利寶閣 (已結業)

第一次係openrice寫食評，因為從來都無試過咁惡劣既用餐經歷。食256蚊一個人既晚餐放題，但等頭半個鐘頭都未有食物上。餐廳出面放左自助形式既幾個鍋，但一出爐就立即清空；排隊排到都已經無晒。難得搶到既幾塊片皮鴨全塊都係油脂，完全無肉，凍左非常嘔心。等一個鐘頭後終於陸陸續續有少少野食，九個人既餐桌出現左幾碗楊枝甘露同幾杯雪糕；主菜都未食到就食甜品。最後等兩個鐘頭先有一開始點既炒麵食，佛跳牆係有幾塊未熟既瑤柱既濃味味精水。整體成個晚餐都非常惡劣，客人不停催；餐廳人生非常不足，侍應全部都燥到爆，態度奇差。下次不了。

點心都有得任食唔嬲？原來銅鑼灣「利寶閣」早就推出午市點心放題，每位HK$168。價錢合理，算幾抵食，呢到除左點心任點，仲有每位放題食客餐廳都會附送原隻飽魚酥同埋花膠灌湯餃。利寶閣出品主打健康絕不加味精同人造色素，並保留傳統元素。點心都係即叫即整，鍾意港式風味既朋友一定唔可以錯過呀！👇📌午市點心放題 - $168 (週六,日)▪ 花膠灌湯餃▫ 作為打頭陣一定係有返咁上下份量啦！呢個灌湯餃咬落好軟腍幼滑，湯底夠濃而清甜唔覺味精味好重，皮薄但會好易爛，餡料比都足。質素唔錯！▪ 原隻飽魚酥 ▫ 你地無睇錯呀！的確係原隻大大舊鮑魚放係酥皮上面，完全搶哂鏡。成個鮑魚酥做到好精緻，鮑魚入味好有咬口，酥皮金黃鬆脆。估唔到中式放題都有鮑魚食，正！▪ 黯然銷魂叉燒飯▫ 簡單但功夫唔惹少既一道菜，雖然話係放題，但呢到都整得不過不失。煎蛋火喉岩岩好，做到蛋白相當幼滑，流心蛋黃爆哂蛋汁出黎，撈飯一流。叉燒雖然瘦左少少，但襯返蜜汁，食落都唔錯。▪ 鵪鶉蛋燒賣▫ 輪到鵪鶉蛋燒賣絕對值得一試，外表晶瑩剔透，完係睇到裡面既鵪鶉蛋。味道方面唔錯，蛋味濃郁，豬肉亦印足料，唔會好重梳打粉味。▪

日式放題就食得多，反而好少食中式粵菜放題~~. 2小時既晚市放題，每人包1份花膠響螺雞湯ε٩(๑> ₃ <)۶з，原隻鮑魚花菇，奄仔蟹!!!!!另外有50幾款既中菜即叫即做，有煎炸炒煮炆浸烤等煮法，花多眼亂~~有點心、小菜、甜品，仲有片皮鴨任食，質素一啲都唔差(σ′▽‵)′▽‵)σ 爆膏奄仔蟹有3款做法，清蒸/雞油花雕蒸/油鹽焗，我揀左油鹽焗，奄仔蟹細細隻但爆晒膏，咸咸香香(๑´ڡ`๑)花膠響螺雞湯好清甜，而且好足料，有勁大塊既花膠，厚身滋補( ^ω^)原隻鮑魚花菇用左蠔油炆，鮑魚彈牙都幾入口~~~ 簡單介紹其他野食( ～'ω')～八味茄子，金黃香脆，細細粒又咸咸地~ 乳鴿任食真係好正，肉質香嫩唔會好肥~ 燒腩仔好夠脆!香辣蒜香蝦好惹味，我幾中意個豉油皇炒麵，夠鑊氣，馬拉糕好軟熟(๑ơ ₃ ơ)♥仲食左海鮮卷、雞翼、叉燒、醉蝦、流心蛋、咕嚕肉、楊枝甘露、芒果布甸、紅棗糕٩(｡・ω・｡)و樣樣都唔錯，每樣食少少過下口癮!!利寶閣  地址：銅鑼灣波斯富街99號利舞臺廣場21字樓 

