別府駅前料理 (已結業)

炸豆腐：油淋淋生牛肉：無牛味燒牛肉：ｏｋ（燒物都唔好食就死得）血地獄拉面：個湯底淡戊戊Wasabi Pizza：油淋淋炸帶子：ｄ油多到見到已經唔想食，但都叫左，好好醜醜都食埋佢喇，點知食完個胃唔舒服左成晚．去之前已經有心理準備佢係平價日本菜（但以咁既袖珍份量，其實唔便宜），對佢既味道我唔會有乜期望，但油淋淋呢家野真係無法頂得住，唔會再去．唯一要讚既係待應既服務態度真係好好，個個都有笑容．

夜晚到荃灣綠楊新村的別府食飯, 有點失望, 自問不太嘴饞,但卻十分喜愛日本料理, 故真的食過好多間日式餐廳,只要不太難食都會感到好滿足,但今次真的好失望,尤其是三文魚炒飯, 土佐豆腐, 牛柳粒簡直無味可言,唯一可取的是帶子及三文魚燒餅較為好食,燒雞翼都ok,因為真的只是燒,都幾難唔好食~或者真的一分錢一分貨,雖然平,但我都不會再去食多一次

荃灣別府都開左好多年...早一陣子先第一次同朋友去食...原本係諗住食荃灣新開個間板前...但因為多人到不得了只好落下一層食別府.......唔洗等就有位...二個人有房坐實在太好....立即加分...我同朋友二個人叫左5樣野食...壽司d 飯夠實都ok 新鮮...三文魚炒飯好多三文魚同炒得好香...好普通o既面鼓湯都無和民個d 咁salty....海鮮pizza 都好好味...食到海鮮味同好夠香....但o個個雞軟骨餃子比較失色...食唔到咩係雞軟骨..同普通食到o既餃子無分別...員工service 都好好..好有善...同和民相同價錢..但今後我會選擇食別府...香港和民同日本和民質素爭太遠了....值得再去

吃了一個天婦羅蝦手卷和鐵板牛油帶子,兩個味道一般,手卷更是唔好味.唯一值得讚是有獨立房間,

2月23日選擇了去別府，去到見好多人等，諗住要等好耐，點之2個人就即刻有位原來是一個2人的座位，自成一角今晚點了三文魚刺身(5片)、鐵板燒韓風牛柳粒、滑蛋豬扒飯、2件三文魚壽司、2年吞拿魚壽司都算唔錯~~

今日去完disneyland, 順便來吃壽司的拉麵. x燒拉麵及豬骨拉麵湯底好味. 不太咸.

「別府」是小肥大師與BonBon 小姐最常到的餐廳。基本上「別府」十分抵食，好過「和民」次次都排長隊。如果想撞到小肥大師，你可以去荃灣分店，那裡的卡位最好坐、最隱蔽，談情說愛的好地方。「別府」每季都有特選食物，小肥大師最喜歡它分量少，細細碟，可以試多幾款。BonBon 小姐最愛「別府」的粟米忌廉餅，充滿日本家庭口味。小肥大師最愛當然是......BonBon小姐。

幾次都坐房,湯拉麵試咗六款,味道幾好,但啲麵一次彈牙,一次太淋,水準唔平均.兩款薄餅試過,芥辣好食啲,但係好油,因為係脆片.壽司,餃子都不錯,下次試埋其他.

那天男友提議來這間食晚餐，雖然以前食過覺得不大好，但既然男友提出了，就權當試試吧。由於是weekday，等了一等就可以入座了。我倆點了豬軟骨拉麵、火地獄拉麵和雞軟骨餃子。我食的是豬軟骨拉麵，豬軟骨很腍又入味，而且又有少少軟骨可咬，味道口感都不錯。只可惜拉麵太腍了，一點都不彈牙。男友食的火地獄拉麵，要了1椒的辣度，這真的一點都不辣嘛，我想應該可選3椒就差不多了。火地獄有牛肉，是薄薄的，味道也可以。只是拉麵又是過腍。雞軟骨餃子，真的有雞軟骨在內，但味道就不突出了。環境也是一般啦，可幸是侍應都勤於添茶。但店內冷氣好像十分不足，在進入店內至離開，都感到熱烘烘。

今晚又係三個人!! 住荃灣但要諗去邊食總有o的頭痛, 好食又唔坐得耐, 坐得耐又唔太好食, 今次別府兩方面都達標. 叫左三個拉麵: 鬼山地獄,血地獄同吉豬, 再加一個豆漿野菜. 麵同湯味道都正正常常, 但1辣o既湯比想像中淡, 下次可以試二或者三. 之但係味精依然係有落, 同橫綱一樣今日都係不停飲水. 叉燒同吉豬味道都好好. 個野菜真係差少少, 我當時o既形容係有少少"吹膠波時o既味道", 不過仍可接受, 只係豆漿真係無豆味.

