割烹 櫓杏 (iSQUARE國際廣場)

营业中

休息中

假日最好就係自然醒，食個靚午餐，靜靜咁比自己休息一下。今次第一次去位於i square既割煮 櫓杏享用午餐，侍應安排我坐係窗邊，包覽維港海景，同隔離枱仲有布簾相隔，私隱度甚高👍🏻👍🏻叫左個熊本天草直送鮮魚海鮮丼一set有齊丼飯、茶碗蒸、前菜、麵豉湯同水果，相當豐富！有拖羅、鱸魚、鯛魚、紅魚、青魚、生蝦、炸蝦頭、玉子等配料，刺身好新鮮，完全唔腥，拖羅仲要入口即溶！而炸蝦頭脆到可以成隻食，對平時唔係好食蝦頭既我倍感特別！生蝦刺身超大隻，肉質豐盈彈牙茶碗蒸有菇、蝦做配料，口感豐富；西果用黎最後清清口腔，清甜超fresh！呢到門口仲有一個區擺左啲陶瓷制品比客人買，亦有新鮮食材揀，真係唔止食lunch咁簡單！