平時西餐泰國野多，係時候食下啲中式點心，好耐都冇去飲過茶，所以特登搵間酒樓去過下茶癮！酒樓有好多，但利寶閣推行任食點心，對我黎講就好新鮮，未聽過有得任食點心！有幾個種類任揀，小食檔，廚味部，剪炸點同蒸點等等，花多眼亂！燒賣可以逐粒嗌，腸粉可以逐條叫，又可以食曬咁多款點心，又唔會浪費！飽魚洋蔥撻，脆皮叉燒包，蝦餃燒賣，帶子腸粉，叉燒腸粉，咸水角，流沙包，馬拉糕⋯⋯每樣都好味道，少食多滋味！樣樣都食少少，可以過下口癮又唔怕會肥！真係食得開心又過癮！

今日說四五千可以有房 三日後説政策改了沒有房 點信你呀 話晒上市公司 是否過份呢 另外你入去看下天花 發晒晦 黑色晦一達達 見到也不開胃 又唔係好平 香港人蝦香港人 可以有另外一些貴客 定了位 咪要我們讓路囉 咁冇信用 的人 你要試下嗎

中菜成日食，中菜放題好少聽🤣 聽聞銅鑼灣都有一間，名就叫利寶閣，今日就試下先！一坐低，梗係即刻望下有咩好野食啦，呢間野既服務唔錯，部長們好nice！知我哋第一次黎，即刻介紹我哋有咩好野食 距哋有個每人只限一份既花膠螺頭雞湯+鮑魚花菇+奄仔蟹set餐 雞湯無味精，每碗都有花膠螺頭雞肉🤤，湯味濃，鮮甜，開胃一流 鮑魚好正好大隻！花菇飽滿厚實，配埋鮑魚汁，好吃 奄仔蟹蟹膏滿滿雖然細細隻，但好好味同極多膏啊呢度仲有銅鑼灣分店限定既片皮鴨任食啲鴨係新鮮即片，每塊都熱辣辣架🥰鐘意片皮鴨既你一定不能錯過的🦆🦆其他菜式都算唔錯，有55款菜可以任揀任食！！分量自己控制，款式多之餘又高質！！最抵死係叉燒都可以揀幾多塊最後食埋個甜品，飽到棒住個肚走啊

通常同屋企人食飯都會比較頭痕 因為佢地鍾意食中菜 呢晚同屋企人搵嘢食就試咗呢個「高級粵菜晚市放題」睇下menu先👇🏻下面呢啲係每人一份花膠響螺雞湯（blur咗添😅）原隻鮑魚花菇是令奄仔蟹一隻（清蒸 // 雞油花雕蒸 // 油鹽焗）除此之外 仲有好多款即叫即做 任點任食的中菜 以下呢幾款係我嘅心水♥️🎖北京片皮鴨 燒到啱啱好 皮脆肉嫩 色澤靚🎖石岐燒乳鴿 夠香 啖啖肉🎖五香牛展 滷得入味 牛展夠LUM身🎖蜜汁豚肉叉燒 肥瘦適中 食落真係好juicy🎖香辣蒜香蝦 少少辣配上蒜香正 🦐新鮮整體來講食物質素好好 地方夠大 乾淨舒服 上菜都幾快 熱辣辣 想食記得book位 🤣

利寶閣-任食中菜放題日式放題在香港一定不會陌生，今日亦是放題夜，特別的是食粵菜！而今日的中菜館裝潢高級，樓底高配上水晶燈，環境優雅，另一番放題享受。爆膏野生時令奄仔蟹雞油花雕蒸，蟹肉充滿了酒香，非常鮮味，油鹽焗牛油味超濃，令蟹肉又香又滑。花膠響螺雞湯足料的的燉湯，大大件花膠和海量多響螺肉，湯底濃味但清徹得很，非常補身暖身。原隻鮑魚花菇 半隻手掌心大的鮑魚，鮑魚炆煮得入味腍身。北京片皮鴨即烤即切的片皮鴨，熱騰騰的外皮，香脆可口，油份十足。燒味類有惹味蜜汁豚肉叉燒、脆皮燒腩仔、脆卜卜石岐燒乳鴿。飯麵類有干炒安格斯牛河、牛肉肉味濃肉質嫩，黯然叉燒煎蛋飯，流心煎蛋配飯一流。小菜類有脆口玻璃咕嚕肉、惹味宮保蝦仁。小食類款式眾多，有熱溶芝士年糕、沙律海鮮卷、流心芝士百花球、流心醉蛋、上湯雲吞、金菇牛柳卷。點心類有鮑汁鳳爪、蘿蔔金錢肚、雞蛋豬腳薑。甜品類經典的雪糕紅豆冰、脆麻花雪糕配紅豆、足料的楊枝甘露、香芒布甸、黑糖馬拉糕。

