利寶閣 (已結業)

好耐無食中菜，今晚放學就落左銅鑼灣食飯，諗起利舞臺有間幾出名嘅中菜廳，於是去試下。第一次嚟利寶閣食，個場睇落唔大，原來好多客房，套房都幾大。我地兩個人就坐係普通枱，位置闊絡，但冷氣吹到勁凍，佢哋話係中央冷氣無得校，所以怕凍嘅都係著返件外套！我地要左份谷飼豚肉叉燒飯配原盅彿跳牆($188)價錢唔平，但想試下係咪真係咁正～半熟太陽蛋，蛋汁撈落鬆軟飯粒度的確係加分之處。不過重點都係叉燒，不愧係谷飼豚肉，瘦得嚟口感鬆化，啖啖肉香，無肥膩感，確實唔錯！彿跳牆估唔到咁足料，有海參、魚翅、雞腳、花膠、飽魚，全部都係靚料，尤其魚翅又多又厚，好有膠質，夠曬滋補！食中菜我一定要點我最愛嘅兩味餸，就係龍躉兩味！碧綠炒斑球(小) $108斑球係龍躉魚肉，應該爆香過，好香口，魚肉嫩滑，魚皮好煙韌，啖啖肉好鍾意呢味！三色椒蒸龍躉頭腩(小) $98呢個反而覺得有啲唔扺食，骨多肉少，成碟得兩舊係無骨，魚皮仲有好多魚鱗，鍾意食佢煙韌嘅皮，損得有啲辛苦><!!但味道唔差嘅~最後要碟菜補充下纖維！魚湯雲耳泡菜苗(小) $68魚湯胡椒味重，幾開胃，白菜仔新鮮！感覺唔錯，係雲耳無我想像中厚~整體感覺OK，佢個叉

難得約左朋友去銅鑼灣，當然要食好西。服務態度非常超正, 好有禮貌，每放低一道菜都會講句 '多謝', 今時今日有甘的服務，梗係要比 LIKE！原盅佛跳牆，本來見到價錢 $188，無咩期望的，來到一打開，有鮑魚、遼參、魚翅、花膠、瑤柱，絕對超出個價錢，湯底唔錯，無味精。谷飼豚肉叉燒飯，見到個名都知係叉燒飯，叉燒半肥瘦，剛剛好，口感一流，再加上雞蛋係半生熟，蛋黃豉油撈飯，份量唔多唔少，每口都有蛋味。貪過引叫左個炸牛坑腩，以前無試過，抱住試一試的心去食，牛腩吾太林, 有趙口，好滑好入味，外層炸完脆卜卜, 粉好薄身。芝士流心蝦球，新鮮炸好的蝦球，蝦味吾算重，芝士依然係流心狀態，令人吃不停口。最後甜品芒果卷, 好滑好軟身, 又夠凍, 都只係30大元, 侍應急忙去比乾淨碟我地, 好 SWEET!

由於上次試過去尖沙咀分店，已被餐廳的叉燒深深吸引，今次來到了銅鑼灣，決定再encore 叉燒飯！銅鑼灣的這間分店位於利舞臺，地鐵過來只需要行幾分鐘，十分就腳方便。環境方面，餐廳十分整潔衛生，裝潢亦幾華麗，令食客十分舒適。食物方面，我們點了谷飼豚肉叉燒飯配原盅佛跳牆、上湯焗龍蝦伊麵及脆皮香芒蝦球。☝🏻谷飼豚肉叉燒飯配原盅佛跳牆每次來到都必點的菜，一如既往，叉燒飯很香很好吃，肉質嫩滑，佛跳牆料多湯又鮮又甜☝🏻上湯焗龍蝦伊麵龍蝦分量多，伊麵入味，薑蔥香味濃☝🏻脆皮香芒蝦球出乎意料地好食，蝦球脆卜卜，配上芒果的甜味原來好match整體而言，利寶閣是一間有水準的中餐廳，是會再encore 的一間中餐廳。

今日中午行時代廣場shopping, 中午搵食就行咗去利舞臺上面果間利寶閣酒家午膳，唔使點等就有位！坐落開茶，點咗三樣點心同埋一個海鮮魚湯米粉（半份$68）點心有北菰棉花鶏XO醬煎腸粉，同埋十勝紅豆包！茶杯好靚！海鮮魚湯米缐，半份已經夠兩人食用，有蝦，花枝片，帶子，班塊，同娃娃菜配襯，魚湯味濃，海鮮配料也新鮮！這個棉花鷄鷄肉新鮮，魚肚大大塊吸收咗肉汁，變得味道可口，加上大大碟件頭，感覺抵食！XO醬煎腸粉，以石煱上桌，夠哂保溫，腸粉幼滑，以XO醬混和煎香，色香味也見水準，好好食！十勝紅豆包，表面平凡，但咬落紅豆餡十分可囗，加上夠熱，亦是水準製作！兩人食哂咁多點心同米粉，已經十分飽飽！

