割烹 櫓杏 (iSQUARE國際廣場)

营业中

休息中

昨晚和朋友去了這間以熊本縣為主題的餐廳吃晚飯。一進入餐廳，侍應就帶我們去了個室。現場氣氛非常寧靜，加上個室有簾布的關係，形成一個獨立空間，可以在不受其他人打擾下，一邊看着維港夜景一邊吃晚飯。食物方面，無論肉、刺身等菜式的食材，都是來自熊本。單憑這一點，已經值得來嘗試一下😁。首先上菜的是「天草直送　新鮮刺身盛合」。由於餐廳的器皿都是用陶瓷做的關係（門口還有售賣各式各樣的陶瓷器皿），加上有心思的擺盤，如在食材旁邊放一顆石頭做襯托等，令整道菜式的賣相有如藝術品一樣。刺身共有四款，每款都很新鮮，特別是帶子和厚厚的拖羅！建議同時加點檸檬汁，可令刺身的味道變得更鮮甜突出。這裡亦有不少用到黑毛和牛的菜式，我點了當中的「熊本黑毛和牛蒜香炒飯」。雖然看起來份量不算多，但其實用料十足。每一口都吃到鬆口的牛肉粒，加上脆卜卜的蒜，令炒飯味道更香口，跟牛肉非常夾😋！另外令我印象深刻的菜式還有「吉列免治熊本黑毛和牛」，肉餅的外層脆口，切開裏面會有好多肉汁流出來，而且醬汁濃郁，和這個肉餅味道很配合。即使吃完肉餅，還想吃光碟上的醬汁。不過要注意的是，這個菜式是會席料理的菜式之一，因為在場有朋友點了讓我試試，我才吃到。

好多日本餐廳都會採用日本唔同地方嘅食材，但呢間割烹 橹杏就只係使用熊本直送嘅食材，務求令大家可以食到熊本嘅原汁原味。呢日就特地同朋友上嚟食午餐，餐廳可以眺望維港，環境好靚呢！點咗特製熊本黑毛和牛『和王』及特選『火之本豚』漢堡扒定食($198)，定食非常豐富，主食之外，仲有麵豉湯、沙律、小砵等。『和王』及『火之本豚』漢堡扒本身已經熟，店員再細心地放喺火爐上，令到漢堡扒保持溫度。之前都有係其他地方食過『和王』，牛肉需要雪花紋理BMS值達到六級或以上的肉質，先有資格稱為『和王』！熊本縣因為水源豐富，所以飼養出來嘅『和王』都帶有獨特嘅溫和肉香，混合熊本『火之本豚』豚肉做出來嘅漢堡扒，肉質軟腍鮮嫩，味美多汁。店員亦建議我們淋少少秘製醬汁，果然令到肉味更加突出。沙律菜睇落平凡，原來呢D蔬菜全部都係聽住莫札特長大，非常矜貴！麵豉湯調味剛好，茶碗蒸熱嫩滑有蛋香，甚有水準。食到最後仲有兩片香甜多汁嘅哈蜜瓜作結，實在太滿足啦！

今年3月跟家人到過熊本旅遊後便對熊本念念不忘。當地因地理環境造就了農產業蓬勃。得知香港有一間熊本縣的專門餐廳,一於同老公去回味一下。割烹 櫓杏位於Isquare 28樓, 一入到去就知跟一般餐廳有分別。被安排到靠窗位置,一路望住維港一邊品嚐美食熊本縣最出名就是農作物,一定要叫個沙津食吓先沙津只沾上日式沙津醬汁,沒有經特別調味已經覺得好好味再配埋天草產的紫菜,連肉食的我都秒速K.O!!再黎廚司發板8件壽司唔好以為熊本縣只係得農作物,他們的海產全部都係來自一個叫天草的地方。呢個應該係燒左口魚裙邊,輕輕炙過魚油滲出再來係必食推介的熊本黑毛和牛壽司店員會係客人面前燒至半生熟,每一片和牛都大大片入口即溶,超幸福!!龍膽豬肩肉西京燒, 西京即是日本的味噌。比期待中較為淡味,可以重手小小XD 炸天草大王配蘿蔔蓉酸汁雞肉幼嫩酸汁開胃~正再黎熊本野菜粉團湯,呢個係熊本試過後一試難忘。果然呢度無另人失望。用上天草大王煮成的雞湯想濃,再加上牛蒡等其餘蔬菜令到雞湯變得香甜最後放上粉團,聽說以前熊本人就是這樣當主食。 粉團湯香甜暖胃,推介推介!!最後其實我同老公已經無晒戰鬥力,唔知係咪咁難得的熊本黑毛和牛香蒜炒

