別府駅前料理 (已結業)

前幾日同d fd去左食晚飯..由於想續會既關係...要叫滿$400先得....3個人要食$400野都有d飽.... 叫左我最鐘意既'七味燒魷魚筒','咖喱豬扒飯',另外佢地叫左d拉麵, 壽司, 刺身, 飯, 小食等等...埋單$4xx..原來續會係無生日8折coupon同免費刺身送既...早知我就叫我個fd入會啦...蝕左添....

今午去這間別府食面，覺得它的面好Q好爽，豬骨湯底濃郁，配料很新鮮，芝麻的香味撲鼻，與雞絲配搭，再灑點青葱在上面，味道好清香，是味千拉面以外，另一類選擇。但如果加上一杯鮮甘荀汁，埋單要七十二元，頗貴!很遺憾，不能看見師父即場煮面，熱氣騰騰的場面，不然食慾會更好!

同一位中學同學和班主任食飯，由於我和老師都是荃灣人，所以就約去荃灣等。舊同學和老師都正放暑假，都幾悠閒，相反我放工就要即刻趕去，仲要遲到，認真唔好意思。老師一早諗好晒，俾左幾個食飯既choice揀，有Double Star，別府，霸王山莊＆和民。Double Star個舖位好似俾人望住晒咁，唔方便傾計，唔揀佢。和民唔係唔好，但就多人到爆，又唔掂。最後別府和霸王山莊，三位都認為別府好些少，於是就去了。要等幾張檯，不過都好快，十分鐘唔使已經有位，大家上座後，睇完餐牌就不斷傾計。菜色方面，點了大壽司盛、豆漿什菜煱、叉燒拉麵和炒什菜。另外要了兩杯"非常高興"(即西瓜汁加菠蘿汁)。壽司盛當然係最快到，普普通通啦！叉燒拉麵唔錯，好香，麵亦夠爽，叉燒都好好味。炒什菜反而麻麻，嫌佢賣相唔好。豆漿什菜煱我就最欣賞，好清新，有菇又有菜，好好味，感覺好過一般什菜煲。飲品就太甜，味道有點假，因太多糖漿。

本想吃午市定食，但原來星期六、日是沒有定食的，唯有散叫吃拉麵。黑芝麻雞肉拉麵: 味道清淡，湯底呈灰黑色像芝麻糊的顏色，不油不膩。豬頸肉椰菜拉麵: 湯底一點油脂也沒有，還隱隱有一點甜香，令人喝不停口; 拉麵軟韌適中，似乎比味千的還要好。另點了自家製餃子，味道和份量也是比味千的好。吃罷沒有口渴，沒有落“師父”呢，多好！

今日同朋友去完踩冰~就黎左呢度食下野…補充下體力咁~環境、服務、價錢都唔錯，唯獨野食質素差少少~拉麵好「林」、唔彈牙…配菜少…肉類唔新鮮…而且湯底得個辣字，冇其他肉同蔬菜的味道…比想像中差…= ="

環境裝潢是不錯, 有格調, 可惜樓底高, 陰風陣陣的~食物異常唔掂, 點了餃子, 土佐豆腐, 牛肉紙鍋, 咖哩豬扒飯, 鹽焗薯仔, 蟹子沙律~餃子皮還好, 薄薄的, 可惜有點煎過火, 整碟餃子都好油, 碟底見到成層油都有點倒胃, 至於內餡, 肉不是肉, 菜不是菜….連自己都不清楚吃了甚麼, 還可以問誰蟹子沙律只有小小蟹子, 蟹柳亦只有幾條, 放下層的生菜絲應該剛洗好, 無隔過水, 一口咬下水比菜還多~土佐豆腐不知是否翻炸, 外皮燶燶的, 又厚, 又一倒胃之作咖哩豬扒飯的咖哩一陣怪香料味, 味道酸, 不討好, 吉列豬扒的炸漿雖然厚, 但整體比咖哩飯好吃得多~牛肉紙鍋的牛肉不新鮮都算了, 連墊底的菜都一陣怪味, 金菇過多…鹽焗薯仔是最好的了, 不過只是鹽焗, 做這個算不上是廚房的功勞…這店子食物真的不知所謂, 就以蟹子沙律及土佐豆腐為例, 連平價的日式食店如大盛都做得出色得多…這店已列入了我的黑名單~

同個大肚老友行完街o黎食飯。見個MENU都有好多選擇，為遷就佢有BB關係，太辣同生的食物都唔食得，所以揀的款式有限。血地獄拉麵改了豬骨湯底後，沒有刺激的辛辣味，變相係叉燒拉麵，而豬骨湯底又淡而無味，要勁加七味粉。麵?當然唔掂啦。三文魚頭鍋-要了少辣湯底，對我來講當然唔夠辣，連老友都話唔夠味。湯底當然沒有魚的鮮味，只係普遍的血地獄湯底，再加幾件魚頭、蔬菜、豆腐等。炸軟殼蟹-超細隻，又炸得唔夠透。軟殼蟹卷-好難食，紫菜似橡根的好韌、好難咬得開，而壽司飯又勁腍。北海道鹽焗薯仔-好像乞兒雞的，要打爛個鹽外殼，才可以食入面個薯仔，原來實物與menu實在相差太遠，似一個普通的烚薯仔，完全沒有味道，只係買花巧。大肚老友話super sandwich的焗薯好食好多。炒野菜-唯一一碟好食，最簡單的一樣，如果唔好食，真係抵打。雖然唔貴，但唔好食，都幾難再有下次。

再去別府，也許是心情有異，覺得暗暗的小巷原來很似時光隧道。　午餐的選擇沒有改變，我點了一個金菇牛柳卷的定食，有味噌湯、沙律、刺身數片、金菇牛柳卷六件、飯及甜品。整體味道不錯，比上一次的咖哩飯好。我胃口不怎麼好，所以也吃不完這個便當；但換了是男生應該不夠。朋友吃拉麵壽司餐，賣相不俗，可份量好像也縮了水...　氣氛還是那麼舒適，與朋友談著談著，沒注意時間飛逝。考慮環境，其實算吃得過；只是，我卻有點怕那時光隧道，會引發我傷心的回憶...