平時都好少同朋友食中菜，不過友人睇到利舞臺有間中菜廳有佛跳牆，不禁要叫我呢個好少飲到家常湯既試試！同埋佢哋好細心，知道依家香港人只有兩三個飯聚，所以有份量可以㨂選真係好懷舊既叉燒煎蛋飯，即時想起兒時的家常便飯。主角黎啦！真係成梳翅放係面😱😱仲有大花膠、原隻鮑魚、冬菇、海參，真係滿足左我大大期待的熱切感！我哋仲叫左炒斑球，煎得香口得黎，仲保持到魚既肉汁，仲好鮮味！依家好多地方都無整藕餅，真係一再回味之選！香芒蝦睇落以為係沙律醬，但原來係鮮芒打成既汁，真係鮮味十足！仲要每隻蝦都大大隻❤️勁爽口彈牙🌹

夜晚上到利舞臺搵食，經過利寶閣就比poster吸引住，因為見到傳聞中嘅＂黯然銷魂飯＂。第一時間入去攞位。坐低除咗睇餐排外，見到啲杯杯碟碟都幾精緻。好快主角上場，嘩，堅正，色香味樣樣有。叉燒好林丶啲蛋撈落啲飯到加埋甜豉油，呢個配搭非常正。佛跳牆都係第一次食，原來都好足料，有鮑魚丶海參丶魚鮙丶花膠丶冬菰丶豬肉。清甜又好飲。呢個就係個餐夾埋個様。另外，又揀咗另一個餐，龍蝦加清蒸花尾仔，都好低食。龍蝦開邊都算大隻，加埋伊面嘅味道都幾好。清蒸花尾仔大約有一斤半重，魚質又幾滑，蒸魚豉油送飯一流。最後，當然有糖水送，係紫米露。

今日雖然好忙，難得約到契媽食午餐，佢鍾情於中菜，我帶她去飲茶啦環境舒適，坐無虛席，等了15分鐘才有位先叫叉燒蛋飯配老火湯套餐，叉燒燒得好靚，外脆爽口，肉質嫩滑太陽蛋撈埋入飯加少少豉油，嘩，好味啊，豉油甜甜，飯味更香老火湯煲出豬肉香味，配上湯料，飲完滋潤保濕蟹籽和鮮蝦蓋上面，彈牙美味，燒賣內夾有蘑菇粒，菇味不會搶走蝦的鮮味，好食熱辣辣小籠飽，沾上醋汁，咬一口，醬汁爆出，鮮香美味大大隻鵝掌，大蘑菇，菜芯，加埋鮑汁，撈起伊麵好滑好香的麵，完全浸透鮑汁味，好棒👍新推出套餐午時套餐點心多款選擇

平日認識的利寶閣是一間高價飯店，估唔到都有親民優惠，今晚為咗惠勞手下，幾個人特別去食$188一份的穀飼豚肉叉燒飯配佛跳牆餐，確實完全沒有將貨就價，叉燒肉質香嫩，非穀飼豚肉不能，另外煎蛋一樣做到完美太陽蛋的水準，碗飯又夠香，仲細心地陪兩條菜。至於佛跳牆，有鮑魚有翅又有花膠，冬菇雞腳及瘦肉齊，夠火喉。其他菜式都唔貴，$68的琵琶豆腐，$88 薑蔥魚雲煲，$148 脆皮香芒蝦球，夠鑊氣做得好好，而巧手一點的脆皮香芒蝦球一客有六件，芒果醬汁調味真唔差，同蝦球好配合，蝦球亦都夠新鮮。所費無幾，環境相當舒適，餐桌之間空間少有的足夠，咁好的環境，見客都可以。

