利寶閣 (已結業)

一行6 人黎食 dinner, 冇mud人, 公眾假期都甘少人, sad!!裝修左之後都黎左 3 4 次, 野食都唔錯, 但係可能價錢偏高同太大競爭所以少人 叫左 6 送 1 湯 前菜, 兩味炸魚, 有甜酸醬又有 salad dressing~ 藕餅, 好味又香口, 前菜最岩, 可惜渣車冇叫酒送~ 粟米羹冇相, 但足料!! 牛仔骨, 口感 ok 但重鬆肉粉味, very bad 排骨, 香口, 好味道! 燒雞半隻, 正晒啦, 好好肉, 又唔肥! 粉絲煲又香又熱, 正!!! 總括而言, very well! 希望做好 D, keep 住價錢唔好太貴, because I just like this place so much!!

新年期間一班親友到利舞臺利寶閣飯聚，結賬時經理按消費金額回贈了數張現金券@20，還強調可累計使用。1) 12/2 (Sun) 到The One 利寶閣以正價午饍，結賬時點心價$55另加茶錢及加一，總數為$73。他收了3張現金券@20及現金13 2) 16/2 (Thur) 到利舞臺利寶閣以正價午饍，同樣地結賬時點心價$55另加茶錢及加一，總數為$73。他只肯收2張現金券@20及要付現金33，我問部長點解不可以收3張現金券，她說以點心價計算可用現金券不包括茶錢及加一。我強調在你同一集團酒家剛剛消費完都可以用3張現金券，點解同一樣嘅現金券有不同嘅處理手法。於是他找了位叫清哥嘅同事過來，他說好多熟客都知，我反問我不是熟客我指按現金券所列嘅條款使用，它沒有說明” 只按點心儐價格計算而The One 用法又與你們不同，我並不是區區為了$20而和你們斤斤計較而是為原則問題。清哥回應這現金券是免費贈送而條款說明” 利寶閣保留對此優惠使用的最終使用權” 。即變相誤導消費走光顧。有即是無!! 條款用法任它更改。肯好那現金券只是@20，如果再大額啲如@100或@200咪仲激氣。

和上一次比較，利舞臺利寶閣應已番新，場地更光猛漂亮。食物方面，製作賣相不俗，整體令人滿意。蜜汁叉燒：既腍又香，好吃。金蠔煙肉卷伴海蜇：金蠔味道不夠濃郁結實。一碟百多元的前菜小食只得聊聊四件金蠔煙肉卷，明顯少了一點。梨香帶子素鵝：炸品香口，帶子中釀入蝦膠及梨肉，製作特別，梨肉又有效減除熱氣感。溏心宮爆蝦球：蝦球味道不是很濃，主要靠醬汁調味。皮蛋外圍用蝦膠包裹着，口感製法特別。葱爆安格斯牛柳粒：牛柳粒肉質鬆軟，香葱經油泡處理，更多添一份焦香。雞湯雜菌腐竹窩：用紙兜盛載，並以明火保溫。雜菌腐竹沾上雞湯味道，份外美味。蒜蓉炒豆苗：豆苗無渣，配以金蒜銀蒜，都幾好味。揚州炒飯：唔夠香，普通喇！拔絲香蕉：賣相特別顯功架。拔絲做得很幼，吃時忌快，否則會刺傷嘴巴。人多的話可以一試。

今日放工，諗住去飲茶，心水選擇幾間都無位。最後見利舞台咁多間，咪去試下囉，點知就出事喇。上到去18樓，見有位咪入去坐囉，一坐低，當堂想起身走人，隻碟污糟到不行了。我算。當劃好點心後，叫人收張點心紙都好困難。叫個部長收，佢應完你等陣就行左去。叫第二個又唔理你。我都算。叫完點心之後，食物質素都不過不失，但服務奇差。打開個茶壺，5-6個人行過都唔同你加水，最後得個經理行過先會同你加。身邊有個叫ＡＮＮＡ既ＷＡＩＴＥＲ，喺旁邊洗ＧＡＳ爐，負能量爆燈，一路做，一路同其他伙計傾計不特止，又黑面，語氣又差，加上佢清潔時旁邊仲有一大盤糭，真係下次咪鬼叫，如果唔係分分鐘咸肉糭會變梘水糭。再者，其他伙計都不煌多樣，落單落錯單，埋單都埋左超過１５分鐘。仲要我叫５碟點心，夠胆死收我九碟。無野好講，呢次係我第一次幫襯，亦係最後一次。臨走我仲大聲講，落去食雲吞麵，嚇都個ＷＡＩＴＥＲ都呆左，你就知佢地幾好ＳＥＲＶＩＣＥ。呢度奉勸各位想擺酒既新人，唔好揀呢間，因為你揀佢，只會一世後悔。

