利寶閣 (已結業)

話說之前係利寶閣飲中午茶，佢送左張片皮鴨的優惠券，心諗，2-3人送半隻，3個人去吃叫多2個餸都應該夠啦。。。。到臨夠期前，我book左銅鑼灣的利寶閣，點知上openrice一search d食評，個心涼一涼，不過反正book 左，決定去親身感受下是否同其他食家的感受一樣。。。。話說一去到，都尚算有人招呼我地，開埋茶位，睇下個餐牌發現如果以一家中菜餐館，佢的款式有d少，其他枱都係叫套餐，每位上。我地諗好叫菜時，足足叫左3個waiter 都係叫我地等陣。。。但佢地唔係忙，因為如果以一枱客一個侍應係絕對夠的，佢只係係都唔同你落單。。。第一round, 我叫左個上湯菜，欖角排骨，青瓜海浙，魚腐煲，仲有優惠券的片皮鴨。。。份量少到呢。。。隻鴨得十二塊，骨果然好骨，青瓜海浙78蚊呀，得嗰少少。。。結果唔飽就必然了，諗住加餸，呢樣又冇嗰樣又冇。。。。最後的結論係，唔食佢的套餐，menu上好多餸都冇，d侍應扮忙，叫好多次至有人理下你

朋友生日，難免又大吃大喝。今次選中＂利寶閣＂二十週年的呈獻「百變粵風味宴」乳豬即切件，有皮有肉，皮脆肉滑半席份量，夠食（可以7位吃）片皮鴨唔太肥、肉質不會乾淨淨⋯⋯皮可以再脆點就好金蠔拼脆奶煎龍躉腩香味夠、魚肉嫩（仲有彈口，見到半透明的啫喱）骨膠原吃肉多，食番個清清地「魚🎣腐浸時菜」看似魚旦的魚腐好味素鵝配藕餅素鵝麻麻，太乾藕餅，香囗、味道可以豉油雞雞滑、好香豉油味、不太咸。可惜最後先上菜，已經吃飽，但都忍不住香味，都食左4件紅豆沙棗王糕我平時唔會特別吃，但這個真的好有棗味，軟綿綿，食左2件😜😜😜整體以集團式的酒樓，算抵食之選雖然分店有幾間，個人覺得利舞臺這間最好（包括招呼、食物、環境）The one 有海景，但食物質素麻麻

午餐時段黎食，唔想等位就打定黎BOOK位先。其實食物都算OK，唔錯。坐得舒服。睇食評講話D待應服務差，但我今次去又唔覺得。食物方面我地叫左蟹籽燒賣皇、水晶鮮蝦餃、豆苗鮮蝦餃、豉汁蒸排骨和馬拉糕。3個女仔好似唔夠飽，最後碟生炒糯米飯食，呢個糯米飯炒得真好食! 推介

本身去開上環區無極限利寶閣， 今日經開銅鑼灣就即管試下利舞臺內利寶閣， 點心真係比上環好食 試過古法馬拉糕 桂花椰汁糕咖哩蒸土魷 蘋果叉燒批。 但係發生一段小插曲本人只係想要濕紙巾但係粉紅色衫服務員 突然之間戰戰兢兢問完一個人又另外一個人，然後就走嚟同我講冇濕紙巾， 我見到其他枱人士 重寫明利寶閣3個字 係濕紙巾 包裝上面 好自然我就奇怪點解唔話冇。 問到個灰色衫唔知部長定係咩職位， 說我哋酒樓中午不提供濕紙巾除非你食魚、蝦、蟹。 同一集團但係我喺上環 早茶中午下午茶晚飯 都可以有濕紙巾。 其實大家都係同一集團點解唔是一樣㗎咩？ 攞張濕紙巾飯後抹下手竟然都搞出問題來真係……

黎飲宴，先唔講活動搞得好唔好玩，呢個唔關酒樓事，講設備啦更係！6-8圍野黎講地方ok四四正正，可惜電視太少，播片唔夠清，個台就唔係好大，只可講細有細做。去番野食，餐單正常飲宴野。乳豬唔錯，肉質幾好，可惜略肥，有塊包比你搭一搭夠冇咁油！第二味足料而且炒得唔錯，飲宴最緊要夠分丫嘛！呢個有驚喜，擺得幾靚，但係個皮白白地以為唔脆，原來係脆脆米黎，脆得黎唔油最驚喜係蟹鉗真係有蟹！個羹就普通野，冇特別。雞炸得脆，可惜肥高多。個魚蒸得唔錯，滑得黎好夠味，腩黎略肥。清菜真係幾清，正常野。糯米偏濕偏淋，口感麻麻，不過味道就尚可，料都多。甜品係蛋散，都幾特別，都好食既，入口即浴，輕化得黎唔太甜。總結來說，擺幾圍宴客都可以，食物尚可。