想平平地又唔失禮地系銅鑼灣食餐飯都唔簡單，時下大商埸既中菜館都愈賣愈貴，而系利舞臺既利寶閣都算抵食。炒碟3人份量既小菜大部份都賣緊around $68 - $108不等，今日今日系core district連美心都唔止啦。(孖寶優惠) - 谷飼豚肉叉燒飯 拼 原盅佛跳牆 (188): 兩款都各有賣點，首先叉燒飯用左貴價既谷飼豚肉，並唔系你我在茶餐廳食得到既質素，對比之下，好食非常多，肉味夠香之餘，肉質亦夠嫩滑有汁，自家製甜豉油仲有畫龍點睛既作用。佛跳牆聽就聽得多，從來都系只聞樓梯響，出現系高級食府，索價千千聲。呢度既188孖寶都唔失禮，用料有鮑魚，魚翅，花膠，海膠，雞腳，瘦肉等等，淨系聽湯料都知夠鮮味，亦無須下味精，幾好飲。(時令孖寶優惠) - 上湯波士頓龍蝦伊麵 拼 清蒸金花尾斑 (388): 龍蝦一整隻，肉質都夠爽身，鮮度一般，肉味中等，以孖寶既價錢黎講，算合格。上湯濃度適中，茨汁亦打得夠稠，包得住伊麵，所以就算齋食麵都okay唔覺得單調。至於條斑蒸煮既時間適中，魚肉仍保持鮮嫩，無他既，新鮮就可以，配隻靚既蒸魚豉油都見得下大場面，12兩重夠4人食。最後每位仲有飯後甜點送，每日不同，

今日啱啱放工，好耐冇食過中菜。於是同朋友一齊去試這間馳名中外的中餐館。點了一個很久未品嚐的中菜，瑤柱貴花炒花膠。這款花膠非常特別，採用的是正貨花膠，肉身比較厚，食落好煙韌。其次就是他們的乾瑤柱，瑤柱味非常濃郁。可能自己親戚是做中藥材的關係，對正貨的概念比較認真。不過這餐廳用的材料都是上乘正貨，特別是花膠以及鮑魚。其它餐館可能不是。其次試的就是他們的雲耳小菜苗。小材料非常新鮮,配上特製清湯。簡直是口味清新,但口感，非常特別。絕對值得一試再試。😊

同朋友一齊去到利舞臺附近，行完街食飯， 有朋友提議食中菜，試下呢一間利寶閣酒家。有少少選擇困難嘅我哋嗌咗一個黯然銷魂飯配佛跳牆套餐，再加上一個海鮮小菜套餐，四個人食剛剛好。燉佛跳牆入面用咗鮑參翅肚等等嘅海味，飲落夠曬滋補。大大隻花膠，好足料 。小菜套餐就包一個燉湯， 呢個係木瓜雪耳煲豬展， 又係非常滋陰養顏，女仔飲真係唔錯。仲有啲材料。小菜方面我哋叫咗咕嚕肉、 賽螃蟹、炸子雞，仲有一個龍蝦伊麵。咕嚕肉非常開胃，腰果炸得好脆，唔錯。賽螃蟹有唔少帶子，食落好鮮甜，蛋白好滑。炸子雞皮脆肉滑，好食。仲有呢個好正嘅黯然銷魂飯，叉燒肥瘦均勻， 食落好結實，肉質爽口， 加埋唔少嘅麥芽糖喺表面，撈飯超一流。仲有個龍蝦上湯伊麵 ，龍蝦非常大隻 ，每人都分到兩舊以上 ，開心。叫咗唔少嘢食，食到真係好飽。最後仲有糖水添。

咁啱銅鑼灣呢排有開倉，梗係約埋班朋友一齊去掃貨啦 ，不過掃完貨真係好嘥氣力， 當然要搵啲好西食下，醫飽個肚啦。人多就最啱食中菜㗎啦，嗌餸都方便啲， 嚟到利舞臺呢一間利寶閣試下，感覺幾唔錯，食物同環境都幾精緻。一坐低，侍應就好快送上茶水同埋前菜，前菜係涼拌土豆絲，非常開胃惹味。見呢間酒樓咁啱做緊嘅優惠套餐，一盅佛跳牆加埋 1個黯然銷魂飯，大約$188，一試無妨。不過見到個佛跳牆已經抵返曬喺度，因為真係好足料，除左有翅裙、鮑魚、花膠等之外，湯底仲用左雞同螺頭去燉，飲落非常鮮甜， 而且鮑參翅肚等等嘅海味滲入湯底，飲落非常滋補。都真係幾足料，有原隻鮑魚同花膠。 另外就係黯然銷魂飯啦， 流心嘅太陽蛋再配上半肥瘦叉燒，加埋秘製嘅醬油撈飯，食落口真係好滿足。不得不提嘅係叉燒半肥瘦之餘，仲非常有咬口，有啲筋位，真不愧係黯然銷魂。 另外我哋仲叫咗一個小菜套餐，有燉湯、三個小菜加一個海鮮，就$688，性價比都唔錯。燉湯係木瓜雪耳燉豬蹍， 淨係睇個色已經知道好滋潤， 飲落口好甜好順喉， 而且仲有無 瓜嘅甜美同雪耳嘅膠質，加上燉咗咁耐，所有嘅材料都已經 變為呢碗湯嘅精華。侍應會另外幫我哋撈起啲湯料， 入面都幾

