劉森記麵家 (桂林街)

营业中

休息中

久聞大名終於在某日到訪黃金時順道光顧怕蝦子撈麵不夠飽所以搭多個薑蔥牛肉蝦子下得夠闊綽, 牛肉彈牙不過冇乜特別, 但有肉到肚始終令到個人感覺踏實一D! 薑蔥黑柏葉, 牛柏葉的真身原來應當是黑色的, 街上看見白色的牛柏葉相信我也不會有胃口去試了.另外牛腩麵亦很出色, 牛腩夠味夠彈牙!!好味道啊!另外還有任食的酸蘿蔔, 酸中帶點點辣且夠爽脆, 一食停不了

電腦不知因由的死機多次，把心一橫就直接去買部新機，順便也就在福榮街搵食，其中一間名店就是這間劉森記，曾在tvb蔡san的節目中出現，水準總有保證，不會吃到反台的。劉森記也有舊店新店兩處，這次去的是舊店，環境就比較擠迫，不喜歡的話可以去新店的。劉森記最馳名的是竹昇麵，雲吞也在電視上介紹過，就基於這個班底選了蝦子黑柏葉雲吞撈。一般吃慣的柏葉是白色的，看到黑柏葉不要以為是新品種，其實柏葉原來就是帶黑的，經過某工序才會變白和更爽口，至於甚麼工序自行理解吧。雲吞首先上菜，先喝一口湯，有著濃濃的大地魚香味，但又不會感到喉乾，湯底亦算清澈。再試一下雲吞，蝦有甜味而爽口，加上瘦肉和肥肉提高了鮮味，水準不錯，但似乎煮的時間過長，雲吞皮有點柔軟。等了良久撈麵終於上了，只見蝦子把所有的麵染色了，非常大方。黑柏葉的份量也不少，不過最便宜的薑蔥反而不怎麼見人(笑)。竹昇麵沒有鹼水味，可吃起來水份有點多，晾乾水的功夫做得未夠，這點對吃撈麵影響是很大的，因沒湯底作掩蓋。麵是有蛋味但不算太出，雖說蝦子的濃香會掩蓋其味(說實話這裡蝦子也並不濃味)，但麵的色澤還是看得出差一點，雖鴨蛋成本上漲，可我情願多付幾塊得到更好享受

同老公行完黃金,知道有間好味的麵店,專登來食試下! 其實剛剛3:00已經去左綠林甜品食野,都有d飽飽,但見佢的雲吞麵好正,就一於去試下啦!等左一陣,總於有位,叫左一碗雲吞麵 & 牛腩麵, 食下枱上的酸甜蘿蔔粒,好快麵已經到了!個麵無皂水味,仲好爽,好食過好多出名的麵店,$21的雲吞麵,竟然有5粒的雲吞,仲要係好好味,唔怪之得咁多人來食啦!老公個牛腩麵好香,佢試左我一粒雲吞之後,雖然好飽,都叫左一碗水餃麵,d水餃都好大粒好正啊!外賣客都會自取酸甜蘿蔔粒,見個男人係咁攞,老闆都無理佢,就知道d街坊成日來幫襯啦!店鋪雖小,但真係好多人來食,下次要試下呢度的蝦子撈麵,因為好多人都食呢個$28蝦子撈麵,仲要係好多蝦子,正啊!

很想到劉森記吃麵已久，今天假日，3人坐半小時地鐵到，門口已有人排隊，等了約10多分鐘有枱。要了蝦子雲吞撈麵、豬手蝦子撈麵、牛筋腩蝦子撈麵和一碟芥蘭。原本想吃薑葱黑牛拍葉，但售罄。雲吞有3隻，蝦爽皮滑，大小適中，我喜歡麵條沒有梘水味，但入口感覺乾身，這個乾度焯焯不大接受，他加下2湯匙湯撈勻麵才吃，蝦子不鹹，但沒有預期的蝦子香味。牛筋腩和只有2件的豬手夠入味和夠稔。芥蘭清甜，不用沾蠔油也好味。枱上的一瓶酸甜蘿蔔粒很開胃，甜酸味調配剛剛好。這裡的醬料生抽等不是用大陸貨，是地道香港貨，吃得安心又放心。這次中午麵餐由落單到吃完，只用了20分鐘，落單的和煮麵的都快手快腳，包括吃的人（還要影相）。