銅鑼灣利寶閣在21樓，乘搭升降機時要稍為等候。入座前招呼夠，亦不少OL 老街坊先訂檯，好在兩人提前20分鐘亦能找到位置。座椅稍為陳舊，但裝修都保持整潔。餐單套餐都算不錯。散叫亦算OK. 砂鍋炒飯，雲吞雞係招牌貨，夠熱，份量十足。價錢合理。知客亦會協助客人落單，亦記得很多檯客人的姓氏姓名。這間店亦是鮑魚專門店，我本人不太喜歡食鮑魚，而午市點心都算多，目測有80+不過，燒味的餐單稍為高，茶位亦收$14. 其他菜式相對合理，我喜歡點心，小菜和杏汁煮蛋白。

原是常客因為食物有水準。很可惜過去四次的晚飯，發覺水準跌，為什麼？ 侍應尊心聊天，不知為何大部份均無心工作，欠服務。問近來有什麼推介，只答：無！ 真有趣，酒家是否己經没有人管理？為何大家要去呢。

每到秋天就好想食大閘蟹!以前都會在家煮，認為經濟實惠，但今時唔同往日，大閘蟹價格由$55蚊一隻4両，買到100蚊隻再買到150隻，又話品質問題。在家吃已經不化算! 各大酒樓趁呢啲時間推出大閘蟹套餐，又聽電台賣廣告，便來試一試!任食大閘蟹2小時內我吃了共十隻！2人共吃20隻。好滿足。有3款選擇:清蒸，油鹽，花雕蒸。清蒸原汁原味，油鹽較油膩但香口，花雕略味淡和清蒸差不多……上蟹之前，還送上花膠螺頭大白菜湯，相當足料，還有蠔皇鮑魚仔，還附上刀叉，今次大閘蟹是主角，我兩啖就KO了隻鮑魚!湯就邊吃邊喝吧！最後還有薑茶送， 薑味甜度適中，不過辣不太甜，剛剛好! 今晚吃到非常滿足。可以頂到2年都唔食大閘蟹了!

45 分鐘前下單落什麼乳鴿優惠，之後同你講賣曬乳鴿，但係明明隔離叫左兩碟，其中一碟仲遲過我地叫都有，真係不知所謂。部長不去了解廚房有沒有出錯什麼，只是不停同你［賣曬喇，無辦法］，呢的咁服務態度真一流。

回想奧海城分店初開時達到高級中菜水準，近年已跌至連普通酒家都不如。今日和朋友食晚飯到銅鑼灣分店，點之一店不如一店！服務不週不特止，連餐廳套餐供應菜式內容亦不清楚，服務員前言不對後語。未食已一吐氣。7:30叫套餐半席已無乳豬！餐廳亦未滿座！全席可用利寶六小碟代替，但半席只可選三碟，而且選擇得青瓜海蜇素鵝嗰啲平價貨。所以唯有散叫。食物在銅鑼灣區算是中下，價錢亦唔平，難怪星期六晚市亦只有六成滿。太多更好更平選擇，利寶閣可以無需考慮！！

昨晚一行5人，只係貪地點方便㨂咗來晚飯。知客帶位坐低沒有樓面主動開茶，這個比較平常，好多地方人手唔夠都會出現，算。再睇，枱面上的餐具佔了一半都有污漬，唯有叫樓面換，誰知換回來的都係有污漬，來來回回兩次，我們沒好氣自己用熱水洗，唉！點餸時發現餐牌上的價錢同推介的咭牌上的價錢又不一樣，唯有叫了一些普通菜式，也不敢試貴野。誰知每道菜基本配菜差不多，最救命的各類椒都炒燶，炒班球(片)好似煎燶，其實每一個餸都要用熱水浸走啲肥油，我真不明白廚房可以煮出又油又燶，簡直難以入口。我們叫了一窩上湯米粉，第一次經理落單的，漏咗，再叫樓面補單，前後等了差不多一個鐘，昨晚其實一行5人係食普普通通的上湯米粉填肚。

冬至飯，落單後要等一個鐘同追三次先有第一道菜。仲要問我哋有咩未食。餐的兩樣甜品完全貨不對辦，紅豆沙湯圓一粒湯圓都無，仲要check完廚房經理話廚房係無晒，無晒可以安排人去買，團圓無湯圓想點？！另一樣，美點雙輝，結果上一碟蛋散。最後賣單，張單錯三次，charge我哋另一個餐又加外賣盒外賣膠袋。。。以後唔會再幫襯！！！其實平日飲茶賣單已好多問題，今次連服務同上嘅菜都好有問題。。。

昨早約十一時老婆來電說: 已在此茶樓近門口之圆枱坐下飲茶, 叫我和家人盡快前往, 因為在12:45分前結賬找數全部點心都是$18.8。我們到達時成枱都摆滿点心, 包括:香芋腊味粒炒反, 魚湯海鲜窝米, 蟹籽燒賣皇、春卷、木魚燒汁釀茄子…值得一提的是環境舒服乾淨、侍应招呼又好; 腊味粒炒飯很野味, 又有芋頭香, 腊味粒有咬口軟糯, 米粒炒得軟熟, 值得再試。

Terrible service for staff, long wait times.Would not go again! The staff were rude to us. Wait times were an hour for food after ordering! Totally unacceptable

春風得意腸OK！芝麻巻少芝麻味，炸蝦餃一般！服務方面人手有不足，沒有帶位自己入座，先到先得大枱佔多，價錢貴炒碟豉椒肉片河要盛惠128，方間差不多可買3碟，貴否？