利寶閣 (已結業)

服務員不夠，安排座位入座態度不好，安排非常差。自助餐食物之前客人食完後沒有補充，第二輪客人冇嘢食。話有北京填鴨食，幾十個顧客才出2隻鴨，北京填鴨要排大隊才有得吃。

鍋鑼灣✨利寶閣大閘蟹放題✨一到埗每人送你一隻原隻七頭鮑花菇、原盅燉湯、一隻花雕凍蟹開開胃！之後就可以旋風式品嚐日本直送大閘蟹除咗限定嘅花雕凍蟹，仲有清蒸、花雕蒸、鹽油焗三種煮法！花雕蒸聞落有啖啖酒香，鹽油焗更添海鮮嘅鹹香！真係夠曬噱頭！我自己最鍾意傳統嘅清蒸，夠曬原汁原味！利寶閣嘅大閘蟹大約四両重真係打開隻隻都咁膏腴豐滿澎湃而甘香甜美嘅蟹膏真係令我欲罷不能！係咪逐隻揀過？定係貨源真係咁正？每次食淨一隻左右就落order差唔多次次落幾多order都呢幾多隻，冇乜點漏單！食完之前就會送上，唔會要等好耐先至有！真係可以食足120分鐘！絕不欺場～我哋兩個人食，真係食到好飽足嘅感覺～唔知有冇兄弟姊妹食得多過我哋呢？（仲有蟹殼擺唔曬，so crazy）食咗咁多隻之後，當然唔少得飲返碗薑茶！仲有肚嘅可以食埋片皮鴨同埋甜品！overall都好滿意呢個大閘蟹放題！真係好推薦！我偷偷聴到，原來網上預訂仲可以每位減＄40添！千祈唔好走寶！

氣溫近終回落有涼快既感覺，9,10月除左係我最鍾意既時間，同時又係食大閘蟹既季節。最近原來利寶閣有120分鐘 大閘蟹All You Can Eat! $488大閘蟹烹調方法，分別為清蒸、花雕蒸、鹽油焗3種煮法。啖啖滿足幸福感，幸福就係咁簡單。蟹膏甘香美味，蟹肉夠鮮甜。唔會細隻得似bb蟹，絕對抵食。試左咁多款各有特色，不過我自己最鍾意都係清蒸。因為蟹夠新鮮，就咁清蒸已經夠哂鮮甜食到最原味。鹽油焗大閘蟹第一次試呢個食法，估唔到幾特別，外層有一股鹹香同香蔥既味道。其中每位只限1隻既花雕醉蟹(凍食)，有別於平時既口感，蟹膏變得有更有質感。當然唔會淨係得大閘蟹咁單調，招牌京式片皮鴨，生炒糯米飯以及多款甜品任點任食仲會每位送蠔皇8頭鮑花菇一隻及原盅花螺頭花膠燉湯一份。招牌京式片皮鴨 — 由於即叫即片，所以片皮鴨就要排一排隊。不過眼見源源不絕，每次都拎2隻出黎，大家大可以放心。如果肚餓更加可以request 要隻髀食下，油甘肉多。生炒糯米飯 — 糯米飯依然軟糯，飯底唔會有成層油，非常出色。楊枝甘露好好味，真材實料。絕對冇偷工減料。幸好同朋友一早就叫左2碗，因為到尾聲既時候已經供不應求。不得不提枱與枱

晶瑩鮮蝦餃，皮層口感厚身、煙韌，鮮蝦肉質爽口、彈牙，味道鮮甜。醬皇蒸鳳爪，加入大量豆豉、辣椒製作，味道濃郁、香辣，食落好惹味，鳳爪口感脆爽，芋頭口感綿密、軟糯，食落好入味。金鈎咸水角，即叫即炸，口感酥脆、鬆化，餡料好足料，味道咸香，食落好香口。叉燒腸粉，叉燒肉質肥瘦均勻，肉汁飽滿，腸粉厚度適中，配以香蔥、豉油食用，味道更佳。蜜汁叉燒包，蜜汁味道香甜，叉燒份量多，食落啖啖肉，麵包口感鬆軟，食落好濕潤。