同小鬼學日文明明唔肚餓因為已經食左個HAN-BA-GA!但黎到都要食下野真係好鬼為食講左食少少但都叫左2個麵同油菜蝦子雲吞麵很讚!!!蝦子極多湯吸收晒蝦子的鮮甜超好喝!麵十分爽雲吞皮薄蝦彈牙不會過度醃不會吃滿口咸味很稱職的蝦子雲吞麵同湯面的感覺十分不同了蝦子有少少脆既薑蔥黑柏葉的薑蔥令黑柏葉生色不少!不用豉油已經十分滋味仲有個醃得非常好又唔係好甜又唔係好酸食到會停唔到口一路食就一路話仲有好多野好想食好想試WUUU出到黎先發現係可以三拼的唯有下星期再去食啦

又一次係OPENRICE漫遊之下發覺左一間老牌小店, 食評眾多, 食物亦合我口味, 咁岩又要去黃金砌部細路機, 決定去試一試你 (唔好意思喇深水埗新歡新香園同埋舊愛雲南風味米線)企係黃金門口揾間鋪係邊, 又上網揾地址又開埋谷歌地圖, 攪左一輪, 抬高個頭先發現劉森記就係正對面馬路......間鋪比想像中要細, 原本以為佢係兩個鋪位連住既入面得5-6張枱, 預左係坐得好迫唔舒服, 快快手食完就走隻, 而今次都要等一陣先有位 睇一睇餐牌, 決定要個蝦子黑拍葉撈麵, 同行友人就要蝦子牛腩撈麵, 再叫多個剩雲吞SHARE落完ORDER就即刻試下人人都讚好既免費餐前小吃, 浸酸蘿蔔食左兩舊細既蘿蔔, 青紅椒各一舊, 老實講我真係唔識欣賞, 本身對呢類酸酸味味個D野都唔鐘意, 好此道者都係自己黎試下好D 主菜黎喇, 兩碗撈麵先行殺到蝦子黑拍葉撈麵整體係好味既D麵真係好彈牙, 不過係咪真係自家竹升打製就恕我食唔出蝦子又的確好香, 份量幾多, 食到最後我連隻碟剩番係度既蝦子水都飲哂, 差D想賴埋隻碟上面D蝦子黑拍葉就真係普通到不得了, 平時打邊爐食黑拍葉就係貪佢夠爽口, 再可以同時索埋湯底D味但家陣我

作為一個港島人，真係好少去九龍食飯。難得去石硤尾欣賞藝術展，一定要順道拜訪劉森記！雖然八點食飯時間先去到，但都即刻有位坐。朋友同我心大心細，樣樣都想試，結果遲遲未落到單⋯而同枱的公公婆婆見狀，就分了四粒雲吞給我倆試!!! 又同我地傾計 果刻真係甜到入心! 好耐冇試過同陌生人一齊搭抬食飯，仲要有互動！！呢種舊區人情為呢餐飯加添左好多感情分 首先打頭陣的係雲吞，好足料，d蝦好大隻，絕不欺場！接住來的蝦子撈麵都好好食，蝦子味道唔算濃，但配合爽口的幼麵口感頗佳。朋友的牛腩牛筋河都好入味。蠔油生菜炒得好翠綠！整餐飯就係香氣同笑聲中度過 以大眾化價錢享受深水埗的「人·情·味」，超值！

深水埗對我而言，除了有時候去黃金商場買電腦用品之外，基本上是不會停留的地區。今日又是路過買完東西，突然心血來潮，去試試附近幾間馳名小店。聽說在用饍時份，不但餐廳內會擠得水洩不通，而且外面也要大排長龍。為免掃興，我決定五時半就開始開飯，先試的是劉森記麵家的‘蝦子撈麵’。一間小店可以獨沽一味可以賣到出名，又連開幾間分店，確實有其過人之處。麵質十分乾身爽口，卻難以置信地毫無我最討厭的鹼水味；蝦子份量甚多，滿滿地覆蓋麵上，讓每一口麵都帶有蝦子的咸香味，雖然撈了幾撈麵條很快變涼了，但在三十度炎熱氣溫下卻又剛剛好，食完感覺很清爽。另外也點了鮮蝦雲吞，味道不錯也很爽口。每張檯上都有一大罐隨意添食的醃蘿蔔，酸酸甜甜又爽脆，是非常開胃的小食，雖然都幾辣，我也忍不住吃了很多塊。雖然大熱天時食到身水身汗，但卻是非常便宜，簡單得來亦令人十分滿足的一餐。

