劉森記麵家 (桂林街)

营业中

休息中

聽朋友介紹劉森記的 麵很好吃和價錢便宜，就一試。那裏的衛生就不太好，因為洗手間不清潔和要往後巷。服務不錯，侍應温文有禮。環境方面，餐桌太細。地方： 深水埗桂林街48號地下(總店)。(糖水佬甜品對面)

來這裡食東西已經有很久的歷史了，早在什麼什麼食家之前已經常常來到了，而當時更加不知道這裡的麵是用竹昇做的，而只是知道這裡的麵比一般的好食爽口，當多人介紹之後這裡的人數多了而又開了另一間的分店，但不知怎樣說只會來這一間的舊店去食麵，今次就介紹一下這一間劉森記麵家。其實劉森記麵家附近的食店在這十多年都沒有太大的分別，旁邊的魚旦麵店、糖水店和蛇店都有了很久的歷史，沒有福榮街這一邊變化得這樣大，而劉森記麵家的麵也能在這樣多的人介紹下保持水準真是一個奇葩，舊店內和十年前的變化只是在裝修了一次，入面都是只有六張的四人枱，二人去到一定要搭枱，空間感一定會覺得有少少窄，而這店而一個特式就是養了一隻貓，很多人都喜歡和牠拍照。食物的選擇有傳統一般的廣東麵食:例如雲吞麵、水餃麵和牛腩麵等等，又有一些其他麵店少食到的麵食例如黑柏葉、鵝腸和冬菇，而這些都是可以配上蝦子來伴食的，除了麵食就沒有其他的食品，反而令這間麵家可以專心做好自己專長的部分。在這裡試過的食物很多，有相可以介紹的有: 薑蔥黑柏葉鵝腸撈麵、蠔油冬菇撈麵、蝦子撈麵、水餃撈麵和腩汁芥蘭。薑蔥黑柏葉鵝腸撈麵($30)因為外面少食到所以常常會叫這一味食物

好耐都冇去食,咁啱同老婆個女行經,就入去食野,我叫左個炸醬面,魚旦魚片河,剩雲吞,三碗野冇一碗好食,水準大不如前,炸醬面,d面林晒,炸醬得個酸字,雲吞湯熱,雲吞凍,魚旦林到,好似棉花糖完全冇鮮味,我老婆仲問點解個個人都食剩,仲使問,唔係佢大碗,係d人食唔落,老婆大人覺得d酸蘿蔔好正仲有d湯飲完都幾頸渴

整個吃的過程都十分流輰，加上服務員的良好態度，令人吃得開心。步出店子，與男朋友坐車回家，一路上，口裏仍留着蝦籽的餘香，令我倆回味不已，在整個歸途上亦感到幸福和滿足。令食客得到如斯感覺，這才是食店最大的使命。

今天Lunch, 跟同事們搭mtr過去了深水"土步"食好野, 原來這裡的蝦子撈麵咁出名的係門口等了一陣位, 見到有隻貓仔係鋪頭門口d汽水箱行來行去玩, 諗住同佢玩下, 點知佢都幾怕人, 一枝箭就入了店鋪去了~回正題, 結果係門口等了大約十分鐘左右, 眼見佢鋪仔細細, 都容納唔到好多座位~點了個雲吞+黑柏葉湯麵, 同事們問我為何不叫蝦子撈麵, 因為我撈麵麻麻地, 唯有下次再來試試啦~雲吞入面9成都係蝦, 所以好爽口, 不會多多肥豬肉係裡面, 讚!黑柏葉不腥, 這裡的切法不會太大件, 所以令到它不韌~麵都係好爽, 應該真係竹星麵, 先會咁爽口呢(80分)食食下, 隻貓好乖咁坐係客人的側邊, 有時會"喵喵"叫, 感覺好似招呼緊我地

一直都想試下呢間長間咁多好評既蝦子麵，之前係澳門食過難食既蝦子麵，令我對佢本身有少少怕。雲吞蝦子撈：香香的蝦子，幸好麵不太乾，否則吃起上來應該會渴喉，麵都夠彈牙。雲吞不錯，入面竟然又有蝦子蠔油東菇撈麵：為怕蝦子唔好食，特登嗌碟無蝦子費是一齊衰哈哈。東菇好香好淋，加埋蠔油，正果樽任夾既酸蘿白簡直令我愛不釋手，酸酸的太開胃！我會為左佢再返黎架哈哈哈又平又食到好野～

很久沒有來深水埗，維記的人龍比以前更長雖然有三間分店但也不想去迫。於是去了人數較少的劉森記吃一碟水餃蝦子撈麵，水餃和湯先送上來，先嚐一口湯，味道淡淡的沒有甚麼特別還是懷念楊記那份濃濃的湯。麵送來蝦子下得也很多，麵也沒有鹼水味，但混上他們的油使麵十分沾身。最後是這裡的主角水餃。雖然只有2粒但份量十分之大，大量的蝦和蝦子在當中味道自然十分豐富，加上還混上木耳絲、冬菇絲、筍絲吃時十分爽口味美。還有這裡的醃蘿蔔十分爽脆，酸酸的十分開胃。