聽同事講銅鑼灣利舞台有一間良心飯店，中午時段以優惠價，好似是$20，外賣叉燒煎蛋飯，好人好事聽多一些大家都會正面些，話時話冇咁易抑鬱，於是今日大家本來想去支持食晏，後來因為公司有事做改了夜晚。晚上我們以正價食穀飼豚肉叉燒飯配佛跳牆，優惠價$188都非常花算。穀飼豚肉叉燒飯賣相出得場面，太陽蛋煎得香口，四片叉燒有份量。佛跳牆 湯味濃材料十足，一盅一隻鮑魚，有件幾厚的群翅、花膠，有冬菇、雞腳、瘦肉。豚肉煎藕餅今時今日仲有$68碟菜，一客四件，餡料飽滿，蓮藕與豬肉的比例完美。魚湯雲耳泡菜苗最後要食個菜，魚湯很清可以當湯飲。這餐真抵食，多點兩個餸都是 $68x2，利寶閣是高級飯店，菜牌上依然有貴價菜，現在可以豐儉由人，真有頭腦，怪不得今晚差不多滿座。

利寶閣的銅鑼灣分店就在利舞臺21樓，對起一般連鎖酒家，其多出了一點優雅的感覺。雖然中式酒家，但少了那種喧嘩的嘈雜聲音，聚餐一流。谷飼豚肉叉燒蛋 拼 原盅佛跳牆 ($188): 若是普通的叉燒飯，當然沒啥點評的價值，但此叉燒飯不同彼叉燒飯。採用優質谷飼豚肉作叉燒，肉質幼嫩而肉味特別濃郁，港式中帶點東洋味道，另外甜豉油也調得不錯，香甜可口，提升整體味道。佛跳牆一向予人奢華，甚至只可遠觀而不能觸碰的感覺。只看用料已能帶出值門票價的感受，其含鮑魚、魚翅、花膠、海蔘、雞腳、豬肉等等，鮮味十足，無須添加任何味精，此孖寶優惠性價比出奇地高。上湯原隻波士頓龍蝦伊麵: 龍蝦尚算新鮮，爽彈而味鮮；上湯夠稠，能令每條伊麵都沾上足夠上湯，濃度亦適中。菠蘿咕嚕肉 ($78): 這足夠約2-3人享用，採用品質較佳的黑豚肉作咕嚕肉，雖包著一層炸粉，但亦能吃出內裡的粉嫩幼滑和肉香。飯後奉送甜品紫米露: 雖是免費的飯後甜品，但絕對不馬虎。其含大量紫米，甜度適中，又真的蠻好吃。

今日難得放工同阿媽食飯，之前係這邊同同事食過午餐，服務環境及食物都好好，所以帶了媽媽來品嚐一下。6點開始晚餐，環境還是一樣的好，舒服又乾淨，這間如果人多有3間房可以訂。另外，大廳好大，有好多張枱子，光猛的華麗掛燈，設計簡單舒服坐下來後越來越多客人來，差不多滿坐，生意好好。我們叫了一個谷鉰叉燒蛋飯餐（谷金鉰叉燒蛋飯及鮑參佛跳牆）、太極鴛鴦斑塊、南乳素齋煲1. 谷鉰叉燒蛋飯好香喔！叉燒好腍又半肥瘦剛剛好，好大塊又有5塊，好抵食；蛋好香蛋味，唔會煎好燶，蛋黃半熟不錯哦；配上菜芯，營養成分好平均；飯夠熱又大碗2. 鮑參佛跳牆好鮮甜美味的湯，材料好豐富又貴價；大大粒鮑魚，好腍又口感；花膠好滑好大塊，好美顏哦；還有大大粒香冬菇、豬肉、雞肉、雞腳、魚翅（好大塊又超有口感） 這個湯又好飲又保身又多料，不得了哦！必試啦3. 太極鴛鴦斑塊好外脆內軟，好香口外皮又不會太厚；內面是滑滑斑塊，無骨又唔鯹；有2個醬汁：酸甜汁及沙拉醬；我個人超喜歡酸甜汁，夏天一流（開胃又去油膩感）5. 南乳素齋煲好香好野味，上枱熱騰騰，南乳香口配上飯食一流、素齋有好多料：白菜、茄子、菇菇、黃芽白、齋等等，健康又好味6. 送的甜品（