秋風起，又係食大閘蟹嘅季節🤩🦀今年想試吓中式酒樓嘅大閘蟹放題，朋友網上book咗利寶閣，有折，見到又有片皮鴨，又有鮑魚，嚮螺湯，同埋甜品吧放題，$450一日，就試吓啦！試後感想: 繁忙時間，八點入座。揮手叫野，職員眼尾望完，頭也不回走咗去，同一樣嘢，叫咗幾十次，都係冇上。最後等咗一個鐘，到九點，走咗好多人，先點到一罐汽水。🥵 食完蟹，想去甜品吧攞嘢，職員話嗰個時間已經唔會再refill，剩返幾粒湯圓，其他乜都食唔到😩😩😩每位有一份 螺頭花膠湯，8頭鮑魚花菇，花雕醉蟹，一坐低好快就上菜！一坐低，職員直接每枱都每款蟹落2隻，食完前面嘅餸，好快就有蟹！啲蟹唔算大，冇乜肉食，勝在多膏。片皮鴨任攞，不斷會有新嘅蟹refill，職員即場切，不過顧住食蟹，全餐飯淨係食咗一次！最後戰績，每人九隻

之前同屋企人去咗試利寶閣 嘅午市點心放題，有超過 50 款點心😍我就略略推介一下😬.原隻鮮蝦腸粉🦐腸粉皮唔會好厚，質感滑嫩🤤鮮蝦彈牙新鮮👍🏻.百花燒賣皇💛燒賣表面有少量蟹籽🦀內裡就有豬肉餡🐖爽口蝦仁等🍤調味適中.懷舊珍珠雞🐔Size 都好大，糯米軟熟😌糯米包住一隻雞中翼🐓冬菇、臘腸粒🐷都幾好味😋.上素粉果🥢外皮黏度同軟度適中😉包住甘筍、芹菜、冬菇、木耳🥬🍄.蜂蜜脆麻花拼杞子桂花糕🌸香脆嘅麻花加咗蜂蜜🍯甜而不膩☺️杞子桂花糕味道清甜😙又不失花香

全場得3個侍應，仲要其中一個又係帶位又係企美食枱又入單，最初有個經理開頭都喺度，轉個頭連影都冇埋。等咗超過半個鐘先來第一碟嘢食，直頭好似食緊法國菜咁，食完一碟再等成10分鐘先來第二碟，仲要寫三件嚟一件，寫帶子腸就變蝦腸，有啲直頭唔嚟，所以無論你入幾多次單，你都唔好有期望佢會俾你，因為係隨機擺係你張枱，傳菜嗰個話廚房啲單亂晒喎，冇水又冇人加，點心籬同碟又冇人收，安排咗你入座之後就當你透明，服務又差態度又差，直頭撩交嗌，還好啲點心都夠熱。總括嚟講嚟一次都嫌多。

有食放題經驗，都知大多數都會遲出食物兼漏單。果然，第一次落單等45分鐘才有一樣點心到，等多半小時，才有第二張單跟第一張單各一樣點心到，其餘漏單。換言之等個半小時才有三個點心到，跟著要提服務員才上指定的鮑魚酥和湯餃奉上。因為這樣，兩小時的放題雖然可延長多半小時，但始終都吃不到想吃的點心，因為等了太久，所以有什麼吃什麼。埋單加茶錢$16，8折後每人$150.80。以這個價錢，唔食放題都可以吃得飽飽兼且不用勞氣。 幸好食物不差，如果出食物時間有所改善都會再去。

秋風起🍂係食大閘蟹嘅好時機🤤我都分享吓我既食後報告利寶閣嘅大閘蟹放題提前兩日網上訂每位減40一台坐低就會有每人一碗花膠螺燉湯、鮑魚花菇一客，花雕凍蟹一隻重點係大閘蟹有清蒸、花雕同鹽焗三款口味簡🦀我個人鍾意花雕口味多啲鹽焗味道就會重啲 隻隻都爆膏夠大隻😋兩小時任食仲有幾款甜品同北京填鴨任食坐得又舒服 唔使咁迫重點係侍應服務態度超好會主動問我哋使唔使加蟹 想食咩甜品加埋一同茶芥 每位$500 物超所值最後兩個人食咗13隻 好誇張強烈推薦比大家😆大閘蟹放題北京填鴨利寶閣

遲來的評语，又係跟據YouTuber啲片，限聚令前去試飲茶放题，电話訂位有折，$150 x 3。評测：人手不足，拖單，食物無樣熱辣辣，但飽肚(因為一肚子氣)，無下次，完

服務員態度勁差，即蒸食物竟然係冰凍，三催四請都未有食物上枱，我地食點心放提,4個人食等咗一小時催咗2次先有點心上枱，搵經理完全冇出現，枱枱都投訴，呢D疫境咁既食物咁既服務質素，垃圾！第一次食到要發火鬧人！

