利寶閣 (已結業)

第一次係openrice寫食評，因為從來都無試過咁惡劣既用餐經歷。食256蚊一個人既晚餐放題，但等頭半個鐘頭都未有食物上。餐廳出面放左自助形式既幾個鍋，但一出爐就立即清空；排隊排到都已經無晒。難得搶到既幾塊片皮鴨全塊都係油脂，完全無肉，凍左非常嘔心。等一個鐘頭後終於陸陸續續有少少野食，九個人既餐桌出現左幾碗楊枝甘露同幾杯雪糕；主菜都未食到就食甜品。最後等兩個鐘頭先有一開始點既炒麵食，佛跳牆係有幾塊未熟既瑤柱既濃味味精水。整體成個晚餐都非常惡劣，客人不停催；餐廳人生非常不足，侍應全部都燥到爆，態度奇差。下次不了。