今晚在約了朋友在銅鑼灣聚會，行完利舞臺，知道樓上有很多餐廳，見到有一間利寶閣，以為是吃點餐中菜，上到去發現原來是中菜任點任吃，平日日本餐、韓國餐任吃就見得多，中菜任吃真的第一次見，就決定試試。每位客人都有一份花膠響螺雞湯、原隻鮑魚花菇、奄仔蟹一隻，只是這三款已值回票價，點餐紙上還有多款煎、炒、煮、炸、炆、烤、焗等多款菜式，還有我最喜愛的片皮鴨，。花膠響螺雞湯 – 沒有味精，味道濃，滋陰補腎，清肝潤肺原隻鮑魚花菇 – 鮑魚份量十足，口感煙韌彈牙奄仔蟹 – 我點了雞油花雕酒，酒味很重，蟹肉肉質吃來細緻鮮腴帶清香，每隻都很多膏，非常飽滿。燒乳鴿 – 平日外面單點一隻都要4-50元，乳鴿肉嫩鮮美，帶點野味香，表皮炸得酥脆油亮，撕開雞皮時，肉汁從中滲出來。片皮鴨 – 大約半小時出爐一次，片皮脆，肉嫰滑，油脂香。

史上最垃圾的放題，漏單嚴重，蝦餃面有一層油是「益」的，菜苖蝦餃只有1/100隻蝦，鮑汁雞腳又有毛，蒸雞飯竟然給咸豉油而不是甜豉油，咸到食唔到，芋頭排骨全部都是肥肉芋頭又餿，鯪魚球又有魚鱗，廚師好像不會做點心一樣，放題坐在最近門囗位置沒有冷氣好像鄙視你，門口知客黑面！訂了枱都要等不如不要俾人訂，知客又冇禮貌，可以吃的只有黯然銷魂飯同燒賣同腸粉，不值芋頭排骨 1/10 分鯪魚球 4/10 分 （彈牙但有魚鱗）鮑汁雞腳 2/10蝦餃 1/10菜苖蝦餃 1/10 菜苦鮑魚酥 8/10各種腸粉 8/10灌湯餃 8/10牛肉球 8/10鵪春蛋燒賣 8/10芒果布丁 8/10春卷 4/10 蝦腐皮卷 6/10篜雞飯 4/10黯然銷魂飯 10/10

今日下午打去book 12:30 4大1小（6歲）！黎到等左一陣（約20分鐘）！食物質素（普通唔難食的）！咁到埋單時見到張單成$9xx! 咁大家都奇怪！平時飲茶最多都係$6xx左右！咁再問下個埋單個女仔原來係放題！我地就話入座都冇人講係放題！同埋我地有小朋友都唔會食放題(本人都唔中意食放題）！咁佢都明白！之後佢搵經理黎！經理就話張紙寫明係食放題同埋呢個area係食放題！（姐係我無睇清楚）咁比錢走人！之後諗諗下好似比人厄！所以係呢度寫小小野提醒大家！（放假想relax下都要好謹慎）😤