又有一段時間冇同媽咪撐枱腳食餐好，呢日中午就去咗iSquare 28樓嘅割烹 櫓杏食午餐。iSquare高層嘅餐廳都有『絕景』，割烹-櫓杏都唔例外，餐廳有開揚嘅維港景色，而且欣賞餐廳私隱度極高，分成一個個小包廂，好適合傾計！割烹 櫓杏嘅食材，包括：肉類、鮮魚、蔬菜、水果及酒類，都係來自熊本縣。門口位置仲有一個迷你百貨，售賣熊本縣嘅果汁、醬料、蔬菜等等呢！有興趣嘅朋友可以睇下！我點咗熊本天草直送鮮魚刺身御膳($298)，五款刺身都係天草直送，非常新鮮。帶子口感柔軟，味道鮮甜；油甘魚魚味香濃，口感細緻；吞拿魚雖然唔係拖羅部位，但入口無筋，魚味較重；牡丹蝦爽滑鮮甜；立魚魚肉細膩甘甜。茶碗蒸亦水準不錯，除咗做到基本嘅蛋要夠滑之外，茶碗蒸亦用上鮮甜嘅高湯去蒸，所以味道非常鮮！至於沙律菜原來非平庸之物！所用嘅蔬菜唔淨只係來自熊本咁簡單，原來係聽著莫札特音樂成長嘅蔬菜！非常搞笑！除咗漬物之外，仲有飯後水果。哈蜜瓜香甜怡人，確實係一餐飯最好嘅作結。

呢排天氣翳焗心情不免煩燥，想食餐好啲坐得舒適啲來對自己好啲~上網搜尋一下，見到呢間櫓杏割烹環境好像好舒適，menu又多選擇，就立即致電book枱！我予約了午餐時間，上到來看見門口裝潢的確很具日本風！入到去後，室內環境簡直令我有置身在日本的感覺，我被安排坐到一個大玻璃窗的位置，能俯瞰整個維港景色，頓時悶氣消了一半打開menu, 見到一個名櫓杏特製熊本牛蒡麵及天婦羅御膳相當給引我，就決定要這個餐~食物來到！配上景色，當然瘋狂影了一輪相再慢慢品嚐！等待午餐來時呷一口茶望著這個景色已經夠寫意~御膳來到後心情更舒暢起來，影了很多相再慢慢品嚐~燉蛋好香滑，還有冬菇和肉的鮮味~冷麵跟平時食的不同，每條麵有些一點點應該是牛蒡的東西混在其中~麵質軟靱適中，伴著葱花來吃，牛蒡有清熱作用，混進了冷麵內確是暑氣全消！牛肋也非常好吃，裡面每一件什至蘿蔔也很入味！天婦羅不油膩，很香脆，每件都能食到本身鮮味！直的很有驚喜！南瓜和蕃薯又很甜蜜瓜是來自熊本縣很香甜啊🤤這餐眼福肚福都滿足，煩熱也一掃而空了~

返工同同事趁星期五黎尖沙嘴食team lunch揀左isquare既呢間日本餐廳食d lunch set價位由$200-$400不等我就叫左呢個有壽司 天婦羅 烏冬 同茶碗蒸既set重點始終係壽司度 每一件都好新鮮 魚類肥美 蝦類就好鮮甜 對得住佢既價錢除左食野 當然要欣賞埋佢既維港靚景啦有得嘆住食lunch先至係happy friday!

望住維港，享用美食係最好享受！朋友介紹下來到這間位於isquare28樓的日本餐廳試試，一入到來已經比無敵海景吸引~視覺享受了一下才開始睇餐牌Lunch有幾十款set, 款款都令我流晒口水！經staff介紹食材都從熊本新鮮運到，最後我選了個熊本黑毛和牛「和王」西冷丼！這個set有蛋、牛肋骨、麵豉湯、蜜瓜燉蛋好香，有冬菇、雞肉還吃到好似蟹肉，實在太正大啖大啖就吃晒了。而這個牛肋骨真不得了，又稔又入味，個汁好味到想要飲埋去前菜已經咁正，主角就不用講，和牛入口溶化，配上特製醬油好味到不得了，中間有隻溏心蛋，蛋黃是凝結不是一篤就穿，可以一啖一啖地咬，蛋香味濃，還有些漬物，整碗配合起來真的很好味！最後吃埋2片鮮甜蜜瓜，真係很滿足！還有這杯茶也很好喝，一問下原來也是熊本縣的產品，一路喝著這杯茶一路望著面前的景色，很好的一天！朋友真無介紹錯👍🏼