This was the first meeting with my parents and my gf's mom... so I wanted to find a place nice for Dim Sum in CWB and I have picked here..... bad choice as the first impression was unprofessional at the entrance....I have made a reservation for 1pm and there was someone who got the same last name as me.... I arrived first and registered....but then when there was a table avaialble..... the reception completely mixed up the two of us and gave my table to the other... I voiced out immediately and

第一次幫襯, 一去到覺得環境幾靚, 好似擺酒的佈置, 雖然當晚冇飲宴, 場地偏細.我地六個人叫了套餐, 總共有六樣野, 第一味係海鮮, 可以揀白灼蝦, 如果改班就要加錢, 我地改左西星班, 因為侍應推介, 雖然加$138, 但又真係幾好食喎, 好滑, 蒸得o岩o岩好, 唔會過生或過熟o鞋口; 第二味係雞, 可以揀炸子雞或白切等等, 我地揀左炸子雞, 好香好滑. 第三味係湯, 可以揀老火湯或加錢要燉湯, 我地要左普通老火湯咋, 飲完都覺得冇乜味精, 因為我食親味精條脷會好苦又會瞓唔到...另外果三個小菜, 我地揀左炸鮮奶, 炒菜同埋咕嚕肉, li個餐咁樣先係三百幾蚊, 不過我地要左西星班所以加左$138. 頭果三樣野即係海鮮, 雞, 湯, 係固定左, 如果人少可以唔駛加三個小菜, 可以選擇加一個至兩個小菜, 咁就只係二百零蚊.仲有甜品送添.服務唔算太差, 又唔係好殷勤, 總之叫咪做咯, 我地另外加左個豆腐, 佢漏左單都有跟. 食到最後都坐唔滿, 我地下次都會再黎o既, 因為真係幾好食, 又唔駛等位.

星期六晚上訂了位去食飯， 去到發覺場地作了婚宴用途， 以為訂錯位。 一位貌似新郎哥的人出來迎賓， 怎知可愛的薑餅人以為是侍應， 對他説訂了位吃晚飯怎樣怎樣， 真的冒汗@_@原來有一小角落還供吃普通晚飯， 坐下後便點菜了。叫了兩款孖寶， 分別是杏汁豬肺湯孖酥炸鹽焗雞半隻， 另外是清蒸東星仔孖臘味煲仔飯。另加粉絲蟹煲和魚湯魚腐浸菠菜。沒有喝過陸羽和港大同學的杏汁豬肺湯， 所以不知道和這裡差距多少， 但也覺得幾好喝， 感覺滋潤， 杏汁味不算濃但也有淡淡香味。酥炸鹽焗雞外形有些似肯德基雞件， 有層脆漿， 香口也酥脆， 但欠缺咸香。粉絲蟹煲當然粉絲比蟹擔當更重要的角色， 是夜粉絲炒得乾身不油， 也落了蝦米仔同炒， 奈何蟹的鮮味傳不到去粉絲， 兩者好像互不相干。魚湯魚腐浸菠菜那些湯偏咸，魚腐又不怎好吃， 純粹吃點菜吧！清蒸東星仔肉質也嫩， 但味不香濃。臘味煲仔飯則不是我所好， 但煲仔飯混點甜醬油吃也不俗。飯後送的紅豆沙反而不錯， 甜度適中， 紅豆有沙。

星期日去飲茶, 吃得飽飽, 為疲累的身體叉叉電.蝦餃和翡翠豆苗餃粒粒晶瑩飽滿, 蝦肉爽身.蜆介鯪魚球不夠彈牙和香, 普通而已.XO醬炒腸粉用石頭窩上, 熱辣辣之餘又不油淰淰, 但XO醬味道較弱.蛋黃蓮蓉包鬆軟, 但蓮蓉不夠香, 蛋黃也不是溜黃.魚湯浸勝瓜清甜消滯.蒜香牛柳粒香嫩肉味濃, 吃不停口.脆皮牛腩炸得不油膩, 但牛腩比較乾和鞋, 點了wasabi豉油添滋味.裹蒸粽大大隻, 我太飽無食, 但$88一隻都幾貴.點心都幾認真美味, 環境也不俗.

四個字：服務九流。待應服務差，2點4個字落單點點心，去到2點10都未出到，陸續向過3個待應及部長追單，個個都答你：我幫你跟，跟到3點2個字先開始陸續有點心到，足足等左50分鐘，你無睇錯，係50分鐘!!!!! 完全無一個待應或部長同你交待點心去向，甚至係講聲「唔好意思」，老馮地等~~~ 至於招呼我地檯的那位中年女性待應，一坐低，同佢講左幾次「三位」，都無意慾幫我地擺多一份餐具，亦都無笑容無招呼。食物質素可以，但等一粒鐘先有得食，點解我仲要揀你？完全唔推介幫襯。除非你鐘意等，無盡的等。

同老公來呢度食團年飯，真係好食．．叫炸子雞：雞好新鮮，好好味五味豆腐：好脆，外面層野味道好似卡樂B薯片魚湯豆苗：湯好甜，豆苗好好食呀乾燒大蝦：味道不錯，但稍為硬了一點，可能炸得久了紅豆沙：夠晒熱，不太甜，唔錯．．

