d辣椒唔駛驚，因為唔辣嘅。登登登登，碗麵終於嚟啦。蝦子勁多，好似唔駛錢咁，就黎見唔到d麵，好香;牛根好腍好入味，仲有四條添;豬手好腍，有兩大嚿;雲吞三粒跟湯另上，用料足，蝦非常之彈牙。你話嘞，咁足料，邊度搵呢？美中不足係當日有d小蚊滋間中騷擾下我哋，但係情況都可以接受嘅。

多時沒來「劉森記」，這天獨自一人午膳，忽地想起，與之一會。來到地方較大，環境亦較佳的新舖，叫來「薑蔥黑柏葉蝦子撈麵」，一次吃勻三樣店中馳名出品 ---- 未經漂白的牛柏葉、鮮香味濃的蝦子和買少見少的竹昇麵。牛柏葉未如想像中好吃，不過爾爾而已，較細碎，味亦寡淡，吃時非蘸醬油不可；蝦子就的確好，既多，亦鮮；竹昇麵也不差，爽口，量多，不錯。也沒放過這兒自家醃製的蘿蔔，微酸，爽脆，好吃。原來三十八元的午餐，因看見旁邊食客叫來的「椒絲腐乳通菜」，一時貪心，叫來伴麵，這頓午餐的價錢立刻升至五十一元，誰不知椒腐通太辣，忍不住之下，又叫來冰凍可樂一大罐，午餐價錢隨即飇升至五十七元，真箇是人算，不如天算呢！

劉森記，我又來了！本想去桂林街那家舊鋪探豆豆張相同食面ge，但系老字號多人排有排等，好野食咖係多人排啦所以就去了新鋪食，我地一家大細叫左好多野食黎劉森記當然要叫蝦子雲吞撈面招牌菜架係好食啦同埋面係手打GE超正啊我地又叫左牛拍葉中有水餃跟牛腩同埋免費ge蘿蔔leeD都超好食。大家下次去可以去試下喔！我地一路食一路望住d員工，佢地好勤力同好勁，包雲吞2-3秒又一個而且絕對冇偷工減料，差唔多個個雲吞都有兩隻蝦，而且包ge過程都好乾淨，水餃都包得好整齊，一個一個的。我會繼續幫襯劉森記ge，佢地要加油啊，繼續做落去，等我可以繼續去吃。

一向都知深水埗多好野食，但由於唔係住呢頭，所以好多都未試過。今次輪到試呢間人人都讚好o既麵店。前幾次黎都見好多人o係門口排隊，今日反而唔算等好耐，可能因為平日o既關係啦!同老公兩個人食，要o左一個蝦子牛筋腩撈同一個蝦子蠔油冬菇撈。碟麵真係好多蝦子，同出面食過o個d差好遠囉! 通常都係面頭放少少蝦子就算，但呢度就好足料! 牛筋腩好淋，好份味，唔錯! 但我個人真係推介冬姑!!勁大舊又夠味! 但蠔油就多o左少少，有d咸! 另外最正o既係每台都有一樽酸蘿蔔，可以任食架! d蘿蔔超好味，食o左勁多囉!!下次會再黎

已經不止一次食呢個蝦子面,次次都爆滿,一坐低都梗係食呢度最獨特既醃酸蘿卜,本人唔係幾食得酸,對呢個蘿卜簡直就係一食就愛上,有時食佐幾碟,眼見大半樽都俾我畢埋,唔係幾好意思.本小姐最中意食既鐵配就係冬菇黑柏葉蝦子撈.冬菇好厚身,而且又炆我好入味,黑柏葉點上辣椒是油好惹味.加埋冬菇既汁就算唔俾蝦及都好食.冬菇鵝腸蝦子撈,鵝腸唔多中意,因為唔係新鮮,用野哪過,變佐無味,不過係友人獨愛平時都會特登過來深水埗食呢個蝦子撈,因為我實在係好中意食