劉森記麵家 (桂林街)

营业中

休息中

和朋友出深水, 當然唔少得一巡劉森記.佢竟然係好少出深水的, 今次帶佢去威返次先!1點來到, 竟有位, 可能係開了分店, d人流去左d 果邊冇咁迫~當然係蝦子撈, 我要雲吞, 朋友要水餃.另加碟鵝腸先.蝦子撈水準一向好好, 今日都係, 夠爽夠彈, 正.雲吞有3粒, 水餃則只有兩舊但大粒d, 兩樣都係超正的~鵝腸已去肥, 但今日d 好像不夠脆...都係撈麵最正.服務很好, 姐姐全都好快手好友善.

没有叫招牌蝦子捞麵, 因想試試它的湯底, 所以叫了$26的豬手,黑柏葉,冬菇三拼的湯麵!!!湯底方面, 咸味盖過一切, 完全感覺不到甜美味道, 失敗之作!!豬手炆得夠淋, 南乳入味, 啖啖肉, 大大件, 抵食!!黑柏葉非常爽口弹牙, 不失招牌食物之名!!冬茹又是遍咸無鮮美, 但炆得夠淋, 啖啖肉!!手打麵有鹼水味, 彈牙煙韌!!結論是湯麵的湯底不合格, 來這裏都是叫捞麵吃吧!!!

到了此家,有很多食家相片,沒有試招牌雲吞麵,叫了炸醬撈麵.........點知x@yzzzxx,不知所謂.很難食.炸醤無味,而且半點辡也無........撈麵濕霖霖.少少亁身也沒有.此店唔應該賣炸醤,做壞招牌.劃上句號,不會再幇襯.

媽媽成日都有得去~知道好食~劉森記咁出名我當然不得不試啦~今晚終於有時間過黎呢度食麵喇~~三人共order: 冬菇牛筋河($22)~黑栢葉蝦籽撈麵($28)~淨水餃($18)~油菜($10)~麵未到~梗係食住酸蘿蔔先啦~好開胃~酸度剛剛好黑栢葉蝦籽撈麵先到, 嘩~好香~d蝦籽好吸引…冇加湯落去食..麵偏硬,有口感~但係都幾油…黑栢葉淋淋地架~但食落又爽爽地~好特別~淨水餃: 有5隻大大隻~好足料~水餃入面都有蝦籽..好味呀..~冬菇牛筋河: 原本係想要蝦球架…但已售罄喇…冬菇有3大隻厚身~多汁又鮮味~牛筋炆到好淋喇~ 所以都夠味~呢度既腩汁都唔好錯過~加埋河粉索味~真係諗起都想食~油菜: 份量都幾大~芥蘭好粗…烚得夠淋~但係依然綠油油~呢度d服務幾好架~個個呀姨都好有禮貌~不過埋單時要小心d, 今次都計多左$10~咁岩今次我又有先計定~但係媽媽話成日都計多左錢架..可能佢地太忙啦~好味當然要再去啦~

其實是在五月中已經食了…不過而家先開了個新acc，所以第一篇就決定寫佢了當日是工作已經做完了，要到長沙環交貨就收工，見唔駛排隊就入去食下其實今次是第二次來食，兩次我都是叫了碗牛根腩麵D牛腩好一般，反而最突出的是麵，因為真的一點簡水味都無，口感也好好...下次我也試一下雲吞麵...價錢也算可接受"不過D姐姐仔無記性又唔多禮貌，希望可以改善一下了

果日咁啱行開去深水埗, 就去試下呢間舖D野, 聽講佢D野食好好食.我媽叫咗碗牛筋河, 睇落几好, 但點知食落, D牛筋超硬同韌, 好明顯係炆咗無几耐! 我覺得榮記的牛筋比佢腍好多. 同埋果碗粉都大好多. 我果碗係魚片魚蛋麵, 個麵超細, 唔抵食 D魚片同魚蛋無咩特別, 但D湯就太濃, 食完仲覺得口渴. 食完之後下次真係唔想再去!

每晚坐底收工收九點，收工後才能吃飯的太公，回家晚膳，不太容易 - 往往人未離開公司, 肚子已餓得咕咕作響，回家再開飯，若想回家吃，就得再多餓1小時，實在是耐力的考驗。是晚正正就是餓得受不了，下了班，即以九秒九之速, 衝往深水埗。路過劉森記，徐徐飄來了蝦籽的香味，想起年前在此嘗到蝦子撈麵之驚艷，兩腳又不聽使喚，自動走了進去。要了個雲吞蝦子撈。蝦子的香仍然強勁，不過，吃下去鮮味沒有以前的濃厚，現在整碗麵也太乾了點，許是沒有澆熟油了吧？所以蝦子和麵之味未能融合，吃起來也過乾；不過麵的口感仍是那般的佳，手打的麵條沒有鹼水味，那淡淡的麥味更為突出。另一邊廂，雲吞就做得出色多了。雖然不是散尾雲吞，但勝在用料新鮮；蝦很鮮甜爽口，加上那混在裏面的肉碎散發出來的肉香，配合爽滑雲吞皮，很不錯。是次蝦子麵雖然失準，但劉森記的基本功依然紮實；雖然比同區粉麵店貴上一截，但為了一碗沒有鹼水味的麵，我樂意多付出一點！