劉森記每當飽飽哋唔想食太多時便會去食。跑完馬便駕車到深水埗行吓，行行吓覺小小餓便入去食~叫了蝦子鵝腸撈麵和蝦子黑拍葉捞麵和一罐可樂香濃的蝦子和彈牙的麵，最重要係沒有皂水味~

雖則聞名已久,但都是第一次踏足!!店舖看來不算太闊落,但足夠四五十人用膳的~踏進店舖已經傳來一陣陣蝦子香味,未食已經令人萬分期待!其實我跟男友是大約晚上10:30到達的,不是太多人~所以不用等位坐下不久先叫一碟炸醬蝦子撈麪,男友就叫雲吞蝦子撈麪!未久,一上台,就已經急不及待品嚐~果然不令人失望!!!!竹昇麪果然做到爽口彈牙!!!每啖都有濃濃的蝦子!!炸醬也做到很入味,但反而雲吞一般,裡頭的蝦不夠爽口,唔...真的較為遜色!!但還可以的!!同樣地跟麪附有的湯較為味精化,如果配合一碗經熬過的湯會更上一層樓不得不提的還有他們特設的{醃蘿蔔},是任由客人配來吃的,有心思!值得讚但它較甜,本人覺得再酸一點會更開胃更好吃!!!所以還有進步的空間~總括來說,我會再來的喔!!!

今日要去政府合署做身份證見仲有好多時間於是去劉森記食蝦子撈麵 ...仲諗住會有好多人, 點知唔算太多 =]叫咗個蝦子雲吞撈麵唔洗一分鐘先嚟咗個雲吞跟住等多陣, 個麵嚟埋, 睇住阿姐將成"pat"蝦子瀋落去 食隻雲吞 ...原來, 雲吞入面都有蝦子, 正 !!!雲吞個湯底好清, 冇乜油, 飲多幾啖都唔會肥 xdxd個麵都唔錯, 麵香+蝦子香 = 物有所值嘅蝦子雲吞撈麵 ...啲阿姐都好 nice 呀 ~

此店嘅蝦子麵味道ok,麵質爽得嚟唔會太韌,好過澳門祥記多多聲.蝦子炒得幾香,味道唔會太咸,食得出蝦子嘅鮮味.至於其它配菜就認真嘛嘛了,牛筋腩嚡到阿媽都唔認得,牛栢葉冇嚟味道,得個韌字,好鬼難食.豬手阿妹話有陣怪味,而且好咸,難以入口.總之就唔好味啦!!我覺得來此店淨食蝦子撈麵就夠了,其餘唔食都冇損失.係喎!!記住食佢嘅醃籮蔔,味道甜酸適中,籮蔔爽脆超好味,唔食就走寶.

I had a won ton Beef stew noodle. and it was bad.... the soup hand this strong taste that make the soup really not good. the won ton was not bad but the beef was just too hard. also the noodle taste like it was not done cooking. overall will not go back to this place again in sham shui po there are much better other noodle there

去完黃金...拎住兩三大袋...最近又幾好坐的地方初時唔知咁出名...入到去見到好多明星相...哈哈實冇死~同朋友都點左佢個蝦子麵~d麵好彈牙...蝦子好香~不過有少少salty...但ok的~$30...真係唔貴

個人都係鍾意去番舊店多D, 起碼冇咁多人... 之前食完腸粉就再呢食劉森記... 劉森記先係我既正餐吧!一坐底緊係先拎一大碗佢地免費既籮白.. 我自己好鍾意食酸籮白, 香港有得免費食籮白既我唸就只得一家了籮白酸度岩岩好, 好食再上既就係佢地既湯, 我覺得佢地冇落味精.. 鍾意呢度既湯比其它麵家既濃味D... 一家食店既好與壞就係由細緻野可以見到吧~主菜就係蝦子鵝腸撈... 佢地麵夠彈牙唔洗多講, 蝦子夠多唔會唔夠食..鵝腸好食..雖然唔可以求係新鮮鵝腸但我覺得幾好... 要話既就鵝腸冇咩味... . 順帶一提都唔知點解澳門賣所謂蝦子麵既可以咁貴.. 同呢度比劉森記既蝦子一定多過佢地果幾間幾倍... 免貴羅白湯蝦子鵝腸撈

今日同朋友去黃金, 順道去探訪劉森記. 聞名已久, 但都係第一次黎光顧.店鋪細小. 要等一陣位. 一入到去坐低已經聞到一陣陣蝦子既香味.二話不說叫個黑柏葉蝦子撈麵. 以麵黎講上菜速度都算慢, 慢功出細貨碟麵一上台, 即刻開左台面o個一大罐酸瓜先. 我同友人都好喜歡食. 但劉森記就成罐都係醃蘿蔔, 同埋比較酸. o係紅磡大光燈度就有埋d 有其他瓜食.蝦子好香, 仲有d 海水味. 麵又彈牙. d 蝦子又多. 好似o係海邊食緊咁黑柏葉加埋d 蔥真係好正, 黑柏葉本身冇乜味, 另外再加豉油, 真係好正. 黑柏葉好爽, 同食鮮魚皮既食法一樣. 我都一樣咁鍾意!個湯都好鮮甜不過$30個麵都唔算平, 而且唔飽肚. 但都會再黎食, 真係好回味!