尋晚約左朋友兩個人黎呢度食野, 朋友未黎我就去拎位先, 大約6 點半, 去到reception 我話兩位, 唔洗等位真接入左去喇。開頭佢畀左入門口ge 枱 我, 但不嬲知道佢有獨立房, 於是問佢可唔可以要房坐, 佢話d 房本身都有人book…, 不過, 可以8點前還枱 就可以畀我, 雖則, 我又唔覺得真係咁多人book 枱, 同埋, 8點前應該都食飽lu, 有房當然要啦。佢肯畀我換(讚~)入到房, 個waiter同我講" 如果下次想要房, 可以先打電話黎訂枱, 咁可以hold 耐d, 我畀張卡片你丫" (服務唔錯~) 等左一陣, 見朋友應該就到, 於是打畀佢啦, 點知, 已經有人帶左佢入黎!! ^^ 我問朋友點解會知道我坐呢度, 佢話去到reception, 姐姐問佢有位未, 佢話有, 就問黎左ge係男定女, 佢話女, 咁就帶左佢入黎喇~ good ~ 欣賞~ 可能其他餐廳都會咁做, 但呢個係意料之外ge。至於食物方面, 食左豬頸肉, 炒野菜, 雞軟骨, 鰻魚炒飯, 燒牛舌, 同兩杯巨峰提子梳打(買一送一, 但要同款飲品), 豬頸肉幾香, 炒野菜可以, 雞軟骨可以大碟d , 鰻魚炒飯好

23.6.07可能是我孤陋寡聞, 很少到一些有獨立房間的餐廳食飯, 感覺很有新鮮感兼私隱度高, 起碼自己一班人傾計唔怕搔擾人亦唔怕被人搔擾, 不過略嫌房內燈光暗了些, 睇MENU時好傷神! 是日點了: 壽司盛、什錦刺身、燒麵豉飯團、鰻魚壽司、三文魚腩壽司、豬軟骨拉麵、日式炸豆腐; 雖則沒有哪一樣食物令人超讚, 但綜合整體評分均屬合格。當然, 刺身、壽司類不能與板前、峰等看齊, 但仍然是食得過的。

同個friend去左食晚餐.,叫左饅魚飯+魷魚筒+雞肉雜菜卷,再用1000分換2客三文魚刺身...埋單$116...魷魚筒真係好好味呀...同埋好鐘意佢d房..可以慢慢食住野傾計...同埋侍應又唔會趕我地走,不斷加茶比我地飲

黎過呢度幾次喇，環境好好，每張ｔａｂｌｅ都有自己獨立空間．坐得好舒服！推介豬軟骨拉麵，玻璃蝦刺身，海鮮蟹膏炒飯．真係好正！炒飯炒得好香，刺身又夠新鮮，拉麵湯底正．另外仲有個焗薯仔真係好ｓｐｅｃｉａｌ．．成個薯仔焗架．再加ｄ醬同牛油．．一絕！尋晚４個人食都係用左４００蚊倒，叫左好多野食！由於識經理，仲有雪ｇｏ送．．好正呀～

原本去北京樓食飯，去到見到圍哂板，心知不妙，上到去真係執咗！唯有就近入咗嚟食，叫咗：壽司盛(松)加赤貝壽司、燒青魚、雞軟骨、餃子、雞軟骨棒、薄餅、松葉蟹羔炒飯、飲品買一送一，飲咗巨峰提子梳打。除咗個壽司比較弱啲外，其餘都okay，不過坐喺啲「斗室」入面就真係迫咗少少，屈到腳痺！同埋廚房一煎嘢就聽到聲兼好大油煙，啲抽風唔得。