前幾天朋友介紹下，到這裡和朋友享受左好滿意的一餐！👍首先一坐低，店內環境唔錯，一早訂位的我們被安排坐在窗邊位，望住維港景色非常寫意！午餐選擇竟然有31款，而且食材都由熊本直送，全部睇落去都好吸引，最後揀選了平時在香港少吃的吞拿魚醬油漬飯！午餐set共有前菜，蒸蛋，主食及甜品。好鐘意食蒸蛋的我事不宜遲先試一口，蒸蛋口感順滑，除了濃濃的蛋香，亦有不少配料在內，令蒸蛋有更豐富的味道。到重點呑拿魚醬油漬飯，用醬油醃過的呑拿魚無有因醬油此蓋過食材的鮮味，相反讓味道更富有層次感，而且食落去「齒頰留香」，充滿醬油和呑拿魚的魚香 😋😋😋最後有小驚喜的是甜品，菠蘿🍍比平時食開的更香更甜，清爽的口感為午餐帶來完美的句號😍😍😍下次要再來試其他午餐，好期待天婦羅！

男朋友生日飯預訂了週末中午時段，餐廳的空間感十足，週末也不覺人多嘈吵。慵懶的正午陽光☀️伴美味的日本料理🍱再適合不過，一邊欣賞尖沙咀的街景與維港景色，一邊品嚐擺設十分講究及精緻的set lunch。Set Lunch有好多選擇，有刺身、和牛，鍋御膳，仲有熊本地道御膳等等...爭扎完我地決定叫刺身丼同赤牛丼。只可以說，set入面每一樣食物都好好食🤤而且分量十足。拖羅入口即溶，係「哇」出聲個種，我地最後仲encore咗單叫拖羅刺身，赤牛配既醬汁同蛋汁融為一體好夾，不過唔建議落太多，會搶牛肉本身既味道。餐廳仲好貼心幫我係甜品寫咗happy birthday 🎁 ，仲有個好得意既音樂盒播住生日歌👏🏼，好滿足的一次美食享受！

預早一些致電可訂到窗邊靚景位置，在尖沙咀28/F 的高度，看著對面海的中環景致，享用著熊本新鮮直送的午餐，頓覺煩惱盡消。一打開餐牌，午餐定食有41 款之多，款款都好吸引，友人點了一個set有齊鰻魚丼、三色丼、碎吞拿魚丼，一共三碗飯丼, 配上沙律菜、茶碗蛋、酸瓜、蜜瓜（心想，可否3 個女仕叫一個set 分享🤣🤣🤣）。而喜歡sushi 的我就要了12 件壽司定食。壽司質素屬中高，不錯，絕不會有浪費了quota 的感覺。下次會再來試試他們的牛肉、豬排，不竟是熊本直送，期待！

上班日的午餐是我的重要的energy來源😂，一次偶然和同事到訪後非常回味，早幾天趁著和媽媽在附近逛街，也帶她享受一個悠閒午餐 😋第一次到訪在31個lunch set之間十五十六，最後選了有6件壽司、4件天婦羅再配烏冬的套餐！六款壽司新鮮無須點豉油已經有魚/海膽的鮮甜甘香；天婦羅蝦非常大隻，薄薄的炸衣配上新鮮彈牙的蝦令我相當驚喜，其他蔬菜天婦羅當然亦也有一樣水準 😋 以298元的set來説，有六件包括海膽、魚子、拖羅等壽司加上5件包括大蝦的天婦羅和烏冬，性價比極高！第二次再訪，這次坐在窗邊，看著維港景色吃午餐寫意悠閒，今次吃另一lunch set - 熊本產呑拿魚醬油漬丼。這個丼物也當然讓我非常滿意😆 吞拿魚醬油漬依然能夠保持吞拿魚的鮮味，醬油不會太鹹，反而讓呑拿魚的甘香更為突出。中間的蛋黃是神來之筆，配上吞拿魚和白飯一起放入口中，濃厚的蛋黃香讓口感再提升一個層次！此外，蒸蛋香滑而且足料，菠蘿甜度滿分，美景美食令我這個午餐食得又飽又滿足。😍😍😍

今日約左老婆來櫓杏食dinner  位置在國際廣場28樓。上到去已經見到別樹一幟的門口。原來是以熊本城為藍本設計。侍應招呼我地去窗邊的四人位，十分寬敞，還可以飽覽維港景色，可以一邊喝著熊本県出產的培茶（順滑香甜）一邊睇景，絕對是一個享受。我們點了個沙律，因為他們所有食材都是熊本直送 ，而沙律菜更是聽著莫札特的古典音樂成長的，口感更爽甜、紫菜包著沙律菜夾著酸酸的汁令人倍感開胃。自家制芝士豆腐入口時會有煙燻味，質地偏實，食落帶點苦口，我相信同來佐酒是一個絕配！壽司8貫 由廚師發板。8款都不同，分別有吞拿魚、深海池魚王、平目魚、金目鯛、火炙平目魚群邊、鯖魚、海胆和三文魚子 全部都由熊本直送。非常新鮮，配合師傅的手藝，正！！和牛壽司：將黑毛和牛薄切，上枱時全生的。可以看到漂亮的雪花和牛。然後侍應會在客人面前即席火炙，客人可以因應自己而選擇熟成數，三件壽司都有不同配料(鹽、蠔葉及海膽) 逐一品嚐每件壽司的配料與和牛之間的微妙口感。絕對絕品！！推介最後叫左個和牛粒炒飯因為和牛粒可能炒得比較長時間。所以一係就好硬一係就成粒都係肥膏 食唔出係和牛應有既juice 同香。感覺係和牛的（頭頭尾尾）。食落好