請個fd食tea,見呢度人少少,可以傾下計.88蚊壽司set-幾好食,份量夠.芝士魚餅-好好味,次次黎都叫!茄汁pizza-細細個,好薄好脆,正!芝士焗什菇-一般貨色.服務+環境都唔錯!會再黎!

同朋友食lunch，一入去立即俾佢o既靚裝修impress住~ 佢有類以火間土o既小巷feel，有獨立o既dining area仲有扇門，俾到人privacy同privilage感覺~ 咁o既格局，lunch set只係$5x-$6x，一時之間我仲以為佢係好value... 到真正品嚐食物時，我先知道佢註定升唔到上高級一層o既日式料理店，因為味道太差lu...我食o既係日式咖哩吉列豬扒飯定食，味噌湯不嬲唔係我杯茶唔評，蟹子沙律ok，但主食唔得：d咖哩帶古怪o既甜味，吉列豬扒就好粉，一d都炸得唔香脆，連豬扒o既肉質都好弱...我諗我食左only 1/3，已經食唔落lu...朋友o既三文魚親子飯定食我都有試，感覺三文魚唔係太新鮮，都係麻麻...甜品o既得一啖tiramisu狀cake，反而幾好~　service都ok，但真係要改善下味道，咁生意應該會好好多~

今日友人生日,友人同佢gf+我同bf四人一齊食飯~友人gf訂左荃灣綠揚新村別府,依間別府裝修得幾入格,有好多個半和式卡位,可以自成一各,坐得都算舒服~原來依間係最大o既別府,所以特別唔同食左成晚覺得最好味就係明太子焗三文魚^_^上層有明太子&芝士,中間三文魚,底層係雜菌,辣辣地好好味~因為友人gf不嗜魚生,所以only叫左三碟壽司芝士三文魚,火炅咖哩三文魚,海膽魷魚壽司三碟都是一般鰻魚炒飯都唔錯,幾入味,又唔乾口炸軟殼蟹,好細粒,不過幾脆另外仲叫左雞軟骨餃子棒,仲有唔知咩菜餃...等等,都係麻麻地,都冇咩印象lu...

第一次到這裡踏入門口便十分欣賞內裡的裝潢私人空間多也很有格調餐牌沒有太多選擇~~叫了新薯煮牛肉,味道十分一般三文魚壽司(,只有腥味三文魚腩壽司,味道不錯,但嫌太薄清酒煮蜆,清酒味淡如水,蜆肉像營養不良,超細Size,完全不合格吉列甘栗餅,全部算起來最好,夠熱,夠香脆,味道香甜,我十分喜歡叫了一樣食物,都要等上10~15分鐘才到,連壽司類也是~~害我要一邊看書一邊等服務還不錯~態度都很好~這一間食肆,只能稱讚服務好,環境好但食物不好,令我不會再去第二次

上次和家人去吃晚飯, 叫了一個魚生壽司, 飯不凍, 看來似新鮮做, 不是雪在雪櫃裏, 但發現裏面有隻嘢飛出來, 然來再看見裏面還有一隻行來行去。經理即時免收這碟, 但已對它失去信心。雖然服務一流, 但食物不太新鮮。

1. 在呢度評語中, 唯一抵讚就係員工服務態度及地方整潔裝修好. 2. $238 ''四季''套餐一d 都唔抵食, 食品款式及質素唔突出, 份量偏少, 同類套餐整體大大不如'百人一朱'及'加太賀', 唔通一如其名只係'拉麵'係好食?3. 七點幾入去, 咁帶位啦, 明明大把都空, 偏係比個三剎路口位你, 你咁攪第一個印象入來食都唔好啦. 4. 跟單先至衰, 一度度菜逐樣出, 都正常, 點知到天婦羅, 炸蠔, 日式炒飯, 隔幾個字都未出, 又唔係full seated, 大房入座率只有3,4成, 雖則好好聲氣咁問你仲有咩未到齊, 但竟然幾個伙計先後問你同一個問題, 問左野但又無料到, 唔知係廚房跟單唔掂定係管理不善, d伙計細既經驗淺跟唔到跟漏左可理解, 但d 主管大既訓覺既咩, 點解無發覺到呢個大問題咩?5. 好勒, 最尾樣日式炒飯到左, 以為佢趕單, 一定係岩岩炒好熱辣辣啦, 哇, 一食凍冰冰, 唔係下話, 日式炒飯係冷盤黎架? 仲有個伙計奉上兩碗飯比你後, 佢個菜pan竟然仲有十碗八碗飯, 你唔好話係要等齊人夠數order先至炒飯下嘛? 搭小巴呀, 客滿至開車(炒飯), 咁對於我地至

上星期六去食, 我覺得味道同環境唔錯.價錢都幾平係衰在少款式ger.