公司第二年在這裡搞春茗，我地擺九圍包左佢個大廳，地方算闊落，不過佢就長形兩行咁擺，今次坐最後一枱，距離個台遠少少，好彩我地無咩要在個台度播，中間通道夠闊要黎玩遊戲添！未入大門右手邊仲有個廂房，我諗係1-2圍的大小，雖然我地用左大廳但佢大廳後面仲有間細房可以用。裝修就一般啦，係幾鍾意佢個天花同水晶燈，門口張SOFA都好靚講番食物，飲宴都係食嗰D啦，不過聽聞今年加價都加得多。先黎個乳豬拼盆，乳豬略肥但皮很脆，另外仲有海哲、鴨胸、牛展、叉燒，牛展甜甜地OK，叉燒唔夠淋，份量適中。第二道如意花枝蚌片中規中矩百花球十分讚！唔油但勁脆口新年當然不少得「發財好市大利」，我本身麻麻地蠔士，不過呢個都OK菜膽螺頭燉雞湯都好夠味，係個面油左少少清蒸金花尾班：條魚蒸得剛剛好，又熱又滑！碧綠金錢鮑片：鮑魚不算大但有咬感冬菇入味又大隻脆皮燒汁雞：好味！皮脆肉嫩！正！生炒臘味糯米飯，我淨係食左一啖，乾身，軟硬適中，不錯！蠔皇鮮菌炆伊麵：伊面唔油但淋左少少，份量超多！最後的紅豆沙唔係好甜(係好事！)但湯丸就超甜，兩個一齊食幾好！總括而言都是不錯的，去年有人話覺得份量少左點，今年感覺係剛剛好，無食淨，而最後的飯同麵超

一直以為，銅鑼灣區幾個大型商場內的食肆質素都在中上水平，今日小公主又好想食流沙奶黃包，就決定在利舞台廣場內找一間未試過（應該說未寫過食評）的酒樓飲茶，於是就揀了「利寶閣」。記憶中，「利寶閣」在利舞台廣場已經開業10多年，曾經搬過樓層，（未開始寫食評）之前亦好似曾經幫襯；但味道到底如何，就完全沒有印象了。事前沒有訂位，加上是星期日，有枱已經算是相當僥倖 ⋯⋯ 但最估唔到嘅係，竟然被編配一張臨時加開的餐枱，位置還要在酒樓最深處、本來用作婚宴時新娘新郎發言的小舞台上！雖然位置高人兩級樓梯，可以縱觀全間酒樓，但感覺實在非常奇怪；加上舞台上較為強烈的射燈（已經沒有全部亮起來），對比正常座位區柔和的燈光，做更顯得有點不舒服。點心紙的設計與坊間大部份酒樓差不多形式，款式選擇亦相當多。另外有今期推介「谷飼豚肉叉燒飯（送豐料老火湯）」，睇照片，其實即是星爺電影作品「食神」內的「黯然銷魂飯」。既然係今期推介，而且實在幾抵食，所以叫了一客谷飼豚肉叉燒飯（送豐料老火湯）($68)。未食之前先研究一下餐牌，名字犯了兩個錯誤。首先，應該係「穀」飼；其次，粵菜中「叉燒」已經代表係豬肉，似乎沒有必要重複「豚肉」兩字，

利嘉閣係較高級的酒樓，環境同食物都比較好，所以我地都成日幫襯今日黎到銅鑼灣分店，發現出左新野，雖然我地耐唔耐都食，但呢間酒樓既MENU都轉得幾密，所以就算成日食都唔會厭前菜係醃雲耳，酸酸地好開胃，唔會淨係食花生咁DRY京式素鵝 ($48)素鵝其實係用上腐皮，然後再炸，表面酥脆，再沾上醬汁食就更加滋味半隻銀紙盆銅雞 ($128)用上錫紙包住黎焗，所有肉汁都保留係入面，而且非常入味，用黎送飯一流手打順德魚腐煲 ($128)我最鐘意就係叫D又有湯飲，又有餸食的菜色，呢個魚腐煲有魚湯飲，仲有好多菜同手打魚腐，魚腐真材實料，兩個人食一煲都幾飽谷飼豚肉叉燒飯 ($88)谷飼豚肉叉燒飯係新菜色，叉燒做得好出色，用上谷飼豚肉肥瘦岩岩好，特別有咬口，蛋汁加豉油同飯混合一齊，簡單的一個組合，但係就十分好味，比平常會食多好多飯

公司周年晚会，在铜锣湾想不到有这样的服务和出品！吃鲍鱼的刀叉不是开席前摆好，硬要客人让开给他们摆放。一路多次出现侍应上菜时碰撞客人。鲍汁鲍鱼鹅掌也是没有温度，分菜时汁水溅到身上，发黑的生菜单独上菜。最离谱时“冻”的炸子鸡！没有协调好上菜，另一个侍应呼喝着要把鸡收回，回头把另一台的给我们，发现错了有拿走换回来！到最后我自己装炒饭也被侍应说我用了装糖水的晚，这还有服务可言吗？！