好耐冇幫襯劉森記,又係時候黎食下,打下牙祭啦~!哈哈~星期六晚,七點到,仍不用等位。三口子躲於角落裡自成一國,不用怕別人搭台。今次冇再叫我愛既雲吞,轉試冬菇,因為成日食死用一樣悶架嘛。估佢唔到,d冬菇勁入味播,哇...之前一直走寶添!仲keep到係爽滑竹昇麵,牛腩依然咁好味。郊外油菜,都係芥蘭好食d,菜心嫌份量少左d。牛腩雲吞河,呵呵...妹子都激讚。是日星期六晚,但本小姐最愛既酸蘿蔔已告沽清,想食都冇得食lu 真係好好食架...!!美中不足呀!老闆~縱然加左價,仍舊會因為人情味而繼續幫襯。舖頭雖然陳舊,但自問比新舖來得舒服自在。店員都已記得既客人,窩心比任何東西都重要。堂食永遠比外賣好味好多!

試左傳說中的蝦子面，感覺很一般。因為雲吞吃得太多，就不叫，簡單叫了一個齋面。為什麼只吃齋面？因為這能試出真章。一個齋面也20幾蚊，感覺貴過出面，而且還是深水步地區。值得推薦反而是台上的蘿蔔，哈哈信我，入到去一定要吃距D蘿蔔，好開胃哦

十二點鐘到去到,已經開咗,幾乎坐滿,咁岩有人走,我地就可以坐邊邊位唔晒同人搭枱,地方就比較窄!我地坐低後叫咗水餃蝦子撈麵&雲吞蝦子撈麵,等咗幾分鐘就有得食,麵質幼細,但係好難分開,蝦子份量多,味道不錯!水餃同雲吞都好好食,好多人來買雲吞水餃外賣,所以呢2款食物應該係佢地既招裨食物

在還未懂得自己「搵食」的時候，曾跟父母在澳門吃過蝦子撈麵。那時並不覺得特別好吃，但卻在腦海內刻下了「澳門有蝦子撈麵吃」的一頁。長大了才得知蝦子撈麵並不是澳門獨有，而且也是香港不少店鋪的名物。在桂林街和褔榮街各設一店的劉森記就是其中一員。桂林街的舊店內只有六張四人枱，不過反正一人吃飯不難找位子，也沒什麼影響。進店前看到店外有一隻貓，聞說是店養的。坐在近門的位置，地方比想像的乾淨，可是不知怎的筷子蠻髒，而且也沒有東西讓你把它們清潔一下。撈麵凡價目簡單易計算，一種配料是$28，雙併是$33，三併是$38。叫了一會才有店員騰得出時間給我落單一個薑蔥黑柏葉水餃蝦子撈麵，不過她們的動作很快，也算友善。食物很快便上來，水餃跟麵是分開上的，放在一碗湯中。兩隻水餃絕不欺場，長長大大的，薄薄的皮包滿了材料，豬肉、蝦仁、筍、木耳和冬菇絲互相配合，咬下爽口，鮮味十足，難怪是名物之一。湯也不太咸，中間還夾點鮮味，不俗。薑蔥黑柏葉蝦子撈麵，不少客人都是點薑蔥黑柏葉作餸料。黑柏葉是未經漂染加工的牛柏葉，非常爽口彈牙，本身沒什麼味道，全靠伴隨的辣椒豉油。配上了點薑蔥絲，更為香口。自家不打製的竹昇麵不帶鹼水味，有咬口，

環境老舖比較擠迫未及福榮街那處舒適, 快來快去, 吃飽就走食物蝦子水餃撈: 竹昇麵一如以往的超水準水餃大隻夠內涵牛腩牛根撈: 同價中最抵食之選腐乳通菜: 腐乳既香且滑精髓所在酸蘿蔔: 麵前麵後吃都會胃囗大增服務靚姐個個都好客氣價錢埋單 $100 有找㊙湯的味精甚多囗渴程度

男朋友係呢頭做野，但食黎食去都係譚仔，今次上open rice見到劉森記甘好評就去食下啦叫左個出名既蝦子雲吞撈同蝦子拍葉撈..的確個麵底真係又爽又彈牙！不過對於我呢個雲吞愛好者黎講，d雲吞真係一般加麻麻！D帕葉更加係無味，d湯又好大陣鹹水味不過d蘿蔔真係唔錯！

不用等位但要搭枱蝦子撈麵都ok 好吃但又不是嘩一聲的好吃幾彈牙 我覺得有點鹹我認為普通麵更抵食我點了牛筋麵挺好吃的我覺得麵底的確不錯但下一次我不會專程一試oh, 蘿蔔真的好好吃好開胃呀我看見大家都吃很多