Friends buy you foodBest friends eat your food耐唔耐心癢癢都好口痕想食片皮鴨今次去左利寶閣到食 因為佢係中菜放題加係任食片皮鴨個遊戲玩法係: 每人一盅佛跳牆 + 虎蝦意大利麵(加錢可以升做龍蝦) + 中菜放題今次個人最推介食黯然叉燒煎蛋飯 清酒醉蝦 薑蔥炒蟹 叉燒蛋飯撈勻半熟蛋汁: 叉燒又香嫩醉蝦: 酒味香 肉質唔係腍既 同好有蝦鮮味薑蔥炒蟹: 有成半隻蟹咁多 同有勁香既蔥味 而且啲蟹係啖啖肉利寶閣Location: Causeway BayPrice (10 is expensive): 6/10Yummy (10 is delicious): 6.5/10

中式放題比較少有，最近去利舞台食飯時發現利寶閣推出任點任食，超過五十多款美食任點，最吸引係有任食片皮鴨及每位送一份極上佛跳牆及上湯焗大虎蝦 ..... 我地7點半到達發現食放題的人較少，可能臨近新年，主要都係食團年飯的人為主。門口設有兩張長枱，分別放置沙羗雞腳、 酸菜豬肚等，自助任取。而片皮鴨及鐵扳谷飼牛柳就不定時供應的，片皮鴨肥美，牛柳入口香軟腍滑可惜我地坐得太遠.... 所以只能食到一次，有點失望....  但放題整體份量及味道都不錯。極上佛跳牆有原隻鮑魚、花膠、瑤柱、、海參等，非常足料，湯味鮮甜好滋潤上湯大虎蝦天使麵虎蝦爽口，天使麵吸晒蝦味，好香再食埋菜紙上的嘢食.... 滿足哂.... 脆皮炸蝦餃 即叫即炸，熱辣辣，啖啖蝦肉好美味宮保蝦仁 酸甜味道好胃，蝦仁爽口不錯石岐燒乳鴿 乳鴿皮脆肉嫩，好Juicy芒果布甸足料，啖啖芒果肉，超正...  奶皇西米撻 奶皇香滑，西米帶點小煙韌，食落有淡淡椰汁味，令你忍唔住一食再食

喺facebook見到利寶閣有中式放題， 又有佛跳牆，好多款中式美食，好吸引! 第一時間打電話去book位同個有少少大陸口音嘅阿姐講想book七點食放題， 佢話聽晚full咗，叫我八點半之後嚟，嚟到都要等。 我哋覺得時間都ok，所以都照book咗。 (期間個阿姐啲態度都好似唔想做你生意咁， 態度認真麻麻)當晚在銅鑼灣有少少塞車， 已經8點45分， 所以打個電話去講我哋會遲少少到，而家喺銅鑼灣塞緊車。 個大陸口音阿姐即刻話: o下~師傅走曬㗎喇喎。跟住我問: 啲師傅幾時走呀？阿姐話: 你上嚟先啦~睇下啦到時(我心諗, 你話啲師傅走, 我仲上嚟做乜嘢？)我問佢: 咁你即係呢度幾點冇得食㗎? 啲師傅幾時走?佢話: 11點都有得食，不過熄曬冷氣，你咪坐喺度食囉 (完全撩交嗌)我哋差唔多去到，咪照上去上到去叫我哋坐低等一陣，等咗成十五分鐘都冇人理我哋。 問佢哋而家點樣，跟住就話等一等，乘機又行咗去冇返轉頭。 跟住又係嗰個大陸阿姐 (原來佢長頭髮嘅,認得佢把聲) 佢話: 而家好多嘢都冇得食㗎喇， 你食唔食呀？ 一係你哋轉食小菜我特登過嚟食放題， 我嚟到你叫我食小菜， 你冇嘢食仲叫人嚟， 好有欺騙

昨晚同家人去聚寶閣晚餐，揾了位年紀超過55的阿伯經理點菜，(平日好少見到佢)，行埋黎已經態度極差，有喝罵成分，問佢菜牌上例牌及小有咩分別，佢冇答，跟住每點一個菜就 大聲喝問 例牌定小菜，唔知以為佢係街邊D 軍官 ，要查我身份證果隻態度，令我家人極度 恐慌。餐廳原本環境幾好，而家加多左放題， D 客人出出入入擺野食，唔知以為去左大排檔。其實需家 D 個市道，仲加埋 D 個服務態度，下次家人，朋友，公司一定唔會再來敍餐。