嚟開深水埗，咁啱又行過劉森記，先知原來咁出名，門口已經排咗幾個人。雖然店舖係細，不過依然好多人，因為好食嘛!好少有黑栢葉食，所以就試咗個黑栢葉薑蔥蝦子撈麫($28),黑栢葉又真係好爽，真係好少食到九栢葉做得咁好。蝦子又夠多,同埋咁嘅價錢同份量，比起其他麫店好得多。我地仲叫咗個炸醬撈($24)，味道都幾好，不過我覺得好似有少少茄汁嘅感覺，所以唔係我最鍾意嘅嗰種炸醬。我地叫咗個淨雲吞（＄１８）8粒，真係好好味，又大粒，又多蝦，又有蝦子喺裡面，唔知點解咁好食，值得推介！　

食正餐前既最後一站︰劉森記。二話不說就叫左個雲吞蝦子撈麵，因為之前個晚已經決定左，哈。先試試個蝦子撈麵，好多好多蝦子! 但其實蝦子味並唔係好香，而且可能因為健康關係油唔夠（亦都係可能我自己食野太唔健康吧...!)，下次記得要佢加多D! 麵的確好爽，不錯不錯。再試試個雲吞—好好食呀!! 雲吞入面既豬肉同蝦既比例非常好，有蝦爽之餘有少少豬肉非常香口，比佢既賣點竹昇麵更好!! 話咁快就食晒。滿意的一站，好彩之前已經食左三站唔肚餓，因為其實份量都唔多。麵唔多，而雲吞有四粒，$28，如果當係lunch應該都唔夠。

今日去黃金之前，慕名而黎食晏晝。我叫咗個雲吞牛腩麵，果然好似其他食評所講，啲雲吞勁好食。裡面有成隻蝦，重唔係細隻，係好似蝦餃咁大隻。牛腩好林，都幾入味。個麵據講係自己整嘅，好似煮得耐咗，所以太林。湯麵加一樣料就 $18 ，兩樣 $22，三樣都先係 $26，不過個價錢同牆上面啲廣告貴幾蚊。我加咗碟 $10 嘅油菜同埋 $6 嘅支裝忌廉，$38 埋單。

一入去要等位老細已經非常客氣叫我地等陣亦有得坐住等感覺非常深水步非常親切等緊期間見到老細包緊雲吞非常熟手唔叫碗試下真係對唔住自己可能平時食開個D $10碗雲吞面呢碗雲吞亦都落足料蝦係見到肉而唔係見到一堆OBJECT面亦爽口

路過見到各人相,又見唔算好貴入去試試.蝦子我唔好,所以叫左牛根腩麵同淨雲吞,雲吞有原隻蝦有鮮味D豬肉好細細到好係粉咁,幾好食.牛根腩麵,我個人鐘意食清湯腩不過佢D根都幾好食腩就鞋左D,但佢D麵真係冇得頂,好食,個湯扁甜,甜過左龍少少.唔可以唔講係個樽酸蘿蔔,食野前整兩舊酸酸辣辣個胃開晒,食完碗麵又呢幾舊又可以食多碗,好食!!係上菜有點慢,不過唔關D阿姐事係得一個煮所以要等等,睇返之前D post 有隻貓貓今次唔見,下次再去搵佢.

今日同老公食 DINNER,,諗5到食乜之際,,1望過對面就見到呢間麵家,,好LA,,就俾個 QUOTA 你,,1.蝦子牛腩牛筋撈麵,, 蝦子好多,,幾香口,, 牛腩牛筋份量OK,,有D花椒8角味,,老公5仲2,,但我覺得OK,, D麵GE質地就好似同出面冇咩分別,,但就絕對冇簡水味,,2.雲吞麵,, 雲吞真係好好味,,仲有D蝦子係入面,, 多蝦又爽口,,老公同我都仲2,, 呢度D牙姐招呼5錯,,又有笑容,, FRIENDLY 過出面個D好多,,不過叫得麵家,,但係D麵俾5到我1個好深刻GE 印象,,所以只值OK LA,,,下次行過再黎試埋個水餃,,^^但5會特登黎,,

這天我同老細去黃金買野,去之前,走咗去劉森記醫肚. 雖然店好出名,但我係第一次去. 唔知係唔係出名,d啊姐有少少串,你叫野,她地好似唔係好緊... 其實我一d都唔肚餓,所以無所謂,但老細趕時間啊... 老細好開胃,兩人叫了蝦子撈麵,水餃,雲吞同菜心.蝦子撈麵先上,麵同蝦子都好夠份量. 其實個蝦子應該係主角,不過它又唔香,又無味,所以比個閒角麵搶晒鏡. 麵彈牙又無梘水味,交足功課. 上湯濃厚,空口飲都非常可口. 可能要配濃上湯,所以整碟味道偏淡,不過比個機會我配辣椒油,其實重正! 之後上的水餃同雲吞都好好味,大大隻,皮薄彈牙. 我即刻想買半打番屋企,不過下次先! 菜心都係新鮮又少根,不錯不錯.此行最讓老細心動係檯上一樽樽的酸味漬物. 老細係新加坡人,最好酸辣,對這裏漬物水準讚口不絶...見她食得咁開心,我都食咗兩件. 味道唔係好酸,但一定好開胃. 因為老細吃完自己檯果樽,重拿了隔離檯果樽,重想再落order. 好食都留返下次啦...

三月時幫襯左劉森記而家先開始補打返Ｄ食評我同男友分別叫左水餃蝦子麵同埋炸醬蝦子麵黎到既時候，哇。。真係好鬼多蝦子係上面而水餃又大大隻咁，Ｄ麵都幾爽口不過可能因為我對蝦子麵既興奮唔算大食時覺得蝦子雖然多，整體味道一般水餃反而唔錯