影片
更多
2018-08-22
70 浏览
咁啱銅鑼灣呢排有開倉，梗係約埋班朋友一齊去掃貨啦 ，不過掃完貨真係好嘥氣力， 當然要搵啲好西食下，醫飽個肚啦。人多就最啱食中菜㗎啦，嗌餸都方便啲， 嚟到利舞臺呢一間利寶閣試下，感覺幾唔錯，食物同環境都幾精緻。一坐低，侍應就好快送上茶水同埋前菜，前菜係涼拌土豆絲，非常開胃惹味。見呢間酒樓咁啱做緊嘅優惠套餐，一盅佛跳牆加埋 1個黯然銷魂飯，大約$188，一試無妨。不過見到個佛跳牆已經抵返曬喺度，因為真係好足料，除左有翅裙、鮑魚、花膠等之外，湯底仲用左雞同螺頭去燉，飲落非常鮮甜， 而且鮑參翅肚等等嘅海味滲入湯底，飲落非常滋補。都真係幾足料，有原隻鮑魚同花膠。 另外就係黯然銷魂飯啦， 流心嘅太陽蛋再配上半肥瘦叉燒，加埋秘製嘅醬油撈飯，食落口真係好滿足。不得不提嘅係叉燒半肥瘦之餘，仲非常有咬口，有啲筋位，真不愧係黯然銷魂。 另外我哋仲叫咗一個小菜套餐，有燉湯、三個小菜加一個海鮮，就$688，性價比都唔錯。燉湯係木瓜雪耳燉豬蹍， 淨係睇個色已經知道好滋潤， 飲落口好甜好順喉， 而且仲有無 瓜嘅甜美同雪耳嘅膠質，加上燉咗咁耐，所有嘅材料都已經 變為呢碗湯嘅精華。侍應會另外幫我哋撈起啲湯料， 入面都幾
人多就最啱食中菜㗎啦，嗌餸都方便啲， 嚟到利舞臺呢一間利寶閣試下，感覺幾唔錯，食物同環境都幾精緻。
一坐低，侍應就好快送上茶水同埋前菜，前菜係涼拌土豆絲，非常開胃惹味。
見呢間酒樓咁啱做緊嘅優惠套餐，一盅佛跳牆加埋 1個黯然銷魂飯，大約$188，一試無妨。
不過見到個佛跳牆已經抵返曬喺度，因為真係好足料，除左有翅裙、鮑魚、花膠等之外，湯底仲用左雞同螺頭去燉，飲落非常鮮甜， 而且鮑參翅肚等等嘅海味滲入湯底，飲落非常滋補。
都真係幾足料，有原隻鮑魚同花膠。
另外就係黯然銷魂飯啦， 流心嘅太陽蛋再配上半肥瘦叉燒，加埋秘製嘅醬油撈飯，食落口真係好滿足。
不得不提嘅係叉燒半肥瘦之餘，仲非常有咬口，有啲筋位，真不愧係黯然銷魂。
另外我哋仲叫咗一個小菜套餐，有燉湯、三個小菜加一個海鮮，就$688，性價比都唔錯。
燉湯係木瓜雪耳燉豬蹍， 淨係睇個色已經知道好滋潤， 飲落口好甜好順喉， 而且仲有無 瓜嘅甜美同雪耳嘅膠質，加上燉咗咁耐，所有嘅材料都已經 變為呢碗湯嘅精華。
侍應會另外幫我哋撈起啲湯料， 入面都幾多材料。
跟住嘅係上湯龍蝦伊麵，大大隻嘅波士頓龍蝦，配上伊麵， 龍蝦肉質結實都幾厚肉， 而伊麵就吸收曬上湯，同埋龍蝦肉嘅味道， 正。
而呢個帶子賽螃蟹， 蛋白炒得偏滑身，同一般賽螃蟹有啲唔同 ，但係同埋帶子食就幾夾。
鮮果咕嚕肉就用咗腰果同埋菠蘿， 酸酸甜甜食落好開胃 ，唯一美中不足就係咕嚕肉唔夠脆。
而當紅炸子雞 ，外皮香脆， 內裏雞肉夠嫩滑，加上醬油， 好啱餸飯。
最後侍應亦送上糖水，係非常滋潤嘅紅棗蓮子糖水，女仔最啱飲。
张贴