是晚來到坐落於尖沙咀I square 28樓的割烹·櫓杏 地理位置優越 行街shopping 完就上黎開餐環境闊落舒適，枱與枱之間都有適當的距離坐窗邊可以睇到維多利亞港 就岩時間仲睇到幻彩詠香江 一坐下侍應便遞上熱毛巾 熱茶 Menu打開menu 每樣都想試 （刺身 壽司 大岩蠔 天草大王雞翼 黑毛和牛西冷丼 竜胆豚肉涮涮鍋）但怕眼闊肚窄猶豫之際 侍應了解我們喜好後然後提議可先點沙律 刺身，壽司食完後可按需要再點雞翼 和牛西冷丼/和牛涮涮鍋）服務非常貼心❤️前菜點了 熊本阿蘇產 莫札特蔬菜究極水聽個名都覺得矜貴以鹽水作調味 可以食到蔬菜嘅鮮甜新鮮天領岩蠔份量十足 壽司盛天草大王雞翼King size 雞翼 大到好似火雞咁燒得皮脆肉嫩 回味無窮 一試難忘🤤🤤🤤竜胆豚肉涮涮鍋豚肉肉味濃郁 入口即溶可先喝湯頭 再加豆腐入湯水 最後按自己喜好加入胡麻天椒 湯加豆腐加胡麻天椒嘅配非常合拍 連平日不愛吃豆腐嘅我 都食左2碗👍🏻👍🏻👍🏻

食午餐之前已經試過，真係非常得！特別係個赤牛丼。。。。今時今日因爲日本個邊都唔夠分，所以無得出口。要試下赤牛ge滋味，只好坐飛機去熊本先得啦。講反正題，今次老婆生日食飯，出手點都要重d。刺生壽司點都唔少得，呢兩樣最食到食材ge 新鮮。一睇d相睇下魚d光澤，應該唔需要其他形容詞。朋友萬二分推薦左岩蠔，一樣都絶對無失望，不過岩蠔一向都係大大隻，但海水味會淡少少，呢隻就絶對唔會！！有機會真係要試下！再叫個雞翼諗住串燒size ，一送到上黎就真係嚇到。。。。點解會咁大隻？！絶對有火雞翼咁大隻。。。。但係口感超一流！d雞皮爽脆到十足！！！送啤酒真係一流！到最後，好似差d熟食，所以叫左個鍋。點知全晚最驚喜係佢！呢到d湯頭清甜十足！加少少胡麻天椒配豬肉，真係驚為天人！！全晚除左服務員生手左d之外真係無咩問題。(香港人)如果識日文，有過靚姐姐會過黎service 😂識日文記住過黎試下！

今日陪老闆同個客傾生意，招待客戶的午餐當然唔可以頹，搜尋一下發現isquare高層有間高級的日本料理餐廳，食物及用餐環境都係一流。餐廳安排我們到窗邊位置，望到廣闊的藍天和海景，面對客戶的緊張氣氛立即舒緩了而餐枱之間有一定距離和有間板，私隱度大增，傾密計唔使就住就住，需要服務時可以按一下枱面的按鈕，服務員亦多次主動幫我們加茶，十分貼心。食物方面選擇非常多，由定食、御膳、到會席料理，全部都選用高級食材，由熊本天草新鮮直送。介紹返，我的午餐 － 味噌煮天草鯖魚定食第一次可以個人獨霸咁大條鯖魚魚身結實飽滿，肉汁鮮甜、魚腩肥美香濃，一點腥味也沒有。這當然了，天草是熊本縣的一個無污染外島，魚獲是非常高質，其中零水銀吞拿魚更是令人嘩然。師傅用特製的甜味噌去烹調，令鯖魚的每一個部分都滲透入味，鮮甜的味道超級開胃，幾乎骨與骨之間的肉都吮盡，可以送三碗白飯至於定食的配菜會因應不同季節時令調整，亦是由熊本新鮮直送，保證客人品嚐到最當造的蔬菜。另外還有麵豉湯和甜品滑到好似豆腐咁的芝士蛋糕。客人仲可以係餐廳選購熊本的蔬菜、水果、酒水及茶具名物，好有心思，我都拎返啲旅遊資訊，下次直送自己去熊本