2/12星期日晚大約6:15，我同10個朋友去銅鑼灣利舞台既利寶閣食飯。由於係星期日晚怕搵唔到位，所以朋友一早book，當時佢話7:30要交番張出，我都覺得ｏｋ既。上到去，晚有人結婚擺酒，所以俾我入間房仔度坐。除我一圍之外，仲有兩圍大同埋１圍細間房度。我坐低之後首先叫個＄４９５既燒鴨餐（餐牌度話係４－６人用），跟住諗住散叫，不過當時未諗到叫乜住，所以就同個伙記講上住菜先。過一陣之後，我再加幾個小菜。半個鐘之後，有個女伙記走埋問我個餐個湯係咪加錢轉翅，我話唔係，要番個湯，點知之後個女伙記再走埋，話我之前個餐無落到單，而家個餐已經賣晒，要我再嗌過第二！我都開始有唔開心，咪叫番同我落個餐個男伙記問囉，點知佢話「以為」我等埋散叫既至落單，跟本佢就前言不對後語啦！如果我真係無落到單，咁個女伙記點會知我叫個餐？仲有，我叫個餐陣，我朋友已經同佢講話起住菜先，唔係一路咁等法，點可以７：３０之前俾番張佢呀？跟住我朋友問個女伙記咁而家我叫第二食係咪都依然係要７：３０交（陣已經係７：１５！）個女伙記竟然話係！佢都有病架，１５分鐘點樣可以落單、起菜、食埋仲要埋單呀？跟住個女伙記仲話：「今次食唔到個餐咪下次再試

上星期六, 朋友行婚展時, 睇中左利寶閣既新裝修, 話夠靚, 夠新, 但又唔知d野好唔好食, d服務好唔好, 所以前日就拉埋我地幾個好朋友去幫佢試下菜, 打探下服務態度.一去到, 就見到個金光閃閃既門口, 真係幾靚呢, 只係好後悔無訂位, 等左大約半小時先有位食飯. 點知一坐低, 就傳來一聲尖叫, 原來係有位亞太既女跌左地下, 嚇到成間酒樓都靜晒. 講返正題啦, 可以叫野食了, 我地按我朋友選既婚宴B餐, 點左幾樣野試下:帶子蝦球, 蒸左條魚, 脆皮雞半隻, 仲叫個腊肉炒芥蘭(呢個係我想食的... 嘻)整體來講, 幾好味, 樣樣都OK, 條魚蒸得0岩0岩好, 唔會過熟, 其中最好味0既, 係脆皮雞, 炸得個皮好脆, 肉又唔鞋, 我好鍾意! 至於服務, 可能果晚真係太多客, D侍應都好忙, 冇咩話對每一台客都照顧得太多, 但整體都係幾好的, 起碼有笑容呀. 食飽飽, 我個朋友就去左搵經理傾酒席, 仲落埋訂.

The first time visit here, the impression was really good especially the crystal light at the main entrance. I ordered the Roast Pig Belly, Fried Scallops with Pear Sauce Fried Shark's Fin with Egg White.Roast Pig Belly was so juicy and crispy Fried Scallops with Pear Sauce was too good of using Pear ( light )sauce instead of the Oyster Sauce, So you can enjoy the taste of the scallops and the Pear Flavor at the same timeFried Shark's Fin with Egg White - so surprise of having the Shark's Fin in

上星期上去飲茶,發覺裝修唔同哂,門口嗰組水晶燈,真係拍得住酒店,氣派完全同.開頭以為咁嘅裝修,D嘢食一定加價,哈!原來冇加價,有D餸反而平左.我都久唔久上去飲茶,見到很多新員工,果然新人仕新作風,D服務真係不錯,起碼我望一望,即刻有員工知我想叫餸.部長介紹了幾款小菜,最開心就係佢問我D菜要不要煮淋D,我問點解?佢話見我有老人家係度,哈!果然夠專業.菜式味道真的改善了很多,八卦之下,先知原來轉了厨,聽講仲有D名氣添.咁啱個仔滿月,股票又賺到D,所以决定擺幾圍.

二七年五月二十七日友人請食飯，五人行，HSBC午市優惠,平一半，友人不反對，星期日，決定這間。指定四人套餐滋補燉湯‧梨香玉帶子‧堂煎百花釀遼參‧清蒸老虎斑‧燒汁脆皮雞(半隻) ‧杏汁燉木瓜。原價：港幣1,098元優惠價：港幣550元還叫了些點心，去過珠城東湖酒家,覺得這間好味好多,服務好，食物新鮮，那個‘滋補燉湯‘，幾好飲，帶子，海參，魚，雞。。。大家都説不差，唯獨是冷氣過大，一面食一面凍到陣，男的女的，大家都説‘頂唔住‘，要走了。奉勸女士們，帶多件衫。